600 ൽ പരം ആളുകൾക്ക് ഓണസദ്യ സ്വന്തമായി ഒരുക്കി വിസ്മയമായി വീണ്ടും ലിവർപൂളിനടുത്തുള്ള കേരളാ കമ്മ്യൂണിറ്റി വിരാൽ. വിരാലിലെ അറിയപ്പെടുന്ന പാചക വിദഗ്ദ്ധനും, സംഘടനാ പ്രവർത്തകനുമായ ശ്രീ ആന്റോ ജോസിന്റെ നേതൃത്വത്തിലാണ് ഈ മെഗാ ഓണസദ്യ ഒരുക്കപ്പെട്ടത്. ഇവരുടെ ഓണ ആഘോഷത്തിന് മാറ്റ് കൂട്ടികൊണ്ട് നിരവധി ഓണകളികളും, വിവിധങ്ങളായ നൃത്തങ്ങളും,ഗാനങ്ങളും, വയലിൻ കച്ചേരിയും, കൂടാതെ ലിവർപൂളിലെ അതി പ്രശസ്ത ചെണ്ട വിദ്വാന്മാർ ഒന്നിക്കുന്ന വാദ്യ ചെണ്ടമേളം ഗ്രൂപ്പിന്റെ ചെണ്ട മേളവും കുടി ഒന്നിച്ചപ്പോൾ ഓണ ആഘോഷങ്ങളിൽ പങ്കെടുക്കാൻ എത്തിയ ജന സഹസ്രങ്ങളുടെ വയറും, കണ്ണും, മനസ്സും, ഹൃദയവും നിറഞ്ഞു.
ഇവരുടെ ഓണ ആഘോഷ വേദിയിൽ വച്ചു യുകെയിലെ പ്രശസ്തനായ ചാരിറ്റി പ്രവർത്തകൻ ശ്രീ ടോം ജോസ് തടിയംപാടിന് പൊന്നാട അണിയിച്ചു ആദരിക്കുകയും ചെയ്തു. ഇടുക്കി ചാരിറ്റി എന്ന ചാരിറ്റി പ്രസ്ഥാനത്തിലൂടെ ഇദ്ദേഹം രണ്ട് കോടിയോളം രൂപയുടെ ചാരിറ്റി പ്രവർത്തനനങ്ങൾ പാവങ്ങൾക്ക് വേണ്ടി നടത്തിയിട്ടുണ്ട്. കേരളാ കമ്മ്യൂണിറ്റി വിരാലിന്റെ ഓണ ആഘോഷങ്ങൾക്ക് ഒരു കുടുoബത്തിന് വെറും £35 മാത്രമേ ഇടാക്കിയുള്ളു എന്നതിൽ നിന്ന് തന്നെ ഇവരുടെ സാമൂഹ്യ പ്രതിബദ്ധത നമുക്ക് മനസ്സിൽ ആക്കുവാൻ സാദിക്കും.. ചടങ്ങിൽ ശ്രീ ജയിംസ് ഐലൂർ അധ്യക്ഷത വഹിച്ചു. ഓണ ആഘോഷ ചടങ്ങിൽ വച്ചു വിരാലിലെ പ്രശസ്ത സെന്റ് മേരിസ് ക്രിക്കറ്റ് ക്ലബ്ബിനെയും ആദരിച്ചു.
Leave a Reply