ന്യൂസ് ഡെസ്ക്, മലയാളം യുകെ
വീടിന് പുറത്ത് പാർക്ക് ചെയ്തതിന് 25 പൗണ്ട് ഈടാക്കിയതിനെതിരെ അപ്പീൽ കൊടുത്ത നോട്ടിംഗ്ഹാമിലെ 55 വയസ്സുകാരന് പിഴ ഒഴിവാക്കി കൊടുത്തു. തലച്ചോറിന് പരുക്കേറ്റ് ചികിത്സയിലായിരുന്ന മാർക്ക് ടോപ്ലാസിനാണ് പാർക്കിംഗ് പെർമിറ്റ് ഫെബ്രുവരിയിൽ കാലഹരണപ്പെട്ടതിനെ തുടർന്ന് പിഴ ലഭിച്ചത്. എന്നാൽ നോട്ടിംഗ്ഹാമിലെ സിറ്റി കൗൺസിലിനെതിരെ മാർക്ക് ടോപ്ലാസ് ശക്തമായ നിയമ പോരാട്ടമാണ് നടത്തിയത്.
പെർമിറ്റ് കാലഹരണപ്പെടുന്ന അവസരത്തിൽ ഒരു ഓർമ്മപ്പെടുത്തൽ നോട്ടീസ് അയക്കുന്നത് അതോറിറ്റിയുടെ നയത്തിൽ പറയുന്നുണ്ടെന്ന് മാർക്ക് ടോപ്ലാസ് കണ്ടെത്തിയതാണ് അദ്ദേഹത്തിന് അനുകൂല വിധി വരാൻ കാരണമായത്. തലച്ചോറിന് ഗുരുതരമായി പരുക്കേറ്റ മാർക്ക് ടോപ്ലാസിന് ഓർമ്മക്കുറവ് ഉണ്ടെന്ന സാഹചര്യവും പിഴ ഒഴിവാക്കുന്നതിലേക്ക് നയിച്ചു . എന്നാൽ തൻറെ ആദ്യ അപ്പീലിൽ തന്നെ അനുകൂല വിധി നൽകണമായിരുന്നെന്ന് മാർക്ക് ടോപ്ലാസ് അഭിപ്രായപ്പെട്ടു. അതിനുപകരം നോട്ടിംഗ്ഹാമിലെ സിറ്റി കൗൺസിലിൽ പണം അടച്ചില്ലെങ്കിൽ പിഴ ഇരട്ടിയാക്കുമെന്നാണ് പറഞ്ഞത്.
Leave a Reply