ബ്രിട്ടനെ ഞെട്ടിച്ച് വീണ്ടും കത്തിയാക്രമണം. കിഴക്കൻ മാഞ്ചസ്റ്ററിലെ ഗോർട്ടണിലാണ് ആൽബെർട്ട ഒബിനിം എന്ന സ്ത്രീ കുത്തേറ്റു മരിച്ചത്. ഇവർക്ക് 43 വയസ്സായിരുന്നു പ്രായം. മറ്റ് രണ്ട് പേർ ഗുരുതര പരുക്കുകളോടെ ആശുപത്രിയിൽ ആണ്. കൊലപാതകത്തിനും രണ്ട് പേരെ ക്രൂരമായി കുത്തി പരിക്കേൽപ്പിച്ചതിനും ഒരാളെ അറസ്റ്റു ചെയ്തു. കത്തിയാക്രമണത്തിൽ 17 വയസ്സുള്ള ഒരു പെൺകുട്ടിയും 64 വയസ്സുള്ള ഒരു പുരുഷനുമാണ് പരുക്കേറ്റ മറ്റ് രണ്ടുപേർ. ഇവർ ഗുരുതരാവസ്ഥയിൽ ആശുപത്രിയിൽ ചികിത്സയിലാണെന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്.
പ്രാഥമിക അന്വേഷണത്തിൽ 22 വയസ്സുകാരനായ പ്രതിയെ ഇരകൾക്ക് നേരത്തെ പരിചയമുണ്ടെന്ന് ഗ്രേറ്റർ മാഞ്ചസ്റ്റർ പോലീസ് പറഞ്ഞു. സംഭവത്തെ കുറിച്ച് കൂടുതൽ വിവരങ്ങൾ അറിയാൻ കസ്റ്റഡിയിൽ എടുത്തയാളെ ചോദ്യം ചെയ്തു വരുകയാണ്. കത്തി കുത്തിൽ യുവതി മരിക്കുകയും രണ്ട് പേർക്ക് ഗുരുതര പരുക്കേൽക്കുകയും ചെയ്തത് ഒരു ഒറ്റപ്പെട്ട സംഭവമാണെന്നാണ് കരുതുന്നതെന്ന് പോലീസ് മേധാവികൾ അറിയിച്ചു. തങ്ങളുടെ അന്വേഷണം പ്രാരംഭ ഘട്ടത്തിലാണെന്നും ഇതിനെ കുറിച്ച് എന്തെങ്കിലും വിവരങ്ങൾ ഉള്ളവർ ഉണ്ടെങ്കിൽ മുന്നോട്ട് വരണമെന്നും പോലീസ് അറിയിച്ചിട്ടുണ്ട്.
Leave a Reply