ന്യൂസ് ഡെസ്ക്, മലയാളം യുകെ
വെയിൽസിലെ പ്രശസ്ത വിനോദസഞ്ചാര കേന്ദ്രമായ ന്യൂ ക്വേയിൽ പുലർച്ചെയുണ്ടായ ആക്രമണത്തിൽ 20-കാരൻ ഗുരുതരമായി പരിക്കേറ്റ് ജീവൻ രക്ഷിക്കാനുള്ള പോരാട്ടത്തിലാണ്. ശനിയാഴ്ച പുലർച്ചെ 12.51ഓടെ മാർഗരറ്റ് സ്ട്രീറ്റിനും അപ്ലാൻഡ്സ് സ്ക്വയറിനും ഇടയിലായിരുന്നു സംഭവം. ഗുരുതരമായി പരിക്കേറ്റ യുവാവിനെ ആശുപത്രിയിൽ പ്രവേശിപ്പിച്ചിരിക്കുകയാണ്.
സംഭവത്തെ തുടർന്ന് 37-കാരനെ പൊലീസ് അറസ്റ്റ് ചെയ്തു. ഗുരുതര ശാരീരിക പരിക്കേൽപ്പിച്ചതുമായി ബന്ധപ്പെട്ടാണ് ഇയാൾക്കെതിരെ കേസ് എടുത്തിരിക്കുന്നത്. ആക്രമണത്തിന്റെ സാഹചര്യങ്ങളെക്കുറിച്ച് പൊലീസ് വിശദമായ അന്വേഷണം ആരംഭിച്ചതായും അറിയിച്ചു.
ക്രിമിനൽ ഇൻവെസ്റ്റിഗേഷൻ വിഭാഗവും മേജർ ക്രൈം ടീമും ചേർന്നാണ് അന്വേഷണം നടത്തുന്നത്. സംഭവസ്ഥലത്തും പരിസര പ്രദേശങ്ങളിലും പൊലീസ് സാന്നിധ്യം തുടരുന്നുണ്ട്. സംഭവത്തെക്കുറിച്ച് എന്തെങ്കിലും അറിയാവുന്നവർ മുന്നോട്ടുവരണമെന്ന് അധികൃതർ അഭ്യർഥിച്ചു.
Leave a Reply