മട്ടണ്‍ കുറുമ
ചേരുവകള്‍
മട്ടന്‍ 1 കിലോ
സബോള 5 എണ്ണം നീളത്തില്‍ അഞ്ഞത്
പ്ലം ടൊമാറ്റോ 1 ടിന്‍ (200 ഗ്രാം )
വെളുത്തുള്ളി / ഇഞ്ചി 2 ടി സ്പൂണ്‍ വീതം ചതച്ചത്
കുരുമുളകുപൊടി 2 ടി സ്പൂണ്‍
മുളകുപൊടി 2 ടീസ്പൂണ്‍
മഞ്ഞള്‍പൊടി 2 ടി സ്പൂണ്‍
നാരങ്ങാ നീര് 1 നാരങ്ങയുടെ
ജീരക പ്പൊടി 1 ടി സ്പൂണ്‍
ഗ്രാമ്പൂ 3 എണ്ണം
കറുവാപട്ട 1 പീസ്
ഏലക്ക 2 എണ്ണം
ഓയില്‍ 50 എംല്‍
ഉപ്പ് ആവശ്യത്തിന്
പാചകം ചെയ്യുന്ന വിധം
മട്ടണ്‍ കഴുകി വൃത്തിയാക്കുക . ഉപ്പും പകുതി മസാലകളും നാരങ്ങാ നീരും ചേര്‍ത്ത് നന്നായി മാരിനേറ്റ് ചെയ്തു വയ്ക്കുക .ഒരു പാനില്‍ ഓയില്‍ ചൂടാക്കി ഇഞ്ചി വെളുത്തുള്ളി ചതച്ചത് വഴറ്റുക പച്ച മണം മാറിക്കഴിയുമ്പോള്‍ സബോളയും ചേര്‍ത്ത് വഴറ്റുക .സബോള നന്നായി വഴന്നു കഴിയുമ്പോള്‍ പ്ലം ടൊമാറ്റോയും കൂടി ചേര്‍ത്ത് നന്നായി പച്ചപ്പ് പോകുന്നത് വരെ കുക്ക് ചെയ്യുക .ഇതിലേയ്ക്ക് ബാക്കിയുള്ള മസാലകളും ചേര്‍ത്തു് വഴറ്റി എടുക്കുക .അതിലേയ്ക്ക് മാരിനേറ്റ് ചെയ്തു വച്ചിരിക്കുന്ന മട്ടണ്‍ ചേര്‍ത്തിളക്കുക ആവശ്യം എങ്കില്‍ അല്പം വെള്ളം കൂടി ചേര്‍ക്കുക. മട്ടണ്‍ നന്നായി കുക്ക് ചെയ്‌തെടുക്കുക. മട്ടണ്‍ വേവ് കൂടുതല്‍ ആയതിനാല്‍ ഏകദേശം 30 40 മിനിറ്റ് എടുക്കും . 80 % വെന്തു കഴിയുമ്പോള്‍ മൂടി തുറന്നു വച്ച് ചാറു കുറുക്കിയെടുക്കുക .ഇതിലേയ്ക്ക് ജീരകം,ഗ്രാമ്പൂ,ഏലക്ക ,പട്ട എന്നിവ പൊടിച്ച് ചേര്‍ത്ത് കുറുകുമ്പോള്‍ വാങ്ങി ചൂടോടെ വിളമ്പുക .അപ്പം .പത്തിരി ,ഇടിയപ്പം ചപ്പാത്തി ഇവക്കൊക്കെ നല്ല ഒരു കോമ്പിനേഷന്‍ ആണ് ഈ മട്ടണ്‍ കുറുമ. .

ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.

സുജിത് തോമസ്

ചെറുപയർ തോരൻ

ചേരുവകൾ

• ചെറുപയർ – 1 കപ്പ്
• തേങ്ങ ചിരകിയത് – 3/4കപ്പ്
• ജീരകം – 1/4 ടീ സ്പൂൺ
• കുരുമുളക് – 6 എണ്ണം
• പച്ചമുളക് – 1
• വെളുത്തുള്ളി – 2 ചെറുത്
• കൊച്ചുള്ളി – 3
• ഉപ്പ്‌ – ആവശ്യത്തിന്
• മഞ്ഞൾ പൊടി -1/2 ടീ സ്പൂൺ

താളിക്കാൻ

• കടുക് – 1/2 ടീസ്പൂൺ
• വറ്റൽ മുളക് – 2
• കൊച്ചുള്ളി – 4 എണ്ണം നീളത്തിൽ അരിഞ്ഞത്
• കറിവേപ്പില

തയാറാക്കുന്ന വിധം

1.ചെറുപയർ ആവശ്യത്തിന് വെള്ളം ഒഴിച്ച് വേവിക്കുക.
2.തേങ്ങ ചിരകിയതു മുതൽ കൊച്ചുള്ളി വരെയുള്ള എല്ലാ ചേരുവകളും ചേർത്ത് ഒന്നു ചതച്ചെടുക്കുക.
3.ഒരു ചീനച്ചട്ടിയിൽ എണ്ണ ചൂടാക്കി കടുകും ചുവന്നമുളകും ചേർത്ത് പൊട്ടിയശേഷം, കറി വേപ്പിലയും,കൊച്ചുള്ളി അരിഞ്ഞതും ചേർത്ത് മൂപ്പിക്കുക.
3.ശേഷം ചതച്ചുവച്ച കൂട്ട് ചേർത്ത് രണ്ട് മിനിറ്റ് വഴറ്റിയതിനു ശേഷം, മഞ്ഞൾ പൊടി ചേർത്ത് മൂത്തതിന് ശേഷം ചെറുപയർ ചേർക്കുക.
4.ആവശ്യത്തിന് ഉപ്പ് ചേർക്കുക. എല്ലാം കൂടെ യോജിപ്പിച്ചതിനു ശേഷം വാങ്ങുക.

തേങ്ങാ ചമ്മന്തി

ചേരുവകൾ

തേങ്ങ – അര മുറി ചിരകിയത്

കുഞ്ഞുള്ളി -3 എണ്ണം

വെളുത്തുള്ളി -3 അല്ലി

വറ്റൽമുളക് -6 എണ്ണം (എരിവ് കൂടുതൽ വേണമെങ്കിൽ 8 എണ്ണം

വാളംപുളി – ചെറിയ ഒരു നെല്ലിക്ക വലിപ്പത്തിൽ

കറിവേപ്പില -2-3 ഇല

ഉപ്പ് -ആവശ്യത്തിന്

വെളിച്ചെണ്ണ -50 എം ൽ

പാചകം ചെയ്യുന്ന വിധം

ഒരു പാനിൽ വെളിച്ചെണ്ണ ചൂടാക്കി വറ്റൽ മുളക് ചെറിയ തീയിൽ കരിയാതെ വറത്തെടുക്കുക. ഒരു മിക്സിയുടെ ജാർ എടുത്തു അതിലേയ്ക്ക് തേങ്ങാ ,കുഞ്ഞുള്ളി ,വെളുത്തുള്ളി വറത്തെടുത്ത മുളക് പുളി ഉപ്പ് മുളക് വറുത്ത വെളിച്ചെണ്ണ 3 -4 കറിവേപ്പില എന്നിവ ചേർത്ത് ഒരു 2 മിനിറ്റ് അരച്ചെടുക്കുക .മിക്സിയുടെ ജാർ തുറന്നു ഒരു സ്പൂൺ കൊണ്ട് സൈഡിൽ പറ്റിപിടിച്ചിരിക്കുന്നത് എല്ലാം നാടുവിലേയ്ക്ക് ആക്കി അൽപം വെള്ളം കൂടി ചേർത്ത് നന്നായി അരച്ചെടുക്കുക. വെള്ളം കൂടിപോകാതിരിക്കാൻ ശ്രദ്ധിക്കണം .ഒരു സ്പൂൺ കൊണ്ട് പതുക്കെ ഒരു പാത്രത്തിലേക്ക് മാറ്റി നന്നായി ഉരുട്ടി ചെറിയ ബോൾ പരുവത്തിൽ ആക്കിയെടുക്കുക നല്ല നാടൻ തേങ്ങാ ചമ്മന്തി റെഡി .

സുജിത് തോമസ്

ഷിബു മാത്യൂ
ലീഡ്‌സ്. ലീഡ്‌സിന്റെ ഹോസ്പ്പിറ്റാലിറ്റി ഇന്‍ഡസ്ട്രിയുടെ എല്ലാ വര്‍ഷവും നടക്കുന്ന യോര്‍ക്ഷയര്‍ ഈവനിംഗ് പോസ്റ്റിന്റെ ഒലിവര്‍ അവാര്‍ഡ്‌സ് ലീഡ്‌സിലെ പ്രമുഖ ഇന്ത്യന്‍ റെസ്റ്റോറന്റ് തറവാട് ലീഡ്‌സിന് ലഭിച്ചു.
എല്ലാവര്‍ഷവും തുടര്‍ച്ചയായി നടക്കുന്ന ഈ അവാര്‍ഡ് കോവിഡ് കാലത്തെ രണ്ട് വര്‍ഷത്തെ ഇടവേളയ്ക്ക് ശേഷം പുനരാരംഭിച്ചിരിക്കുകയാണ്. യോര്‍ക്ഷയറിലെ ബ്രട്ടീഷല്ലാത്ത എല്ലാ റെസ്റ്റോറന്റുകള്‍ക്കും അവാര്‍ഡിനായിട്ടുള്ള ആപ്ലിക്കേഷന്‍ സമര്‍പ്പിക്കാം. ലീഡ്‌സ് മെട്രൊപൊളിറ്റന്‍ കൗണ്‍സിലിന്റെ കീഴില്‍ ബ്രിട്ടീഷല്ലാത്ത അഞ്ഞൂറോളം റെസ്റ്റോറന്റുകള്‍ നിലവിലുണ്ട്. മൊത്തം ലഭിക്കുന്ന ആപ്ലിക്കേഷനില്‍ നിന്നും പതിനാറ് വിഭാഗങ്ങളിലായി നൂറ്റിയറുപതോളം ആപ്ലിക്കേഷനുകള്‍ തെരഞ്ഞെടുക്കപ്പെടും. ഓരോ വിഭാഗത്തിലും പത്ത് ആപ്ലിക്കേഷന്‍ വീതം. അതില്‍ ബെസ്റ്റ് സ്‌പെഷ്യാലിറ്റി റെസ്റ്റോറന്റ് ലീഡ്‌സ് വിഭാഗത്തിലാണ് തറവാട് റെസ്റ്റോറന്റ് ലീഡ്‌സ് അവാര്‍ഡ് സ്വന്തമാക്കിയത്.

2014ല്‍ തറവാട് റെസ്റ്റോറന്റ് ലീഡ്‌സില്‍ പ്രവര്‍ത്തനമാരംഭിച്ച് ഒരു വര്‍ഷം പൂര്‍ത്തിയാകുന്നതിന് മുമ്പ് തന്നെ ബെസ്റ്റ് ഇന്ത്യന്‍ റെസ്റ്റോറന്റ് ലീഡ്‌സിനുള്ള അവാര്‍ഡ് ലഭിച്ചു. തുടര്‍ച്ചയായ മൂന്ന് വര്‍ഷം അത് ലഭിക്കുകയും ചെയ്തു. ഒലിവര്‍ അവാര്‍ഡിന്റെ ചരിത്രത്തിലിദാദ്യമാണ് ഒരു റെസ്റ്റോറന്റ് തന്നെ ഒരേ വിഭാഗത്തില്‍ തന്നെ തുടര്‍ച്ചയായ മൂന്നു വര്‍ഷം അവാര്‍ഡ് ജേതാവാകുന്നത്.
കോവിഡിന്റെ പ്രതിസന്ധിയില്‍ 2020 ലും 2021 ലും ഒലിവര്‍ അവാര്‍ഡ് നിര്‍ത്തിവെച്ചിരുന്നു. രണ്ട് വര്‍ഷത്തെ ഇടവേളയ്ക്ക് ശേഷം ഒലിവര്‍ അവാര്‍ഡ് ഒരുപാട് പുതുമകളോടെയാണ് പുനരാരംഭിച്ചത്. ബെസ്റ്റ് ഇന്ത്യന്‍ റെസ്റ്റോറന്റ്, തായി റെസ്റ്റോറന്റ്, ചൈനീസ് റെസ്റ്റോറന്റ് എന്നിങ്ങനെ ഓരോ രാജ്യത്തിനെ പ്രതിനിധീകരിച്ചു കൊണ്ട് പ്രത്യേകം പ്രത്യേകമായിട്ടാണ് അവാര്‍ഡ് കൊടുത്തിരുന്നത്. പക്ഷേ, ഇത്തവണ എല്ലാ രാജ്യങ്ങളിലെയും റെസ്റ്റോറന്റുകളെയും ഒരേ വിഭാഗത്തില്‍ പെടുത്തിക്കൊണ്ട് ബെസ്റ്റ് സ്‌പെഷ്യാലിറ്റി റെസ്റ്റോറന്റ് ലീഡ്‌സ് എന്ന പേരില്‍ അവാര്‍ഡ് ഏര്‍പ്പെടുത്തുകയായിരുന്നു.

മാര്‍ച്ച് 28ന് ലീഡ്‌സിലെ പ്രമുഖ ഹോട്ടലായ ക്യൂന്‍സ് ഹോട്ടലില്‍ നാനൂറ്റി അമ്പതോളം വരുന്ന ക്ഷണിക്കപ്പെട്ട സദസ്സിന് മുമ്പാകെ അവാര്‍ഡ് ദാന ചടങ്ങ് നടന്നു.

2014ല്‍ ലീഡ്‌സില്‍ പ്രവര്‍ത്തനമാരംഭിച്ച തറവാട് റെസ്റ്റോറന്റ് നിരവധി അവാര്‍ഡുകളാണ് ഇതിനോടകം വാരിക്കൂട്ടിയത്. കേരള സംസ്‌കാരത്തിന്റെ പരമ്പരാഗതമായ വിഭവങ്ങളാണ് തറവാട്ടിലെ ഭക്ഷണങ്ങളിലധികവും. തറവാടിന്റെ സ്‌പെഷ്യല്‍ റെസീപ്പികള്‍ വേറെയും. കാന്താരിമുളകും കറിവേപ്പിലയും കായലിലെ കരിമീനും കട്ടപ്പനയിലെ കറുവാപ്പട്ടയും തറവാട്ടിലുണ്ട്.

പ്രാദേശികരും അല്ലാത്തവരുമായ പാശ്ചാത്യ സമൂഹമാണ് തറവാട് റെസ്റ്റോറന്റിന്റെ അതിഥികളില്‍ ഭൂരിഭാഗവും എന്നത് ശ്രദ്ധേയമാണ്.
ഇന്ത്യന്‍ ക്രിക്കറ്റ് ടീം ഇംഗ്ലണ്ടിലെത്തുമ്പോള്‍ സ്ഥിരമായി സന്ദര്‍ശിക്കാറുള്ളതും തറവാട് റെസ്റ്റോറന്റിലാണ്.

മിനു നെയ്‌സൺ പള്ളിവാതുക്കൽ
ചേരുവകൾ

1 .1 കപ്പ് ഉഴുന്നു പരിപ്പ്
2 . 1 tbsp മൈദ
3 .1 tbsp കോൺ ഫ്ലോർ
4 . ഓറഞ്ച്/മഞ്ഞ ഫുഡ് കളർ

പഞ്ചസാര സിറപ്പിനായി
1 . 2 കപ്പ് പഞ്ചസാര
2 . 1¾ കപ്പ് വെള്ളം
3 . 2 tbsp നാരങ്ങാ നീര്

4 . വറുത്തെടുക്കാനുള്ള എണ്ണ

ഉണ്ടാക്കുന്ന രീതി

1 .ഉഴുന്നു പരിപ്പ് 3-4 മണിക്കൂർ കുതിർക്കുക.

2 . ഒരു നോൺ-സ്റ്റിക്ക് പാത്രത്തിൽ, പഞ്ചസാരയും വെള്ളവും ചേർത്ത് തിളപ്പിക്കുക. തിളച്ചുവരുമ്പോൾ ക്രിസ്റ്റലൈസേഷൻ തടയാൻ നാരങ്ങ നീര് ചേർക്കുക.

3 . ഉഴുന്നു പരിപ്പ് വെള്ളം ചേർക്കാതെ നല്ല പേസ്റ്റാക്കി അരക്കുക. ഒരു പാത്രത്തിലേക്ക് മാറ്റി മൈദ, കോൺ ഫ്ലോർ, ഫുഡ് കളർ എന്നിവ ചേർക്കുക. ഒരു തടി സ്പൂണോ സ്പാറ്റുലയോ ഉപയോഗിച്ച് നന്നായി ഇളക്കുക.

4 . നോൺ-സ്റ്റിക്ക് പാത്രത്തിൽ എണ്ണ ചൂടാക്കുക. ഒരു സിപ്പ് ലോക്ക് ബാഗ് അല്ലെങ്കിൽ പേപ്പർ/പൈപ്പിംഗ് ബാഗ് എടുത്ത് അതിൽ ബാറ്റർ നിറയ്ക്കുക.പൈപ്പിംഗ് ബാഗിൽ ഒരു ചെറിയ ദ്വാരം ഉണ്ടാക്കി പരസ്പരം ഓവർലാപ്പ് ചെയ്യുന്ന വൃത്താകൃതിയിൽ പൈപ്പ് ചെയ്യുക.

5 . 3-4 മിനിറ്റ് കുറഞ്ഞ മീഡിയം തീയിൽ ജിലേബി കട്ടിയാകുന്നത് വരെ ഫ്രൈ ചെയ്യുക.

6 . എണ്ണയിൽ നിന്നും കോരിയെടുത്തു ചൂടുള്ള പഞ്ചസാര സിറപ്പിലേക്ക് നേരിട്ട് മുക്കുക.

7 . 2 മിനിറ്റ് കുതിർക്കാൻ അനുവദിക്കുക; എന്നിട്ടു അധിക സിറപ്പ് ഊറ്റി ചൂടോടെ വിളമ്പുക

ഓറഞ്ച് ജിലേബി ചൂടോടെ ആസ്വദിക്കൂ !!!

സുജിത് തോമസ്

പാൽ പായസം

ചേരുവകൾ

• ഉണക്കലരി – 6 ടേബിൾ സ്പൂൺ
• പാൽ – 4 കപ്പ്
• വെള്ളം – 2 കപ്പ്
• പഞ്ചസാര -1 കപ്പ് (മധുരം ആവശ്യം അനുസരിച്ച് )
• ഉരുക്കിയ നെയ്യ് – 1 ടീസ്പൂൺ

തയാറാക്കുന്ന വിധം

അരി നന്നായി കഴുകി, കുറച്ചു കുതിർത്തു വച്ച ശേഷം വെള്ളം വാർത്തെടുക്കുക

• ഒരു പ്രഷർ കുക്കറിൽ രണ്ട് കപ്പ് വെള്ളം ഒഴിച്ച് ചൂടാക്കുക. ചൂടാകുമ്പോൾ എടുത്ത് വച്ചിരിക്കുന്ന പാലും അരിയും ചേർത്ത് കൊടുക്കുക.
• ശേഷം കുക്കർ അടച്ച് ആവി നന്നായി പുറത്തു വരുമ്പോൾ വിസിൽ ഇടുക.
• ഏകദേശം 40 മിനിറ്റ് ചെറിയ തീയിൽ വേവിക്കണം.
• ആവി പുറത്ത് പോയി കഴിഞ്ഞതിനു ശേഷം അടപ്പ് തുറക്കുക
• ഒരു കപ്പ് പഞ്ചസാരയും ഒരു നുള്ളു ഉപ്പും ചേർക്കുക.
• ശേഷം പ്രഷർ കുക്കറിൽ ആവി നന്നായി വരുമ്പോൾ വിസിൽ ഇട്ട് ചെറിയ തീയിൽ 20 മിനിറ്റ് പാകം ചെയ്യുക. ആവി എല്ലാം പോയശേഷം കുക്കർ തുറക്കാം.
• നെയ്യ് ചേർത്തിളക്കി യോജിപ്പിക്കുക
• ചെറുതീയിൽ ഇളക്കി ഇളം പിങ്ക് നിറത്തിൽ കുറുകി വരുന്നതാണ് ഈ പായസത്തിന്റ ശരിയായ പരുവം.

സുജിത് തോമസ്

ബേസിൽ ജോസഫ്

നവരത്ന പുലാവ്

എന്താണ് “നവരത്ന” എന്ന വാക്ക് കൊണ്ട് ഉദ്ദേശിക്കുന്നത് ?നമ്മൾ കണ്ടിട്ടുണ്ട് ചിലര് 9 കല്ലുകൾ ഉള്ള മോതിരം അല്ലെങ്കിൽ ലോക്കറ്റ് ഉപയോഗിക്കുന്നത് ഇതെല്ലാം നവരത്ന എന്നാണ് അറിയപ്പെടുന്നത് .ഇത് 9 ഗ്രഹങ്ങളെ ആണ് പ്രതിനിധീകരീക്കുന്നത് .ഈ ഗ്രഹങ്ങൾ നല്ല സൗഭാഗ്യങ്ങൾ ഇത് ഉപയോഗിക്കുന്നവർക്ക് കൊണ്ട് വരുന്നു എന്നാണ് വിശ്വാസം .ഇവിടെ 9 പ്രധാനപ്പെട്ട ചേരുവകൾ ആണ് ഉപയോഗിച്ചിരിക്കുന്നത് അതു കൊണ്ടാണ് ഇതിനു ഈ പേര് വരാനുള്ള കാരണം .മുഗൾ ഭരണ കാലത്തെ രാജക്കമാരുടെ ഏറ്റവും ഇഷടമുള്ള ഒരു ഡിഷ്‌ ആയിരുന്നു എന്നുള്ളതും ഇതിന്റെ ജനപ്രീതി വർദ്ധിക്കാൻ ഇടയായി .ഉത്തരേന്ത്യയിലെ എല്ലാ ആഘോഷങ്ങളുടെയും ഒരു പ്രധാനപെട്ട വെജിറ്റേറിയൻ വിഭവം ആണ് നവരത്ന പുലാവ് .

ചേരുവകൾ

ബസ് മതി അരി -2 കപ്പ്
പനീർ -100 ഗ്രാം
പൊട്ടറ്റോ -1 എണ്ണം
കാരറ്റ് -1 എണ്ണം
പീസ് -100 ഗ്രാം
കോൺ -50 ഗ്രാം
കശുവണ്ടി -15 എണ്ണം
ഉണക്ക മുന്തിരി -20 എണ്ണം
ആൽമണ്ട്സ് -8
പൈനാപ്പിൾ -2 പീസ്
ബേ ലീഫ് -2 -3 ഇല
കറുവപ്പട്ട രണ്ട് എണ്ണം
സ്റ്റാർ ഐൻസ് രണ്ട് എണ്ണം
ഏലക്കാ -5 എണ്ണം
നെയ്യ് -200 മില്ലി

പാചകം ചെയ്യേണ്ട വിധം

ബസ് മതി അരി നന്നായി കഴുകി അര മണിക്കൂർ വെള്ളത്തിൽ കുതിർത്ത് വയ്ക്കുക . പച്ചക്കറികൾ ചെറിയ കഷണങ്ങളാക്കി അരിഞ്ഞ് വയ്ക്കുക.പനീറും പൊട്ടറ്റോയും ചെറിയ ക്യൂബ് സ് ആയി വേണം കഷണങ്ങൾ ആക്കേണ്ടത് . ഒരു പാനിൽ പകുതി നെയ്യ് ചൂടാക്കി പച്ചക്കറികൾ ,പനീർ ,പൊട്ടറ്റോ കശുവണ്ടി , ഉണക്ക മുന്തിരി ,ആൽമണ്ട്സ് എന്നിവ ഓരോന്നായി ചെറുതീയിൽ വറത്തു എടുക്കുക .മറ്റൊരു പാനിൽ ബാക്കിയുള്ള നെയ്യ് ചൂടാക്കി ബേ ലീഫ് , കറുവപ്പട്ട , സ്റ്റാർ ഐൻസ് ,ഏലക്കാ എന്നിവ മൂപ്പിച്ചെടുത്തു കുതിർത്തു വച്ച അരിയും നാലു കപ്പ് വെള്ളവും ചേർത്ത് റൈസ് കുക്ക് ചെയ്തെടുക്കുക .ഒരു മിക്സിങ് പാനിലേയ്ക് റൈസ് മാറ്റി കുക്ക് ചെയ്ത് മാറ്റി വച്ചിരിക്കുന്ന പച്ചകറികളും പനീറും കശുവണ്ടി ഉണക്ക മുന്തിരി, ആൽമണ്ട്സ്,മുറിച്ചു വച്ചിരിക്കുന്ന പൈനാപ്പിൾ എന്നിവ ചേർത്ത് ചെറുതീയിൽ മിക്സ് ചെയ്തെടുക്കുക .ആവി വന്നു കഴിയുമ്പോൾ ഗ്യാസ്ഓഫ് ചെയ്ത് സെർവിങ് ഡിഷിലേയ്ക്ക് മാറ്റി ചൂടോടെ വിളമ്പുക . കറി ഒന്നുമില്ലെങ്കിൽ കൂടിയും ഈ പുലാവ് കഴിക്കാൻ വളരെ ടേസ്റ്റ് ആണ്.

ബേസിൽ ജോസഫ്

ഷെഫ് ജോമോൻ കുര്യാക്കോസ്

ചേരുവകൾ

മീന്‍ – 2 കിലോ
കുടം പുളി – 10 എണ്ണം, ഒന്നര കപ്പ് വെള്ളത്തില്‍ ഇട്ട് തിളപ്പിച്ചത് (കറിക്കു വേണ്ട പുളിയുടെ ആവശ്യാനുസരണം എണ്ണം കൂട്ടുകയോ കുറയ്ക്കുകയോ ചെയ്യാം)വെളുത്തുള്ളി, ഇഞ്ചി, ഉലുവ, മഞ്ഞള്‍പ്പൊടി, ഉപ്പ്, മുളകുപൊടി, കാശ്മീരി ചില്ലി, പുളി, കറിവേപ്പില, കടുക്, ഉലുവ – ആവശ്യം അനുസരിച്ച്

തയാറാക്കുന്ന വിധം

വെളിച്ചെണ്ണ ചൂടാക്കിയ ശേഷം ആവശ്യത്തിന് കടുക് പൊട്ടിക്കുക. ശേഷം അല്‍പം ഉലുവ ഇടുക. പിന്നാലെ ആവശ്യത്തിനു കറിവേപ്പില, ചതച്ച ഒരു വലിയ കഷ്ണം ഇഞ്ചി, ഒരു തുടം വെളുത്തുള്ളി എന്നിവ ചേര്‍ത്ത് നന്നായി വഴറ്റുക. നന്നായി മൂപ്പിച്ച ശേഷം 4 ടേബിള്‍ സ്പൂണ്‍ മുളകു പൊടിയും 6 ടേബിള്‍ സ്പൂണ്‍ കാശ്മീരി മുളകു പൊടിയും ഒരു ടേബിള്‍ സ്പൂണ്‍ മഞ്ഞള്‍പ്പൊടിയും ആവശ്യത്തിന് ഉപ്പും ചേര്‍ത്ത് ഇളക്കുക. പൊടി മൂത്തു വന്ന ഉടനെ തന്നെ കുടംപുളി ഉരുക്കിയ വെള്ളം ഒഴിക്കുക.

വെള്ളം തിളച്ച ഉടനെ മീന്‍ കഷ്ണങ്ങള്‍ ഇടുക. നന്നായി ഇളക്കി കഷ്ണങ്ങളില്‍ മസാല പുരണ്ട ശേഷം അല്‍പം കറിവേപ്പില ഇട്ട് മൂടി വയ്ക്കുക. വേവുന്നതിനനുസരിച്ച് ഇളക്കി കൊടുക്കുക. 20 മിനിറ്റിനുള്ളിൽ കറി റെഡി.

ഷെഫ് ജോമോൻ കുര്യാക്കോസ് 

മിനു നെയ്‌സൺ പള്ളിവാതുക്കൽ

ബട്ടർസ്കോച്ച് സേമിയപായസം

ചേരുവകൾ

▢ 1 lലിറ്റർ ഫുൾ ഫാറ്റ് പാൽ
▢ 3/4 കപ്പ് വറുത്ത സേമിയ (വെർമെസെല്ലി)
▢ 3/4 കപ്പ് പഞ്ചസാര
▢ 2 ടേബിൾ സ്പൂൺ വെണ്ണ
▢ 3 തുള്ളി വാനില / ബട്ടർസ്കോച്ച് എസ്സെൻസ്‌
▢ ഒരു നുള്ള് ഉപ്പ്

ഉണ്ടാക്കുന്ന രീതി

1 . അടിഭാഗം കട്ടിയുള്ള ഒരു പാത്രത്തിൽ 3/4 കപ്പ് പഞ്ചസാര ചേർക്കുക. ഇതിലേക്ക് 1.5 tbsp വെള്ളം ചേർത്ത് കാരമലൈസ് ചെയ്യുക.
പഞ്ചസാര കാരമലൈസ് ചെയ്ത് ആമ്പർ ഷേഡിൽ എത്തിയാൽ 2 tbsp വെണ്ണ ചേർത്ത് നന്നായി ഇളക്കുക

2 . ഇതിലേക്ക് 1/2 ലിറ്റർ പാൽ ചേർക്കുക, നന്നായി ഇളക്കുക, ബാക്കിയുള്ള പാലും ചേർത്തിളക്കി തിളപ്പിക്കുക

3 . പാൽ തിളച്ചു തുടങ്ങിയാൽ സേമിയ ചേർത്ത് നന്നായി ഇളക്കുക.

4 . സേമിയ ഏകദേശം പാകമായി കഴിഞ്ഞാൽ ഒരു നുള്ള് ഉപ്പ് ചേർത്തിളക്കുക.

5 . അതിനുശേഷം 3 തുള്ളി വാനില /ബട്ടർസ്കോച്ച് എസ്സെൻസ് ചേർത്തിളക്കി ഗ്യാസ് ഓഫ് ചെയ്യുക. പായസം 10 മിനിറ്റ് മൂടി വെക്കുക .

6 . ഇനി പായസം സെർവിങ് ബൗളിലേക്കു മാറ്റാം
( നിങ്ങൾക്ക് വേണമെങ്കിൽ കാരാമലൈസ് ചെയ്ത നട്ട്സ്സ് കൊണ്ട് അലങ്കരിക്കാം )

7 . റൂം ടെമ്പറേച്ചറിലോ, തണുപ്പിച്ചോ നിങ്ങൾക്ക് ബട്ടർസ്കോച്ച് സേമിയപായസം ആസ്വദിക്കാം .

മിനു നെയ്‌സൺ പള്ളിവാതുക്കൽ ,ഓസ്ട്രേലിയ

സുജിത് തോമസ്

കപ്പ ബിരിയാണി

ചേരുവകൾ

കപ്പ – 2 കിലോഗ്രാം
ബീഫ് നെഞ്ചെല്ലോടു കൂടിയത് – ഒന്നര കിലോ (ചെറിയ കഷണങ്ങളാക്കിയത് )
സവാള – 2 (നീളത്തിൽ അറിഞ്ഞത് )
ചെറിയ ഉള്ളി – 10 എണ്ണം
വെളുത്തുള്ളി – 5 എണ്ണം
ഇഞ്ചി – ഒരു ഇടത്തരം കഷണം

മസാലയ്ക്ക് വേണ്ടത്

മഞ്ഞൾപ്പൊടി – 1 ടീസ്പൂൺ
ഇറച്ചിമസാല – 1 ടേബിൾസ്പൂൺ
കാശ്മീരി മുളകുപൊടി – 1 1/2 ടേബിൾസ്പൂൺ
മല്ലിപ്പൊടി – 2 ടേബിൾസ്പൂൺ
നല്ല പഴുത്ത തക്കാളി ചെറിയ കക്ഷണം ആക്കിയത് -1
കറിവേപ്പില – ആവശ്യത്തിന്

കപ്പയുടെ അരപ്പിനു വേണ്ടത്

തേങ്ങ ചിരകിയത് – 1കപ്പ്
മഞ്ഞൾപ്പൊടി – 1/2 ടീസ്പൂൺ
ഗരം മസാല -1 ടീ സ്പൂൺ
പെരുംജീരകം – 1 ടീസ്പൂൺ
പച്ച മുളക് – ആവശ്യം അനുസരിച്ച്
ഉപ്പ് – ആവശ്യത്തിന്

തയാറാക്കുന്ന വിധം

• ബീഫിലേക്ക് മസാലയും ബാക്കി ചേരുവകളും ഉപ്പും കുറച്ചു വെള്ളവും കൂടി ചേർത്ത് നന്നായി വേവിക്കുക.
• കപ്പ ചെറിയ കഷണങ്ങളാക്കി മുക്കാൽ ഭാഗം വേവിച്ച് ഊറ്റി എടുക്കുക.
• തേങ്ങാ ചിരകിയത് ബാക്കി ചേരുവകൾ ചേർത്ത് അരച്ചെടുക്കുക.
• വെന്ത ബീഫിലേക്ക് കപ്പയും അരപ്പും ചേർക്കുക.
• ചെറിയ തീയിൽ അടച്ച് 5/6 മിനിറ്റ് വയ്ക്കുക.
• ബീഫിലെ ചാറ് വറ്റുമ്പോൾ നല്ലപോലെ ഇളക്കി യോജിപ്പിക്കാം.ചാറ് തീർത്തും വറ്റാതെ ശ്രദ്ധിക്കണം. അല്പം കുറുകിയ രീതിയിൽ ആണ് കപ്പ ബിരിയാണിയുടെ പാകം.
• രുചിയേറിയ കപ്പ ബിരിയാണി ചൂടോടെ വാഴയിലയിൽ വിളമ്പുന്നതാണ് ഉചിതം. കുടിക്കുവാൻ കട്ടൻ കാപ്പിയും കൂടെ ഉണ്ടെങ്കിൽ നല്ല ചേർച്ചയായിരിക്കും.

സുജിത് തോമസ്

ബേസിൽ ജോസഫ്

“ആയിരം കോഴിക്ക് അര കാട ” എന്നാണ് ചൊല്ല് . ഇതിനു കാരണം കാട ഇറച്ചിയിലുള്ള ഉയർന്ന പോഷക ഗുണം ആണ് പക്ഷികളിലെ കുടുംബമായ ഫാസിയാനിഡെയിലെ ഒരു ഉപകുടുംബമാണ് കാട. കാടകൾ സാധാരണയായി ആറാഴ്ചപ്രായത്തിൽ പൂർണ്ണവളർച്ചയെത്തുകയും ഏകദേശം 150 ഗ്രാം തൂക്കം ഉണ്ടായിരിക്കുകയും ചെയ്യും. പെൺകാടകൾ ഈ പ്രായത്തിൽ മുട്ടയിട്ട് തുടങ്ങുന്നു. വളർത്തുവാനുള്ള കുറഞ്ഞ തീറ്റച്ചെലവും, ഹ്രസ്വജീവിതചക്രവും കാടകളുടെ സവിശേഷതകളാണ് കാടകളുടെ മുട്ട വിരിയുന്നതിന് 16-18 ദിവസങ്ങൾ മതിയാകും. ശരീരവലിപ്പം കുറവായതിനാൽ ഇവയെ വളർത്തുന്നതിന് കുറച്ചുസ്ഥലം മതിയാകും. ഒരു കോഴിക്കാവശ്യമായ സ്ഥലത്ത് 8-10 കാടകളെ വളർത്തുവാൻ സാധിക്കും മാംസത്തിനുവേണ്ടി വളർത്തുന്ന കാടകളെ 5-6 ആഴ്ച പ്രായത്തിൽ വിപണിയിലെത്തിക്കാം. കാടകൾ വർഷത്തിൽ 300-ഓളം മുട്ടകൾ നൽകുന്നു. കാടമുട്ടയ്ക്ക് കാടയുടെ ശരീരഭാഗത്തിൻറെ 8 ശതമാനം തൂക്കമുണ്ടായിരിക്കും . യുകെയിലെ മിക്ക ഏഷ്യൻ / ഹലാൽ ഷോപ്പുകളിൽ കാട ഇറച്ചി ലഭ്യമാണ്. കാട പല രീതിയിൽ ഉണ്ടാക്കാറുണ്ടെങ്കിലും കാട ഫ്രൈയും റോസ്റ്റും ആണ് ഇതിൽ മുഖ്യം. കാട ഫ്രൈ ചെയ്തിട്ട് മൂപ്പിച്ച മസാല ചേർത്തു നല്ല സ്‌പൈസി ആയിട്ടുള്ള ഒരു അടിപൊളി കാട റോസ്‌റ്റ് ആണ് ഇന്നത്തെ വീക്ക് ഏൻഡ് കുക്കിങ്ങിൽ അവതരിപ്പിക്കുന്നത്.

ചേരുവകൾ

കാട പക്ഷി – 4 എണ്ണം

കാട പക്ഷിയിൽ തേച്ചു പിടിപ്പിക്കാനുള്ള മസാല കൂട്ടിനു ആവശ്യമുള്ള ചേരുവകൾ

ഇഞ്ചി വെളുത്തുള്ളി പേസ്റ്റ് – 2 ടീസ്പൂൺ

കാശ്മീരി ചില്ലി പൊടി – 3 ടീസ്പൂൺ

കുരുമുളക് പൊടി – 1 1 / 2 ടീസ്പൂൺ

മഞ്ഞൾപൊടി -1 ടീസ്പൂൺ

ജീരകപ്പൊടി -1 ടീസ്പൂൺ

നാരങ്ങാ നീര് – 1 നാരങ്ങയുടെ

ഉപ്പ് – ആവശ്യത്തിന്

ഓയിൽ -വറക്കുവാൻ ആവശ്യത്തിന്

കാട മസാല ഉണ്ടാക്കാൻ ആവശ്യം ഉള്ള ചേരുവകൾ

സബോള -500 ഗ്രാം

ഇഞ്ചി വെളുത്തുള്ളി ചതച്ചത് – 2 പീസ് ഇഞ്ചി,1 കുടം വെളുത്തുള്ളിയും

കറിവേപ്പില -1 തണ്ട്

പച്ചമുളക് – 4 എണ്ണം കീറിയത്

തേങ്ങക്കൊത്തിയെടുത്ത് – കാൽ തേങ്ങയുടെ

തക്കാളി -1 എണ്ണം

മുളകുപൊടി- 2 ടീസ്പൂൺ

മഞ്ഞൾപൊടി- 1 / 2 ടീസ്പൂൺ

മല്ലിപ്പൊടി -2 ടീസ്പൂൺ

ഗരം മസാല -1 / 2 ടീസ്പൂൺ

ജീരകപ്പൊടി -1 / 2 ടീസ്പൂൺ

പാചകം ചെയ്യുന്ന വിധം

കാട പക്ഷികളെ നന്നായി കഴുകി വൃത്തിയാക്കി എടുത്ത് വരഞ്ഞു എടുക്കുക .ഒരു മിക്സിങ് ബൗളിൽ കാശ്മീരി ചില്ലി പൊടി, കുരുമുളക് പൊടി ,മഞ്ഞൾപൊടി ,ജീരകപ്പൊടി ,ഉപ്പ് ,ഇഞ്ചി വെളുത്തുള്ളി പേസ്റ്റ്, നാരങ്ങാനീര്‌ എന്നിവ ചേർത്ത് നല്ല പേസ്റ്റ് ആക്കി എടുക്കുക .ആവശ്യം എങ്കിൽ അല്പം വെള്ളം കൂടി ചേർക്കുക .ഈ പേസ്റ്റ് വരഞ്ഞു വച്ചിരിക്കുന്ന കാടയിൽ നന്നായി തേച്ചു പിടിപ്പിച്ചു കുറഞ്ഞത് 1 മണിക്കൂർ എങ്കിലും വയ്ക്കുക. കൂടുതൽ സമയം വച്ചാൽ നല്ലത് .ഒരു ഫ്രയിങ് പാനിൽ ഓയിൽ ചൂടാക്കി കുറഞ്ഞ തീയിൽ കാട പക്ഷികളെ ഗോൾഡൻ നിറമാകുന്നത് വരെ വറത്തെടുക്കുക .മറ്റൊരു പാനിൽ ഓയിൽ ചൂടാക്കി ഇഞ്ചി വെളുത്തുള്ളി ചതച്ചത് ,കറിവേപ്പില ,തേങ്ങാ കൊത്തിയത് ,പച്ചമുളക് എന്നിവ വഴറ്റുക .ഇതിലേയ്ക്ക് അരിഞ്ഞു വച്ചിരിക്കുന്ന സബോള കൂടി ചേർത്ത് ഓയിൽ വലിയുന്നതുവരെ നന്നായി ഇളക്കി വഴറ്റി എടുക്കുക. സബോള വഴറ്റുന്ന സമയത്തു മസാലയ്ക്കായി മാറ്റിവച്ചിരിക്കുന്ന മുളകുപൊടി,കുരുമുളകുപൊടി ,മഞ്ഞൾപൊടി ജീരകപ്പൊടി , മല്ലിപൊടി എന്നിവ ചെറു തീയിൽ മൂപ്പിച്ചെടുക്കുക. സബോള നന്നായി വഴന്നു കഴിയുമ്പോൾ തക്കാളി കൂടി ചേർത്ത് വഴറ്റുക .ഇതിലേയ്ക്ക് മൂപ്പിച്ചു വച്ചിരിക്കുന്ന മസാല ചേർത്ത് നന്നായി ഇളക്കിയെടുക്കുക മസാല നാന്നായി ചേർന്ന് ഓയിൽ തെളിയുമ്പോൾ വറത്തു വച്ചിരിക്കുന്ന കാട ചേർത്ത് മസാല കൊണ്ട് പൊതിഞ്ഞു മുകളിൽ ഗരം മസാല കൂടി തൂവി ചെറു തീയിൽ ഒരു 3 മിനിട്ട് കുക്ക് ചെയ്യുക . ഈ സമയത്ത് ആവശ്യം എങ്കിൽ അല്പം വെള്ളം കൂടി ചേർക്കാം . മസാല കാടയിൽ നന്നായി പിടിച്ചുകഴിയുമ്പോൾ തീ ഓഫ് ചെയ്ത് സെർവിങ് ഡിഷിലേയ്ക്ക് മാറ്റി ചൂടോടെ വിളമ്പുക.

ബേസിൽ ജോസഫ്