ന്യൂസ് ഡെസ്ക്, മലയാളം യുകെ
അത്യന്തം വാശിയേറിയ മത്സരത്തിൽ ഇറ്റലിയെ തോൽപിച്ച് ഇംഗ്ലണ്ട് യൂറോ 2025 ഫൈനലിൽ എത്തി. കെല്ലിയും അഗ്യേമാങ്ങും ആണ് ഇംഗ്ലണ്ടിനായി ഗോളുകൾ നേടിയത്. അധിക സമയത്ത് മത്സരം അവസാനിക്കാൻ ഒരു മിനിറ്റ് ശേഷിക്കെ ആണ് കെല്ലി ഇംഗ്ലണ്ടിനെ വിജയ ഗോൾ നേടിയത്. ഇംഗ്ലണ്ടിന്റെ ഗോളുകൾ നേടിയ ഇരുവരും പകരക്കാരായി ഇറങ്ങിയതാണെന്ന പ്രത്യേകതയും ഉണ്ട്.
19 കാരിയായ അഗ്യേമാങ്ങിന്റെ ഈ ടൂർണമെന്റിലെ രണ്ടാമത്തെ ഗോളായിരുന്നു ഇറ്റലിക്കെതിരെ നേടിയത്. ബാർബറ ബൊണാൻസിയ ആദ്യ പകുതിയിൽ ഇറ്റലിയെ മുന്നിലെത്തിച്ചു. പിന്നീട് പകരക്കാരെ ഇറക്കി ഇംഗ്ലണ്ട് കളി തിരിച്ചുപിടിക്കുകയായിരുന്നു. ഫൈനലിൽ ഇംഗ്ലണ്ട് ജയിച്ചു കയറിയാൽ ടീം മാനേജർ എന്ന നിലയിൽ വീഗ്മാൻ്റെ തുടർച്ചയായ മൂന്നാമത്തെ യൂറോ കിരീടമായിരിക്കും ഇത്. ബുധനാഴ്ച ബാസലിൽ ജർമ്മനിയും സ്പെയിനും തമ്മിലുള്ള സെമിഫൈനൽ മത്സരത്തിലെ വിജയികളെ ആണ് ഫൈനലിൽ ഇംഗ്ലണ്ട് നേരിടുന്നത്.
Leave a Reply