ലോകത്തിലെ ഏറ്റവും പ്രശസ്തമായ നമ്പർ ഏതെന്ന് ചോദിച്ചാൽ 007 എന്നായിരിക്കും ഉത്തരം. ജെയിംസ് ബോണ്ട് ചിത്രങ്ങളിലൂടെ ലോക പ്രശസ്തമായ നമ്പറിന്റെ ആരാധിക്കാത്ത സിനിമ പ്രേമികൾ കുറവായിരിക്കും. 007 എന്ന ബോണ്ട് നമ്പർ സ്വന്തം വാഹനത്തിന്റെ റജിസ്ട്രേഷൻ നമ്പറാക്കാൻ മുടക്കിയ തുകയാണ് ഇപ്പോൾ സമൂഹമാധ്യമങ്ങളിലെ ചർച്ചാവിഷയം.
ഗുജറാത്ത് സ്വദേശി ആഷിക് പട്ടേലാണ് ഏകദേശം 39.5 ലക്ഷം രൂപ വരുന്ന തന്റെ വാഹനത്തിനായി 34 ലക്ഷം രൂപയ്ക്ക് റജിസ്ട്രേഷൻ നമ്പർ സ്വന്തമാക്കിയത്. ജിജെ01ഡബ്ല്യുഎ007 എന്ന റജിസ്ട്രേഷൻ നമ്പർ കഴിഞ്ഞ ദിവസമാണ് പട്ടേലിന് കിട്ടിയത്. തന്റെ ഭാഗ്യ നമ്പറാണ് 007 എന്നും അതിനാലാണ് പണം നോക്കാതെ അതിനായി ശ്രമിച്ചതെന്നും പട്ടേൽ പറയുന്നു.
Leave a Reply