ഏഴാമത് യുക്മാ കേരള പൂരം വള്ളംകളിയിൽ നിറഞ്ഞു നിന്നത് യുകെയിലെ കുട്ടനാട്ടുകാരായിരുന്നു. മത്സരത്തിനിറങ്ങിയ എല്ലാ ടീമുകളിലും സാന്നിധ്യമായി കുട്ടനാട്ടുകാർ നിറഞ്ഞുനിന്നു.
ഏഴാമത് യുഗ്മ ട്രോഫി തൂക്കിയ കുട്ടനാട് സംഗമത്തിന്റെ മുൻ ജനറൽ കൺവീനറും സർവ്വോപരി പുളിങ്കുന്നുകാരനുമായ ശ്രീ മോന്നിച്ചൻ കിഴക്കേചിറയ്ക്കും ബോൾടണിലെ കൊമ്പന്മാർക്കും കുട്ടനാട് സംഗമത്തിന്റെ സ്നേഹ അഭിവാദ്യങ്ങൾ. ഇഞ്ചോടിഞ്ച് മത്സരത്തിൽ രണ്ടും മൂന്നും സ്ഥാനങ്ങളിൽ എത്തിയ കുട്ടനാടിന്റെ അഭിമാന ഭാജനങ്ങൾ ശ്രീ മാത്യു ചാക്കോ സാൽഫോർഡ് എസ് എം എയ്ക്കും , തോമസ്കുട്ടി ഫ്രാൻസിനും , ജവഹർ ബോട്ട് ക്ലബ് ലിവർപൂളിനും കുട്ടനാട് സംഗമം യുകെയുടെ അകം നിറഞ്ഞ സ്നേഹ ആദരവുകൾ. നാലാം സ്ഥാനത്ത് എത്തിയ ശ്രീ ബാബുക്കളപ്പുരക്കലിനും , വനിത ടീമിന്റെ വിജയികൾക്കും അഭിനന്ദനങ്ങൾ നേരുന്നു .
കുട്ടനാടിന്റെ തനതായ ഭാഷയിൽ വള്ളംകളി കമന്ററി കാണികളിലേക്ക് എത്തിച്ച ജോൺസൺ കളപ്പുരക്കൽ , സിഐ ജോസഫ് , ജിനോ സെബാസ്റ്റ്യൻ സി പോൾ ടീമിനും കുട്ടനാട് സംഗമം യുകെയുടെ പ്രത്യേക അഭിനന്ദനങ്ങൾ. ഫൈനലിൽ എത്തിയ എല്ലാ വള്ളങ്ങൾക്കും , കുട്ടനാടൻ ഗ്രാമങ്ങളുടെയും കുട്ടനാടൻ ചുണ്ടൻ വള്ളങ്ങളുടെയും നാമധേയത്തിൽ 32 പുരുഷ ടീമുകളെയും 12 വനിത ടീമുകളെയും ഉൾപ്പെടുത്തി കേരളപുരം സുന്ദരമായി സംഘടിപ്പിച്ച യുഗ്മയ്ക്കും അതിൻറെ ദേശീയ പ്രസിഡണ്ട് എബി സെബാസ്റ്റ്യനും ടീമിനും കുട്ടനാട് സംഗമം യുകെയുടെ പ്രത്യേകം നന്ദി. മാൻവേഴ്സ് തടാകത്തിൽ തുഴയെറിഞ്ഞ എല്ലാ ജലോത്സവ പ്രേമികൾക്കും വീണ്ടും വീണ്ടും ആർപ്പുവിളികളും ആദരവുകളും അഭിവാദ്യങ്ങളും രേഖപ്പെടുത്തുന്നു.
Leave a Reply