ന്യൂസ് ഡെസ്ക് മലയാളം യുകെ ന്യൂസ്
ലണ്ടൻ: ജെറുസലേമിലെ സിനഗോഗിലുണ്ടായ വെടിവെപ്പിൽ 42 പേർ അറസ്റ്റിൽ. വെള്ളിയാഴ്ചയായിരുന്നു സംഭവം. വെടിവെപ്പിൽ ഏഴ് പേർ കൊല്ലപ്പെടുകയും മൂന്ന് പേർക്ക് പരിക്കേൽക്കുകയും ചെയ്തിരുന്നു. ഓൾഡ് സിറ്റിയിൽ ശനിയാഴ്ച നടന്ന സമാന ആക്രമണത്തിൽ രണ്ട് പേർക്ക് പരിക്കേറ്റിരുന്നു. ശനിയാഴ്ച നടന്ന ആക്രമണത്തിൽ തോക്കുധാരി 13 വയസ്സുള്ള ആൺകുട്ടിയാണെന്നാണ് ഇസ്രായേൽ പോലീസ് പറയുന്നത്. കൂടുതൽ വിവരങ്ങൾ ഒന്നും തന്നെ പുറത്ത് വന്നിട്ടില്ല.
ജറുസലേമിലെ ഓൾഡ് സിറ്റിക്ക് പുറത്തുള്ള സിൽവാൻ പരിസരത്താണ് ആക്രമണം നടന്നത്. അപകടത്തിൽ അച്ഛനും മകനുമാണ് ഗുരുതരമായി പരിക്കേറ്റത്. തുടർച്ചയായി നടന്ന രണ്ട് ആക്രമണ സംഭവങ്ങളുടെ പശ്ചാത്തലത്തിൽ കർശന നടപടിയാണ് ഭരണകൂടം സ്വീകരിച്ചിരിക്കുന്നത്. സുരക്ഷ കണക്കില്ലെടുത്ത് പ്രശ്നബാധിത പ്രദേശങ്ങളിൽ കൂടുതൽ സേനാഗംങ്ങളെ വിന്യസിച്ചിട്ടുണ്ട്. സമീപകാലയളവിൽ നേരിട്ടതിൽ വച്ച് ഗുരുതര അക്രമണമാണ് വെള്ളിയാഴ്ച നടന്നതെന്ന് ഇസ്രായേൽ പോലീസ് കമ്മീഷണർ കോബി ഷബ്തായ് പറഞ്ഞു.
നഗരത്തിലെ നെവ് യാക്കോവ് പ്രദേശത്തുള്ള സിനഗോഗിൽ ശബ്ബത്തിന്റെ പ്രാർത്ഥനയ്ക്കായി ആളുകൾ ഒത്തുകൂടിയപ്പോഴാണ് അക്രമി വെടിയുതിർത്തത്. തുടർന്ന് ഉദ്യോഗസ്ഥർ ആക്രമിയെ വെടിവെച്ചു വീഴ്ത്തുകയായിരുന്നു. എന്നാൽ ആക്രമണ സംഭവത്തിൽ പ്രതികരണവുമായി പാലസ്തീൻ തീവ്രവാദ സംഘടനകൾ രംഗത്ത് വന്നു. പക്ഷെ സംഭവത്തിന്റെ ഉത്തരവാദിത്തം ഏറ്റെടുത്തിട്ടില്ല. വ്യാഴാഴ്ച വെസ്റ്റ് ബാങ്കിലെ ജെനിനിൽ ഇസ്രായേൽ സൈന്യം നടത്തിയ റെയ്ഡിനിടെ ഒമ്പത് പാലസ്തീനികൾ കൊല്ലപ്പെട്ടത് മുതലാണ് സംഘർഷം ആരംഭിക്കുന്നത്. തുടർന്ന് ഗാസയിൽ നിന്ന് ഇസ്രായേലിലേക്ക് റോക്കറ്റ് ആക്രമണവും ഉണ്ടായതായി വാർത്തകൾ റിപ്പോർട്ട്‌ ചെയ്തിരുന്നു.
Leave a Reply