ന്യൂഡല്‍ഹി: ഡല്‍ഹി മുഖ്യമന്ത്രി അരവിന്ദ് കെജ്രിവാളിന്റെ നേരെ ഒരു പൊതു പരിപാടിയില്‍ ആദം ആദ്മി സേന എന്ന സംഘടനയില്‍ പെട്ട ഒരു സ്ത്രീ മഷിയോഴിച്ചു. മഷിയോഴിച്ച യുവതിയെ പോലീസ് കസ്റ്റഡിയിലെടുത്തു. ഡല്‍ഹിയിലെ പരിസ്ഥിതി മലിനീകരണത്തെ പറ്റിയുള്ള ഒരു പ്രോഗ്രാമിനിടെ വേദിയില്‍ കെജ്രിവാള്‍ പ്രസംഗിക്കുന്നതിന്‌ ഇടയിലാണ്‌ സംഭവം. വേദിക്ക്‌ സമീപത്തേയ്‌ക്ക് നടന്നടുത്ത യുവതി കെജ്രിവാളിന്‌ നേരെ മഷി കുടഞ്ഞെറിയുകയായിരുന്നു. മഷിത്തുള്ളികളില്‍ ചിലത്‌ കെജ്രിവാളിന്റെ മുഖത്തും വീണു. ആം ആദ്മി സേനയുടെ പഞ്ചാബ് ഭാരവാഹിയാണ് യുവതി.
യുവതിയെ ഉടന്‍ സുരക്ഷാ ഉദ്യോഗസ്‌ഥര്‍ കീഴ്‌പ്പെടുത്തി. അവരെ വെറുതെ വിടുവെന്ന്‌ സുരക്ഷാ ഉദ്യോഗസ്‌ഥരോട്‌ ആവശ്യപ്പെട്ട കെജ്രിവാള്‍ ഡല്‍ഹിയില്‍ നല്ലത്‌ എന്ത്‌ സംഭവിച്ചാലും ഇതാവും ഫലമെന്നും പറഞ്ഞു.
