ന്യൂസ് ഡെസ്ക്, മലയാളം യുകെ
ഓരോ ദിവസവും എൻഎച്ച്എസ് ഹോസ്പിറ്റൽ ബെഡുകളിൽ കഴിയുന്നത് ഡിസ്ചാർജ് ചെയ്യാൻ കഴിയുന്ന ആരോഗ്യവാന്മാരായ രോഗികൾ. ഇത് അധികൃതരുടെ നടത്തിപ്പ് പിശകോ എന്ന ചോദ്യം ശക്തമാക്കുകയാണ്. ഏകദേശം 20 % ഡോക്ടർമാരും രോഗികളെ അവരുടെ പരിചരണത്തിലേക്ക് മാറ്റുന്നതിൽ ആഴ്ചകളോളം കാലതാമസം വരുത്തുന്നതായും റിപ്പോർട്ടിൽ പറയുന്നുണ്ട്. യുകെയിലുടനീളമുള്ള 568 കെയർ ഹോമുകളിലും ഹോംകെയർ പ്രൊവൈഡർമാരിലും നടത്തിയ ഒരു സർവേയുടെ അടിസ്ഥാനത്തിലാണ് റിപ്പോർട്ട് പുറത്ത് വന്നിരിക്കുന്നത്. നിലവിലെ ഈ പ്രതിസന്ധി പരിഹരിക്കണമെന്ന് വിദഗ്ദ്ധ സംഘം മന്ത്രിമാരോട് അഭ്യർത്ഥിച്ചിരിക്കുകയാണ്.
എൻഎച്ച്എസ് സ്റ്റാഫിൽ നിന്നുള്ള തെറ്റായ വിവരങ്ങൾ, മോശം ആശയവിനിമയം, പരിചരണ വിലയിരുത്തലുകളിലെ കാലതാമസം, ഗതാഗതതടസം എന്നിവ ആശുപത്രി ഡിസ്ചാർജുകളുടെ കാല താമസത്തിൻെറ കാരണങ്ങളായി റിപ്പോർട്ടിൽ പറയുന്നു. 17% കെയർ പ്രൊവൈഡർമാർ ശരാശരി ഡിസ്ചാർജ് സമയം ഒന്നു മുതൽ രണ്ടാഴ്ച വരെ റിപ്പോർട്ട് ചെയ്തതായി സർവേയിൽ പറയുന്നു. അതേസമയം 7% കെയർ പ്രൊവൈഡർമാർ രോഗികളെ അവരുടെ പരിചരണത്തിലേക്ക് മാറ്റുന്നതിനായി മൂന്നോ അതിലധികമോ ആഴ്ചകൾ കാത്തിരിക്കേണ്ടി വന്നിട്ടുണ്ടെന്നും റിപ്പോർട്ടിൽ കാണാം.
ഈസ്റ്റ് ഓഫ് ഇംഗ്ലണ്ടിലെ 96% രോഗികളും ഒരാഴ്ചയ്ക്കുള്ളിൽ തന്നെ ഡിസ്ചാർജ് ചെയ്യപ്പെട്ടിട്ടുണ്ട്. നേരെമറിച്ച്, സ്കോട്ട്ലൻഡിലെ രോഗികളിൽ പകുതിയിലേറെ പേർക്കും ഡിസ്ചാർജ് ചെയ്യാൻ ഒരാഴ്ചയിൽ കൂടുതൽ സമയം വേണ്ടി വരുന്നുണ്ട്. ജൂലൈയിൽ, ഇംഗ്ലണ്ടിലെ ഹോസ്പിറ്റലുകളിൽ കഴിഞ്ഞിരുന്ന 12,326 രോഗികളും ഡിസ്ചാർജ് ലഭിക്കാൻ യോഗ്യതയുള്ളവരായിരുന്നു.
Leave a Reply