സ്വന്തം നാട്ടിൽ നിന്നും യു.കെ.യിൽ കൂടിയേറി കുടുംബ ജീവിതം ആത്മീയവും സാമൂഹികവും സാമ്പത്തികവുമായി നല്ല നിലയിലേക്ക് ഉയർത്തുവാൻ വേണ്ടി ഉത്തരവാദിത്തങ്ങള്‍ ചുമലിലേറ്റിയുള്ള പ്രയാണത്തിൽ ത്യാഗത്തിന്റെയും നിസ്വാർത്ഥ സ്നേഹത്തിന്റെയും മാതൃകയായ അപ്പന്മാരോട് ചേർന്ന് ഫാദേഴ്സ് ഡേ ആഘോഷിക്കുവാൻ കരുത്തും കരുതലുമായി അമ്മമാരും കുഞ്ഞുങ്ങളും ഒപ്പം ചേർന്നപ്പോൾ ആഘോഷം പൊടിപൊടിച്ചു
പുതിയ തലമുറയ്ക്ക് മാതൃകയായി സ്നേഹത്തിന്റെയും സാഹോദര്യത്തിന്റെയും കൂട്ടായ്മയില്‍ പരസ്പരം പിന്തുണയ്ക്കുന്ന ഇടവക പള്ളിയിലെ മെൻസ് ഫോറത്തിന്റെ ആഭിമുഖ്യത്തിൽ ജീവിതത്തിൽ വഴികാട്ടിയും ഉപദേശകനും , സുഹൃത്തും ഒക്കെയായ പിതാക്കന്മാരുടെ ത്യാഗത്തിന്റെ സ്‌മരണ പുതുക്കി.
ഈ ദിവസത്തിന്റെ പ്രത്യേകതയ്ക്കായി ഇടവകയിലെ എല്ലാ പിതാക്കന്മാരും പ്രത്യേകം തയ്യാറാക്കിയ നിത്യസഹായ മാതാവിൻറെ ലോഗോയോടെ കൂടിയുള്ള വെള്ള ഷർട്ട് ധരിച്ചാണ് വിശുദ്ധ കുർബാനയിൽ പങ്കുകൊണ്ടത്.
ഇടവകയിലെ വിമൻസ് ഫോറം അംഗങ്ങൾ പിതാക്കന്മാർക്ക് വേണ്ടി പ്രത്യേകം പാട്ടുകളും തയ്യാറാക്കിയത് അവതരിപ്പിച്ചു
വിശുദ്ധ കുർബാനയ്ക്കിടെ റെവ . ഫാ. ജോര്‍ജ്ജ് എട്ടുപറയിൽ ഓരോ വ്യക്തിയുടേയും ജീവിതം പൂർണമാകുന്നതിൽ പിതാക്കന്മാർ വഹിക്കുന്ന പ്രാധാന്യം, പിതാക്കന്മാരുടെ സ്‌നേഹവും ത്യാഗവും അദ്ധ്വാനവുമാണ് മക്കള്‍ക്ക് നല്ല ജീവിതം സമ്മാനിക്കുന്നത് എന്നും ഓർമിപ്പിച്ച് ഇടവകപള്ളിയിലെ എല്ലാ പിതാക്കൾക്കും ഫാദേഴ്സ് ഡേ ആശംസകൾ നേർന്നു . വിശുദ്ധ കുർബാനയ്ക്കുശേഷം നാവിന് രുചിയേറുന്ന വിവിധ തരത്തിലുള്ള വിഭവങ്ങളുമായിഫുഡ് കൗണ്ടറുകളും മനസ്സിനു ഉല്ലാസമേകുന്ന വിവിധങ്ങളായ ഗെയിമുകളും , ഫ്രീ raffle tickets മെൻസ് ഫോറം ഒരുക്കിയിരിക്കുന്നു. പരിപാടികൾക്ക് മെൻസ് ഫോറം പ്രസിഡന്റ് ജിജോമോൻ ജോർജ് ,സെക്രട്ടറി ബെന്നി പാലാട്ടി , ട്രഷറർ ജിജോ ജോസഫ് എന്നിവർ നേതൃത്വം നൽകി.
Leave a Reply