ഏബ്രഹാം കുര്യൻ
മലയാളം മിഷൻ യുകെ ചാപ്റ്ററിന്റെ ശത ദിന കർമ്മ പരിപാടിയായ മലയാളം ഡ്രൈവിൽ മലയാളത്തിലെ പ്രശസ്ത സാഹിത്യ വിമർശകനും മാധ്യമ പ്രവർത്തകനുമായ ഡോ. പി കെ രാജശേഖരൻ ഇന്ന് (09/01/2021) 4 പി എമ്മിന് (9.30PM IST) ‘മലയാള സാഹിത്യവും ചലച്ചിത്ര ലോകവും’ എന്ന വിഷയത്തിൽ പ്രഭാഷണം നടത്തുന്നു. മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ നടത്തുന്ന ഈ പ്രഭാഷണത്തിൽ പങ്കെടുക്കുവാൻ എല്ലാ ഭാഷാസ്നേഹികളെയും ഹാർദ്ദവമായി സ്വാഗതം ചെയ്യുന്നു.
20/12/2020ൽ ഇദ്ദേഹത്തിൻ്റെ സംവാദം ഫേസ്ബുക്ക് ലൈവിലൂടെ തുടങ്ങിയെങ്കിലും സാങ്കേതിക കാരണങ്ങളാൽ പൂർത്തിയാക്കാൻ കഴിഞ്ഞില്ല. അതിനാലാണ് വീണ്ടും ആ പ്രഭാഷണം ഇന്ന് സംപ്രേക്ഷണം ചെയ്യുന്നത്. മലയാള സാഹിത്യത്തിൻ്റേയും ചലച്ചിത്രത്തിൻ്റേയും ഭാഷ വ്യത്യസ്തമാണ് എങ്കിലും സാഹിത്യത്തെ അടിസ്ഥാനമാക്കി സിനിമയെടുത്ത് വിജയിപ്പിച്ചവരുടെയും കൈ പൊള്ളിയവരുടേയും ചരിത്രം ഡോ. രാജശേഖരൻ വിവിധ സിനിമ ശകലങ്ങളുടെ അകമ്പടിയോടെ വരച്ചുകാട്ടുന്നു. അനുകല്പനത്തിൻ്റെ സാധ്യതകളും പ്രയാസങ്ങളും വരച്ചുകാട്ടുന്ന ഈ പ്രഭാഷണം സി വി രാമൻപിള്ളയുടെ മാർത്താണ്ഡവർമ്മയിൽ തുടങ്ങി, തകഴിയുടെ രണ്ടിടങ്ങഴി, ചെമ്മീൻ എന്നീ നോവലുകളിലൂടെ സഞ്ചരിച്ച് പാറപ്പുറത്തിൻ്റെ അരനാഴികനേരം, അന്വേഷിച്ചു കണ്ടെത്തിയില്ല, പണിതീരാത്ത വീട് എന്നീ അനുകല്പനങ്ങളിലൂടെ മലയാളിയുടെ വായനാ ശീലത്തിന് മറ്റൊരു മാനം നൽകിയ മുട്ടത്തു വർക്കിയുടെ ഫോർമുല നോവലുകളിലെത്തി കോട്ടയം കുഞ്ഞച്ചൻ എന്ന സിനിമയെ പറ്റി പ്രതിപാദിച്ചു. വീണ്ടും ഉറൂബ്, പി. ഭാസ്കരൻ, എം ടി, പി പത്മരാജൻ, ഒ വി വിജയൻ എന്നിവരിലൂടെ ആ പ്രഭാഷണത്തിൻ്റെ അരുവി ഒഴുകുന്നു. ബഷീറിൻ്റെ നോവലായ മതിലുകൾ ഒരു ക്ലാസിക് സിനിമയാക്കിയ അടൂർ ഗോപാലകഷ്ണൻ്റെ ഭാസ്കരപ്പട്ടേലരേയും ഡോ. രാജശേഖരൻ ഈ പ്രഭാഷണത്തിലൂടെ വരച്ചുകാട്ടുന്നു. മലയാള ഭാഷയെ നൃത്തം ചെയ്യിച്ച കവിയായ ചങ്ങമ്പുഴയുടെ രമണൻ കുമാരനാശാൻ്റെ കരുണ തുങ്ങിയ കവിതകളും, സി വി ശ്രീരാമൻ്റെ വാസ്തുഹാര എന്ന ചെറുകഥയും സിനിമക്ക് കാരണമായ ചരിത്രം അദ്ദേഹം പ്രഭാഷണത്തിലൂടെ വരച്ചുകാട്ടുന്നു. സാഹിത്യത്തിൻ്റെയും സിനിമയുടെയും ഭാഷാ വ്യത്യസ്തതകൾ നിലനിൽക്കെ തന്നെ അവ തമ്മിൽ ചെലുത്തിയ സ്വാധീനങ്ങൾ കുറഞ്ഞ സമയത്ത് സിനിമ ശകലങ്ങൾ ചേർത്ത് നടത്തുന്ന പ്രഭാഷണം തീർച്ചയായും നമ്മെ ഗൃഹാതുരത്വത്തിലേക്ക് നയിക്കും.
പ്രശസ്ത എഴുത്തുകാരനും സാഹിത്യവിമർശകനും പത്രപ്രവർത്തകനുമായി അറിയപ്പെടുന്ന ഡോ.പി കെ രാജശേഖരൻ കേരള യൂണിവേഴ്സിറ്റിയിൽ നിന്നും പിഎച്ച്ഡിയും കരസ്ഥമാക്കിയിട്ടുണ്ട് . സാഹിത്യ നിരൂപണത്തിന് കേരള സാഹിത്യ അക്കാദമി അവാർഡും കേരള സാഹിത്യ അക്കാദമിയുടെ ആദ്യത്തെ വിലാസിനി പുരസ്കാരവും ലഭിച്ചിട്ടുണ്ട് .
കേരള മീഡിയ അക്കാദമി ഫെലോഷിപ്പ് ലഭിച്ചിട്ടുള്ള രാജശേഖരൻ മാതൃഭൂമി ന്യൂസ് എഡിറ്ററുമായിരുന്നു. പിതൃഘടികാരം: ഒ.വി. വിജയന്റെ കലയും ദർശനവും, അന്ധനായ ദൈവം: മലയാള നോവലിന്റെ നൂറുവർഷങ്ങൾ, ഏകാന്തനഗരങ്ങൾ: ഉത്തരാധുനിക മലയാളസാഹിത്യത്തിന്റെ സൗന്ദര്യശാസ്ത്രം, കഥാന്തരങ്ങൾ: മലയാള ചെറുകഥയുടെ ആഖ്യാനഭൂപടം, നിശാസന്ദർശനങ്ങൾ, വാക്കിന്റെ മൂന്നാംകര, നരകത്തിന്റെ ഭൂപടങ്ങൾ, എന്നിവയാണ് തിരുവനന്തപുരം സ്വദേശിയായ ഡോ. പി കെ രാജശേഖരന്റെ പ്രധാന കൃതികൾ.
മലയാളം മിഷൻ യുകെ ചാപ്റ്റർ കേരളപ്പിറവിദിനത്തിൽ മലയാളഭാഷാ പ്രചാരണത്തിനായി തുടക്കം കുറിച്ച മലയാളം ഡ്രൈവിന്റെ ഭാഗമായി ഫെബ്രുവരി പതിനാല് വാലൻ്റൈൻസ് ദിനത്തിൽ അവസാനിക്കുന്ന നൂറുദിന കർമ്മ പരിപാടികൾ ആണ് സംഘാടകർ വിഭാവനം ചെയ്തിരിക്കുന്നത് . മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ നടത്തുന്ന സാംസ്കാരിക പരിപാടികൾക്ക് വിവിധ മേഖലകളിൽ നിന്നുമുള്ള ആളുകളുടെ മികച്ച പിന്തുണയാണ് ലഭിച്ചുകൊണ്ടിരിക്കുന്നത് . ഇക്കഴിഞ്ഞ ആഴ്ചകളിൽ നടത്തിയിരുന്ന പ്രഭാഷണങ്ങൾ കേൾക്കുവാൻ നിരവധി ആളുകളാണ് താല്പര്യപൂർവ്വം ലൈവിൽ എത്തിയിരുന്നത് . ഭാഷാ സ്നേഹികളായ പല ആളുകളും പ്രഭാഷകാരോട് ചോദ്യങ്ങൾ ചോദിക്കുകയും ക്രിയാത്മകമായ സംവാദങ്ങളിൽ ഏർപ്പെടുകയും ചെയ്തിരുന്നു.
മലയാളം അധ്യാപകർക്കും കുട്ടികൾക്കും പൊതുജനങ്ങൾക്കും പ്രയോജനപ്രദമായ മലയാളം മിഷൻ യുകെ ചാപ്റ്ററിന്റെ നേതൃത്വത്തിൽ നടത്തുന്ന മലയാളം ഡ്രൈവിന്റെ പ്രവർത്തനങ്ങൾ ഏകോപിപ്പിക്കുന്നത് പ്രവർത്തക സമിതി അംഗങ്ങളായ ആഷിക് മുഹമ്മദ് നാസർ, ജനേഷ് നായർ, ബേസിൽ ജോൺ എന്നിവരാണ്.
മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ എല്ലാവർക്കും പ്രയോജനപ്രദമായ ലൈവ് പ്രഭാഷണങ്ങളും ഭാഷാ ഉന്നമനത്തിനായി നടത്തുന്ന മുഴുവൻ പരിപാടികളും ഭാഷാസ്നേഹികളായ മുഴുവൻ ആളുകളും പ്രോൽസാഹിപ്പിക്കണമെന്ന് മലയാളം മിഷൻ യുകെ ചാപ്റ്റർ പ്രസിഡന്റ് സി എ ജോസഫും സെക്രട്ടറി ഏബ്രഹാം കുര്യനും അഭ്യർത്ഥിച്ചു.
ഇന്ന് (09/01/2021) ഞായറാഴ്ച വൈകിട്ട് യുകെ സമയം 4PM, ഇൻഡ്യൻ സമയം 9.30 PMനുമാണ് ഡോ. പി കെ രാജശേഖരൻ ‘മലയാള സാഹിത്യവും ചലച്ചിത്ര ലോകവും’എന്ന വിഷയത്തിൽ പ്രഭാഷണം നടത്തുന്നത്. സംപ്രേഷണത്തിൽ തത്സമയം പങ്കെടുക്കുന്നതിന് താഴെ കൊടുത്തിരിക്കുന്ന ലിങ്ക് ക്ലിക്ക് ചെയ്യുക. മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജ് ലൈക്ക് ചെയ്തും പരിപാടികൾ ഷെയർ ചെയ്തും പ്രോത്സാഹിപ്പിക്കുക.
കോവിഡ് കാലത്ത് യുകെയിലെ മലയാളിയുടെ ആശങ്കകളും വിഷാദങ്ങളും ഒഴിവാക്കി ഒരു പുത്തൻ ഉണർവ് നല്കാൻ വേണ്ടി തുടങ്ങിയ ഒരു സൗഹൃദ സാഹിത്യ- രാഷ്ട്രീയ- സാംസ്കാരിക കൂട്ടായ്മയാണ് “കലുങ്ക്”. കഴിഞ്ഞ ഏപ്രിലിൽ ദിവസവും വൈകിട്ട് പതിവായി കൂടിയിരുന്ന കലുങ്ക് പല വ്യക്തികൾക്കും കൈവിട്ടുപോകുമെന്ന് കരുതിയ ജീവിതം തിരികെ പിടിച്ചു തന്ന ഒരു ഔഷധ കഞ്ഞിയായിരുന്നു.
തികച്ചും അനൗപചാരിക ചർച്ചകളുടെ ഇടമായ നാട്ടിൻ പുറത്തെ കലുങ്ക് ആധുനിക ചർച്ചയ്ക്കുള്ള ഒരു ഇടമാക്കി യുകെയിൽ ഒരു കൂട്ടം മലയാളികൾ മാറ്റിയിരിക്കുകയാണ് യുകെയിലെ കലുങ്ക്. മൂന്നാം ലോക്ക്ഡൗൺ കാലത്ത് വീണ്ടും ഓൺലൈൻ സൗഹൃദ കൂട്ടായ്മ ഒരുക്കുകയാണ്. ആദ്യത്തേത് നമ്മുടെ പ്രിയങ്കരിയായ കവയത്രി സുഗതകുമാരിയുടെ അനുസ്മരണമാണ്.
ജനുവരി 9 ന് ശനിയാഴ്ച 2പിഎം. പ്രിയ കഥാ കൃത്ത് ശ്രീ അശോകൻ ചെരുവിൽ(പുരോഗമന കലാ സാഹിത്യ സംഘം ) ഉത്ഘാടനം ചെയ്യുന്നു. മഹാകവി ഒ. എൻ. വി യുടെ ചെറുമകളും ഡാൻസറുമായ അമൃത ജയകൃഷ്ണൻ നമ്മോളോട് സുഗതകുമാരി ടീച്ചറുമായുള്ള അനുഭവങ്ങൾ പങ്കിടുന്നു.
ശ്രീ മണമ്പൂർ സുരേഷ് കേരളകൗമുദി യൂറോപ് ലേഖകൻ, ചിത്രകാരൻ ജോസ് പിന്ധ്യൻ , ബ്ലോഗ്ഗർ മുരളി മുകുന്ദൻ, പ്രസംഗകൻ ജേക്കബ് കോയിപ്പള്ളി, മ്യൂസിഷ്യൻ സാബു ജോസ് എഴുത്തുകാരി മീര, യുക്മ ദേശീയ ജോയിന്റ് സെക്രട്ടറിയും എൻ എച്ച് എസ് നഴ്‌സുമായ സാജൻ സത്യൻ, പൊളിറ്റിക്കൽ അനലൈസിസ്റ് അനി ഗോപിനാഥ്, കൗൺസിലർ സുഗതൻ തുടങ്ങിയവരാണ് അണിയറയിൽ ..എല്ലാവർക്കും സ്വാഗതം.
മീറ്റിംഗ് ഐഡി : 4217900018
പാസ്സ്കോഡ് “KALINKU “
ടോം ജോസ് തടിയംപാട്
ഇടുക്കി ചാരിറ്റി ഗ്രൂപ്പ് യു കെ കിഡ്‌നി രോഗം ബാധിച്ച ഇടുക്കി കീരിത്തോട് സ്വദേശി പനംതോട്ടത്തിൽ മാത്യുവിനെ സഹായിക്കുന്നതിനുവേണ്ടി ക്രിസ്തുമസിനോട് അനുബന്ധിച്ചു നടത്തിയ ചാരിറ്റിയിലോടെ ലഭിച്ച 1915 പൗണ്ട് ( 185159 രൂപ) ഇന്ന് മാത്യുവിന്റെ വീട്ടിൽ എത്തി സാമൂഹിക പ്രവർത്തകരുടെ സാന്നിധ്യത്തിൽ യു കെ യിലെ ബെർഗാമിൽ നിന്നും എത്തിയ ഞങ്ങളുടെ പ്രതിനിധി തോപ്രാംകുടി സ്വദേശി മാർട്ടിൻ കെ ജോർജ് മാത്യുവിന് കൈമാറി.
ചടങ്ങിൽ മുൻ ഇടുക്കി ബ്ലോക്ക് പഞ്ചായത്തു പ്രസിഡണ്ട് എ പി ഉസ്മാൻ ,ചെറുതോണി മർച്ചന്റ് അസോസിയേഷൻ സെക്രെട്ടറി ബാബു ജോസഫ് ,പാറത്തോട് ആൻ്റണി ,കെ കെ വിജയൻ കൂറ്റാംതടത്തിൽ ,നിക്സൺ തോമസ് പഞ്ചായത്തു മെമ്പർ റിൻസി തോമസ് എന്നിവർ പങ്കെടുത്തു. മാത്യുവിന്റെ ദുഃഖകരമായ അവസ്ഥ ഞങ്ങളെ അറിയിച്ചത് കീരിത്തോട്ടിലെ സാമൂഹിക പ്രവർത്തകനായ അജീഷ് ജോർജാണ് . കൊറോണയുടെ മാരകമായ പിടിയിൽ അമർന്നിരിക്കുന്ന വളരെ കഷ്ടകരമായ ഈ കാലത്തും യു കെ മലയാളികളുടെ നല്ലമനസ്സു കൊണ്ടാണ് ഇത്രയും നല്ല ഒരു തുക ലഭിച്ചത് അതിന് ഞങ്ങൾ നിങ്ങളോടു കടപ്പെട്ടിരിക്കുന്നു .
ഞങ്ങളുടെ എളിയ പ്രവർത്തനത്തിൽ വാർത്ത ഷെയർ ചെയ്തും പണം നൽകിയും ഞങ്ങളെ സഹായിച്ച എല്ലവരോടും ഞങ്ങൾക്കുള്ള നന്ദിയും കടപ്പാടും അറിയിക്കുന്നു . ഞങ്ങൾ ഇതുവരെ സൂതാരൃവും സതൃസന്തവുമായി ജാതി ,മത ,വർഗ ,വർണ്ണ, സ്ഥലകാല ഭേതമെന്യയെ കേരളത്തിലും, യു കെ യിലും , നടത്തിയ ചാരിറ്റി പ്രവർ ത്തനത്തിന് യു കെ മലയാളികൾ നല്‍കിയ വലിയ പിന്തുണയെ നന്ദിയോടെ സ്മരിക്കുന്നു. നിങ്ങളുടെ സഹായം കൊണ്ട് ഇതുവരെ 88 .5 ലക്ഷം രൂപയുടെ സഹായം പാവങ്ങൾക്ക് നൽകുവാൻ ഞങ്ങൾക്ക് കഴിഞ്ഞിട്ടുണ്ട് .
2004 ഉണ്ടായ സുനാമിക്ക് പണം പിരിച്ചുകൊണ്ടാണ് ഞങ്ങൾ പ്രവർത്തനം ആരംഭിച്ചത്. ഇടുക്കി ചാരിറ്റി ഗ്രൂപ്പ് യു കെ എന്നത് കേരളത്തിൽ നിന്നും യു കെയിൽ കുടിയേറിയ കഷ്ട്ടപാടും ബുദ്ധിമുട്ടും അറിഞ്ഞവരുടെ ഒരു കൂട്ടായ്മയാണ്. ഇടുക്കി ചാരിറ്റിക്കു നേതൃത്വ൦കൊടുക്കുന്നത് സാബു ഫിലിപ്പ് ടോം ജോസ് തടിയംപാട് സജി തോമസ് .എന്നിവരാണ്
“ദാരിദ്രൃം എന്തെന്നറിഞ്ഞവർക്കെ പാരിൽ പരക്ലേശവിവേകമുള്ളു.””,
സെബാസ്റ്റ്യൻ സ്കറിയ
എക്സിറ്റർ: കൊറോണ വൈറസ് മാനവരാശിക്ക് സമ്മാനിച്ചത് സമാനതകൾ ഇല്ലാത്ത ആഘാതം തന്നെ. എന്നാൽ ആകാംക്ഷയോടെ കാത്തിരുന്ന കോവിഡ് വാക്സിൻ ജനത്തിന് നല്കി തുടങ്ങിയെന്ന ശുഭവാർത്തയോടെ ലോകം പുതുവർഷത്തെ വരവേറ്റപ്പോൾ എക്സിറ്റർ കേരള കമ്മ്യൂണിറ്റി (ഇ.കെ. സി.) ദുരിതകാലത്ത് തങ്ങളുടെ അംഗങ്ങളെ ചേർത്ത് പിടിച്ചു കൊണ്ട് അവരുടെ ഒപ്പം സഞ്ചിരിക്കുവാൻ കഴിഞ്ഞു എന്ന ആത്മസംതൃപ്തിയോടെയാണ് പുതുവർഷത്തിലേക്ക് കടക്കുന്നത് .
കൊറോണയുടെ ദുരിതങ്ങൾ അംഗങ്ങൾ അനുഭവിക്കുവാൻ തുടങ്ങിയപ്പോൾ തന്നെ സംഘടന , എക്സിറ്റർ മലയാളിയുടെ ഒരോ ആവശ്യത്തിലും അവരുടെ കൂടെ നില്ക്കുവാൻ സാധിച്ചു എന്നത് അത്യന്തം സന്തോഷകരമായ കാര്യം തന്നെയാണന്ന് ഇ. കെ. സി. ചെർമാൻ കുര്യൻ ചാക്കോ (ബൈജു) പറഞ്ഞു.
കൊറോണയുമായി ബന്ധപ്പെട്ട് ഉണ്ടായ ആദ്യ ലോക് ഡൗൺ കാലത്ത് പ്രസിഡൻ്റ് രാജേഷ് നായരുടെയും സെക്രട്ടറി ജോമോൻ തോമസിൻ്റെയും ട്രെഷറർ ജിന്നി തോമസിൻ്റെയും നേതൃത്വത്തിൽ അംഗങ്ങൾക്ക് പലചരക്കു സാധനങ്ങളും മരുന്നുകളും മറ്റും കമ്മറ്റി അംഗങ്ങളുടെ സഹായത്തോടെ ആവശ്യമായ അംഗങ്ങളുടെ ഭവനങ്ങളിൽ എത്തിക്കുവാൻ കഴിഞ്ഞത് ഇ കെ സി യെ സംബന്ധിച്ചടത്തോളം ചാരിതാർത്ഥ്യകമായ കാര്യമായിരുന്നു ചെയർമാൻ ഓർമ്മിക്കുന്നു.
ജിസിസി, എ ലെവൽ പരീക്ഷകളിൽ അഭിമാനകരമായ നേട്ടങ്ങൾ കൈവരിച്ച കുട്ടികൾക്ക് അവരവരുടെ ഭവനങ്ങളിൽ എത്തി അവരെ അഭിനന്ദിക്കുകയും പോത്സാഹന സമ്മാനങ്ങൾ നല്കുകയും ചെയ്തു. സമീക്ഷ സർഗ്ഗവേദിയുടെ സീനിയർ കുട്ടികളുടെ പ്രസംഗ മത്സരത്തിൽ സമ്മാനം നേടിയ കമ്മറ്റിയംഗം കൂടിയായ അമൃത ദിലിപിനെയും കമ്മറ്റി പ്രത്യേകം അഭിനന്ദിക്കുകയുണ്ടായി.
കോവിഡിൻ്റെ രണ്ടാം വ്യാപനം എക്സിറ്റർ മലയാളി സമൂഹത്തെ കാര്യമായി തന്നെ ബാധിക്കുമ്പോൾ അവർക്ക് ആവശ്യമായ മരുന്ന്, ഭക്ഷണം തുടങ്ങിയവ എത്തിച്ചു നല്കി അവരുടെ കൂടെ തന്നെ സംഘടനയും ഒരോ അംഗങ്ങളും ചേർന്നു നില്ക്കുന്നു എന്നത് വളരെ ആശ്വാസകരമായ കാര്യമായി പ്രസിഡൻ്റ് രാജേഷ് നായർ കാണുന്നു.
ക്രിസ്തുമസ് പുതുവർഷ ആലോഷങ്ങൾ കേവലം സ്വന്തം ഭവനങ്ങളിൽ മാത്രമായി ചുരുങ്ങിപ്പോകാതിരിക്കുവാൻ അംഗങ്ങൾക്കു വേണ്ടി ക്രിസ്തുമസ് വീട് അലങ്കാരം , കരോൾ ഗാന മത്സരങ്ങൾ സംഘടിപ്പിക്കുവാൻ, ഇ. കെ. സി.യ്ക്ക് സാധിച്ചു.
ക്രിസ്തുമസ്സിനോടനുബന്ധിച്ച് അറുപത്തിയഞ്ചോളം വരുന്ന ഭവനങ്ങളിൽ ക്രിസ്തുമസ് കേക്കുകൾ എത്തിച്ചു നല്കുവാൻ കമ്യൂണിറ്റി അംഗം ഷിബു ജോർജ് വഞ്ചിപുരയുടെ നേതൃത്വത്തിൽ റോയൽ മെയിൽ ജീവനക്കാരുടെ സഹായത്തോടെ ഇ.കെ. സി. യ്ക്കു കഴിഞ്ഞു എന്നത് അംഗങ്ങളുടെ പരസ്പര സ്നേഹത്തിൻ്റെയും സഹകരണത്തിൻ്റെയും തെളിവാണന്നും രാജേഷ് ചൂണ്ടി കാട്ടി.
വൈസ് പ്രസിഡൻ്റ് ഷൈനി പോൾ, ജോയ്ൻ്റ് സെക്രട്ടറിമാരായ അമൃതാ ജെയിംസ് രഹനാ പോൾ അടക്കം മറ്റു കമ്മറ്റിയംഗങ്ങളും കൊറോണ ദുരിതത്തിൽ നിന്നു മുക്തമായ ഒരു നല്ല വർഷത്തിൽ കമ്യുണിറ്റിയംഗങ്ങളും ചേർന്നുള്ള ആഘോഷങ്ങൾക്കു പ്രതീക്ഷയോടെ കാത്തിരിക്കുന്നു.
ഏബ്രഹാം കുര്യൻ
മലയാളം മിഷൻ യുകെ ചാപ്റ്ററിന്റെ ശത ദിന കർമ്മ പരിപാടിയായ മലയാളം ഡ്രൈവിൽ മലയാളം മിഷൻ ഡയറക്ടറും മണർകാട് സെന്റ് മേരീസ് കോളജ് പ്രൊഫസറുമായ സുജ സൂസൻ ജോർജ് ഇന്ന് 4 PM ന് ‘മലയാളം-മലയാളി-കേരളം’ എന്ന വിഷയത്തിൽ പ്രഭാഷണം നടത്തുന്നു. പ്രശസ്ത എഴുത്തുകാരിയായ പ്രൊഫ സൂസൻ സൂസൻ ജോർജ് മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ നടത്തുന്ന ഈ പ്രഭാഷണത്തിലും സംവാദത്തിലും പങ്കെടുക്കുവാൻ എല്ലാ മലയാള ഭാഷാസ്നേഹികളെയും ഹാർദ്ദവമായി സ്വാഗതം ചെയ്യുന്നു. പുരോഗമന കലാസാഹിത്യ സംഘം സംസ്ഥാന സെക്രട്ടറി, പുകസാ കോട്ടയം ജില്ല പ്രസിഡൻറ്, സാഹിത്യ പ്രവർത്തക സഹകരണ സംഘം ഡയറക്ടർ ബോർഡംഗം, എൻ ബി എസ് ന്യൂസ് ചീഫ് എഡിറ്റർ, കേരള സംസ്ഥാന സർവ്വ വിജ്ഞാനകോശം ഭരണ സമിതി അംഗം എന്നീ നിലകളിൽ പ്രവർത്തിച്ചിട്ടുള്ള പ്രൊഫ സുജ സൂസൻ ജോർജ് കേരള സാഹിത്യ അക്കാദമി പുരസ്കാര നിർണ്ണയ സമിതിയിലും, ബാലസാഹിത്യ ഇൻസ്റ്റിറ്റ്യൂട്ട്, പൊൻകുന്നം വർക്കി ഫൗണ്ടേഷൻ, അബുദബി ശക്തി അവാർഡ് തുടങ്ങിയ പുരസ്കാര നിർണ്ണയ സമിതികളിലും അംഗമായിരുന്നു. നിരവധി ലേഖനങ്ങളും സാഹിത്യപരമായ തർജ്ജമകളും പ്രസിദ്ധീകരിച്ചിട്ടുണ്ട് . കലാകൗമുദി, ഭാഷാപോഷിണി, ദേശാഭിമാനി തുടങ്ങിയ ആനുകാലികങ്ങളിൽ കഥകളും കവിതകളും ലേഖനങ്ങളും എഴുതുന്ന പ്രൊഫ സുജ സൂസൻ ജോർജ് പരിസ്ഥിതി സംരക്ഷണ പ്രവർത്തനങ്ങളിലും സ്ത്രീകളുടെ അവകാശങ്ങൾക്കായുള്ള പ്രവർത്തനങ്ങളിലും സജീവമായി പങ്കെടുക്കുന്നു.
മലയാളം മിഷൻ ഇന്ന് 42 രാജ്യങ്ങളിലും ഇന്ത്യയിലെ ഒട്ടുമിക്ക സംസ്ഥാനങ്ങളിലും പടർന്നു പന്തലിച്ചതിൽ പ്രൊഫ സുജ സൂസൻ ജോർജിന്റ നിസ്വാർത്ഥമായ പ്രവർത്തനത്തിന് വലിയ പങ്കുണ്ട്. തന്റെ തിരക്കിട്ട പരിപാടികൾക്കിടയിലും സമയ വ്യത്യാസം കണക്കാക്കാതെ വേണ്ട നിർദ്ദേശങ്ങൾ നൽകി വിവിധ രാജ്യങ്ങളിലെ മലയാളം മിഷൻ പ്രർത്തകർക്ക് പ്രചോദനമായി പ്രൊഫ സുജ സൂസൻ ജോർജിന്റെ കർമ്മനിരതമായ പ്രവർത്തനങ്ങളുടെ ഫലമായാണ് ‘ എവിടെയെല്ലാം മലയാളി അവിടെയെല്ലാം മലയാളം’ എന്ന ലക്ഷ്യത്തിനടുത്തെത്തുവാൻ മലയാളം മിഷന് കഴിഞ്ഞത്. മലയാളം മിഷൻ പ്രവർത്തകർക്ക് സുപരിചിതയായ മലയാളം മിഷന്റ നട്ടെല്ലായ പ്രൊഫ സുജ സൂസൻ ജോർജിന്റെ പ്രഭാഷണം ശ്രവിക്കുന്നതിനും സംവാദങ്ങളിൽ പങ്കെടുക്കുന്നതിനുമായി എല്ലാ മലയാള ഭാഷാ സ്നേഹികളെയും മലയാളം മിഷൻ യുകെ ചാപ്റ്റർ ഹാർദ്ദവമായി സ്വാഗതം ചെയ്യുന്നു.
മലയാളം മിഷൻ യുകെ ചാപ്റ്റർ കേരളപ്പിറവിദിനത്തിൽ മലയാളഭാഷാ പ്രചാരണത്തിനായി തുടക്കം കുറിച്ച മലയാളം ഡ്രൈവിന്റെ ഭാഗമായി ഫെബ്രുവരി രണ്ടാം വാരം അവസാനിക്കുന്ന നൂറുദിന കർമ്മ പരിപാടികൾ ആണ് വിഭാവനം ചെയ്തിരിക്കുന്നത്. മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ നടത്തുന്ന ഈ സാംസ്കാരിക പരിപാടികൾക്ക് വിവിധ മേഖലകളിൽ നിന്നുമുള്ള ആളുകളുടെ മികച്ച പിന്തുണയാണ് ലഭിച്ചുകൊണ്ടിരിക്കുന്നത് . ഇക്കഴിഞ്ഞ ആഴ്ചകളിൽ മലയാളം മിഷൻ രജിസ്ട്രാർ ശ്രീ എം സേതുമാധവൻ, ദളിത് ആക്ടിവിസ്റ്റ് ശ്രീമതി മൃദുലാദേവി എസ്, ബല്ലാത്ത പഹയൻ ശ്രീ വിനോദ് നാരായണൻ, ഗോൾഡ് 101.3 FM ന്യൂസ് എഡിറ്റർ തൻസി ഹാഷിർ, ഉത്തരാധുനീക സാഹിത്യകാരൻ ശ്രീ പി.എൻ ഗോപീകൃഷ്ണൻ, മാധ്യമ പ്രവർത്തകൻ ശ്രീ സി അനൂപ്, മലയാളം സർവ്വകാശാല വൈസ് ചാൻസലർ ഡോ അനിൽ വള്ളത്തോൾ എന്നിവർ നടത്തിയിരുന്ന പ്രഭാഷണങ്ങൾ കേൾക്കുവാൻ നിരവധി ആളുകളാണ് താല്പര്യപൂർവ്വം ലൈവിൽ എത്തിയിരുന്നത്. ഭാഷാ സ്നേഹികളായ പല ആളുകളും പ്രഭാഷകാരോട് ചോദ്യങ്ങൾ ചോദിക്കുകയും ക്രിയാത്മകമായ സംവാദങ്ങളിൽ ഏർപ്പെടുകയും ചെയ്തിരുന്നു. ആയിരങ്ങൾ ആ പ്രഭാഷണങ്ങൾ ശ്രവിക്കുകയും ചെയ്തു.
മലയാളം മിഷൻ അധ്യാപകർക്കും കുട്ടികൾക്കും ഭാഷാ സ്നേഹികൾക്കും പ്രയോജനപ്രദമായ മലയാളം മിഷൻ യുകെ ചാപ്റ്ററിന്റെ നേതൃത്വത്തിൽ നടത്തുന്ന മലയാളം ഡ്രൈവിന്റെ പ്രവർത്തനങ്ങൾ ഏകോപിപ്പിക്കുന്നത് പ്രവർത്തക സമിതി അംഗങ്ങളായ ആഷിക് മുഹമ്മദ് നാസർ, ജനേഷ് നായർ, ബേസിൽ ജോൺ എന്നിവരാണ്.
മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ എല്ലാവർക്കും പ്രയോജനപ്രദമായ ലൈവ് പ്രഭാഷണങ്ങളും, ഭാഷാ ഉന്നമനത്തിനായി നടത്തുന്ന പരിപാടികളും, ഭാഷാസ്നേഹികളായ മുഴുവൻ ആളുകളും പ്രോൽസാഹിപ്പിക്കണമെന്ന് മലയാളം മിഷൻ യുകെ ചാപ്റ്റർ പ്രസിഡന്റ് സി എ ജോസഫും സെക്രട്ടറി ഏബ്രഹാം കുര്യനും അഭ്യർത്ഥിച്ചു.
ഇന്ന് (03/01/2021) ഞായറാഴ്ച്ച വൈകിട്ട് യുകെ സമയം 4പി എം , ഇൻഡ്യൻ സമയം 09.30 പി എമ്മിനുമാണ് പ്രൊഫ സുജ സൂസൻ ജോർജ് ‘മലയാളം-മലയാളി-കേരളം’ എന്ന വിഷയത്തിൽ പ്രഭാഷണവും സംവാദവും നടത്തുന്നത്. തത്സമയം പരിപാടിയിൽ പങ്കെടുക്കുന്നതിന് താഴെ കൊടുത്തിരിക്കുന്ന ലിങ്ക് ക്ലിക്ക് ചെയ്യുക . മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജ് ലൈക്ക് ചെയ്തും പരിപാടികൾ ഷെയർ ചെയ്തും പ്രോത്സാഹിപ്പിക്കുക.
https://www.facebook.com/MAMIUKCHAPTER/live/
ടോം ജോസ് തടിയംപാട്
കിഡ്‌നി രോഗം ബാധിച്ച ചെറുതോണി ഗിരിജോതി കോളേജിലെ ബസ് ഡ്രൈവർ ആയിരുന്ന ഇടുക്കി കീരിത്തോട് സ്വദേശി പനംതോട്ടത്തിൽ മാത്യുവിനെ സഹായിക്കുന്നതിനുവേണ്ടി ഇടുക്കി ചാരിറ്റി ഗ്രൂപ്പ് യു കെ നടത്തിയ ചാരിറ്റിക്ക് യു കെ മലയാളികളിൽ നിന്നും വലിയ പിന്തുണയാണ് ലഭിച്ചത് .ഇന്നു ചാരിറ്റി അവസാനിച്ചപ്പോൾ 1915 പൗണ്ട് (ഏകദേശം 185000 രൂപ) ലഭിച്ചു പണം നാട്ടിൽ എത്തിച്ച് മാത്യുവിനു കൈമാറാൻ ഇടുക്കി ചാരിറ്റി ഗ്രൂപ്പിന്റെ സെക്രെട്ടറി ടോം ജോസ് തടിയംപാടിനെ ഏൽപ്പിച്ചു എന്ന് കൺവീനർ സാബു ഫിലിപ്പ് അറിയിച്ചു . ബാങ്കിന്റെ സമ്മറി സ്റ്റേറ്റ്മെന്റ് താഴെ പ്രസിദ്ധീകരിക്കുന്നു . പണം തന്ന ഏല്ലാവർക്കും ബാങ്കിൻറെ ഫുൾ സ്റ്റെമെന്റ്റ് അയച്ചിട്ടുണ്ട്. കിട്ടാത്തവർ സെക്രട്ടറിയുമായി ബന്ധപ്പെടണമെന്ന് കൺവീനർ അറിയിച്ചു. ചാരിറ്റി അവസാനിച്ചതായി അറിയിക്കുന്നു .
കൊറോണയുടെ മാരകമായ പിടിയിൽ അമർന്നിരിക്കുന്ന വളരെ കഷ്ട്കരമായ ഈ കാലത്തും യു കെ മലയാളികളുടെ നല്ലമനസുകൊണ്ടാണ് ഇത്രയും നല്ല ഒരു തുക ലഭിച്ചത്. ഞങ്ങളുടെ എളിയ പ്രവർത്തനത്തിൽ വാർത്ത ഷെയർ ചെയ്തും പണം നൽകിയും ഞങ്ങളെ സഹായിച്ച എല്ലാവരോടും ഞങ്ങൾക്കുള്ള നന്ദിയും കടപ്പാടും അറിയിക്കുന്നു .
ഞങ്ങൾ ഇതുവരെ സൂതാരൃവും സതൃസന്തവുമായി ജാതി ,മത ,വർഗ ,വർണ്ണ, സ്ഥലകാല ഭേദമന്യയെ കേരളത്തിലും, യു കെ യിലും , നടത്തിയ ചാരിറ്റി പ്രവർത്തനത്തിന് യു കെ മലയാളികൾ നല്‍കിയ വലിയ പിന്തുണയെ നന്ദിയോടെ സ്മരിക്കുന്നു. നിങ്ങളുടെ സഹായം കൊണ്ട് ഇതുവരെ 88 .5 ലക്ഷം രൂപയുടെ സഹായം പാവങ്ങൾക്ക് നൽകുവാൻ ഞങ്ങൾക്ക് കഴിഞ്ഞിട്ടുണ്ട് .
2004 ഉണ്ടായ സുനാമിക്ക് പണം പിരിച്ചുകൊണ്ടാണ് ഞങ്ങൾ പ്രവർത്തനം ആരംഭിച്ചത്. ഇടുക്കി ചാരിറ്റി ഗ്രൂപ്പ് യു കെ എന്നത് കേരളത്തിൽ നിന്നും യു കെയിൽ കുടിയേറിയ കഷ്ട്ടപാടും ബുദ്ധിമുട്ടും അറിഞ്ഞവരുടെ ഒരു കൂട്ടായ്മയാണ്.
ഇടുക്കി ചാരിറ്റിക്കു നേതൃത്വ൦കൊടുക്കുന്നത് സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ് 07803276626..എന്നിവരാണ്
ഷൈമോൻ തോട്ടുങ്കൽ
മാഞ്ചസ്റ്റർ : യു കെ മലയാളികൾക്ക് ക്രിസ്മസ് & ന്യൂഇയർ സമ്മാനവുമായി യു കെ യിലെ കലാകാരന്മാരുടെ ഈറ്റില്ലമായ മാഞ്ചസ്റ്ററിലെ ട്രാഫോർഡിൽ നിന്ന് ആദ്യമായി നിർമിച്ച ഷോർട്ട് ഫിലിം “എൻറെ കഥ, ഒരു ചെറിയ കഥ”ക്രിസ്മസ് ദിനത്തിൽ യു-ട്യൂബിൽ റിലീസ് ചെയ്തു. റിലീസ് ചെയ്ത് ആദ്യ മണിക്കൂറുകൾക്കുള്ളിൽ തന്നെ നൂറുകണക്കിന് ആളുകൾ കണ്ട ഈ ഷോർട്ട് ഫിലിമിനു മികച്ച പ്രതികരണമാണ് ലഭിച്ചുകൊണ്ടിരിക്കുന്നത്.
യുകെയിലെ മലയാളികൾക്ക് വേറിട്ട ഒരു അനുഭവമായി മാറുകയാണ് ഈ ഷോർട്ട് ഫിലിം . നിരവധി നാടകങ്ങളിലൂടെ തങ്ങളുടെ അഭിനയമികവ് കാഴ്ച വച്ചിട്ടുള്ള കലാകാരന്മാരും, കലാകാരികളും ഇതിന്റെ പിന്നിൽ അണിനിരന്നപ്പോൾ സ്ക്രീനിൽ കണ്ടത് അഭിനയവിസ്മയമാണ് .
ആദർശ് സോമൻ കഥയും സംവിധാനവും, .ഛായാഗ്രഹണവും എഡിറ്റിങ്ങും സാജു ലസാർ , പശ്ചാത്തലസംഗീതം അരുൺ സിദ്ധാർഥ് , നിർമ്മാണം ഭാഗ്യ ആദർശ് ,ഡബ്ബിങ് സ്നേഹ സിജു , ജോർജ് തോമസ് , ഷോണി തോമസ് എന്നിവർ ആണ് പ്രൊഡക്ഷൻ എക്സിക്യൂട്ടീവിസ്, ഗതാഗതം സ്റ്റാൻലി ജോൺ. സ്റ്റാഫിന മരിയ സാജു ,ബിജു ജോൺ , ഐബി ബിജു , ആശ ഷിജു , സിന്ധു സ്റ്റാൻലി , സ്റ്റാൻലി ജോൺ ,ഫെബിലു സാജു , ഫെബിൽ ജോ സാജു ,മെറിൻ ഷിജു ,അലീന സ്റ്റാൻലി , ഡിയോണ സ്റ്റാൻലി ,ഡിവീന സ്റ്റാൻലി ,ഒലിവിയ ജോർജ് ,ജോയൽ ജോർജ് എന്നിവർ അഭിനയിച്ചു . ഷോർട്ട് ഫിലിം കാണാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
സനു ബേബി
ലോകത്തിലാകമാനം ഇരുൾ പരത്തിയ കോവിഡ് മഹാമാരിയുടെ ഫലമായി അതിജീവനത്തിന്റെ പാതയിലൂടെ മാനവരാശി കടന്നുപോകുമ്പോഴും ഗിൽഫോർഡ് അയൽക്കൂട്ടം കൾച്ചറൽ അസോസിയേഷൻ (ജി എ സി എ ) പൂർണ്ണമായും കോവിഡ് മാനദണ്ഡങ്ങൾ പാലിച്ച് വെർച്യുൽ പ്ലാറ്റ്ഫോമിലൂടെ വേറിട്ട വിസ്മയ കാഴ്ചകളൊരുക്കി ക്രിസ്തുമസ് ന്യൂ ഇയർ ആഘോഷം വർണ്ണാഭമായി നടത്തി. ലോക്ക്ഡൗൺ സമയത്ത് കുട്ടികളും മുതിർന്നവരും അവരവരുടെ വീടുകളിലാണ് വെർച്യുലായി പരിപാടികൾ അവതരിപ്പിച്ചത്. ലോക്ക്ഡൗൺ നിയന്ത്രണങ്ങൾആരംഭിക്കുന്നതിനു മുൻപ് ചിത്രീകരിച്ച പരിപാടികളുമുൾപ്പെടുത്തി അവതരിപ്പിച്ച ആഘോഷങ്ങളുടെ യൂട്യൂബ് വീഡിയോ ഇതിനോടകം നിരവധി ആളുകളുടെ പ്രശംസ ഏറ്റു വാങ്ങുകയുണ്ടായി.
മികച്ച അഭിനയ തനിമയിൽ മനോഹരമായി കുട്ടികൾ ഷാഡോ സ്ക്രീനിൽ അവതരിപ്പിച്ച നേറ്റിവിറ്റി ഷോ കാണികൾക്ക് നവ്യമായ അനുഭവമാണ് നൽകിയത് . മികവാർന്ന വിവരണങ്ങളും നൽകി അവതരിപ്പിച്ച നേറ്റിവിറ്റി ഷോയിൽ പങ്കെടുത്തവർ ബേസിൽ,കിങ്ങിണി,എലിസബത്ത് അനിഷ്ക, ജേക്കബ്, ഗീവർ,കെവിൻ,സ്റ്റീഫൻ, ജിൻസി, ചിന്നു, മോളി, അബിൻ എന്നിവരാണ്. തുടർന്ന് യുക്മ ദേശീയ ജനറൽസെക്രട്ടറി അലക്സ് വർഗീസ് വെർച് വൽ പ്ലാറ്റ്ഫോമിലൂടെ ജി എ സി എ യുടെ ക്രിസ്തുമസ്പുതുവത്സരാഘോഷങ്ങളുടെ ഔപചാരികമായി ഉദ്ഘാടനം നിർവഹിച്ചു. എല്ലാ കുടുംബാംഗങ്ങൾക്കും ക്രിസ്തുമസിന്റെയും പുതുവത്സരത്തിന്റേയും ഹൃദയം നിറഞ്ഞ ആശംസകൾ നേർന്ന അലക്സ് വർഗ്ഗീസ് ജി എസി എ കഴിഞ്ഞ വർഷം യുക്മയിൽ അംഗത്വമെടുത്ത ഉടനെ നടത്തിയ യുക്മ സൗത്ത് ഈസ്റ്റ് റീജിയണൽ കലാമേളയിൽ മികച്ച രീതിയിൽ പങ്കെടുത്ത് വിജയിച്ച ജി എ സി എ യിലെ അംഗങ്ങളെ അഭിനന്ദിക്കുകയുംചെയ്തു. നിരവധി പ്രതിഭകൾ അംഗങ്ങളായുള്ള ജി എ സി എ എന്ന സംഘടന യുക് മയ്ക്കും യു കെ മലയാളി സമൂഹത്തിനും മാതൃകാപരമായ പ്രവർത്തനങ്ങൾ തുടർന്നും നടത്തുവാൻ ഇടയാകട്ടെയെന്നും അദ്ദേഹംആശംസിച്ചു.
വെർച്ച് വൽ പ്ലാറ്റ് ഫോമിൽ നൂതനമായ സാങ്കേതിക മികവിൽ വൈവിധ്യമാർന്ന കലാപരിപാടികളാണ് ആഘോഷങ്ങൾക്ക് മാറ്റു കൂട്ടുവാനായി അവതരിപ്പിച്ചത് . മഞ്ഞണിഞ്ഞ രാവിന്റെയും മിന്നിത്തിളങ്ങുന്ന നക്ഷത്രങ്ങളുടെയും ഉണ്ണിയേശു പിറന്ന പുൽക്കൂടിന്റെയും ദൃശ്യ ഭംഗിയിൽ ജി എ സി എ യിലെ ഗായകർ ക്രിസ്തുമസ് കരോൾ ഗാനമാലയൊരുക്കി അവതരിപ്പിച്ച ‘മെഡ് ലി’ ഏവർക്കും നവ്യമായ സംഗീതാനുഭവം നൽകി. ആസ്വാദകരുടെ മുക്തകണ്ഠമായ പ്രശംസ ഏറ്റുവാങ്ങിയ കരോൾ ഗാനമാലയിൽ ഗാനങ്ങൾ ആലപിച്ചത് അബിൻജോർജ്ജ്, സജി ജേക്കബ് , സി എ ജോസഫ് , സിനി ജോസഫ്, ജെസ്‌വിൻ ജോസഫ്, വിനോദ് പിള്ള, ബിനോദ് ജോസഫ് എന്നിവരാണ്.
ജി എസ് സി എ യുടെ വെർച് വൽ ആഘോഷപരിപാടികളെ സമ്പന്നമാക്കുവാനായി കാണികളെ വിസ്മയിപ്പിച്ച വ്യത്യസ്തതയാർന്ന നൃത്തങ്ങളും അവതരിപ്പിക്കുകയുണ്ടായി. ജി എ സി എ യുടെ കൊച്ചു നർത്തകരായ ബേസിൽ, സ്കാർലെറ്റ് , അൻഷിക, കിങ്ങിണി, എലിസബത്ത്, ഇവ, മനസ്വിനി, എൽസാ, മെറിൻ, സ്റ്റീഫൻ, ഗീവർ, ജേക്കബ്, ദിവ്യ, കെവിൻ എന്നിവർ ചേർന്ന് ഏവർക്കും ആകർഷണീയമായ നൃത്തങ്ങൾ അവതരിപ്പിച്ചപ്പോൾ മുതിർന്നവരായ ആതിര,സരിത,ചിന്നു, ജിനി, ജിൻസി, മോളി ഫാൻസി എന്നിവർ അവതരിപ്പിച്ച നയനാനന്ദകരവും വൈവിധ്യമാർന്നതുമായ നൃത്തങ്ങൾ കാണികളെ ഉന്നതമായ ആസ്വാദനതലങ്ങളിൽ എത്തിച്ചു.
കോവിഡ് മഹാമാരിയുടെ രണ്ടാംവരവിൽ ആളുകൾ വിറങ്ങലിച്ചു നിൽക്കുന്ന അവസരത്തിലും ജി എ സി എ നടത്തിയ വെർച് വൽ ക്രിസ്മസ് ആഘോഷങ്ങളുടെ ഇടയിൽ എല്ലാവർക്കും ആശ്വാസ സന്ദേശവുമായി സന്റാക്ലോസ് എത്തിയത് മുഴുവൻ കുടുംബാംഗങ്ങൾക്കും സന്തോഷമുളവാക്കി. പൂർണ്ണമായും കോവിഡ് മാനദണ്ഡങ്ങൾപാലിച്ച് കൈയുറയും മാസ്ക്കും ധരിച്ചെത്തിയ സാന്റാ ജി എ സി എ യിലെ എല്ലാ അംഗങ്ങൾക്കും കുടുംബങ്ങൾക്കും സന്തോഷത്തിന്റെയും സമാധാനത്തിന്റേയും ക്രിസ്തുമസ് പുതുവത്സരാശംസകൾ നേർന്നു.
കോവിഡ് മഹാമാരിയുടെ ഈ കാലഘട്ടത്തിൽ എല്ലാവരും സുരക്ഷിതരായിരിക്കുവാനായി മാസ്ക് ധരിക്കുക, സാമൂഹിക അകലം പാലിക്കുക, സാനിറ്റൈസർ ഉപയോഗിച്ച് ശുചിത്വം പാലിക്കുക, ആൾക്കൂട്ടങ്ങൾ ഒഴിവാക്കുക തുടങ്ങിയ പ്രതിരോധനടപടികൾ എല്ലാവരും സ്വീകരിക്കണമെന്നും സാന്റാ അഭ്യർത്ഥിച്ചു. കോവിഡ് മാനദണ്ഡങ്ങൾ പാലിക്കേണ്ടതുകൊണ്ട്‌ എല്ലാവരുടെയും ഭവനങ്ങളിൽ അടുത്തവർഷം സമ്മാനങ്ങളുമായി എത്താമെന്നും ഉറപ്പു നൽകിയാണ് സാന്റാ മടങ്ങിയത്. ജി എ സി എ യിലെ അംഗമായ ജോയൽ ജോസഫാണ് സാന്റാ ക്ലോസിന്റെ വേഷമണിഞ്ഞ് ആശംസ നേരുവാനെത്തി എല്ലാവരുടെയും പ്രശംസ പിടിച്ചു പറ്റിയത്.
വെർച് വൽ ആഘോഷപരിപാടികളുടെ തുടക്കം മുതൽ അവസാനം വരെ എല്ലാ പ്രോഗ്രാമുകളുടെയും തിളക്കം നഷ്ടപ്പെടുത്താതെ മികവാർന്ന രീതിയിൽ ആങ്കറിംഗ് നടത്തിയ ജി എ സി എ യിലെ അംഗങ്ങളും നവദമ്പതികളുമായ എൽദോയും ചിഞ്ചുവും ഏവർക്കും പ്രിയങ്കരരായി മാറി. ക്രിസ്മസ് സന്ദേശം നൽകിയ ജി എസി എ പ്രസിഡണ്ട് നിക്സൺ ആന്റണി മുഖ്യാതിഥിയായി എത്തിയ യുക്മ ജനറൽ സെക്രട്ടറി അലക്സ് വർഗീസിനും പരിപാടികളിൽ പങ്കെടുത്ത് വിജയിപ്പിച്ച എല്ലാവർക്കും നന്ദിയും പ്രകാശിപ്പിച്ചതിനോടൊപ്പം എല്ലാ കുടുംബാംഗങ്ങൾക്കും ക്രിസ്തുമസ് പുതുവത്സരാശംസകളും നേർന്നു.
ജി എ സി എ യുടെ വെർച്വൽ ആഘോഷപരിപാടികളുടെ വീഡിയോ എഡിറ്റ് ചെയ്ത് അവതരിപ്പിച്ച നിക്സൺ ആന്റണിയെയും സഹായങ്ങൾ നൽകിയ ചിന്നു ജോർജിനെയും ജി എ സി എ എക്സിക്യൂട്ടീവ് കമ്മിറ്റി പ്രത്യേകമായി അഭിനന്ദിച്ചു. മഹാമാരിയുടെ സമയത്തും സുരക്ഷിതമായ മാനദണ്ഡങ്ങൾ പാലിച്ചു സംഘടിപ്പിച്ച ക്രിസ്തുമസ് പുതുവത്സരാഘോഷങ്ങൾ വൻ വിജയമാക്കിത്തീർത്ത എല്ലാവർക്കും ജി എ സി എ പ്രസിഡണ്ട് നിക്സൺ ആന്റണി, സെക്രട്ടറി സനു ബേബി, ട്രഷറർ ഷിജു മത്തായി എന്നിവർ നന്ദി അറിയിച്ചു. ജി എ സി എയുടെ ക്രിസ്തുമസ് പുതുവത്സരാഘോഷങ്ങളുടെ വീഡിയോ കാണുവാൻ താഴെകൊടുത്തിരിക്കുന്ന ലിങ്ക് ക്ലിക്ക് ചെയ്യുക.
ഈ വർഷവും പതിവുപോലെ ഗംഭീരമായി ക്രിസ്തുമസ്-പുതുവത്സര ആഘോഷങ്ങളുമായി മുന്നോട്ട് വന്നിരിക്കുകയാണ് ബിർമിങ്ഹാം സിറ്റി മലയാളി കമ്മ്യൂണിറ്റി. കൊറോണ രോഗവ്യാപനത്തിൻെറ പശ്ചാത്തലത്തിൽ വിർച്ച്വൽ പ്ലാറ്റ്ഫോമിൽ ആയിരിക്കും ആഘോഷങ്ങൾ നടത്തപ്പെടുന്നത്. ജനുവരി രണ്ടിന് 4 മണി മുതൽ ആണ് ബിസിഎംസിയുടെ ക്രിസ്തുമസ് പുതുവത്സര ആഘോഷങ്ങൾ നടത്തപ്പെടുന്നത്.
ഇതോടൊപ്പംതന്നെ പുൽക്കൂട് മത്സരവും നടത്തപ്പെടുന്നുണ്ട്. പുൽക്കൂട് മത്സരത്തിൻെറ എൻട്രികൾ അയക്കേണ്ടത് [email protected] എന്ന ഇമെയിൽ അഡ്രസ്സിലേയ്ക്കാണ്. എൻട്രികൾ ലഭിക്കേണ്ട അവസാന തീയതി ഡിസംബർ 30 ആണ്.
കൂടുതൽ വിവരങ്ങൾ താഴെ പറയുന്ന ഫോൺ നമ്പറിൽ നിന്ന് ലഭ്യമാണ്.
ഷീന സാജു – 07925915858 , ഷൈനി നോബിൾ – 07809377301 , ബീന ബെന്നി – 07828792935
ഏബ്രഹാം കുര്യൻ
മലയാളം മിഷൻ യുകെ ചാപ്റ്ററിന്റെ ശത ദിന കർമ്മ പരിപാടിയായ മലയാളം ഡ്രൈവിൽ മലയാളത്തിലെ പ്രശസ്ത സാഹിത്യ കാരനും തുഞ്ചത്തെഴുത്തച്ഛൻ മലയാളം സർവ്വകലാശാല വൈസ് ചാൻസിലറുമായ ഡോ. അനിൽ വള്ളത്തോൾ ഇന്ന് (27/12/20) 4പി എമ്മിന് (09.30PM IST) ‘പ്രവാസി മലയാളം: ചില ആലോചനകൾ’ എന്ന വിഷയത്തിൽ പ്രഭാഷണം നടത്തുന്നു. മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ നടത്തുന്ന ഈ പ്രഭാഷണത്തിലും സംവാദത്തിലും പങ്കെടുക്കുവാൻ എല്ലാ മലയാള ഭാഷാസ്നേഹികളെയും ഹാർദ്ദവമായി സ്വാഗതം ചെയ്യുന്നു.
എഴുത്തുകാരൻ അധ്യാപകൻ, വിവിധ സർവ്വകലാശാലകളിൽ ബോർഡ് ഓഫ് സ്റ്റഡീസ് അംഗം, കേന്ദ്ര സാഹിത്യ അക്കാഡമി മലയാള ഉപദേശക സമിതി അംഗം, തുഞ്ചൻ സ്മാരക ട്രസ്റ്റ് അംഗം, എസ് സി ഇ ആർ ടി ഉപദേശക സമിതി അംഗം, വള്ളത്തോൾ വിദ്യാപീഠം ട്രസ്റ്റ് അംഗം എന്നീ നിലകളിൽ ഡോ അനിൽ വള്ളത്തോൾ വ്യക്തി മുദ്ര പതിപ്പിച്ചിട്ടുണ്ട്. വള്ളത്തോളിന്റെ കാവ്യശൈലി, കാവ്യഭാഷാ പഠനങ്ങൾ, വള്ളത്തോൾ പ്രതിഭ, കുറ്റിപ്പുറത്ത് കേശവൻ നായർ, മണിപ്രവാള കാവ്യ മാലിക, ഭാഗവത പഠനങ്ങൾ, ടി എൻ ഗോപിനാഥൻ നായർ തുടങ്ങി പതിനഞ്ചോളം പുസ്തകങ്ങൾ, എഴുപതോളം ഗവേഷണ പ്രബന്ധങ്ങൾ എന്നിവ ഡോ അനിൽ വള്ളത്തോളിന്റേതായുണ്ട് . ഇതിൽ ‘കുറ്റിപ്പുറത്ത് കേശവൻ നായർ’ എന്ന ജീവ ചരിത്ര കൃതിക്ക് 2015ലെ പി കെ പരമേശ്വരൻ നായർ സ്മാരക ട്രസ്റ്റ് പുരസ്കാരം ലഭിച്ചിട്ടുണ്ട്.
മലയാളം മിഷൻ യുകെ ചാപ്റ്റർ കേരളപ്പിറവിദിനത്തിൽ മലയാളഭാഷാ പ്രചാരണത്തിനായി തുടക്കം കുറിച്ച മലയാളം ഡ്രൈവിന്റെ ഭാഗമായി ഫെബ്രുവരി രണ്ടാം വാരം അവസാനിക്കുന്ന നൂറുദിന കർമ്മ പരിപാടികൾ ആണ് വിഭാവനം ചെയ്തിരിക്കുന്നത് . മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ നടത്തുന്ന ഈ സാംസ്കാരിക പരിപാടികൾക്ക് വിവിധ മേഖലകളിൽ നിന്നുമുള്ള ആളുകളുടെ മികച്ച പിന്തുണയാണ് ലഭിച്ചുകൊണ്ടിരിക്കുന്നത് . ഇക്കഴിഞ്ഞ ആഴ്ചകളിൽ മലയാളം മിഷൻ രജിസ്ട്രാർ ശ്രീ എം സേതുമാധവൻ, ദളിത് ആക്ടിവിസ്റ്റ് ശ്രീമതി മൃദുലാദേവി എസ്, ബല്ലാത്ത പഹയൻ ശ്രീ വിനോദ് നാരായണൻ, ഗോൾഡ് 101.3 FM ന്യൂസ് എഡിറ്റർ തൻസി ഹാഷിർ, ഉത്തരാധുനീക സാഹിത്യകാരൻ ശ്രീ പി.എൻ ഗോപീകൃഷ്ണൻ, മാധ്യമ പ്രവർത്തകൻ ശ്രീ സി അനൂപ് എന്നിവർ നടത്തിയിരുന്ന പ്രഭാഷണങ്ങൾ കേൾക്കുവാൻ നിരവധി ആളുകളാണ് താല്പര്യപൂർവ്വം ലൈവിൽ എത്തിയിരുന്നത്ത് .ഭാഷാ സ്നേഹികളായ പല ആളുകളും പ്രഭാഷകാരോട് ചോദ്യങ്ങൾ ചോദിക്കുകയും ക്രിയാത്മകമായ സംവാദങ്ങളിൽ ഏർപ്പെടുകയും ചെയ്തിരുന്നു. ആയിരങ്ങൾ ആ പ്രഭാഷണങ്ങൾ ശ്രവിക്കുകയും ചെയ്തു, എന്നാൽ ഡിസംബർ 20ന് പ്രശസ്ത എഴുത്തുകാരനും, സാഹിത്യ വിമർശകനും, മാധ്യമ പ്രവർത്തകനുമായ ഡോ പി കെ രാജശേഖരന്റെ പ്രഭാഷണം സാങ്കേതിക തടസം മൂലം പൂർത്തിയാക്കുവാൻ കഴിയാഞ്ഞതിൽ മലയാളം മിഷനുള്ള ഖേദം രേഖപ്പെടുത്തുന്നു. ശ്രോതാക്കളുടെ അഭ്യർത്ഥന മാനിച്ച് ഡോ പി കെ രാജശേഖരന്റെ പ്രഭാഷണവും സംവാദവും മലയാളം ഡ്രൈവ് മറ്റൊരു ദിവസം ലൈവ് ചെയ്യുമെന്ന് അറിയിക്കുന്നു.
മലയാളം മിഷൻ അധ്യാപകർക്കും കുട്ടികൾക്കും ഭാഷാ സ്നേഹികൾക്കും പ്രയോജനപ്രദമായ മലയാളം മിഷൻ യുകെ ചാപ്റ്ററിന്റെ നേതൃത്വത്തിൽ നടത്തുന്ന മലയാളം ഡ്രൈവിന്റെ പ്രവർത്തനങ്ങൾ ഏകോപിപ്പിക്കുന്നത് പ്രവർത്തക സമിതി അംഗങ്ങളായ ആഷിക് മുഹമ്മദ് നാസർ, ജനേഷ് നായർ, ബേസിൽ ജോൺ എന്നിവരാണ്.
മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ എല്ലാവർക്കും പ്രയോജനപ്രദമായ ലൈവ് പ്രഭാഷണങ്ങളും, ഭാഷാ ഉന്നമനത്തിനായി നടത്തുന്ന പരിപാടികളും, ഭാഷാസ്നേഹികളായ മുഴുവൻ ആളുകളും പ്രോൽസാഹിപ്പിക്കണമെന്ന് മലയാളം മിഷൻ യുകെ ചാപ്റ്റർ പ്രസിഡന്റ് സി എ ജോസഫും സെക്രട്ടറി ഏബ്രഹാം കുര്യനും അഭ്യർത്ഥിച്ചു.
ഇന്ന് (27-12-20) ഞായറാഴ്ച്ച വൈകിട്ട് യുകെ സമയം 4PM, ഇൻഡ്യൻ സമയം 09.30 PM നുമാണ് ഡോ. അനിൽ വള്ളത്തോൾ ‘പ്രവാസി മലയാളം: ചില ആലോചനകൾ’ എന്ന വിഷയത്തിൽ പ്രഭാഷണവും സംവാദവും നടത്തുന്നത്. തത്സമയം പരിപാടിയിൽ പങ്കെടുക്കുന്നതിന് താഴെ കൊടുത്തിരിക്കുന്ന ലിങ്ക് ക്ലിക്ക് ചെയ്യുക . മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജ് ലൈക്ക് ചെയ്തും പരിപാടികൾ ഷെയർ ചെയ്തും പ്രോത്സാഹിപ്പിക്കുക.
