ന്യൂസ് ഡെസ്ക് മലയാളം യുകെ

എൻഎച്ച്എസ്സിൽ അല്ലാതെ ജോലി ചെയ്യുന്ന ആരോഗ്യപ്രവർത്തകർക്ക് ഒറ്റത്തവണ ബോണസിന് അർഹതയില്ലന്ന് നേരത്തെയെടുത്ത തീരുമാനത്തിൽ നിന്ന് സർക്കാർ പിന്നോട്ട് പോയി. ഇതോടെ എൻഎച്ച്എസ് ഇതര ഓർഗനൈസേഷനുകളിൽ ജോലി ചെയ്യുന്ന ആരോഗ്യ പ്രവർത്തകർക്കും ഒറ്റത്തവണ ബോണസ് ലഭിക്കുന്നതിനുള്ള വഴി തെളിഞ്ഞു. എൻഎച്ച്എസിൽ അല്ലാതെ ആരോഗ്യം മേഖലയിൽ ജോലി ചെയ്യുന്ന ഒട്ടേറെ യു കെ മലയാളികൾക്കും ഇതിൻറെ പ്രയോജനം ലഭിക്കും.

WhatsApp Image 2024-12-09 at 10.15.48 PM

Migration 2

AHPRA Registration

STEP into AHPRA NCNZ

നേഴ്സുമാർ ഉൾപ്പെടെയുള്ള ആരോഗ്യ പ്രവർത്തകർ നടത്തിയ സമരപരമ്പരകളെ തുടർന്ന് ശമ്പള വർദ്ധനവിന് ഒപ്പം കുറഞ്ഞത് 1655 പൗണ്ട് ഒറ്റ തവണ പെയ്മെൻറ് നൽകാൻ സർക്കാർ തീരുമാനമായിരുന്നു. എന്നാൽ ഒറ്റത്തവണ പെയ്മെന്റിന് ആയിരക്കണക്കിന് എൻഎച്ച്എസ്സിന്റെ സ്‌ഥിരം ജീവനക്കാർ അല്ലാതെ ആരോഗ്യമേഖലയിൽ ജോലി ചെയ്യുന്നവർക്ക് യോഗ്യതയില്ലന്ന നയമാണ് സർക്കാർ സ്വീകരിച്ചിരുന്നത്. സർക്കാർ നയത്തിനെതിരെ ശക്തമായ നിയമനടപടികളുമായി തൊഴിൽ ദാദാക്കൾ മുന്നോട്ട് പോകാനുള്ള സാധ്യത മാധ്യമങ്ങളിൽ വാർത്തയായിരുന്നു. ജീവനക്കാരുടെ ഈ സമരതന്ത്രമാണ് ഇപ്പോൾ ഫലം കണ്ടിരിക്കുന്നത്.

എൻ എച്ച് എസ് ഇതര ഓർഗനൈസേഷനിൽ ജോലിചെയ്യുന്ന ആരോഗ്യ പ്രവർത്തകർക്കും ബോണസ് നൽകാനുള്ള തീരുമാനം 20000 ത്തോളം ജീവനക്കാർക്ക് പ്രയോജനം ചെയ്യുമെന്നാണ് കണക്കാക്കുന്നത്. ഇതിൽ കമ്മ്യൂണിറ്റി നേഴ്സുമാരും ഫിസിയോതെറാപ്പിസ്റ്റുകളും ഉൾപ്പെടെയുള്ള ആരോഗ്യ പ്രവർത്തകർ ഉണ്ട് . ഈ ജീവനക്കാർക്ക് ബോണസ് നൽകുന്നതിന് തൊഴിൽ ദാതാക്കളെ സഹായിക്കുന്നതിനായി സർക്കാർ തീരുമാനിച്ചു എന്ന വിവരമാണ് ഇപ്പോൾ പുറത്തു വന്നിരിക്കുന്നത്.