ന്യൂസ് ഡെസ്ക് മലയാളം യുകെ ന്യൂസ്
ബ്രിസ്റ്റോളിൽ താമസിച്ചിരുന്ന മലയാളി യുവതി അഞ്ജു മരണമടഞ്ഞു. ബ്രെയിന്‍ ട്യൂമര്‍ ബാധിച്ച് ചികിത്സയിലായിരുന്നു. സീനിയര്‍ കെയററായി ജോലി ചെയ്തു വരുന്നതിനിടെയാണ് രോഗം തിരിച്ചറിഞ്ഞത്. അഞ്ജു യുകെയിൽ എത്തിയിട്ട് ആറു മാസം മാത്രം ആയിരിക്കെയാണ് മരണം സംഭവിച്ചത്. അഞ്ജുവിന് പിന്നാലെ മൂന്നു മാസം മുമ്പ് ഭര്‍ത്താവും യുകെയിലേക്ക് എത്തിയിരുന്നു. ഇരുവർക്കും ഒരു മകനുണ്ട്. മറ്റു നടപടി ക്രമങ്ങള്‍ പൂര്‍ത്തിയാക്കിയതിന് ശേഷം അഞ്ജുവിന്റെ മൃതദേഹം നാട്ടിലേക്ക് കൊണ്ടുപോകുവാനാണ് തീരുമാനിച്ചിരിക്കുന്നത്.
യുകെ മലയാളികൾക്കിടയിൽ ക്യാൻസർ ബാധിച്ച് തുടർച്ചയായി ഒട്ടേറെ മരണങ്ങളാണ് ഉണ്ടായിക്കൊണ്ടിരിക്കുന്നത്. ഏപ്രിൽ പതിനേഴാം തീയതി വെയ്ക്ക് ഫീൽഡിൽ മരണമടഞ്ഞ മഞ്ജുഷ് മാണി കാൻസർ ബാധിച്ചാണ് മരിച്ചത്. ഇന്നലെ ഈസ്റ്റ്ഹാമിൽ തിരുവനന്തപുരം വെട്ടുകാട് സ്വദേശിനിയായ ഷെർലിൻ ജെറാൾഡ് മരിച്ചത് ക്യാൻസർ മൂലമാണ്.
അഞ്ജുവിൻെറ നിര്യാണത്തിൽ മലയാളം യുകെ ന്യൂസിന്റെ അനുശോചനം ബന്ധുക്കളെയും സുഹൃത്തുക്കളെയും അറിയിക്കുന്നു.
Leave a Reply