ഫ്രീലാൻസ് ഫോട്ടോഗ്രാഫറായ ഒരു ചെറുപ്പക്കാരൻ തൻ്റെ ക്യാമറയിൽ കടലിൻ്റെ ചിത്രങ്ങളെടുക്കുകയാണ്. ക്യാമറ ഫ്രെയിമിൽ നടുക്കത്തോടെ അയാളൊരു ദൃശ്യം കണ്ടു. കുതിച്ചു പൊന്തുന്ന കടൽത്തിരയിലേക്ക് ഒരു പെൺകുട്ടി ആത്മഹത്യ ചെയ്യാനൊരുങ്ങുന്നു. വളരെ സാഹസികമായി അയാൾ അവളെ തിരികെ ജീവിതത്തിലേക്ക് കൊണ്ടുവന്നു ….. നിലച്ചുപോയ നൃത്തത്തിന് കാൽച്ചിലങ്ക നൽകി ചേർത്തു പിടിച്ചു. പഴയ പ്രണയനഷ്ടങ്ങളെ മറികടന്ന് അവൾ അയാളുടെ ജീവിതത്തിലേക്ക് മിന്നുചാർത്തി വന്നു…. ‘പ്രണയ തീരം’ എന്ന മ്യൂസിക് ആൽബം ഇങ്ങനെയാണ് അവസാനിക്കുന്നത്.
ശ്രീമംഗലം ക്രിയേഷൻസിൻ്റെ ബാനറിൽ ഷാജി ശ്രീമംഗലം എഴുതിയ പ്രണയം തുടിക്കുന്ന വരികൾക്ക് പ്രശസ്ത സംഗീത സംവിധായകൻ കെ.ജി.കൃഷ്ണ സംഗീതം നൽകി.
കെ.ജി.കൃഷ്ണയും, റീന മുരളിയും ചേർന്നു് ആലപിച്ച ഗാനം സംഗീത പ്രേമികൾക്കിടയിൽ ഇതിനോടകം ഹിറ്റായി മാറിക്കഴിഞ്ഞു. കെ.ജി.കൃഷ്ണയുടെ മകൻ സൂരജ് കൃഷ്ണ ഓർക്കസ്ട്രേഷൻ ചെയ്യുന്നുവെന്ന പ്രത്യേകതയും ഈ ആൽബത്തിനുണ്ട്.
“പ്രണയതീരത്തിൻ്റെ “കഥയും, സംവിധാനവും അമ്പിളി മഹേഷാണ് നിർവ്വഹിച്ചത്.
Leave a Reply