ന്യൂസ് ഡെസ്ക് മലയാളം യുകെ

ലണ്ടൻ : ഇംഗ്ലണ്ടിലെ സമരങ്ങൾ അവസാനിപ്പിക്കാൻ പ്രധാനമന്ത്രി ഇന്നലെ പ്രഖ്യാപിച്ച ശമ്പളവർദ്ധനവിന് കഴിയുമോ? അധ്യാപകർ, പോലീസ് ഉദ്യോഗസ്ഥർ ഉൾപ്പെടുന്ന പൊതുമേഖലാ ജീവനക്കാരുടെ ശമ്പളം ഏകദേശം ആറു ശതമാനമായി വർധിപ്പിച്ചു. ശമ്പള പുനഃപരിശോധനാ സമിതികളുടെ ശുപാർശകൾ അംഗീകരിക്കാൻ സർക്കാർ തീരുമാനിച്ചു.

ശമ്പളവർദ്ധനവ് എത്ര ശതമാനം?

• ഇംഗ്ലണ്ടിലെ അധ്യാപകർ – 6.5%

• ഇംഗ്ലണ്ടിലെ ജൂനിയർ ഡോക്ടർമാർ – 6% + £1,250 ഏകീകൃത വർദ്ധനവ്

WhatsApp Image 2024-12-09 at 10.15.48 PM

Migration 2

AHPRA Registration

STEP into AHPRA NCNZ

• ഇംഗ്ലണ്ടിലെ കൺസൾട്ടന്റുകൾ, ദന്തഡോക്ടർമാർ, ജിപിമാർ – 6%

• ഇംഗ്ലണ്ടിലെയും വെയിൽസിലെയും പോലീസ് ഉദ്യോഗസ്ഥർ – 7%

• ഇംഗ്ലണ്ടിലെയും വെയിൽസിലെയും ജയിൽ ഉദ്യോഗസ്ഥർ – 7%
• യുകെയിലുടനീളമുള്ള സായുധ സേന – 5% + £1,000 ഏകീകൃത വർദ്ധനവ്

• മുതിർന്ന ഉദ്യോഗസ്ഥർ – 5.5%

ശമ്പള വർദ്ധനവിനായി പണം കടം വാങ്ങാൻ ഋഷി സുനക് ആഗ്രഹിക്കുന്നില്ല. കൂടുതൽ കടം വാങ്ങുന്നത് പണപ്പെരുപ്പം വർദ്ധിക്കാൻ കാരണമാകുമെന്ന് അദ്ദേഹം കരുതുന്നു. വിസയുടെ ഫീസും എൻഎച്ച്എസ് ഉപയോഗിക്കുന്നതിന് കുടിയേറ്റക്കാർ നൽകേണ്ട സർചാർജും വർദ്ധിപ്പിച്ച് ഇതിനായുള്ള പണം സമാഹരിക്കേണ്ടി വരും. ശമ്പളവർദ്ധനവിനെ അധ്യാപക സംഘടനകൾ പിന്തുണച്ചിട്ടുണ്ട്. ഡോക്‌ടേഴ്‌സ് യൂണിയനായ ബിഎംഎയും ഒരു വലിയ ട്രേഡ് യൂണിയനായ യുണൈറ്റും ഈ വർദ്ധനവ് അംഗീകരിക്കുന്ന കാര്യത്തിൽ സംശയമാണ്.