റോമി കുര്യാക്കോസ്

ലണ്ടൻ: ആശയ വ്യത്യസ്ത കൊണ്ടും പ്രവർത്തനമികവു കൊണ്ടും സോഷ്യൽ മീഡിയയിൽ വൻ തരംഗമായി ‘A DAY FOR INDIA’ ക്യാമ്പയിൻ. ഇന്ത്യൻ ഓവർസീസ് കോൺഗ്രസ്‌ (യു കെ) – കേരള ചാപ്റ്റർ, കേരളത്തിലെ 20 ലോക് സഭാ മണ്ഡലങ്ങളിലെയും യുഡിഎഫ് സ്ഥാനാർത്ഥികളുടെ വിജയത്തിനായി ഏപ്രിൽ 20 – നാണ് പ്രവാസികളുടെ ഇടയിലും കേരളത്തിലും തരംഗമായി മാറിയ മുഴുദിന സോഷ്യൽമീഡിയ ക്യാമ്പയിൻ സംഘടിപ്പിച്ചത്.

പ്രമുഖ കോൺഗ്രസ്‌ നേതാവും കെപിസിസി രാഷ്ട്രീയകാര്യ സമിതി അംഗം, കെപിസിസി വാർ റൂം ചെയർമാൻ എന്നീ ചുമതലകൾ വഹിക്കുന്ന അഡ്വ. കെ ലിജു ഓൺലൈനായി ക്യാമ്പയിൻ ഉത്ഘാടനം ചെയ്തു. 2024 ലോക്സഭാ തെരഞ്ഞെടുപ്പിൽ കേരളത്തിലെ കോൺഗ്രസ് പാർട്ടിക്ക് പ്രചാരണ തന്ത്രങ്ങളൊരുക്കാൻ നിയോഗിക്കപ്പെട്ട ശ്രീ. എം ലിജു, ഐഒസി (യുകെ) കേരള ഘടകം ഒരുക്കിയ ‘A DAY FOR ‘INDIA” ക്യാമ്പയിനിന്റെ ഉത്ഘാടകനായി എത്തിയത്, പ്രവാസികളായ കോൺഗ്രസ് പ്രവർത്തകരെ വലിയ ആവേശഭരിതരാക്കി എന്നതിന്റെ തെളിവായി, വിവിധ രാജ്യങ്ങളിൽ നിന്നും നിരവധി ജനാധിപത്യ വിശ്വാസികളാണ് ഓൺലൈനായി ഉദ്ഘാടനത്തിലും ക്യാമ്പയിനിലും പങ്കാളികളായത്.

രാജ്യം തന്നെ അപകടത്തിലായ വളരെ സങ്കീർണ്ണമായ സാഹചര്യത്തിൽ നടക്കുന്ന പൊതുതിരഞ്ഞെടുപ്പിന്റെ പ്രാധാന്യം പ്രവാസലോകത്തിനും അവരിലൂടെ വോട്ടർമാരായ അവരുടെ ബന്ധു – മിത്രാദികളിലേയ്ക്ക് എത്തിക്കുക, കേന്ദ്ര – സംസ്ഥാന സർക്കാരുകൾ പ്രവാസികളോടടക്കം ചെയ്ത ജനദ്രോഹ നടപടികൾ തുറന്നു കാട്ടുക, കേരളത്തിലെ ഇരുപതു ലോക്സഭാ മണ്ഡലങ്ങളിലും യുഡിഎഫ് സ്ഥാനാർത്ഥികളുടെ വിജയം ഉറപ്പാക്കുക എന്നീ ലക്ഷ്യങ്ങൾ ക്യാമ്പയിനിലൂടെ വിജയകരമായി പൂർത്തീകരിച്ചതായി ക്യാമ്പയിനിന് നേതൃത്വം നൽകിയ ഐഒസി (യു കെ) – കേരള ചാപ്റ്റർ പ്രസിഡന്റ്‌ സുജു ഡാനിയൽ, ഐഒസി (യു കെ) വക്താവ് അജിത് മുതയിൽ, ഐഒസി (യു കെ) – കേരള ചാപ്റ്റർ മീഡിയ കോർഡിനേറ്റർ റോമി കുര്യാക്കോസ്, തിരഞ്ഞെടുപ്പു കമ്മിറ്റി കൺവീനർ സാം ജോസഫ്, കോ – കൺവീനർമാരായ സുരാജ് കൃഷ്ണൻ, നിസാർ അലിയാർ എന്നിവർ പറഞ്ഞു.

ക്യാമ്പയിനിന്റെ ഭാഗമായി യു കെയുടെ വിവിധ ഭാഗങ്ങളിൽ (വാർ റൂം) ഐഒസി (യു കെ) – കേരള ചാപ്റ്ററിന്റെ നേതൃത്വത്തിൽ കോൺഗ്രസ്‌ പ്രവർത്തകർ ഒരുമിച്ചുകൂടി, വിവിധ സോഷ്യൽ മീഡിയ പ്ലാറ്റഫോമുകൾ മുഖേന മുഴുവൻ സമയ തീവ്രപ്രചാരണമാണ് യുഡിഫ് സ്ഥാനർത്ഥികൾക്കായി സംഘടിപ്പിച്ചത്.

ക്യാമ്പയിനിന്റെ ഏകോപനത്തിനും സുഗമമായ പ്രവർത്തനത്തിനും ഐഒസി പ്രവർത്തകരുടെ മേൽനോട്ടത്തിൽ ലണ്ടൻ, ബോൾട്ടൻ, ബിർമിങ്ഹാം, മാഞ്ചസ്റ്റർ, പ്ലിമൊത്ത്, ഇപ്സ്വിച്, പ്രെസ്റ്റൻ, വിതിൻഷോ എന്നിവിടങ്ങളിൽ സജ്ജീകരിച്ചിരുന്ന ‘വാർ റൂമുകളിൽ നിന്നും വിവിധ സോഷ്യൽ മീഡിയ പ്ലാറ്റ് ഫോം മുഖേന യുഡിഎഫ് സ്ഥാനർത്ഥികൾക്കായി പതിനായിരക്കണക്കിന് പോസ്റ്റുകളാണ് ഷെയർ ചെയ്യപ്പെട്ടത്. ഇത്രയും പോസ്റ്റുകൾ കേരളത്തിലും മറ്റിടങ്ങളിലുമായി ഏകദേശം പതിനായിരത്തിലധികം സമൂഹമാധ്യമ ഗ്രൂപ്പുകളിൽ എത്തിക്കാനായതായും നിക്ഷ്പക്ഷരുടെ ഗ്രൂപ്പുകളിൽ രാഷ്ട്രീയം പറയാതെ ആശയങ്ങൾ പ്രചരിപ്പിക്കാനായതായും ഐഒസി (യു കെ) തിരഞ്ഞെടുപ്പ് കമ്മിറ്റി ഭാരവാഹികൾ പറഞ്ഞു.

ക്യാമ്പയിനിന്റെ വിവിധ ഘട്ട പ്രവർത്തനങ്ങൾക്ക് തിരഞ്ഞെടുപ്പ് കമ്മിറ്റി അംഗങ്ങളായ ജെന്നിഫർ ജോയ്, അജി ജോർജ്, അരുൺ പൗലോസ്, അരുൺ പൂവത്തുമ്മൂട്ടിൽ, വിഷ്ണു ദാസ്, വിഷ്ണു പ്രതാപ്, ജിതിൻ തോമസ് എന്നിവർ ചേർന്ന് ഏകോപനമൊരുക്കി.

വാർ റൂം ലീഡേഴ്‌സ്:

ബോബിൻ ഫിലിപ്പ് (ബിർമിങ്ഹാം), റോമി കുര്യാക്കോസ് (ബോൾട്ടൻ), സാം ജോസഫ് (ലണ്ടൻ), വിഷ്ണു പ്രതാപ് (ഇപ്സ്വിച്), അരുൺ പൂവത്തുമൂട്ടിൽ (പ്ലിമൊത്ത്), ജിപ്സൺ ഫിലിപ്പ് ജോർജ് (മാഞ്ചസ്റ്റർ), ഷിനാസ് ഷാജു (പ്രെസ്റ്റൺ), സോണി പിടിവീട്ടിൽ (വിതിൻഷോ)

ന്യൂസ് ഡെസ്ക് . മലയാളം യുകെ

ലിവർപൂൾ മലയാളി അസ്സോസിയേഷൻ്റെ, കഴിഞ്ഞ ശനിയാഴ്ച (20-04-2024) വൈകുന്നേരം ലിവര്‍പൂള്‍ വിസ്റ്റൺ ടൗണ്‍ഹാളില്‍ നടന്ന വിഷു ഈസ്റ്റര്‍ ഈദ് ആഘോഷം പുതുമകള്‍ കൊണ്ട് നിറഞ്ഞു നിന്നു. കൃഷ്ണനും യേശുവും മുസലിയാരും ഒരുമിച്ച് നിലവിളക്കിൽ തിരി തെളിച്ചു കൊണ്ടാണ് ആഘോഷങ്ങൾ ഉത്ഘാടനം ചെയ്തത്. തുടർന്ന് അതിമനോഹരമായി ഒരുക്കിയ വിഷുകണി ആചാരമനുസരിച്ച് കാണിക്കുകയും കുട്ടികൾക്ക് വിഷു കൈനീട്ടം നൽകുകയും ചെയ്തു . കുട്ടികൾക്കായി രാധ, കൃഷ്ണ മത്സരവും ഉണ്ടായിരുന്നു. വിജയിച്ച രാധയ്ക്കും, കൃഷ്ണനും 101 പൗണ്ട് വീതം സമ്മാനം നൽകി.

ലിമയുടെ സെക്രട്ടറി ആതിര ശ്രീജിത്ത്‌ ആഘോഷങ്ങൾക്കെത്തിയ ലിമയുടെ കുടുംബങ്ങളെ സ്വാഗതം ചെയ്തു സംസാരിച്ചു. ലിമയുടെ പ്രസിഡണ്ട്‌ സെബാസ്റ്റ്യൻ ജോസഫ് ആശംസകൾ നേർന്നു. ട്രഷറർ ജോയ് മോൻ തോമസ് ലിമയുടെ ആഘോഷ പരിപാടികൾ അനശ്വരമാക്കിയ എല്ലാവർക്കും നന്ദിയും പറഞ്ഞു.

ലിവര്‍പൂളിന്റെ ചരിത്രത്തില്‍ ആദൃമായിട്ടാണ് ഈസ്റ്ററിനെയും വിഷുവിനെയും, ഈദിനെയും സമന്വയിപ്പിച്ചു കൊണ്ട് ഇത്തരം ഒരു കൂടിച്ചേരല്‍ നടന്നത് .

ആഘോഷങ്ങളിലെ വിവിധ കലപരിപാടികള്‍ കാണികളെ സന്തോഷത്തില്‍ ആറാടിച്ചു. മേഴ്‌സിസൈഡിലെ പ്രശസ്ത ഡാൻസ് ഗ്രൂപ്പുകൾ ആയ മജേഷ് എബ്രഹത്തിന്റെ സരിഗമ ഡാൻസ് സ്റ്റുഡിയോയുടെയും, കൃഷ്ണപ്രിയ, റിയ ടീമിന്റെ തേജസ്വനി ഡാൻസ് അക്കാദമിയിലെ കുട്ടികളുടെ ഡാൻസ്, ഒപ്പന, മേഴ്‌സി സൈഡിലെ പ്രശസ്ത ഗായകരുടെ ഗാനങ്ങൾ, കൂടാതെ ലിമ നാടക വേദിയുടെ മൈമും, ഡിജെയും കാണികളെ സന്തോഷപുളകിതർ ആക്കി. യോഗത്തില്‍ മിസ്സ്‌ യുകെ സെമിഫൈനലിൽ എത്തിയ ജോസലിനെ ലിമ അനുമോദിച്ചു . രുചികരമായ ഭക്ഷണമാണ് പരിപാടിയില്‍ പങ്കെടുത്തവർക്ക് ലിമ വിളമ്പിയത്.

ലോകമെങ്ങും ജാതിയുടെയും മതത്തിന്‍റെ പേരില്‍ മനുഷ്യര്‍ തമ്മിലടിക്കുമ്പോള്‍ അതിൽനിന്നു വ്യത്യസ്തമായി മതസഹോദരൃത്തിന്‍റെയും, ദേശ സ്‌നേഹത്തിന്റെയും സന്ദേശം ഉയര്‍ത്താനാണ് ലിവർപൂളിലെ മലയാളി സമൂഹം മാനവീയം പരിപാടിയിലൂടെ ശ്രമിച്ചത്. ഇത് യൂറോപ്പ് മലയാളികൾ ഒരു മാതൃകയാക്കണമെന്ന് ലിമയുടെ പി. ആർ. ഒ. എൽദോസ് സണ്ണി മലയാളം യുകെ ന്യൂസിനോട് പറഞ്ഞു.

ടീം ഡാഗെൻഹാമും ഈസ്റ്റ് ലണ്ടൻ മലയാളി അസോസിയേഷനും (ELMA) സംയുക്തമായി അവതരിപ്പിക്കുന്ന പുതുമയാർന്ന സംഗീത വിരുന്ന് ഈ വരുന്ന മെയ് മാസം നാലാം തീയതി ശനിയാഴ്ച വൈകുന്നേരം 6 മണിക്ക് ഈസ്റ്റ് ലണ്ടണിലെ ക്യാമ്പിയൻ സ്കൂൾ ഹാളിൽ വച്ച് നടത്തപ്പെടും. “ഇസ്രായേലിൻ നാഥനായി വാഴുമേക ദൈവം …” എന്ന എക്കാലത്തെയും ഹിറ്റ്ഗാന ശില്പി പീറ്റർ ചേരാനല്ലൂറിൻെറ നേതൃത്വത്തിൽ ആയിരിക്കും സ്നേഹ സംഗീത രാവ് എന്ന ഈ ഗാനനിശ അരങ്ങേരുന്നത്.

സ്നേഹ സങ്കീർത്തനം എന്ന മുൻ സംഗീത പരിപാടിയുടെ സീസൺ 2 ആയിട്ടാണ് സ്നേഹ സംഗീത രാവ് അരങ്ങേറുക. അത്യന്താധുനിക സൗകര്യ ങ്ങൾ നിറഞ്ഞ ക്യാമ്പിയൻ സ്കൂളിന്റെ ഹാളിൽ 500-ൽ അധികം ആളുകൾക്ക് ഇരിപ്പടം ഒരുക്കും. മുന്തിയ ശബ്ദം വെളിച്ച വിന്യാസവും, കൂറ്റൻ ഡിജിറ്റൽ വോളും, ഫ്‌ളവേഴ്‌സ്, ഏഷ്യാനെറ്റ് ചാനലുകളിലെ സംഗീത പപരിപാടികളിലൂടെ പ്രേക്ഷക ഹൃദയം കവർന്ന കൊച്ചു മിടുക്കി മേഘന കുട്ടിയുടെ സാന്നിധ്യം ലണ്ടൻ മലയാളികൾക്ക് മറക്കാനാവാത്ത അനുഭവം സമ്മാനിക്കും. യുവജനങ്ങളുടെ സംഗീത തുടിപ്പ് ക്രിസ്റ്റ കല. കേരളകര കടന്ന് യൂറോപ്പിലും അമേരിക്കയിലും ആരാധക ലക്ഷങ്ങളെ സൃഷ്ടിച്ച യുവഗായകൻ ലിബിൻ സകരിയ, കീബോർഡറിൽ ഇന്ദ്രജാലം തീർക്കുന്ന ഏഷ്യാനെറ്റ് ബൈജു കൈതരാൻ. പ്രശസ്തഗായകരുടെ ശബ്ദത്തിൽ പാടി നമ്മെ അമ്പരിപ്പിക്കുന്ന ചാർളി ബഹറിൻ.
വ്യത്യസ്തമായ ഈ സംഗീത വിരുന്ന് മലയാളി സുഹൃത്തുക്കൾക്ക് മറക്കാനാവാത്ത അനുഭവം സമ്മാനിക്കും. ടിക്കറ്റുകൾക്കും കൂടുതൽ വിവരങ്ങൾക്കും:

പ്രകാശ് അഞ്ചൽ – 07786282497
സോണി – 07886973751

ഹാളിനോട് ചേർന്ന് സൗജന്യ കാർപാർക്കിങ് ലഭ്യമാണ്.

ചെറുപ്പക്കാരുടെ നവ നേതൃത്വനിരയുമായി എസ് എം എ ഇരുപതാം വർഷത്തിലേക്ക്, യുകെയിലെ സ്റ്റോക്ക് ഓൺ ട്രെന്റിലെ സ്റ്റഫോർഡ്ഷെയർ മലയാളി അസോസിയേഷൻ (SMA)വർഷങ്ങളായി യു കെയിലെ വിവിധ സാമൂഹിക സാംസ്കാരിക രംഗങ്ങളിൽ വളരെയധികം സംഭാവനകൾ നൽകിയിട്ടുള്ള സംഘടനയാണ്.

എസ് എം എ യുടെ ഈസ്റ്റർ വിഷു ആഘോഷങ്ങളും ഈ വർഷത്തെ വാർഷിക ജനറൽ ബോഡിയും ടൺസ്റ്റാൾ കോ-ഓപ് അക്കാഡമി ഓഡിറ്റോറിയത്തിൽവെച്ച് നടന്നു.

സംഘാടക മികവുകൊണ്ടും, വിവിധ കമ്മറ്റികളുടെ അശ്രാന്ത പരിശ്രമം കൊണ്ടും ഈ വർഷവും മുൻ പതിവുപോലെ ഈസ്റ്റർ വിഷു പരിപാടികൾ ആഘോഷങ്ങളുടെ ആരവം തീർത്തു..

വൈവിധ്യങ്ങളുടെ രസക്കൂട്ടുമായി നയന മനോഹരമായ വിവിധ കലാപരിപാടികൾ റിധം 2024 എന്നപേരിൽ നടത്തപ്പെട്ടു.

ഈ ആഘോഷങ്ങൾക്ക് മാറ്റുകൂട്ടിക്കൊണ്ട് എസ് എം എ യുടെ സ്വന്തം കലാപ്രിതിഭകൾ അണിയിച്ചൊരുക്കിയ വിവിധ കലാ പരിപാടികൾ ആഘോഷങ്ങൾക്ക് മാറ്റുകൂട്ടി.

അതോടൊപ്പം പ്രശസ്ത പിന്നണി ഗായകർ ഡെൽസി നൈനാനും വില്യം ഐസക്കും ശ്രുതിമധുരമായ സംഗീത വിരുന്ന് കാഴ്ച്ച വെച്ചു.

തുടർന്ന് നടന്ന വാർഷിക പൊതുയോഗത്തിൽ വെച്ച് 2024 – 25 വർഷത്തെ ഭാരവാഹികളെ തിരഞ്ഞെടുത്തു.

പ്രസിഡൻറ്: എബിൻ ബേബി

സെക്രട്ടറി :ജിജോ ജോസഫ്

ട്രഷറർ: ആന്റണി സെബാസ്റ്റ്യൻ

വൈസ് പ്രസിഡൻറ്: ജെ. ജേക്കബ് & ജയ വിബിൻ

ജോയിൻറ് സെക്രട്ടറി: സെബാസ്റ്റ്യൻ ജോർജ് & മഞ്ജു അനീഷ്

പിആർഒ: സിബി ജോസ് & ഐനിമോൾ സാജു

എക്സ് ഓഫീസ് കോ: റോയ് ഫ്രാൻസിസ് & ബേസിൽ ജോയ്

സ്പോർട്സ് കോഡിനേറ്റർ: സജി ജോർജ് മുളക്കൽ , ജെ ജേക്കബ് & ജോസ് ജോൺ

ആർട്സ് കോർഡിനേറ്റർ: രാജലക്ഷ്മി രാജൻ & ജയ വിബിൻ

എക്സിക്യൂട്ടീവ് കമ്മിറ്റി. മെംബേഴ്സ് : അനൂപ് പി ജേക്കബ് , ജോബി ജോസഫ് , സ്നേഹ റോയ്സൺ

ഷിബു മാത്യൂ

യൂറോപ്പിൻ്റെ സൗന്ദര്യമായ യോർക്ക് ഷെയറിലെ കീത്തിലിയിൽ  പ്രവർത്തിക്കുന്ന മലയാളി അസ്സോസിയേഷനായ പ്രതീക്ഷ മലയാളി കൾച്ചറൽ അസ്സോസിയേഷൻ്റെ ഈസ്റ്റർ വിഷു റംസാൻ ആഘോഷങ്ങൾ സംയുക്തമായി കീത്തിലിയിലെ വിക്ടോറിയ ഹാളിൽ കഴിഞ്ഞ ശനിയാഴ്ച നടത്തപ്പെട്ടു. ഉച്ചതിരിഞ്ഞ് മൂന്നുമണിക്ക് അസ്സോസിയേഷൻ ഭാരവാഹികൾ ദീപം തെളിച്ച് ആഘോഷ പരിപാടികൾക്ക് തുടക്കം കുറിച്ചു. തുടർന്ന് അസ്സോസിയേഷനിലെ അംഗങ്ങളുടെ വർണ്ണാഭമായ കലാപരിപാടികൾ നടന്നു. ഈസ്റ്ററിൻ്റെയും വിഷുവിൻ്റെയും ഓർമ്മകൾ പുതുക്കുന്ന സ്കിറ്റുകൾ ആഘോഷ പരിപാടികളിൽ പ്രധാന ഇനമായിരുന്നു.

ജനപങ്കാളിത്തം കൊണ്ട് യോർക്ക് ഷെയറിൽ ശ്രദ്ധേയമായ പ്രതീക്ഷയുടെ സ്റ്റേജിൽ തിളങ്ങിയത് കൂടുതലും കുട്ടികളായിരുന്നു. ഒരു പുതുതലമുറയെ വാർത്തെടുക്കാനുള്ള ലക്ഷ്യത്തോടെ രൂപം കൊണ്ട പ്രതീക്ഷയ്ക്ക് അഭിമാനിക്കാവുന്ന മുഹൂർത്തങ്ങളായിരുന്നു കുരുന്നുകളുടെ പ്രകടനം. പ്രായഭേദമെന്യേ അസ്സോസിയേഷനിലെ അംഗങ്ങൾ അവതരിപ്പിച്ച നൃത്തനൃത്യങ്ങൾ, കോമഡി സ്കിറ്റുകൾ, നാടോടിനൃത്തം തുടങ്ങി നിരവധി കലാപരിപാടികൾ ആഘോഷങ്ങൾക്ക് മാറ്റ് കൂട്ടി. പത്തിലധികം ഗായകരാണ് ശ്രുതിയും താളവും തെറ്റാതെ പാടി തിമിർത്തത്. ഒരു പക്ഷേ, യുറോപ്പിലെ ഒരു അസ്സോസിയേഷനിലും ഇത്രയധികം ഗായകർ ഉണ്ടാകാൻ സാധ്യതയില്ല.

ലാഡ്സ് ഈവെൻ്റ് മാനേജ്മെൻ്റിൻ്റെ ശ്രുതിമധുരമായ ശബ്ദ നിയന്ത്രണം, കണ്ണഞ്ചിപ്പിക്കുന്ന ലൈറ്റിംഗ് സംവിധാനങ്ങൾ, സ്‌റ്റേജ് നിറഞ്ഞു നില്ക്കുന്ന എൽ ഇ ഡി സ്ക്രീൻ, ഓർമ്മയിൽ സൂക്ഷിക്കാനുതകുന്ന ചിത്രങ്ങളുമായി ഏയർ വാലി സ്‌റ്റുഡിയോ, രുചിയൂറും ഭക്ഷണവുമായി മോൻസി കിച്ചൻ ബാൻസിലി തുടങ്ങി ഒരു പ്രവാസി മലയാളിക്ക് പ്രതീക്ഷിക്കാവുന്നതിനപ്പുറമുള്ള ആഘോഷമാണ് വിക്ടോറിയാ ഹാളിൽ നടന്നത്.

അംഗബലം കൊണ്ട് ശക്തമാണ് പ്രതീക്ഷ മലയാളി കൾച്ചറൽ അസ്സോസിയേഷൻ. 2020 മുതൽ കീത്തിലിയിൽ എത്തിച്ചേർന്ന മലയാളി സമൂഹത്തിൻ്റെ കൂട്ടായ പ്രവർത്തനത്തിൽ രൂപീകൃതമായ അസ്സോസിയേഷനാണ് പ്രതീക്ഷ മലയാളി കൾച്ചറൽ അസ്സോസിയേഷൻ. പ്രവർത്തന ശൈലിയിൽ ചുരുങ്ങിയ കാലം കൊണ്ട് യുകെയിൽ ജനശ്രദ്ധ നേടി എന്ന് എടുത്തു പറയേണ്ടതുണ്ട്. പ്രതീക്ഷ രൂപീകൃതമായതിനു ശേഷമുള്ള ആദ്യ വർഷത്തെ പ്രവർത്തനങ്ങൾ അതിനുദാഹരണമാണ്. ഒരു പ്രവാസി മലയാളി അസ്സോസിയേഷൻ എന്ന സംഘടനകൊണ്ട് എന്തെല്ലാം ഉദ്ദേശിക്കുന്നുവോ അതെല്ലാം നിറവേറ്റിക്കൊണ്ടാണ് പ്രതീക്ഷ മലയാളി അസ്സോസിയേഷൻ്റെ മുന്നേറ്റം.

കായിക കലാ രംഗത്തെ പ്രവർത്തനങ്ങൾ, ഡാൻസ് ക്ലാസുകൾ, കാറ്ററിംഗ് മേഘലകൾ, ഫോട്ടോഗ്രാഫി, റീൽ നിർമ്മാണം, ഗാനരചനയും സംഗീത സംവിധാനവും കൂടാതെ പാശ്ചാത്യ സമൂഹത്തോട് ചേർന്ന് നിന്നുള്ള പ്രവർത്തനങ്ങളുമെല്ലാം പ്രതീക്ഷയെ മുന്നോട്ട് നയിക്കുന്നു. അസ്സോസിയേഷനിൽ അംഗമായിട്ടുള്ളവർ ചെയ്യുന്ന വില മതിക്കാത്ത പ്രവർത്തനങ്ങളെ പ്രതീക്ഷ മലയാളി കൾച്ചറൽ അസ്സോസിയേഷൻ പ്രോത്സാഹിപ്പിക്കുന്നു എന്ന് എടുത്ത് പറയേണ്ടതുണ്ട്. കീത്തിലിയിലും യുകെയിലുടനീളമുള്ള മറ്റ് അസ്സോസിയേഷനുകളിൽ കാണാൻ കഴിയാത്ത പ്രതിഭാസമാണിത്.

പ്രതീക്ഷയുടെ പ്രസിഡൻ്റ് ജിൻ്റോ സേവ്യറിൻ്റെ നേതൃത്വത്തിലുള്ള ഒരു വലിയ ടീമാണ് 2024 ലെ പ്രതീക്ഷയുടെ ഈസ്‌റ്റർ വിഷു റംസാൻ ആഘോഷങ്ങൾക്ക് നേതൃത്വം നൽകിയത്. പ്രതീക്ഷയുടെ കഴിഞ്ഞ കാല സാരഥികളുടെ പ്രവർത്തനങ്ങളേയും എടുത്തു പറയേണ്ടതുണ്ട്. അവരിൽ നിന്നും ഉൾക്കൊണ്ട പ്രചോദനത്താലാണ് ഇത്രയും വലിയ ഒരു പ്രോഗ്രാം നടത്താൻ സാധിച്ചതെന്ന് പ്രതീക്ഷയുടെ പ്രസിഡൻ്റ് ജിൻ്റോ സേവ്യർ മലയാളം യുകെ ന്യൂസിനോട് പറഞ്ഞു.

പ്രതീക്ഷ മലയാളി കൾച്ചറൽ അസ്സോസിയേഷനെ നയിക്കുന്നവർ:-
പ്രസിഡൻ്റ് – ജിൻ്റോ സേവ്യർ
സെക്രട്ടറി – ചിന്ദു പ്രതാപൻ
വൈസ് പ്രസിഡൻ്റ് – ലിസ സെലിൻ
ജോയിൻ്റ് സെക്രട്ടറി – ബിനീഷ് ജോൺ
ട്രഷറർ – ജീവൻ സണ്ണി

കമ്മറ്റിയംഗങ്ങൾ :-
ദൃശ്യാ, ലിബിൻ, നീതു, അജീഷ്, ജോമിഷ്, സരിത, നീരജ, എഡ് വിൻ, റിച്ചി, നിമ്മി

ഇന്ത്യയിൽ സ്വതന്ത്രവും സുതാര്യവുമായ തിരഞ്ഞെടുപ്പ് നടത്തണമെന്ന് ഇന്ത്യൻ ഓവർസീസ് കോൺഗ്രസ്സ് ആവശ്യപ്പെട്ടു. ഇന്ത്യയിൽ വോട്ടിംഗ് മെഷിനെ ദുരുപയോഗിച്ചും കൃത്രിമം കാണിച്ചും തിരെഞ്ഞെടുപ്പ് അട്ടിമറിക്കപ്പെടരുത്.

ഇന്ത്യൻ ഓവർസീസ് കോൺഗ്രസ്സിന്റെ ഔദ്യോഗിക അന്താരാഷ്ട്ര വിഭാഗമാണ് ഡോ. സാം പിട്രോഡ നേതൃത്വം നൽകുന്ന ഇന്ത്യൻ ഓവർസീസ് കോൺഗ്രസ്സ് . ഇന്ത്യൻ ഓവർസീസ് കോൺഗ്രസ്സ് ജനാധിപത്യത്തിനും തുല്യമനുഷ്യാവകാശങ്ങൾക്കും വേണ്ടി ലോകമെങ്ങുംപ്രവർത്തിക്കുന്ന വിദേശ ഇന്ത്യക്കാരുടെ ലോകമെങ്ങുമുള്ള പ്രസ്ഥാനമാണന്നു കെ പി സി സി ആക്ടിങ് പ്രസിഡന്റ് ശ്രീ എം എം ഹസ്സൻ പത്ര സമ്മേളനത്തിൽ ആമുഖമായി പറഞ്ഞു.

ഇന്ത്യയിൽ ഭരണഘടന സ്ഥാപനങ്ങളും ഭരണഘടനമൂല്യങ്ങളും മൗലിക അവകാശങ്ങളും സംരക്ഷിച്ചാലെ ഇന്ത്യൻ ജനാധിപത്യം നിലനിൽക്കുയുള്ളൂയെന്ന് ഇന്ത്യൻ ഓവർസീസ് കോൺഗ്രസ്സ് വൈസ് ചെയർമാൻ ജോർജ് എബ്രഹാം അഭിപ്രായപെട്ടു. മോദി സർക്കാർ ന്യൂനപക്ഷ അവകാശങ്ങളും മനുഷ്യാവകാശങ്ങളും സംരക്ഷിക്കുന്നില്ല.

വിദേശ ഇന്ത്യക്കാരുടെ ആവശ്യങ്ങൾക്ക് വേണ്ടിയും അവരുടെ ആവശ്യങ്ങൾ സംരക്ഷിക്കുന്നതിന് വേണ്ടിയും മോദി സർക്കാർ മുൻഗണന നൽകുന്നില്ലെന്നു ഇന്ത്യൻ ഓവർസീസ് കോൺഗ്രസ്സിന്റെ ചുമതലയുള്ള എ ഐ സി സെക്രട്ടറി ആരതി കൃഷ്ണ പറഞ്ഞു.

ജനാധിപത്യത്തിനുവേണ്ടിയും ഇന്ത്യയിലെ മനുഷ്യാവകാശങ്ങൾക്കുവേണ്ടിയും സംസാരിക്കുന്നവരുടെ ഓ ഐ സി കാർഡ് റദ്ദാക്കുന്ന നടപടി ജനാധിപത്യ വിരുദ്ധമാണെന്ന് ഓ ഐ സി സെക്രട്ടറി വീരേന്ദ്ര വസിഷ്ട്ട് അഭിപ്രായപെട്ടു.

വിവിധ രാജ്യങ്ങളിൽ നിന്ന് ഇന്ത്യൻ ഓവർസീസ് കോൺഗ്രസ്സ് പ്രവർത്തകർ കേരളത്തിൽ ഉൾപ്പെടെ ഇന്ത്യൻ ഓവർസീസ് കോൺഗ്രസ്സിന്റെയും ഇന്ത്യമുന്നണിയുടെ പ്രവർത്തനങ്ങളെ ശക്തിപ്പെടുത്തുന്നതിന്റെ ഭാഗമായാണ് വിവിധ സംസ്ഥാനങ്ങളിൽ പ്രവർത്തിക്കുന്നതെന്ന് മാധ്യമ സമ്മേളനത്തിന് തുടക്കം കുറിച്ചുകൊണ്ടു കെ പി സി സി യിൽ ഇന്ത്യൻ ഓവർസീസ് കോൺഗ്രസ്സ് കോർഡിനേറ്ററായ ജെ എസ് അടൂർ പറഞ്ഞു.അമേരിക്കയിലെ ഐ ഓ സി കർണാടക ചാപ്റ്റർ പ്രസിഡന്റ്‌ രാജീവ്‌ ഗൗഡയും പത്രസമ്മേളനത്തിൽ പങ്കെടുത്തു.

പാന്തേഴ്സ് സ്പോർട്സ് ക്ലബിന്റെ ആഭിമുഖ്യത്തിൽ ഈദ് വിഷു ആഘോഷം നടത്തി. ഏപ്രിൽ 14 നു ലണ്ടൻ ലുട്ടനിൽ നടന്ന പരിപാടിയിൽ മുഖ്യ അഥിതി ആയി ലണ്ടൻ മലയാളം റേഡിയോയുടെ സിഇഒ ജെറീഷ് കുര്യനും പ്രതിനിധി ആയി ഫൈസൽ നാലകത്തും പങ്കെടുത്തു. പാന്തേഴ്സ്ന്റെ സ്‌പോൺസർമാർ ആയ ശറഫുദ്ധീൻ ചിറക്കലും റംഷീദ് വടക്കേക്കാടും പാന്തേഴ്സ് ചെയർമാൻ റമീസും ചേർന്നു പുതിയ ജേഴ്‌സി പ്രസിദ്ധീകരണവും നടത്തി.

ബെഡ്ഫോർഡ്: ബെഡ്‌ഫോർഡ്ഷയറിലെ പ്രമുഖ മലയാളി സംഘടനയായ ‘ബെഡ്ഫോർഡ് മാസ്റ്റൺ കേരള അസ്സോസ്സിയേഷൻ’ ഒരുക്കുന്ന ഈസ്റ്റർ-വിഷു ആഘോഷത്തിനു ഏപ്രിൽ 27 ശനിയാഴ്ച ബെഡ്ഫോർഡ് കെംപ്സ്റ്റണിലെ ‘അഡിസൺ സെൻറർ’ വേദിയാവും. പ്രതീക്ഷയുടെയും പ്രത്യാശയുടെയും ആല്മീയ ആഘോഷമായി ക്രൈസ്തവർ ആചരിക്കുന്ന ഈസ്റ്ററും, വിളവെടുപ്പ് ഉത്സവവും, സമൃദ്ധിയുടെയും ഐശ്വര്യത്തിന്റെയും അനുഗ്രഹ സുദിനവുമായി ഹൈന്ദവർ ആഘോഷിക്കുന്ന വിഷുവും, സംയുക്തമായി ബെഡ്ഫോർഡിൽ ആഘോഷിക്കുമ്പോൾ,അത് സൗഹാർദ്ധത്തിന്റെയും, ഐക്യത്തിന്റെയും സാഹോദര്യത്തിന്റെയും മഹോത്സവമാക്കുവാനുള്ള ഒരുക്കത്തിലാണ് സംഘാടകർ.

‘ബി എം കെ എ’ ഒരുക്കുന്ന പുണ്യ ദിനങ്ങളുടെ സംയുക്ത ആഘോഷത്തിൽ പ്രശസ്ത സംഗീത സംവിധായകനും, ഗായകനുമായ പീറ്റർ ചേരാനല്ലൂർ മുഖ്യാതിഥിയായി പങ്കു ചേരും. ബെഡ്ഫോർഡ് കെംപ്‌സ്റ്റൻ MP മുഹമ്മദ് യാസിൻ, ബെഡ്ഫോർഡ് ബോറോ കൗൺസിലേഴ്‌സ്, യുക്മ ഈസ്റ്റ് ആംഗ്ലിയ റീജിയൻ പ്രസിഡണ്ട് ജെയ്‌സൺ ചാക്കോച്ചൻ തുടങ്ങിയവർ അതിഥികളായി പങ്കു ചേരും.

പ്രശസ്ത ഗായകരായ അനീഷും, ടെസ്സയും ചേർന്നൊരുക്കുന്ന ‘ബോളിവുഡ്ഡ് ഗാനമേള’, യു കെ യിലെ നൃത്ത സദസ്സുകളിൽ ഏറെ ശ്രദ്ധേയരായ ‘ടീം ജതി’ ഒരുക്കുന്ന ‘ഡാൻസ് ഫെസ്റ്റ്’, കുട്ടികൾ മുതൽ മുതിർന്നവർ വരെ അവതരിപ്പിക്കുന്ന വൈവിദ്ധ്യങ്ങളായ കലാ പരിപാടികൾ, ഡീ ജെ അടക്കം മുപ്പതോളം ‘കലാ വിഭവങ്ങൾ’ എന്നിവ ഈസ്റ്റർ വിഷു ആഘോഷ സദസ്സിനായി അണിയറയിൽ ഒരുങ്ങുന്നതായി പ്രസിഡണ്ട് ജോമോൻ മാമ്മൂട്ടിൽ, സെക്രട്ടറി ആന്റോ ബാബു എന്നിവർ അറിയിച്ചു.

യു കെ യിലെ ഇതര സംഘടനകളിൽ നിന്നും വിഭിന്നമായി, അസ്സോസ്സിയേഷൻ അംഗങ്ങളുടെ പാചക നൈപുണ്യ അരങ്ങായ ‘BMKA കിച്ചൻ’ സ്വന്തമായി തയ്യാറാക്കുന്ന, വിഭവ സമൃദ്ധവും, സ്വാദിഷ്‌ടവുമായ ‘അപ്‌നാ ഖാന’ ഈസ്റ്റർ-വിഷു ആഘോഷത്തിൽ വിളമ്പുന്നുവെന്ന സവിശേഷത ബെഡ്ഫോർഡ് മാസ്റ്റൺ അസോസിയേഷനെ വ്യത്യസ്തമാക്കുന്നു.

ബെഡ്ഫോർഡ് കെംപ്സ്റ്റണിലെ വിസ്തൃതവും, വിശാലവുമായ കാർ പാർക്കിങ് സൗകര്യങ്ങളുമുള്ള അഡിസൺ സെൻററിൽ ഉച്ച കഴിഞ്ഞു നാലു മണിക്കാരംഭിച്ച് രാത്രി പതിനൊന്നു മണിവരെ നീണ്ടു നിൽക്കുന്ന ആഘോഷരാവിൽ ഡീ ജെ അടക്കം ആകർഷകങ്ങളായ നിരവധി ഇനങ്ങളും ഉൾപ്പെടുത്തിയിട്ടുണ്ട്.

മഴവിൽ വസന്തം വിരിയുന്ന കലാവിരുന്നും, സ്വാദിഷ്‌ടമായ ഭക്ഷണ വിഭവങ്ങളും, ഗാനമേളയും, ഡീജെയും, നൃത്ത വിരുന്നും അടക്കം ആവോളം ആനന്ദിക്കുവാനും ആഹ്ളാദിക്കുവാനും അവസരം ഒരുക്കുന്ന ആഘോഷ സദസ്സിന്റെ ഭാഗമാകുവാൻ മുഴുവൻ മെംബർമാരെയും സസ്നേഹം സ്വാഗതം ചെയ്യുന്നതായി സംഘാടക സമിതി അറിയിച്ചു.

VENUE: ADDISON CENTRE, KEMPSTON, BEDFORD MK42 8PN

റോമി കുര്യാക്കോസ്

ലണ്ടൻ: ലോക്സഭ തെരെഞ്ഞെടുപ്പും പ്രചരണവും നിർണാക ഘട്ടത്തിലേക്കടുക്കുന്നതിനോടനുബന്ധിച്ച്, ഇന്ത്യൻ ഓവർസീസ് കോൺഗ്രസ്‌ (യു കെ) – കേരള ചാപ്റ്റർ തെരഞ്ഞെടുപ്പ് പ്രചാരണ കമ്മിറ്റി ‘MISSION 2024’ – ന്റെ
നേതൃത്വത്തിൽ കേരളത്തിലെ 20 ലോക്സഭ മണ്ഡലങ്ങളിലെയും യുഡിഎഫ് സ്ഥാനാർഥികളുടെ വിജയത്തിനായി ഏപ്രിൽ 20 – ന് (ശനിയാഴ്ച) ‘A DAY FOR ‘INDIA” ക്യാമ്പയിൻ സംഘടിപ്പിക്കും. പ്രമുഖ കോൺഗ്രസ്‌ നേതാവും കെപിസിസി രാഷ്ട്രീയകാര്യ സമിതി അംഗം, കെപിസിസി വാർ റൂം ചെയർമാൻ എന്നീ ചുമതലകൾ വഹിക്കുന്ന ശ്രീ. എം ലിജു ക്യാമ്പയിൻ ഉൽഘാടനം ചെയ്യും. യു കെ സമയം രാവിലെ 10 മണിക്ക് ഓൺലൈൻ (ZOOM) ആയാണ് ഉൽഘാടന ചടങ്ങുകൾ.

2024 ലോകസഭ തെരഞ്ഞെടുപ്പിൽ കേരളത്തിലെ കോൺഗ്രസ് പാർട്ടിക്ക് പ്രചാരണ തന്ത്രങ്ങളൊരുക്കാൻ നിയോഗിക്കപ്പെട്ട ശ്രീ. എം ലിജു, ‘A DAY FOR ‘INDIA” ക്യാമ്പയിനിന്റെ ഉൽഘാടകനായി എത്തുന്നത് പ്രവാസികളായ കോൺഗ്രസ് പ്രവർത്തകരെ വലിയ ആവേശഭരിതരാക്കിയിട്ടുണ്ട്.

ക്യാമ്പയിനിന്റെ ഭാഗമായി അന്നേദിവസം, യു കെയുടെ വിവിധ ഭാഗങ്ങളിൽ (വാർ റൂം) ഐഒസി (യു കെ) – കേരള ചാപ്റ്ററിന്റെ നേതൃത്വത്തിൽ കോൺഗ്രസ്‌ പ്രവർത്തകർ ഒരുമിച്ചുകൂടി, വിവിധ സോഷ്യൽ മീഡിയ പ്ലാറ്റഫോമുകൾ മുഖേന മുഴുവൻ സമയ പ്രചാരണം സംഘടിപ്പിക്കും. രാജ്യം തന്നെ അപകടത്തിലായ വളരെ സങ്കീർണ്ണമായ സാഹചര്യത്തിൽ നടക്കുന്ന ഈ തെരഞ്ഞെടുപ്പിന്റെ പ്രാധാന്യം പ്രവാസലോകത്തിനും അവരിലൂടെ വോട്ടർമാരായ അവരുടെ ബന്ധു – മിത്രാധികളിലേക്ക് എത്തിക്കുക, കേന്ദ്ര – സംസ്ഥാന സർക്കാരുകൾ പ്രവാസികളോടടക്കം ചെയ്ത ജനദ്രോഹ നടപടികൾ തുറന്നു കാട്ടുക, കേരളത്തിലെ ഇരുപതു ലോക്സഭ മണ്ഡലങ്ങളിലും യുഡിഫ് സ്ഥാനാർഥികളുടെ വിജയം ഉറപ്പാക്കുക എന്നിവയാണ് ‘A DAY FOR ‘INDIA” ക്യാമ്പയിനിലൂടെ ഐഒസി (യു കെ) ലക്ഷ്യമിടുന്നത്.

വിവിധ സോഷ്യൽ മീഡിയ സംവിധാനങ്ങൾ ഉപയോഗപ്പെടുത്തി ഒരേ ദിവസം, യു കെയിലെ വിവിധ ഭാഗങ്ങളിൽ സജ്ജീകരിച്ചിരിക്കുന്ന ‘വാർ റൂം’ മുഖേന, പ്രചാരണം കൂടുതൽ കൂട്ടായ്മയിലേക്കും ജനങ്ങളിലേക്കും എത്തിക്കുന്നത്തിനുള്ള ക്രമീകരണങ്ങൾ പൂർത്തിയായതായി തെരഞ്ഞെടുപ്പു കമ്മിറ്റിയെ പ്രതിനിധീകരിച്ചുകൊണ്ട് ഐഒസി (യു കെ) – കേരള ചാപ്റ്റർ മീഡിയ കോർഡിനേറ്റർ റോമി കുര്യാക്കോസ്, സീനിയർ ലീഡർ സുരാജ് കൃഷ്ണൻ, പ്രചാരണ കമ്മിറ്റി കൺവീനർ സാം ജോസഫ് എന്നിവർ അറിയിച്ചു.

ഏപ്രിൽ 20 – ന് (ശനിയാഴ്ച) സംഘടിപ്പിക്കുന്ന ‘A Day for ‘INDIA” ക്യാമ്പയിനിൽ യു കെയിലെ പ്രബുദ്ധരായ എല്ലാ ജനാതിപത്യ – മതേതര വിശ്വാസികളും ഭാഗമാകണമെന്നും ഇന്ത്യയുടെ പൈതൃകം സംരക്ഷിക്കപ്പെടുന്നതിൽ നിർണ്ണായകമായ ഈ ഘട്ടത്തിൽ, ഒരു ദിവസം നമ്മുടെ മാതൃരാജ്യത്തിനായി മാറ്റിവെച്ചു സഹകരിക്കണമെന്നും ഐഒസി (യു കെ) – കേരള ചാപ്റ്റർ പ്രസിഡന്റ്‌ സുജു ഡാനിയേൽ, വക്താവ് അജിത് മുതയിൽ എന്നിവർ പറഞ്ഞു.

വാർ റൂം ലീഡേഴ്‌സ്:

ബോബിൻ ഫിലിപ്പ് (ബിർമിങ്ഹാം), റോമി കുര്യാക്കോസ് (ബോൾട്ടൻ), സാം ജോസഫ് (ലണ്ടൻ), വിഷ്ണു പ്രതാപ് (ഇപ്സ്വിച്), അരുൺ പൂവത്തുമൂട്ടിൽ (പ്ലിമൊത്ത്), ജിപ്സൺ ഫിലിപ്പ് ജോർജ് (മാഞ്ചസ്റ്റർ), സോണി പിടിവീട്ടിൽ (വിതിൻഷോ), ഷിനാസ് ഷാജു (പ്രെസ്റ്റൺ)

തെരഞ്ഞെടുപ്പ് പ്രചാരണ കമ്മിറ്റി ഭാരവാഹികൾ:

സാം ജോസഫ് (കൺവീനർ), റോമി കുര്യാക്കോസ്, സുരജ് കൃഷ്ണൻ, നിസാർ അലിയാർ (കോ – കൺവീനേഴ്‌സ്)

കമ്മിറ്റി അംഗങ്ങൾ:
അരുൺ പൗലോസ്, അജി ജോർജ്, അരുൺ പൂവത്തൂമൂട്ടിൽ, വിഷ്ണു പ്രതാപ്, വിഷ്ണു ദാസ്, ജിതിൻ തോമസ്, ജെന്നിഫർ ജോയ്

Zoom Link

https://us06web.zoom.us/j/89983950412?pwd=g22NqPMjE8XjcWxCJ46dKbHPcNQqNA.1

Meeting ID: 899 8395 0412
Passcode: 743274

റെക്സം കേരളാ കമ്മ്യൂണിറ്റി WKC യുടെ ഈസ്റ്റർ, വിഷു, റമദാൻ ആഘോഷം ലോകത്ത് അശാന്തിയും, മതവെറിയും, ജാതിയതയും,അസഹിഷ്ണതയും നിറഞ്ഞാടുമ്പോൾ സ്നേഹത്തിന്റെയും, മതസൗഹാർദത്തിന്റെയും സന്ദേശം നമ്മുടെ ചെറുതലമുറക്കും സമൂഹത്തിനും പകർന്നു നല്കുന്ന മതം ഏതാണെങ്കിലും മനുഷ്യർ ഒന്നാണ് എന്ന് സന്ദേശം നല്കുന്ന കുട്ടികൾ അവതരിപ്പിച്ച ടാബ്ളോ ഏവരുടേയും മനസിലെ നൻമയുടെ ഓർമ്മകൾ ഉണർത്തുന്നത്. ആയിരുന്നു.

13-ാം തിയതി 3 – മണിക്ക് WKC പ്രസിഡന്റ് പ്രവീൺ കുമാറിന്റെ അധ്യക്ഷതയിൽ ആരംഭിച ഉൽഘാടന ചടങ്ങിൽ WKC കമ്മറ്റി അംഗങളും, വിശിഷ്ട വ്യക്തികളും ചേർന്ന് തിരി തെളിച്ച് ഉദ്ഘാടനം നിർവഹിച്ചു. തുടർന്ന് നാട്ടിൽ നിന്നും വിശിഷ്ട അതിഥിയായി എത്തി ചേർന്ന ഡോ.സിസ്റ്റർ ബറ്റി ഈസ്റ്റർ, വിഷു, റമദാൻ സന്ദേശം വിവിധങ്ങളായ ചെറുകഥാ ശകലങ്ങളായി അവതരിപ്പിച്ചത് ഏവർക്കും പ്രവാസി സമൂഹം എന്ന നിലയിൽ കൂടുതൽ ഊർജം പകരുന്നത് ആയിരുന്നു. തുടർന്ന് റെക്സം കതീഡ്രൽ ഡീൻ ഫാദർ നിക്കോളാസ് ഏവർക്കും ഈ പുണ്യദിനത്തിന്റെ ആശംസകൾ നേർന്നു.

സമൃദ്ധിയുടെ സന്ദേശം പകരുന്ന വിഷുകണി, വിഷു കൈനീട്ടം, ഈസ്റ്റർ എഗ്ഗ് എന്നിവ നാട്ടിൽ നിന്നും എത്തി ചേർന്ന മാതാപിതാക്കൾ പരിപാടിയിൽ പങ്കെടുത്ത എല്ലാവർക്കും നല്കിയത് ഏവരുടേയും മനസിൽ ഗ്രഹാതുരത്വം ഉണർത്തുന്നതായി. റക്സാമിൽ പുതിയതായി എത്തി ചേർന്ന ഫാമിലിയെ പരിചയപ്പെടാൻ അവസരം ഉണ്ടായത് പലർക്കും സ്വന്തം ജില്ലയിൽ നിന്നും, ഒരുമിച്ച് പഠിച്ചവരേയും ജോലി ചെയ്തവരേയും കണ്ടെത്താൻ ഈ അവസരം ഗുണകരമായി. കുട്ടികളുടേയും, മുതിർന്നവരുടേയും ഡാൻസ്, പാട്ടുകൾ,വിവിധ മൽസരങ്ങൾ, സമ്മാനങ്ങൾ മന്ത്ര മ്യൂസിക് ബാന്റ് അവതരിപ്പിച ഹിറ്റ് പാട്ടുകളും ഏവർക്കും നൃത്ത ചുവടുകൾ വയ്ക്കുന്നവ ആയിരുന്നു..

പരിപാടിയിൽ പങ്കെടുത്ത എല്ലാവരുടേയും ഭാഗ്യപരീക്ഷണത്തിനായി നടത്തിയ റാഫിൾ നറുക്കിന് ഒന്നാം സമ്മാനം 200 പൗണ്ട് സ്പോൺസർ ചെ ചെയ്ത മനോജ് നാരയണനേയും മറ്റ് സ്പോൺസർ മാരേയും Wkc കമ്മറ്റി നന്ദി അറിയിച്ചു. Wkc യുടെ എല്ലാ പരിപാടികളുടേയും മുഖ്യ സ്പോൺസർ ആയ ആമ്പിൾ മോർട്ട് ഗേജ്, ആന്റ് ഇൻഷ്വറൻസ് സ്പോൺസർ ചെയ്ത തുകയും കൂടാതെ ലേലത്തിന് ആവേശം പകരാൻ നാട്ടിൽനിന്നും എത്തിചു നല്കിയ ഓൾഡ് മഗും ലേലം വിളി ആവേശ കൊടുമുടിയിൽ എത്തിച്ച് 200 പൗണ്ടിന് മനോജ് നാരായണൻ കരസ്ഥമാക്കി. പരിപാടിയിൽ മുഴുവൻ സമയവും ചായ, കാപ്പി കേക്ക് എന്നിവ പാർട്ടിക്ക് ഊർജമായി മാറി. വെകിട്ട് ഏഴുമണിയോടെ രുചികരമായ ഭക്ഷണവും പായസവും ആഘോഷ പരിപാടികളുടെ സമൃദ്ധി വിളിച്ചോതുന്നത് ആയിരുന്നു പരിപാടികളിൽ പങ്കെടുത്ത ഏവർക്കും ആൻസി സ്വാഗതവും പ്രസിഡന്റ് പ്രവീൺ നന്ദിയും രേഖപ്പെടുത്തി പത്തുമണിയോടെ ആഘോഷ പരിപാടികൾക്ക് തിരശീല വീണു.