ന്യൂസ് ഡെസ്ക് മലയാളം യുകെ
യു കെ :- മയക്കുമരുന്ന് ഉപയോഗം മൂലമുള്ള മരണങ്ങൾ ഇംഗ്ലണ്ടിലും വെയിൽസിലും അഞ്ചിരട്ടിയായി വർദ്ധിച്ചതായി റിപ്പോർട്ടുകൾ. ഓഫീസ് ഫോർ നാഷണൽ സ്റ്റാറ്റിസ്റ്റിക്സ് പുറത്തുവിട്ട റിപ്പോർട്ടിൽ, കഴിഞ്ഞ വർഷം മാത്രം 4561 മരണങ്ങൾ ഉണ്ടായതായി രേഖപ്പെടുത്തിയിട്ടുണ്ട്. എം ഡി എം എ മൂലമുള്ള മരണങ്ങൾ പത്തുവർഷംകൊണ്ട് പത്ത് ഇരട്ടിയായി വർദ്ധിച്ചിട്ടുണ്ട്. കൊക്കെയ്ൻ പോലെയുള്ള മയക്കുമരുന്നുകൾ ഇന്ന് സർവ്വസാധാരണയായി ആളുകളിലെത്തുന്നുണ്ട്. ഗവൺമെന്റ് ഇക്കാര്യത്തിൽ അടിയന്തരമായി ഇടപെടുമെന്നും, ജനങ്ങളുടെ ജീവൻ സംരക്ഷിക്കേണ്ടത് ഗവൺമെന്റിന്റെ ഉത്തരവാദിത്തമാണെന്നും ആരോഗ്യ സെക്രട്ടറി സാജിദ് ജാവേദ് വ്യക്തമാക്കി.
പുറത്തുവന്ന റിപ്പോർട്ടുകളുടെ വെളിച്ചത്തിൽ ഗവൺമെന്റ് നാലൊക്സൺ എന്ന് മരുന്നിന്റെ പ്രചരണം വർദ്ധിപ്പിച്ചിട്ടുണ്ട്. ഒപ്പിയം പോലുള്ള മയക്കുമരുന്നുകളുടെ ഓവർഡോസ് ഇഫക്ടുകൾ കുറയ്ക്കുന്നതിനു സഹായകരമാണ് നലോക്സോൺ. പുറത്തുവന്നിരിക്കുന്ന കണക്കുകൾ ആശങ്കാജനകമാണെന്നും, മയക്കു മരുന്നുകളുടെ ലഭ്യത കുറയ്ക്കണമെന്നും യൂണിവേഴ്സിറ്റി ഓഫ് യോർക്ക് അഡിക്ഷൻ ആൻഡ് മെന്റൽ ഹെൽത്ത് സീനിയർ ലക്ചറർ ഇയാൻ ഹാമിൽട്ടൻ വ്യക്തമാക്കി. ജനങ്ങൾക്ക് ലഭിക്കുന്ന കൊക്കെയ്നിനും മറ്റും ക്വാളിറ്റി ടെസ്റ്റുകൾ ഒന്നും തന്നെ ഇല്ല. അത് മൂലം ജനങ്ങൾ ഉപയോഗിക്കുമ്പോൾ പലപ്പോഴും അത് ഓവർഡോസ് ആകാനുള്ള സാധ്യത ഏറെയാണ്. 45 മുതൽ 49 വയസ്സുള്ളവരിലാണ് മയക്കുമരുന്നിന്റെ അമിതഉപയോഗം കണ്ടെത്തിയിരിക്കുന്നത്. എന്നാൽ പ്രായമുള്ളവരിലും, കുട്ടികളിലും ഈ കണക്കുകൾ ഏകദേശം തുല്യം തന്നെയാണ്. ഇതിനെതിരെ ആവശ്യമായ നടപടികൾ സ്വീകരിക്കണമെന്ന് പല സംഘടനകളും ആവശ്യപ്പെട്ടിട്ടുണ്ട്.
Leave a Reply