ന്യൂസ് ഡെസ്ക്, മലയാളം യുകെ
കാലിഫോർണിയയിൽ നിന്ന് ലണ്ടനിലേക്കുള്ള വിമാനയാത്രയ്ക്കിടെ ഹാഡൻ പെന്തക്കോസ് എന്ന ബ്രിട്ടീഷ് എയർവേയ്‌സ് ഫ്ലൈറ്റ് അറ്റൻഡന്റിനെ ഓൺബോർഡ് ടോയ്‌ലറ്റിൽ മയക്കുമരുന്ന് ഉപയോഗിച്ച്‌ പൂർണ്ണ നഗ്നനായ നിലയിൽ കണ്ടെത്തി. വയറുവേദനയാണെന്നും വസ്ത്രം മാറണമെന്നും പറഞ്ഞാണ് ഇയാൾ ഫ്ലൈറ്റിലെ ടോയ്‌ലറ്റിൽ പോയത്. ഏറെ സമയത്തിന് ശേക്ഷം ഒരു സഹപ്രവർത്തകൻ ഇയാളെ വിവസ്ത്രനായി ടോയ്‌ലറ്റിൽ കണ്ടെത്തുകയായിരുന്നു.
അനാരോഗ്യകരമായ അവസ്ഥയിൽ കണ്ടെത്തിയ ഇയാളെ തുടർ പരിശോധനകൾ നടത്തിയപ്പോഴാണ് മയക്കുമരുന്നുകൾ ഉപയോഗിച്ചിരുന്നതായി തെളിഞ്ഞത് . ബ്രിട്ടീഷ് എയർവേയ്‌സ് അദ്ദേഹത്തെ ജോലിയിൽ നിന്ന് പിരിച്ചുവിട്ടതായി കോടതിയെ അറിയിച്ചു. വെള്ളിയാഴ്ച പെന്തക്കോസ്റ്റ് ഉക്‌സ്‌ബ്രിഡ്ജ് മജിസ്‌ട്രേറ്റ് കോടതിയിൽ ഹാജരാക്കിയപ്പോൾ ജോലിക്കിടെ മയക്കുമരുന്ന് ഉപയോഗിച്ചതായി ഇയാൾ കുറ്റസമ്മതം നടത്തി. ബേസിംഗ്‌സ്റ്റോക്കിൽ നിന്നുള്ള 41 കാരനായ ഇയാളെ പിന്നീട് ശിക്ഷ വിധിക്കുന്നതിനായി ജാമ്യത്തിൽ വിട്ടയച്ചു .
Leave a Reply