ന്യൂസ് ഡെസ്ക്, മലയാളം യുകെ
വത്തിക്കാനിൽ ചാൾസ് രാജാവും കാമില രാജ്ഞിയും ഫ്രാൻസിസ് മാർപ്പാപ്പയുമായി സ്വകാര്യ കൂടിക്കാഴ്ച നടത്തി. മാർപ്പാപ്പയെ കാണാനും അദ്ദേഹത്തിൽ നിന്ന് ഇരുപതാം വിവാഹ വാർഷികത്തിന് ആശംസകൾ ലഭിക്കാനും സാധിച്ചതിൽ സന്തോഷമുണ്ടെന്ന് ചാൾസ് രാജാവ് അറിയിച്ചു. ഇറ്റലിയിലേയ്ക്കുള്ള അവരുടെ ഔദ്യോഗിക സന്ദർശനത്തിന്റെ മൂന്നാം ദിവസം, റോമിൽ വച്ചായിരുന്നു കൂടിക്കാഴ്ച.
മാർപാപ്പയുടെ ആരോഗ്യ സ്ഥിതിയിലെ അനിശ്ചിതാവസ്ഥ മൂലം ബുധനാഴ്ച രാവിലെയാണ് കൂടിക്കാഴ്ച സ്ഥിരീകരിച്ചത്. 20 മിനിറ്റ് നീണ്ടുനിന്ന കൂടിക്കാഴ്ചയുടെ ചിത്രങ്ങൾ ഇന്ന് പുറത്ത് വരും. ജെമെല്ലി ആശുപത്രിയിൽ നിന്ന് ഡിസ്ചാർജ് ചെയ്തതിനുശേഷം ഫ്രാൻസിസ് മാർപ്പാപ്പ താമസിക്കുന്ന വത്തിക്കാനിലെ കാസ സാന്താ മാർട്ടയിലാണ് കൂടിക്കാഴ്ച നടന്നത്.
പോപ്പിനെ കണ്ടതിനുശേഷം, ഇറ്റാലിയൻ പ്രസിഡന്റ് സെർജിയോ മാറ്ററെല്ല റോമിൽ ആതിഥേയത്വം വഹിച്ച ഒരു സംസ്ഥാന വിരുന്നിൽ ചാൾസ് രാജാവും കാമില രാജ്ഞിയും അവരുടെ വിവാഹ വാർഷികം ആഘോഷിച്ചു. ക്വിരിനാലെ കൊട്ടാരത്തിൽ നടന്ന വിരുന്നിൽ ഗായിക ആൻഡ്രിയ ബോസെല്ലി, ഷെഫ് ജോർജിയോ ലോക്കറ്റെല്ലി, ഹോട്ടൽ വ്യവസായി റോക്കോ ഫോർട്ടെ, യുകെ വിദേശകാര്യ സെക്രട്ടറി ഡേവിഡ് ലാമി എന്നിവരുൾപ്പെടെ 150 അതിഥികൾ പങ്കെടുത്തു.
Leave a Reply