തിരുവനന്തപുരം: പാലക്കാട് എംഎൽഎ രാഹുൽ മാങ്കൂട്ടത്തിലിനെ കുറിച്ചുള്ള നിലപാടിൽ വീണ്ടും മലക്കം മറിഞ്ഞ് പി ജെ കുര്യൻ. രാഹുലിനെ പാർട്ടിയിൽ തിരിച്ചെടുക്കണമെന്നും അച്ചടക്ക നടപടി പിൻവലിച്ചാൽ പാലക്കാട് മത്സരിക്കാൻ അദ്ദേഹത്തിന് യോഗ്യതയുണ്ടെന്നും പി ജെ കുര്യൻ പറഞ്ഞു. നടപടി പിൻവലിക്കണമോ എന്നത് പാർട്ടിയാണ് തീരുമാനിക്കേണ്ടതെന്നും അദ്ദേഹം വ്യക്തമാക്കി.
ഇതിൽ ധാർമികതയുടെ പ്രശ്നമില്ലെന്ന് പറഞ്ഞ പി ജെ കുര്യൻ, സിപിഎമ്മിനില്ലാത്ത ധാർമികത ഇവിടെ എന്തിനാണെന്നും ചോദിച്ചു. ആരോപണ വിധേയരായ സിപിഎം നേതാക്കൾ പദവിയിൽ തുടരുന്നുണ്ടല്ലോ എന്നും, കോൺഗ്രസ് നേതാക്കളോടു മാത്രമാണ് ധാർമികത ചോദ്യം ചെയ്യുന്നതെന്നും അദ്ദേഹം വിമർശിച്ചു. രാഹുലിനെ തിരിച്ചെടുക്കണമെന്ന് ആവർത്തിച്ചും ആവശ്യപ്പെട്ടു.
ഇന്നലെ രാഹുൽ തന്നെ വന്ന് പ്രതിഷേധം അറിയിച്ചിട്ടില്ലെന്നും പ്രതിഷേധിക്കാനല്ല കണ്ടതെന്നും പി ജെ കുര്യൻ പറഞ്ഞു. താൻ പ്രതികരണം നടത്തിയ സാഹചര്യങ്ങൾ രാഹുലിന് ബോധ്യപ്പെട്ടുവെന്നും, കൂടിക്കാഴ്ചയിൽ കൂടുതലും മറ്റ് വിഷയങ്ങളാണ് സംസാരിച്ചതെന്നും അദ്ദേഹം കൂട്ടിച്ചേർത്തു.
Leave a Reply