അപ്പച്ചൻ കണ്ണഞ്ചിറ
ബെർമിങ്ങാം : യൂത്ത് കോൺഗ്രസ്സ് സംസ്ഥാന പ്രസിഡണ്ടും യുവ നിയമസഭാ സാമാജികനുമായ രാഹുൽ മാങ്കൂട്ടത്തിലിന് ബർമിങ്ങാം എയർപോർട്ടിൽ വച്ച് ഒ ഐ സി സി (യു കെ) ഗംഭീര സ്വീകരണം ഒരുക്കി. നാഷണൽ പ്രസിഡന്റ്‌ ഷൈനു ക്ലെയർ മാത്യൂസ്, ഔദ്യോഗിക വക്താവ് റോമി കുര്യാക്കോസ് എന്നിവർ പൂച്ചെണ്ട്‌ നൽകിയാണ് രാഹുലിനെ സ്വീകരിച്ചത്.
നാഷണൽ കമ്മിറ്റി അംഗം ബേബി ലൂക്കോസ്, വിവിധ യൂണിറ്റുകളുടെ പ്രതിനിധികൾ അടക്കം നിരവധി പേർ രാഹുൽ മാങ്കൂട്ടത്തിൽ എം എൽ എയെ സ്വീകരിക്കാൻ എത്തിച്ചേർന്നിരുന്നു.
പാലക്കാട്ടെ ഐതിഹാസിക വിജയത്തിന് ശേഷം രാഹുൽ നടത്തുന്ന ആദ്യ വിദേശരാജ്യ സന്ദർശനമാനിത്. ഒ ഐ സി സി (യു കെ) യുടെ നേതൃത്വത്തിൽ സംഘടിപ്പിക്കുന്ന മൂന്ന് പൊതു ചടങ്ങുകളിൽ പങ്കെടുക്കുന്നതിന് വേണ്ടിയാണ് രാഹുൽ യു കെയിൽ എത്തിയിരിക്കുന്നത്.
ഒ ഐ സി സി (യു കെ) യുടെ ബോൾട്ടനിൽ ഒരുക്കിയ നാഷണൽ കമ്മിറ്റി ഓഫീസ്, പ്രിയദർശിനി ലൈബ്രറി, ഉമ്മൻ ചാണ്ടി, പി ടി തോമസ് മെമ്മോറിയൽ ട്രോഫിക്ക്‌ വേണ്ടിയുള്ള ഓൾ യു കെ മെൻസ് ഡബിൾസ് ബാഡ്മിന്റൻ ടൂർണമെന്റ് എന്നിവയുടെ ഉദ്ഘാടനം രാഹുൽ നിർവഹിക്കും.
കവൻട്രിയിലെ ടിഫിൻ ബോക്സ്‌ റെസ്റ്റോറന്റിൽ വച്ച് സംഘടിപ്പിക്കുന്ന പൗരസ്വീകരണത്തിലും ടോക്ക് ഷോയിലും അദ്ദേഹം പങ്കെടുക്കും.
Leave a Reply