മുദ്ദുഗൗ എന്നചിത്രത്തിലൂടെ മലയാള സിനിമയില്‍ എത്തിയ നായികയാണ് അര്‍ത്ഥന.സുരേഷ്ഗോപിയുടെ മകന്‍ ഗോകുല്‍ ആയിരുന്നു ആ ചിത്രത്തിലെ നായകന്‍ .ചിത്രം അത്ര വിജയം നേടിയില്ലെങ്കിലും ഇരുവരും ശ്രദ്ധിക്കപെടുകയും ചെയ്തിരുന്നു .എന്നാല്‍ അര്‍ത്ഥന, നടന്‍ വിജയകുമാറിന്റെ മകള്‍ ആണെന്ന് പലര്‍ക്കും അറിയില്ല . എന്നാല്‍ ആ താരവിശേഷണം തനിയ്ക്ക് വേണ്ട എന്നാണ് അര്‍ത്ഥന പറയുന്നത്.
താന്‍ അര്‍ത്ഥന വിജയകുമാര്‍ അല്ല എന്നും അര്‍ത്ഥന ബിനു ആണെന്നും നടി പറഞ്ഞു.തെലുങ്ക് ചിത്രത്തിലൂടെയാണ് അര്‍ത്ഥനയുടെ സിനിമാ പ്രവേശനം.വിജയകുമാറിൻറെ മകള്‍ എന്ന ലേബലോടെയാണ് അര്‍ത്ഥന മുദ്ദുഗൗ എന്ന ചിത്രത്തിലൂടെ മലയാളത്തിലെത്തിയത്.എന്നാല്‍ താന്‍ ബിനുവിൻറെ മകളാണെന്ന് അര്‍ത്ഥന പറയുന്നു. എൻറെ പേര് അര്‍ത്ഥന വിജയകുമാര്‍ എന്നല്ല, അര്‍ത്ഥന ബിനു എന്നാണ്.അച്ഛന്‍ വിജയകുമാറും അമ്മ ബിനുവും വിവാഹ മോചനം നേടിയവരാണ്. അച്ഛന്‍ എവിടെയാണെന്ന് പോലും എനിക്കറിയില്ല. അതുകൊണ്ട് തന്നെ വിജയകുമാറിൻറെ മകള്‍ എന്ന ലേബലില്‍ അറിയപ്പെടാന്‍ എനിക്ക് താത്പര്യമില്ലെന്നും അര്‍ത്ഥന പറഞ്ഞു.
