സിബി ജോസ്

പൊന്നോണ പൂവിളികളുമായി സ്റ്റോക്ക് ഓൺ ട്രെൻഡിലെ സ്റ്റാഫോർഡ് ഷെയർ മലയാളി അസോസിയേഷൻറെ (SMA) ഈ വർഷത്തെ ഓണാഘോഷം ഓണവില്ല് 2K25 പ്രൗഢഗംഭീരമായി ആഘോഷിച്ചു.

ഒരുപിടി നല്ല ഓർമ്മകളുമായി എസ്എംഎ കുടുംബാംഗങ്ങൾ പ്രിയപ്പെട്ടവരുമൊത്ത് ചേർന്ന് ഈ വർഷത്തെ ഓണാഘോഷവും അസോസിയേഷൻറെ ഇരുപതാം വാർഷികവും സെപ്റ്റംബർ 6 ശനിയാഴ്ച ഉച്ചക്ക് 12 മണി മുതൽ രാത്രി 10 മണിവരെ വളരെ വിപുലമായ പരിപാടികളോടെ ഫെൻൻ്റെൺ സെൻറ്. പീറ്റേഴ്സ് അക്കാഡമി ഹാളിൽ ആഘോഷിച്ചു.

നാട്ടിലായാലും മറുനാട്ടിൽ ആയാലും ഓണാഘോഷത്തിന് മലയാളി ഒട്ടും മാറ്റ് കുറയ്ക്കാറില്ല ജാതിമതഭേദമന്യേ എസ് എം എ കുടുംബാംഗങ്ങൾ എല്ലാവരും ഒരുമിച്ച് പൂക്കളം ഒരുക്കി കൊണ്ടാണ് ആഘോഷങ്ങൾക്ക് തുടക്കം കുറിച്ചത് മനോഹരമായ പൂക്കളം ഒരുക്കുവാൻ സംഘടനയുടെ വനിതാ ഭാരവാഹികളായ രാജലക്ഷ്മി രാജൻ, സിനി വിൻസൻറ്, ജോസ്‌നി ജിനോ, ജയാ വിപിൻ തുടങ്ങിയവർ നേതൃത്വം നൽകി.

അതിനുശേഷം നാടിന്റെ ഓർമകളിലേക്ക് ചേക്കേറി ഓണത്തിന്റെ ഏറ്റവും പ്രധാന ആകര്‍ഷണമായ വിഭവസമൃദ്ധമായ ഓണസദ്യ. സെക്രട്ടറി സജി ജോർജ്, മുൻ സെക്രട്ടറി ജിജോ ജിജോ ജോസഫ്,മുൻ പ്രസിഡണ്ട് എബിൻ ബേബി , എക്സിക്യൂട്ടീവ് കമ്മിറ്റി അംഗങ്ങൾ എന്നിവർ ഒരു കുറവും വരുത്താതെ അതിഗംഭീരമായി ഓണസദ്യ സമയോചിതമായി ഭംഗിയായി വിളമ്പി ഓണസദ്യയുടെ മാറ്റ് കൂട്ടി.

വൈകുന്നേരം നാലുമണിയോടുകൂടി ചെണ്ടമേളങ്ങളുടെയും വാദ്യഘോഷങ്ങളുടെയും പുലികളിയുടെയും അകമ്പടിയോടെ മഹാമനസ്കനായ അസുര രാജാവായിരുന്ന മഹാബലി തമ്പുരാനെ ഗജവീരന്മാരും മുത്തുക്കുടകളും ഏന്തിയ മനോഹരമായ സ്റ്റേജിലേക്ക് ആഘോഷപൂർവ്വം ആനയിച്ചു വരവേറ്റതോടുകൂടി പൊതുസമ്മേളനം ആരംഭിച്ചു.

അസോസിയേഷൻ പ്രസിഡൻറ് ശ്രീ. ബെന്നി പാലാട്ടിയുടെ അധ്യക്ഷതയിൽ ചേർന്ന പൊതുസമ്മേളനത്തിൽ സ്റ്റോക്ക് ഓണ്‍ ട്രെൻ്റിലെ കുര്യാക്കോസ് യാക്കോബായ പള്ളി വികാരി ഫാ. സിബി വാലയിൽ മുഖ്യാതിഥിയായിരുന്നു . അസോസിയേഷൻ സെക്രട്ടറി ശ്രീ. സജി ജോർജ് മുളയ്ക്കൽ സ്വാഗത പ്രസംഗം നടത്തി. പ്രസിഡൻറ് ശ്രീ. ബെന്നി പാലാട്ടി തിരി തെളിയിച്ചുകൊണ്ട് പൊതുസമ്മേളനത്തിന്റെ ഉദ്ഘാടന കർമ്മം നിർവഹിച്ചു. റെവ . ഫാ. സിബി വാലയിൽ ഓണ സന്ദേശം നൽകി , പ്രോഗ്രാം കോഡിനേറ്റർ ശ്രീ. സിറിൽ മാഞ്ഞൂരാൻ യോഗത്തിന് നന്ദി അർപ്പിച്ചു…

20 വർഷം പൂർത്തിയാക്കിയ സംഘടനയ്ക്ക് കാലഘട്ടത്തിനനുസൃതമായി സംയോജിതമായ മാറ്റങ്ങൾ ഉൾക്കൊള്ളിച്ചു കൊണ്ട് മനോഹരമായി നിർമ്മിച്ച എസ്എംഎയുടെ പുതിയ ലോഗോ പ്രകാശനവും അസോസിയേഷൻ ഭാരവാഹികളും മുൻ പ്രസിഡന്റുമാരും ചേർന്ന് നിർവഹിച്ചു .

പ്രതിബന്ധങ്ങളും പ്രയാസങ്ങളും നിറഞ്ഞ വഴികളിൽ നേതൃത്വത്തിന്റെ ഇച്ഛാശക്തിയും ആദർശത്തിന്റെ കരുത്തും കൊണ്ട് കഴിഞ്ഞ 20 വർഷക്കാലം SMA യെ വളരെ മനോഹരമായി മുന്നോട്ട് നയിച്ചിരുന്ന മുൻ പ്രസിഡന്റുമാരായ ശ്രീ. വിജി .K.P. ,ശ്രീ. അജി മംഗലത്ത്, ശ്രീ. ക്രിസ്റ്റി സെബാസ്റ്റ്യൻ, ശ്രീ. വിൻസൻ്റ് കുര്യാക്കോസ്, ശ്രീ. റോയി ഫ്രാൻസിസ്, ശ്രീ. എബിൻ ബേബി എന്നിവരെ വേദിയിൽ പ്രത്യേകം തയ്യാറാക്കിയ മൊമെന്റോയും പൊന്നാടയും നൽകി ആദരിച്ചു..

തുടർന്ന് യുകെയിൽ അങ്ങോളമിങ്ങോളം വടംവലിയുടെ മാസ്മരികത തീർത്ത് വിജയക്കൊടി പാറിച്ച
SMA യുടെ സ്വന്തം ടീമായ സ്റ്റോക്ക് ലയൺസ് വടംവലി ടീമിനെയും , മാനേജർമാരായ മാമച്ചനെയും അജിമംഗലത്തിനേയും ആദരിക്കുന്ന ചടങ്ങ് നടന്നു..

ഓണാഘോഷ പരിപാടിക്ക് *ഓണവില്ല് 2K25* എന്ന പേര് നിർദ്ദേശിച്ച ശ്രീ.ഷിൻ്റോ തോമസിന് പ്രതേക സമ്മാനം നൽകി വേദിയിൽ ആദരിച്ചു..

കോരിത്തരിപ്പിക്കുന്ന കലാപരിപാടികളുമായി SMA യുടെ ഡാൻസ് സ്കൂളിലെ കുട്ടികളും മുതിർന്നവരും
SMA കുടുംബാഗംങ്ങള്‍ക്ക് മറക്കാനാവാത്ത ഓർമ്മകൾ സമ്മാനിക്കുന്ന വിവിധയിനം കലാപരിപാടികള്‍ ആയിട്ടായിരുന്നു പിന്നീടുള്ള മണിക്കുറുകള്‍ കടന്നുപോയത് ചെണ്ടമേളം, തിരുവാതിരക്കളി, ഓണപ്പാട്ടും ഡാന്‍സും, എസ് എം എയിലെ കുട്ടികളുടെയും മുതിർന്നവരുടെയും നൃത്ത കലാപരിപാടികൾ, DJ, എസ്എംഎയുടെ മുൻപ്രസിഡന്റ് ശ്രീ വിൻസൻറ് കുര്യാക്കോസ് മാവേലിയായി ഏവരുടെയും പ്രശംസ പിടിച്ചു പറ്റി. സെറീന സിറിൽ ഐക്കരയും ,ദീപാ സുരേഷും സിന്റോ വർഗീസും, അതിമനോഹരമായി സ്റ്റേജിലെ ഇവന്റുകൾ കോഡിനേറ്റ് ചെയ്തു.

സ്പോർട്സ് ഡേ വിജയികൾക്കുള്ള സമ്മാനദാനങ്ങൾ സ്പോർട്സ് കോഡിനേറ്റർമാരായ ആഷ്ലി കുര്യന്റെയും എബിന്റെയും നേതൃത്വത്തിൽ സമ്മാനിച്ചു. തുടർന്ന് റാഫേൾ ടിക്കറ്റ് നറുക്കെടുപ്പ് മത്സരത്തിലെ വിജിലുകൾക്കുള്ള സമ്മാനങ്ങളും നൽകി..

സംഘടനയുടെ PRO സിബി ജോസ്, വൈസ് പ്രസിഡൻ്റ് ജോസ് ജോൺ,രാജലക്ഷ്മി ജയകുമാർ.ജോയിൻ്റ് സെക്രട്ടറി ജിൽസൺ കുര്യാക്കോസ്,ജയ വിപിൻ. പ്രോഗ്രാം കോഓർഡിനേറ്റർ സിറിൽ മാഞ്ഞൂരാൻ , ജോസ്‌നി ജിനോ , ജയ വിബിൻ മറ്റ് എക്സിക്യൂട്ടീവ് കമ്മിറ്റി അംഗങ്ങളും കൾച്ചറൽ പ്രോഗ്രാമിനും ഓണാഘോഷ പരിപാടിക്കു നേതൃത്വം കൊടുത്തു. ട്രഷറർ ആൻറണി സെബാസ്റ്റ്യൻ ഈ ഓണാഘോഷം ഒരു വൻ വിജയമാക്കാൻ സഹകരിച്ച പ്രവർത്തിച്ച എല്ലാവരെയും ഹൃദയത്തിൻറെ ഭാഷയിൽ നന്ദി അറിയിച്ചു.

എഡിൻബർഗ്: സേവനം സ്കോട്ട് ലൻഡ് സംഘടിപ്പിക്കുന്ന ഈ വർഷത്തെ ഓണാഘോഷവും വാർഷിക പൊതുയോഗവും “പൊന്നോണം 2025” എന്ന പേരിൽ സെപ്റ്റംബർ 14-ാം തീയതി ഞായറാഴ്ച എഡിൻബർഗിൽ വച്ച് നടത്തപ്പെടും. കിർക്കാൽഡിയിലാണ് പരിപാടി നടക്കുന്നത്.

സംഘടനയുടെ ചെയർമാൻ ശ്രീ. ബൈജു പാലക്കൽ ഉദ്ഘാടനം നിർവഹിക്കും. കൺവീനർ ശ്രീ. സജീഷ് ദാമോദരൻ മുഖ്യപ്രഭാഷണം നടത്തും. ട്രഷറർ ശ്രീ. അനിൽകുമാർ രാഘവൻ അനുഗ്രഹ പ്രഭാഷണം നിർവഹിക്കും.

ഓണാഘോഷത്തിന്റെ ഭാഗമായി ഓണസദ്യ, തിരുവാതിര, വിവിധ കലാപരിപാടികൾ എന്നിവ അരങ്ങേറും. എല്ലാവരുടെയും മഹനീയ സാന്നിധ്യവും സഹകരണവും സംഘാടകർ അഭ്യർത്ഥിച്ചിട്ടുണ്ട്.

സീറോ മലബാർ എപ്പാർക്കി ഓഫ് ഗ്രേറ്റ് ബ്രിട്ടനിലെ ഒരു സാധാരണ ഇടവകയായ സ്റ്റോക്ക് ഓൺ ട്രെൻഡിലെ OLPH സീറോ മലബാർ പള്ളിയെ ദൈവസ്നേഹത്തിന്‍റെ നറുമണം പ്രസരിക്കുന അസാധാരണമായ സേവനത്തിൻ്റെ പ്രതീകമാക്കി മാറ്റിയ രണ്ട് അൽമായ കൂട്ടായ്മകൾ.

ഇടവകയുടെ ഇടയനായ റെവ. ഫാ. ജോർജ് എട്ടുപറയിൽ അച്ഛൻറെ ദർശനവും നേതൃത്വവും മാർഗദർശനമാക്കി, 2017 ൽ തുടക്കം കുറിച്ച വിമൻസ് ഫോറവും 2019-ൽ തുടക്കം കുറിച്ച മെൻസ് ഫോറം, കഴിഞ്ഞ കുറെ വർഷങ്ങളായി സമർപ്പണത്തോടും കൃപയോടും, കൂടി സ്റ്റോക്ക്-ഓൺ-ട്രെന്റിലെ ഇടവകയുടെ കരുത്തായി, ഇടവകയുടെ ആത്മീയ-സാമൂഹിക വളർച്ചയുടെ അടിത്തറയായി സേവനത്തിന്റെ ഉജ്ജ്വല മാതൃകയായി എട്ടുപറയിൽ അച്ഛൻറെ കൈപിടിച്ച് വിശ്വാസം വാക്കിൽ മാത്രം അല്ല, പ്രവർത്തിയിലും സഹോദര്യത്തിലും ജീവിക്കുന്ന ഒന്നാണ് എന്ന് തെളിയിച്ച നിസ്വാർത്ഥമായ പ്രവർത്തന പാരമ്പര്യവുമായി പുതു നേതൃത്വത്തിന്റെ കൈകളിലേക്ക്.

സ്റ്റോക്ക്-ഓൺ-ട്രെന്റിലെ മെൻസ് ഫോറത്തിന്റെ 2025-27 കാലയളവിലേക്കുള്ള പുതിയ ഭാരവാഹികൾ:
പ്രസിഡൻ്റ് – സിറിൽ മാഞ്ഞൂരാൻ
⁠വൈസ് പ്രസിഡൻ്റ് – സുധീഷ് തോമസ്
⁠സെക്രട്ടറി – ഷിൻ്റോ വർഗീസ്
⁠ജോയിൻ്റ് സെക്രട്ടറി – സജി ജോർജ് മുളക്കൽ
ട്രഷറർ – അനീഷ് സെബാസ്റ്റ്യൻ
റീജിയണൽ കൗൺസിൽ അംഗങ്ങൾ – ജിജോമോൻ ജോർജ്, ബെന്നി പാലാട്ടി

വിമൻസ് ഫോറത്തിന്റെ 2025-27 കാലയളവിലേക്കുള്ള പുതിയ ഭാരവാഹികൾ:
⁠പ്രസിഡൻ്റ് – അനു എബ്രഹാം
⁠വൈസ് പ്രസിഡൻ്റ് – ഷീബ തോമസ്
സെക്രട്ടറി – അന്നു കെ. പൗലോസ്
⁠സെക്രട്ടറി – സ്നേഹ റോയ്സൺ
ട്രഷറർ – ഷെറിൻ ജോയ്
റീജിയണൽ കൗൺസിൽ അംഗങ്ങൾ – ജീന ജോസ്,സീനു തോമസ്.

ആത്മീയ വിപ്ലവത്തിന്റെ ഗാഥയായി മാറിയ 2023-2025 കാലഘട്ടത്തിലെ മെൻസ് ഫോറം, വിമൻസ് ഫോറം കൂട്ടായ്മയുടെ സംയുക്ത സേവനങ്ങളുടെ ഹൃദയം തുറക്കുന്ന അത്ജ്വല സേവനയാത്രയുടെ ഒരു സംഗ്രഹം.
മെൻസ് ഫോറം കൂട്ടായ്മ ഐക്യത്തിന്റെ ഒരു കടൽ സാഹോദര്യത്തിന്റെ ജ്വാല കൂട്ടായ്മയുടെ ശക്തി:

കേരളോത്സവം,ഇടവക പള്ളിയിലെ ബാഡ്മിൻറൻ ടൂർണമെൻറ് മുതൽ വടംവലി മത്സരങ്ങൾ വരെ, ഇടവക പള്ളിയിലെ നസ്രാണി കളിക്കളം സ്പോർട്സ് ഡേ മുതൽ പുൽക്കൂട് കോമ്പറ്റീഷൻ വരെ , ഫാദേഴ്സ് ഡേ ദിനാഘോഷവും, മൃതസംസ്കാരശുശ്രൂഷാ ക്രമീകരണം,Leadership Training, സ്വാതന്ത്ര്യദിനാഘോഷവും, ന്യൂ ഇയർ ആഘോഷവും, വെടിക്കെട്ടും, ഇടവക തിരുന്നാളിന് പാച്ചോറ് മുതൽ, ദുഃഖ വെള്ളിയാഴ്ചത്തെ കഞ്ഞിയും പയറും വരെ എന്താവശ്യത്തിനും തയ്യാറായി മെൻസ് ഫോറം കൂട്ടായ്മ. മെൻസ് ഡേ ഔട്ട് വൺ ഡേ ട്രിപ്പ് മുതൽ, അഞ്ചു ദിവസത്തെ ഇൻറർനാഷണൽ ട്രിപ്പ് വരെ.

വിമൻസ് ഫോറം കൂട്ടായ്മ

ഡയോസീസൻ നേതൃത്വത്തിൽ നടത്തിയ ലിറ്റർജിക്കൽ, തിയോളജിക്കൽ വിഷയങ്ങളിലുള്ള ക്വിസ് പരിപാടികൾ, ബൈബിൾ പഠന സെഷനുകൾ എപ്പാർക്കിയൽ അസംബ്ലികൾ, നേതൃത്വ പരിശീലന വാർഷിക സംഗമമായ ഥൈബൂസ, ക്രൈസ്തവ കുടുംബമൂല്യങ്ങൾ ഉറപ്പിച്ചു നിർത്തുന്ന ജപമാല കൂട്ടായ്മകൾ, മരിയൻ ഭക്തി പ്രചരണം, പരിശുദ്ധ അമ്മയുടെ സ്വർഗ്ഗരാണ തിരുനാൾ, വിവിധ ചാരിറ്റി ജീവകാരുണ്യ പ്രവർത്തനങ്ങൾ, പ്രളയദുരിതാശ്വാസ നിധി ശേഖരണം, നിർധനർക്ക് സാമ്പത്തിക സഹായം,എപ്പാർക്കി നടത്തുന്ന ബൈബിൾ കൺവെൻഷനുകളിലും വിമൻസ് ഫോറത്തി സംഘടിതമായ പങ്കാളിത്തം.

അമ്മമാരുടെ ത്യാഗങ്ങളും കരുതലും സ്മരിപ്പിക്കുന്ന സ്നേഹത്തിന്റെ രുചി വിളമ്പിയ മാതൃദിനാഘോഷങ്ങൾ, നന്മയും സ്‌നേഹവും ചേരുവയാക്കി കേക്ക് ബേക്കിംഗിനെ കേക്കുകളുടെ സ്വാദിനൊപ്പം സ്നേഹത്തിൻ്റെയും അമൂല്യമായ രുചിയും വിളമ്പിയ ക്രിസ്മസ് കേക്ക് ബേക്കിംഗ് മത്സരം.

മാതൃദിനത്തിനുവേണ്ടി മെൻസ് ഫോറം പാട്ടുപാടുമ്പോൾ ഫാദേഴ്സ് ഡേയ്ക്ക് വേണ്ടി ഡാൻസ് കളിക്കുന്ന വുമൺസ് ഫോറം. സ്റ്റാഫോർഡ്ഷയർ കൗൺസിൽ ലഭിച്ച വിന്റർ ഗ്രാന്റ് ഫണ്ട്ഉപയോഗിച്ച് സമീപപ്രദേശത്തെ ആവശ്യക്കാർക്ക് നൽകിയ സഹായം, ഇടവകയുടെ സേവനചൈതന്യത്തിൻ്റെ ജീവന്റെ ഉദാഹരണമായി.

“If you want to go fast, go alone. If you want to go far, go together.”
ഒറ്റയ്ക്ക് നടക്കാൻ വേഗതയുണ്ടാകാം, പക്ഷേ കൂട്ടത്തോടെ ആകുമ്പോൾ കൂടുതൽ ദൂരം നടക്കാനാകും
കൂട്ടായ്മയിലൂടെ കഴിഞ്ഞ രണ്ടു വർഷക്കാലം മെൻസ് ഫോറവും വിമൻസ് ഫോറവും ചേർന്ന് ചേർത്ത ഓരോ പ്രവർത്തിയും ഇടവക സമൂഹത്തിന്റെ ഹൃദയത്തിൽ സ്നേഹത്തിന്റെ രുചിയുള്ള കൂട്ടായ്മയുടെ ദൈവിക പ്രവർത്തനമായി.

ഇടവകയുടെ ഇടയനായ Rev. ഫാ. ജോർജ് എട്ടുപറയിൽ സമർപ്പണത്തോടും, കൃപയോടും, ദൗത്യബോധത്തോടും കൂടി കഴിഞ്ഞ രണ്ടു വർഷക്കാലം സേവനം അനുഷ്ഠിച്ച മുൻകാല മെൻസ് ഫോറം ഭാരവാഹികളായ
President: Jijomon Mulackal
Vice President: Jijo Joseph
Secretary: Benny Palatty
Joint Secretary: Cyril Ayakkara
Treasurer: Jijo Joseph
Regional Councillors: Biju Joseph & Sutheesh Thomas

Women’s Forum മുൻ ഭാരവാഹികൾ
President: Shibi Johnson
Vice President: Linsu Jo Kuzhiveli
Secretary: Siji Sony
Joint Secretary: Sini Abhinesh
Treasurer: Lucy Sibi
Regional Councillors: Dr. Ann Reeju & Jeena Jose

എന്നിവർക്കും ഹൃദയം നിറഞ്ഞ നന്ദി രേഖപ്പെടുത്തി. വരും വർഷങ്ങളിൽ ഇടവക അൽമായ കൂട്ടായ്മകൾ, സാഹോദര്യത്തിന്റെയും , സ്നേഹത്തിന്റെയും പുതിയ അതിരുകൾ തുറന്ന് ഇടവകയുടെ എല്ലാ പ്രവർത്തനങ്ങളും കട്ടക്ക് ഒറ്റക്കൂട്ടായി ഒരു ഇടവ സമൂഹമായി കൈക്കാർമാർക്ക് കൈത്താങ്ങായി മുന്നോട്ടു പോകുവാൻ സാധിക്കട്ടെ എന്ന ആശംസിച്ചു.

കൈക്കാരന്മാരാ യ ഫെനിഷ് വിൽസൺ,അനൂപ് ജേക്കബ് , സോണി ജോണ്‍ , സജി ജോസഫ് എന്നിവർ പുതു നേതൃത്വത്തിലേക്ക് തെരെഞ്ഞെടുക്കപ്പെട്ട എല്ലാ ഭാരവാഹികൾക്കും പൂർണ്ണ പിന്തുണയും പ്രോത്സാഹനവും അറിയിച്ചു.

സ്വരഭേദങ്ങളുടെ സംഗമഭൂമിയാകാന്‍ നീലാംബരി…ആരവങ്ങളുടെ അകമ്പടിയോടെ നാദവിനോദികള്‍ അരങ്ങിലെത്തുന്ന, കാല്‍ച്ചിലങ്കകളുടെ തരംഗമുയരുന്ന വിസ്‌മയ വേദി- നീലാംബരി നിങ്ങളിലേക്കെത്താന്‍ ദിവസങ്ങള്‍ മാത്രം. പാട്ടും ആട്ടവും പക്കമേള കച്ചേരികളും സമന്വയിക്കുന്ന ആ ദിനം ഒക്ടോബര്‍ 11. നിങ്ങളുണ്ടാവണം പ്രിയരേ നീലാംബരിയുടെ ഊര്‍ജമായി…ആലംബമായി.

നീലാംബരി സീസൺ 5 ൻ്റെ മീഡിയ പാർട്ണർ മലയാളം യുകെ ന്യൂസ് (www.malayalamuk.com) ആണ്.

ഓണം ഓർമ്മകളിലേയ്ക്കുള്ള മടക്കയാത്രയാണെന്ന് പറയുമ്പോൾ, അതിനെ അന്വർത്ഥമാക്കുന്ന ആവേശമാണ്, ആനന്ദമാണ്, ആഘോഷമാണ് “നമ്മുടെ സ്വന്തം ഓൾഡർഷോട്ട്” (N S A) കൂട്ടായ്മയുടെ ഈ വർഷത്തെ ഓണം നൽകിയത്. ശനിയാഴ്ച രാവിലെ മുതൽ ആൾഡർവുഡ് കൾച്ചറൽ സെൻ്ററിൽ വെച്ച് നടന്ന ആഘോഷങ്ങൾ കലാ കായിക മത്സരങ്ങൾ, സ്വാദിഷ്ടമായ ഓണസദ്യ, കലാ സാംസ്കാരിക സന്ധ്യ മുതലായ പരിപാടികളോടെ നടന്നപ്പോൾ എല്ലാവർക്കും ഗൃഹാതുരത്വത്തിൻ്റെയും സന്തോഷത്തിൻ്റെയും നനുത്ത ഓർമകളുടെ ആഘോഷമായി മാറി. ആഘോഷങ്ങളിൽ ഓൾഡർഷോട്ടിലും പരിസര പ്രദേശങ്ങളിൽ നിന്നുമുള്ള മുന്നൂറ്റിയമ്പതിൽ അധികം മലയാളികൾ പങ്കെടുത്തു. അവരോടൊപ്പം കേരളത്തെയും മലയാളികളെയും ഒത്തിരി ഇഷ്ടപ്പെടുന്ന മറ്റ് ഇന്ത്യക്കാരും സ്വദേശികളും കൂടി പങ്കെടുത്തപ്പോൾ ആഘോഷത്തിന് ഇരട്ടി മധുരം. കുട്ടികൾക്കും മുതിർന്നവർക്കുമായി വിവിധ കായിക മത്സരങ്ങൾ, വടംവലി എന്നിവ നടന്നു.

വിഭവസമൃദ്ധമായ ഓണസദ്യക്ക് ശേഷം കൂട്ടായ്മയുടെ അംഗങ്ങളായ കുട്ടികൾ നടത്തിയ കലാവിരുന്ന് അതിശയിപ്പിക്കുന്ന പ്രകടനങ്ങൾകൊണ്ട് കാണികളുടെ കണ്ണ് കുളിർപ്പിച്ചു. മുതിർന്നവരും വിവിധ കലാ സാംസ്കാരിക പരിപാടികൾ അവതരിപ്പിച്ച് സദസ്സിൻ്റെ കൈയ്യടി നേടി. വിവിധ ഇനങ്ങളുടെ അവതരണത്തിലൂടെ നൂറിൽ അധികം കലാകാരന്മാരും കലാകാരികളും സ്റ്റേജിൽ നിറഞ്ഞാടി.
ഈ അവസരത്തിൽ വിവിധ ടൂർണമെൻ്റിൽ വിജയിച്ച എൻ‌എസ്‌എ സൂപ്പർ കിംഗ്സ് ക്രിക്കറ്റ് ക്ലബ്ബിനെ അനുമോദിച്ചു. അതോടൊപ്പം, എൻ‌എസ്‌എയുടെ പുതിയ ഫുട്ബോൾ ക്ലബ്ബിൻ്റെ ജേഴ്സിയും അനാവരണം ചെയ്തു.

മത്സരങ്ങളിലെയും നറുക്കെടുപ്പിലെയും വിജയികൾക്ക് ആകർഷകമായ സമ്മാനങ്ങളും ജിസിഎസ്ഇ, എ ലെവൽ, യൂണിവേഴ്സിറ്റി പരീക്ഷകളിലെ വിജയികളായ വിദ്യാർത്ഥികൾക്ക് അവാർഡുകളും നൽകി ആദരിച്ചു. “നമ്മുടെ സ്വന്തം ഓൾഡർഷോട്ട്” ( എൻ‌എസ്‌എ ) കൂട്ടായ്മയുടെ നേതൃത്വത്തിൽ ക്രിക്കറ്റ് ക്ലബ്, ഫുട്ബോൾ ക്ലബ്, നൃത്ത വിദ്യാലയം എന്നിവയോടൊപ്പം, നാട്ടിലും ഇവിടെയും അവശത അനുഭവിക്കുന്നവർക്കും രോഗികൾക്കും ആലംബമായി വിവിധ ചാരിറ്റി പ്രവർത്തനങ്ങൾകൂടി നടത്തുന്നുണ്ട്.

അപ്പച്ചൻ കണ്ണഞ്ചിറ

സ്റ്റീവനേജ്: പ്രശസ്ത മലയാളി ക്രിക്കറ്റ് ക്ലബ്ബും, ലണ്ടൻ ലീഗിൽ ശ്രദ്ധേയമായ മുന്നേറ്റം നടത്തുകയും ചെയ്യുന്ന സ്റ്റീവനേജ് കൊമ്പൻസും, ലൂട്ടൻ മലയാളികളുടെ ക്രിക്കറ്റ് ക്ലബ്ബായ ഹോക്സ് എലൈറ്റും സംയുക്തമായി ഓൾ യു കെ ക്രിക്കറ്റ് ടൂർണ്ണമെന്റ് സ്റ്റീവനേജിൽ വെച്ച് സംഘടിപ്പിക്കുന്നു. സ്റ്റീവനേജ് നെബ് വർത്ത് പാർക്ക് ക്രിക്കറ്റ് ക്ലബ്ബ് സ്റ്റേഡിയം, മത്സര വേദിയാവും. ഈ മാസം 21 ന് ഞായറാഴ്ച നടക്കുന്ന മത്സരം നോകൗട്ട് അടിസ്ഥാനത്തിലാവും നിയന്ത്രിക്കുക.

സ്റ്റീവനേജ് അഖില യു കെ ക്രിക്കറ്റ് ടൂർണമെന്റിലെ വിജയികൾക്ക് ആകർഷകമായ കാഷ് പ്രൈസും, ട്രോഫിയും സമ്മാനിക്കുന്നതാണ്. ഒന്നാം സ്ഥാനം ലഭിക്കുന്ന ടീമിന് 1001 പൗണ്ടും ട്രോഫിയും, റണ്ണറപ്പിന് 501 പൗണ്ടും ട്രോഫിയും സമ്മാനമായി നൽകും. കൂടാതെ ടൂർണമെന്റിലെ മികച്ച ബാറ്റ്‌സ്മാൻ, മികച്ച ബൗളർ, മാൻ ഓഫ് ദി സീരീസ് എന്നിവർക്കായി 100 പൗണ്ട് വീതം കാഷ് പ്രൈസും നൽകുന്നതാണ്.

ഹർട്ട്ഫോർഡ്ഷയറിലെ കായിക-ക്രിക്കറ്റ് പ്രേമികളുടെ ഈറ്റില്ലമായ സ്റ്റീവനേജിലെ, മികച്ച കാഷ് പ്രൈസ് വാഗ്ദാനം നൽകുന്ന ഓൾ യു കെ ക്രിക്കറ്റ് ടൂർണ്ണമെന്റിൽ, സ്പോൺസർമാരെ തേടുന്നതായി കോർഡിനേറ്റർമാരായ ലൈജോൺ ഇട്ടീര, മെൽവിൻ അഗസ്റ്റിൻ എന്നിവർ അറിയിച്ചു.

കൂടുതൽ വിവരങ്ങൾക്ക്
ലൈജോൺ ഇട്ടീര – 07883226679
മെൽവിൻ അഗസ്റ്റിൻ – 07456281428

ഇംഗ്ലണ്ടിൻ്റെ ഉദ്യാനനഗരിയെന്നറിയപ്പെടുന്ന കെൻ്റിലെ മെഡ്വേയിൽ മലയാളികൾ ഒത്തുചേർന്നുള്ള ഓണാഘോഷം 2025 സെപ്റ്റംബർ 13 ന് ദ ഹോവാർഡ് സ്കൂളിലെ അതി വിശാലമായ ഓഡിറ്റോറിയത്തിൽ വച്ച് നടക്കുകയാണ്. കെൻ്റിലെ രണ്ട് പ്രബല മലയാളി സംഘടനകളായ മെഡ്വേ കേരള കമ്മ്യൂണിറ്റിയും കെൻ്റ് മലയാളി അസോസിയേഷനും ഒത്തു ചേർന്നാണ് ഈ വർഷവും ഓണാഘോഷം സംഘടിപ്പിയ്ക്കുന്നത്.

ഒരു സ്ഥലത്തെ ഈ രണ്ട് അസോസിയേഷനുകളും വ്യത്യസ്തമായാണ് മുൻ കാലങ്ങളിൽ ഓണാഘോഷമുൾപ്പെടെയുള്ള മറ്റ് പരിപാടികൾ സംഘടിപ്പിച്ചിരുന്നത്.ദൈവത്തിൻ്റെ സ്വന്തം നാട് പ്രളയക്കെടുതിയിൽ വലഞ്ഞപ്പോൾ സ്വന്തം നാട്ടിലെ സഹോദരങ്ങൾക്ക് തണലേകുവാനാണ് ഭിന്നതകൾ മറന്ന് എംകെസിയും കെഎംഎയും കൈകൾ കോർത്തത്. തുടർന്ന് ഓണം,ക്രിസ്തുമസ്, സ്പോർട്സ് ഡേ തുടങ്ങിയ പരിപാടികൾ രണ്ടു സംഘടനകളും ഒന്നു ചേർന്നാണ് നടത്തി വരുന്നത്.

ഇനി മെഡ് വേ മലയാളികൾ ഒറ്റക്കെട്ടാണ് എന്ന് ഉറക്കെ പ്രഖ്യാപിച്ച് ഇതാദ്യമാണ് മെഡ്വേ മലയാളി അസോസിയേഷൻ എന്ന പേരിൽ മെഡ്വേ മലയാളികൾ ഓണാഘോഷം സംഘടിപ്പിയ്ക്കുന്നത്.

രണ്ട് അസോസിയേഷനുകളിലും യാതൊരു സ്ഥാനവും വഹിച്ചിട്ടില്ലാത്ത നിരവധി പുതുമുഖങ്ങൾ കഴിഞ്ഞ 16 വർഷമായി എംകെസിയുടെ സെക്രട്ടറിയായി പ്രവർത്തിച്ച സർവ്വസമ്മതനായ മാത്യു ജേക്കബ് പുളിക്കത്തൊട്ടിയോടും കെഎംഎയുടെ തുടക്കം മുതൽ വിവിധ തസ്തികകളിൽ പ്രവർത്തിച്ച വിജയ് മോഹനുമൊപ്പം കൈകൾ കോർക്കുമ്പോൾ വ്യത്യസ്തവും നവീനവുമായ ആശയങ്ങളുമായി മെഡ്വേ മലയാളി അസോസിയേഷൻ ജൈത്രയാത്ര തുടരുകയാണ്.

നിതീഷ് മത്തായി, ഷൈജൻ അബ്രഹാം,നിരേഷ് ജോസഫ്,മനോജ് പിള്ള,ഒബിൻ തോട്ടുങ്കൽ, ബിനോയി സെബാസ്റ്റ്യൻ എന്നീ പുതുമുഖങ്ങളുടെ നവീനമായ ആശയങ്ങളോടെ നടത്തിയ സ്പോർട്സ് ഡേ മുക്തകണ്ഠ പ്രശംസ നേടിയിരുന്നു.

മെഡ്‌വേയിലെ ജില്ലിംഗ്ഹാമിൽ തന്നെ തയ്യാർ ചെയ്യുന്ന ഓണ സദ്യ,24 വനിതകൾ ഒത്തുചേരുന്ന മെഗാ തിരുവാതിര,ദക്ഷിണ യുകെയുടെ നേതൃത്വത്തിൽ നടത്തപ്പെടുന്ന വിവിധ നൃത്ത പ്രകടനങ്ങൾ,മെഡ്വേ മങ്കമാരുടെ നാടൻ പാട്ട് നൃത്തം, യുകെയിൽ തരംഗം സൃഷ്ടിച്ച കലാകാരൻ ആംബ്രോയുടെ സംഗീത-നൃത്ത-DJ പരിപാടി, പുലികളിയും മാവേലിമന്നന് വരവേൽപ്പും തുടങ്ങിയ പരിപാടികൾ മെഡ്വേ മലയാളിളുടെ ഓണത്തിന് മാറ്റു കൂട്ടും.കൂടുതൽ വിവരങ്ങൾക്കും രജിസ്ട്രേഷനും താഴെ കൊടുത്തിരിക്കുന്ന നമ്പറുകളിൽ ബന്ധപ്പെടാവുന്നതാണ്

07578486841, 07940409924, 07915656907

റോമി കുര്യാക്കോസ്

പീറ്റർബൊറോ: ഇന്ത്യൻ ഓവർസീസ് കോൺഗ്രസ്‌ (യു കെ) കേരള ചാപ്റ്റർ പീറ്റർബൊറോ യൂണിറ്റിന്റെ ആഭിമുഖ്യത്തിൽ വിദ്യാർഥികൾക്കായി സംഘടിപ്പിച്ച പന്ത്രണ്ട് ദിന ‘മധുരം മലയാളം’ ക്ലാസുകൾ വിജയകരമായി പൂര്‍ത്തിയായി. മലയാള ഭാഷയുടെ മാധുര്യം പുതുതലമുറക്ക് പരിചയപ്പെടുത്തിക്കൊടുത്ത ഈ പദ്ധതിയുടെ സമാപനച്ചടങ്ങ് പീറ്റർബോറോയിലെ സെന്റ. മേരീസ്‌ അക്കാദമിയിൽ വച്ച് വർണ്ണാഭമായി നടന്നു.

മൂന്നാം ക്ലാസ്സ് മുതൽ എ – ലെവൽ വരെയുള്ള ഇരുപത്തഞ്ചോളം വിദ്യാർത്ഥികളാണ് ‘മധുരം മലയാളം’ പഠന പദ്ധതിയിലൂടെ മലയാള ഭാഷയിലെ അക്ഷരമാലയും മറ്റു അടിസ്ഥാനകാര്യങ്ങളും പഠിച്ച് പരിശീലനം പൂര്‍ത്തിയാക്കിയത്. പഠനം വിജയകരമായി പൂർത്തിയാക്കിയ എല്ലാ വിദ്യാർത്ഥികൾക്കും സമാപനച്ചടങ്ങിൽ വച്ച് സർട്ടിഫിക്കറ്റുകൾ വിതരണം ചെയ്തു.

യൂണിറ്റ് പ്രസിഡന്റ്‌ റോയ് ജോസഫ് അധ്യക്ഷത വഹിച്ച സമാപന സമ്മേളനം ഐ ഓ സി (യു കെ) കേരള ചാപ്റ്റർ പ്രസിഡന്റ്‌ ഷൈനു ക്ലെയർ മാത്യൂസ് ഉദ്ഘാടനം ചെയ്തു. കേരള ചാപ്റ്റർ ജനറൽ സെക്രട്ടറി റോമി കുര്യാക്കോസ് മുഖ്യാഥിതിയായി പങ്കെടുത്തു. യൂണിറ്റ് ജനറൽ സെക്രട്ടറി സൈമൺ ചെറിയാൻ സ്വാഗതവും സിബി അറക്കൽ നന്ദിയും പ്രകാശിപ്പിച്ചു.

വിദ്യാർത്ഥികൾക്കായി പന്ത്രണ്ട് ദിന പഠന പദ്ധതി തയ്യാറാക്കുകയും ക്രമീകരിക്കുകയും ചിട്ടയോടെ പഠിപ്പിക്കുകയും ചെയ്ത പീറ്റർബൊറോ സെന്റ്. മേരീസ്‌ അക്കാദമി ഡയറക്ടർ സോജു തോമസിനെ ചടങ്ങിൽ ആദരിച്ചു.

‘മധുരം മലയാളം’ പഠന പദ്ധതിയിൽ പങ്കെടുത്ത വിദ്യാർത്ഥികളായ ആൽഡൺ ജോബി, അലന തോമസ് എന്നിവർ തങ്ങളുടെ അനുഭവം വേദിയിൽ പങ്കുവച്ചു. പഠന പദ്ധതിയിൽ ഉന്നത വിജയം നേടിയ വിദ്യാർത്ഥികളായ സാവിയോ സോജു, സ്നേഹ സോജു, സെറാഫിനാ സ്ലീബ എന്നിവർക്ക് ക്യാഷ് പ്രൈസും സ്റ്റീവൻ ടിനു, അമീലിയ ലിജോ, അലാനാ തോമസ്, കാശിനാഥ് കൈലാസ് തുടങ്ങിയവർക്ക് പ്രത്യേക സമ്മാനങ്ങളും നൽകി ആദരിച്ചു.

യു കെയിൽ വലിയ തരംഗമായി മാറിയ ‘മധുരം മലയാളം’ പഠന പദ്ധതിക്ക് വിദ്യാർത്ഥികളുടെയും മാതാപിതാക്കളിൽ നിന്നും മലയാളം ഭാഷ സ്നേഹികളിൽ നിന്നും വലിയ ആവേശവും പ്രതികരണവുമാണ് ലഭിച്ചത്.

ഓഗസ്റ്റ് 4ന് ആരംഭിച്ച ‘മധുരം മലയാളം’ പഠന പദ്ധതിയുടെ ഔപചാരികമായ ഉദ്ഘാടനം കെ പി സി സി ജനറൽ സെക്രട്ടറിയും പ്രിയദർശിനി പബ്ലിക്കേഷൻ വൈസ് ചെയർമാനുമായ പഴകുളം മധു നിർവഹിച്ചു. ഐ ഒ സി (യു കെ)യുടെ ഉദ്യമത്തെ അഭിനന്ദിച്ചു കൊണ്ടും പഠന പദ്ധതിയിൽ പങ്കെടുക്കുന്ന വിദ്യാർത്ഥികൾക്ക് അനുമോദനങ്ങൾ നേർന്നു കൊണ്ടും ദീപിക ദിനപത്രം ഡൽഹി ബ്യൂറോ ചീഫ് & നാഷണൽ അഫയേഴ്സ് എഡിറ്റർ ജോർജ് കള്ളിവയലിൽ, യു കെയിലെ പ്രവാസി മലയാളി സാഹിത്യകാരനും ലോക റെക്കോർഡ് ജേതാവുമായ കരൂർ സോമൻ എന്നിവർ ആശംസ സന്ദേശങ്ങൾ നൽകി.

ചടങ്ങുകൾക്ക് യൂണിറ്റ് വൈസ് പ്രസിഡന്റുമാരായ എബ്രഹാം കെ ജേക്കബ് (റെജി കോവേലി), ജിജി ഡെന്നി, ട്രഷറർ ജെനു എബ്രഹാം, എക്‌സിക്യൂട്ടീവ് കമ്മിറ്റി അംഗങ്ങളായ അനുജ് മാത്യു തോമസ്, സണ്ണി എബ്രഹാം, ജോബി മാത്യു തുടങ്ങിയവർ നേതൃത്വം നൽകി.

ഇംഗ്ലണ്ടിലെ കെന്റ് ഹിന്ദു സമാജത്തിന്റെ ഓണാഘോഷം വർണ്ണാഭമായി ആഘോഷിച്ചു. ജില്ലിംഹാം ടൈഡ് വാളിൽ ഉള്ള ഹോളി ട്രിനിറ്റി ഹാളിൽ വച്ചായിരുന്നു ആഘോഷങ്ങൾ നടത്തപ്പെട്ടത്. ബ്രഹ്‌മശ്രീ സൂര്യൻ ജയസൂര്യൻ ഭട്ടത്തിരിപ്പാട്, ശ്രീ ദേവകി നടരാജൻ എന്നിവർ ചേർന്ന് വിളക്ക് കൊളുത്തി, ചടങ്ങുകൾക്ക് വാണി സിബികുമാർ നേതൃത്വം നൽകി. സൂര്യകാലടി ബ്രഹ്‌മശ്രീ സൂര്യൻ ജയസൂര്യൻ ഭട്ടത്തിരിപ്പാട് വിശിഷ്ട അതിഥി ആയിരുന്നു.

പന്തളം പ്രവാസി അസോസിയേഷൻ യുകെയുടെ 2-ാം മത് ഓണാഘോഷവും പ്രവാസി സംഗമവും സൗത്ത് വെൽസിലെ ന്യൂപോർട്ടിൽ വെച്ച് 30/08/2025 ൽ നടത്തപ്പെടുകയുണ്ടായി. പന്തളത്തെ വിവിധ പ്രദേശങ്ങളിൽ നിന്നും യുകെയുടെ പല ഭാഗത്തായി കുടിയേറിയ കുടുംബങ്ങൾ ഒത്തു ചേരുവാനും, പരസ്‌പരം സ്നേഹങ്ങൾ പങ്കു വെക്കുവാനും, പരിചയം പുതുക്കുവാനും ഈ ഓണാഘോഷം കൊണ്ട് സാധിക്കുകയുണ്ടായി.

മഹാബലി തമ്പുരാന്റെ സത്യവും, നീതിയും, കള്ളത്തരങ്ങളില്ലാത്ത ഒരു യുഗത്തിന്റെ ഓർമ്മകൾ കൊണ്ടാടുവാൻ നാടും, വീടും, വിട്ടു അന്യരാജ്യത്തു കുടിയേറിയ പന്തളത്തിന്റെ സൗഹ്യദയങ്ങൾക്കു ഈ ഓണം ഒരു ഓർമ്മ പുതുക്കൽ കൂടി ആവുകയായിരുന്നു.

അത്തപ്പൂക്കളവും, മഹാബലിത്തമ്പുരാനും, പുതുവസ്ത്രങ്ങൾ അണിഞ്ഞു കേരള തനിമയോടെ പുരുഷന്മാരും, സ്ത്രീകളും, കുട്ടികളും കാഴ്ചയ്ക്ക് മനോഹരമായിരുന്നു. വിഭവ സമൃദ്ധമായ ഓണ സദ്യയും കേരളസ്നേഹവും വിളിച്ചോതുന്നതായിരുന്നു. പാട്ടുകളും ഡാൻസുകളും. നാടൻ കലാകായികമത്സരങ്ങളുമായി ഓണാഘോഷം ഗംഭീരമായി.

ഓണാഘോഷത്തോട് കൂടിയ യോഗത്തിൽ രക്ഷാധികാരി തോമസ് ജി ഡാനിയേൽ, പ്രസിഡന്റ് ജയൻ ജനാർദ്ദന കുറുപ്പ്, വൈസ് പ്രസിഡന്റ് ജോർജ്‌കുട്ടി പാപ്പൻ, ജോയിന്റ് സെക്രട്ടറി ഷിജു ഡാനിയേൽ, ട്രഷറർ ബിബിൻ വർഗീസ് മറ്റ് കമ്മിറ്റി അംഗങ്ങൾ സന്നിഹിതായിരുന്നു. 2025 ലെ ഓണാഘോഷത്തിന് നേതൃത്വം കൊടുത്ത ബിനു ദാമോദരൻ സ്വാഗത പ്രസംഗം നടത്തുകയും, പ്രസിഡന്റ് സംഘടനയുടെ കാര്യങ്ങൾ വിശദമാക്കുകയും, ട്രഷറർ കഴിഞ്ഞ വർഷത്തെ വരവ് ചെലവ് കണക്കുകൾ അവതരിപ്പിക്കുകയും, വൈസ് പ്രസിഡന്റ് നന്ദി പ്രകാശിപ്പിക്കുകയും ചെയ്‌തു.

പന്തളം സുധാകരൻ (മുൻ മന്ത്രി), പന്തളം പ്രതാപൻ, കുടശ്ശനാട് കനകം, എന്നിവർ മുൻകൂട്ടി ആശംസകളും പരിപാടിക്ക് എല്ലാവിധ പിന്തുണയും അറിയിക്കുകയുണ്ടായി.

വീണ്ടും അടുത്ത ഓണകാലതേക്കുള്ള കാത്തിരിപ്പുമായി എല്ലാവരും പിരിഞ്ഞു.

എല്ലാവർക്കും സമ്യദ്ധിയുടെയും സന്തോഷത്തിന്റെയും ഓണാശംസകൾ നേർന്നുകൊണ്ടു പന്തളം പ്രവാസി അസോസിയേഷൻ യുകെ.