ചങ്ങനാശേരിയുടെ സാമൂഹിക സാംസ്കാരിക സാമുദായിക രാഷ്ട്രീയ രംഗങ്ങളിൽ നിറഞ്ഞുനിന്ന ടോമി കണയംപ്ലാക്കൽ (48) വാഹനാപകടത്തിൽ മരിച്ചു. റോട്ടറി ക്ലബിന്‍റെ ഡിസ്ട്രിക് പബ്ലിക് ഇമേജ് ആയി പ്രവർത്തിച്ചുവന്നിരുന്ന ഇദ്ദേഹം സുഹൃത്തിനൊടോപ്പം കൊല്ലത്ത് പോയ ശേഷം തൃക്കൊടിത്താനത്തുള്ള വീട്ടിലേക്കു സ്കൂട്ടറിൽ മടങ്ങുന്പോഴാണ് അപകടം. റെയിൽവേ ഗുഡ് ഷെഡ് റോഡിൽ ക്ലൂണി പബ്ലിക് സ്കൂളിന് സമീപം സ്കൂട്ടർ കുഴിയിലേക്ക് മറിയുകയായിരുന്നു.
ടോമി വീട്ടിലെത്താൻ വൈകിയതിനെ തുടർന്ന് ഭാര്യ നിഷ സുഹൃത്തുക്കളെ വിളിച്ചു. സുഹൃത്തും സഹചാരിയുമായ അഡ്വ ബോബൻ തേക്കൽ ചങ്ങനാശേരി പോലീസിൽ വിവരം അറിയിക്കുകയും തുടർന്ന് ബോബന്റെ നേതൃത്വത്തിൽ പോലീസ് നടത്തിയ അന്വേഷണത്തിലാണ് മൃതദേഹം കണ്ടെത്തിയത്.
സ്കൂട്ടർ നിയന്ത്രണം വിട്ട് ഓടയിൽ വീണ നിലയിലായിരുന്നു. ചങ്ങനാശേരി ഫയർഫോഴ്സ് എത്തിയാണ് മൃതദേഹം പുറത്തെടുത്തത്. ജനറൽ ആശുപത്രിയിൽ എത്തിച്ച മൃതദേഹം ചങ്ങനാശേരി സർക്കിൾ ഇൻസ്പെക്ടർ കെ.പി. വിനോദ്, എസ്ഐ നിസാം എന്നിവരുടെ നേതൃത്വത്തിൽ ഇൻക്വസ്റ്റ് തയാറാക്കി. മൃതദേഹം പോസ്റ്റ്മോർട്ടത്തിനായി കോട്ടയം മെഡിക്കൽ കോളജ് ആശുപത്രിയിലേക്ക് മാറ്റി.
മൃതദേഹം ബുധനാഴ്ച രാവിലെ തൃക്കൊടിത്താനം നാൽക്കവലയിലുള്ള വീട്ടിലെത്തിക്കും. സംസ്കാരം വൈകുന്നേരം മൂന്നിന് തൃക്കൊടിത്താനം സെന്റ് സേവ്യേഴ്സ് ഫൊറോന പള്ളിയിൽ. ചങ്ങനാശേരി എസ്ബി കോളജ് ഇക്കോണോമിക്സ് വിഭാഗം മുൻ മേധാവി പ്രഫ. തോമസ് കണയംപ്ലാക്കലിന്റെയും നെടുമുടി കാഞ്ഞൂപ്പറന്പിൽ ഓമനയുടെയും മകനാണ് ടോമി. എസ്ബി കോളജിൽ നിന്ന് എംകോം പാസായ ശേഷം എൽഎൽബി, എൽഎൽഎം ബിരുദങ്ങൾ നേടി. കോട്ടയം പ്രസ് ക്ലബിൽനിന്നും ജേർണലിസവും പാസായി.
ചങ്ങനാശേരി അതിരൂപത പാസ്റ്ററൽ കൗണ്‍സിൽ അംഗം, കോണ്‍ഗ്രസ് ചങ്ങനാശേരി ബ്ലോക്ക് സെക്രട്ടറി, ചങ്ങനാശേരി ജനറൽ ആശുപത്രി വികസന സമിതിയംഗം തുടങ്ങി വിവിധ നിലകളിൽ പ്രവർത്തിച്ച അദ്ദേഹം ചങ്ങനാശേരി റോട്ടറി ക്ലബ് പ്രസിഡന്‍റ് സ്ഥാനവും വഹിച്ചിട്ടുണ്ട്. ഭാര്യ: നിഷ നാലുകോടി വെട്ടികാട് കുഴിയടിയിൽ കുടുംബാംഗവും ചങ്ങനാശേരി സെന്റ് ജോസഫ് എൽപി സ്കൂൾ അധ്യാപികയുമാണ്. ഏക മകൻ ടോംസ് ക്ലൂണി പബ്ലിക് സ്കൂളിലെ 10-ാം ക്ലാസ് വിദ്യാർഥിയാണ്.
മലയാളം യുകെയുടെ ഡയറക്ടറും യുക്മ മുന്‍ ദേശീയ ട്രഷററുമായ ഷാജി തോമസിന്റെ ഭാര്യാ ആന്‍സി ഷാജിയുടെ സഹോദരന്‍ തോമസ് പി സി, പാണ്ടിയാലയില്‍ (73 വയസ്സ്)നിര്യാതനായി. ഒരു മാസമായി അര്‍ബുദ രോഗത്തിന് ചികിത്സയിലായിരുന്ന തോമസ് ഇന്നലെ വൈകിട്ട് ആണ് നിര്യാതനായത്. രോഗ വിവരമറിഞ്ഞു നാട്ടിലെത്തിയിരുന്ന ഷാജി തോമസിന്റെ ഭാര്യ ആന്‍സി ഷാജി ഉള്‍പ്പെടെയുള്ള ബന്ധുമിത്രാദികള്‍ മരണസമയത്ത് അരികില്‍ ഉണ്ടായിരുന്നു.
ബിജു, അനി, വിനീത എന്നിവരാണ് മക്കള്‍. മക്കള്‍ മൂന്നു പേരും കുവൈറ്റിലാണ് ജോലി നോക്കുന്നത്. ഭാര്യ മേരി തോമസ്.
ആന്‍സി ഷാജിയെക്കൂടാതെ മേരി ലൂക്കോസ്, മോളി ഫിലിപ്പ്, എന്നീ രണ്ട് സഹോദരിമാരും സഹോദരന്മാരായി ലൂക്കോസ്, സൈമണ്‍ എന്നിവരും കൂടിയുണ്ട്. സംസ്കാരം നാളെ (തിങ്കള്‍) വൈകുന്നേരം മൂന്ന് മണിക്ക് ഉഴവൂര്‍ സെന്റ് സ്റ്റീഫന്‍ ദേവാലയത്തില്‍ നടക്കും.
പി സി തോമസിന്റെ നിര്യാണത്തില്‍ മലയാളം യുകെ ന്യൂസ് ടീം അംഗങ്ങളുടെ അഗാധമായ ദുഃഖം രേഖപ്പെടുത്തുന്നു.
എംസി റോഡിൽ പുല്ലുവഴിയിൽ കാറും ലോറിയും കൂട്ടിയിടിച്ചു കോട്ടയം മരങ്ങാട്ടുപിള്ളി പാലയ്ക്കാട്ടുമല തെരുവത്ത് ടി.ടി. തോമസിന്റെ മകൻ ഡോ. ആകാശ് തോമസ് (26) ആണു മരിച്ചത്.
കാർ ഓടിച്ചിരുന്ന തോമസ് (ജോയി), ഭാര്യ സൂസമ്മ (ഉഷ) എന്നിവരെ ഗുരുതര പരുക്കുകളോടെ ആലുവ ചുണങ്ങംവേലിയിലെ സ്വകാര്യ ആശുപത്രിയിൽ പ്രവേശിപ്പിച്ചു. സൂസമ്മയുടെ നില അതീവ ഗുരുതരമാണെന്ന് ഡോക്ടർമാർ പറഞ്ഞു. ജർമനിയിൽ എംഡിക്കു പഠിക്കുന്ന ആകാശിനെ കൊച്ചി രാജ്യാന്തര വിമാനത്താവളത്തിൽ യാത്ര അയയ്ക്കുന്നതിനായി പോകുമ്പോൾ ഇന്നലെ പുലർച്ചെ 1.30നു കർത്താവുംപടി റോഡിലേക്കു തിരിയുന്ന ഭാഗത്താണ് അപകടം.
എതിരെ വന്ന ലോറിയുമായി കൂട്ടിയിടിച്ചു കാറിന്റെ മുൻഭാഗം പൂർണമായി തകർന്നു. നാട്ടുകാർ മൂവരെയും ചുണങ്ങംവേലിയിലെ ആശുപത്രിയിലെത്തിച്ചെങ്കിലും ആകാശ് മരിച്ചു. ആകാശ് രണ്ടു മാസമായി നാട്ടിലുണ്ടായിരുന്നു. ഓസ്ട്രേലിയയിലുള്ള സഹോദരങ്ങളെ സന്ദർശിച്ച ശേഷം ജർമനിക്കു പോകാനായിരുന്നു തിരുമാനം. ഇന്നലെ അർധരാത്രിയോടെയാണ് ആകാശും ടി.ടി. തോമസും സൂസമ്മയും പാലയ്ക്കാട്ടുമലയിലെ വീട്ടിൽ നിന്നു യാത്ര തിരിച്ചത്.
മൃതദേഹം പോസ്റ്റ്മോർട്ടത്തിനു ശേഷം പാലാ മരിയൻ ആശുപത്രിയിൽ സൂക്ഷിച്ചിരിക്കുകയാണ്. സംസ്കാരം പിന്നീട്. പിതാവ് ടി.ടി. തോമസ് റിട്ട. ഹെഡ്മാസ്റ്ററും മാതാവ് സൂസമ്മ റിട്ട. എസ്ബിടി അസി. മാനേജരുമാണ്. ഡോ. ആകാശ് അരുണാപുരം മരിയൻ മെഡിക്കൽ സെന്ററിൽ സേവനമനുഷ്ഠിച്ചിട്ടുണ്ട്. സഹോദരങ്ങൾ: ആശിഷ്, ആനന്ദ്.
അഡ്വ. റെന്‍സന്‍ സഖറിയ
മാഞ്ചസ്റ്റര്‍: ട്രാഫോര്‍ട് മലയാളി അസോസിയേഷന്‍ മുന്‍ ട്രഷറും, സാല്‍ഫോര്‍ഡ് സീറോ മലബാര്‍ ഡയസിസ് സെക്രട്ടറിയുമായ ജോര്‍ജ് തോമസിന്റെ പിതാവ് പി.ജെ.തോമസ് (87) നിര്യാതനായി. വാര്‍ദ്ധക്യ സഹജമായ രോഗത്തെ തുടര്‍ന്നു ചികിത്സയിലായിരുന്ന പരേതന്‍ ഏപ്രില്‍ 19 ബുധനാഴ്ച രാത്രി 9.30 മണിക്കായിരുന്നു അന്തരിച്ചത്. പാലക്കാട് ജില്ലയിലെ പുന്നപാടത്ത് കുട്ടന്‍ തറപ്പേല്‍ കുടുംബാഗമാണ് പരേതന്‍. മൃതസംസ്‌കാരം ശനിയാഴ്ച (22-04-2017) 3 മണിക്ക് ഇളവംപാടം സെന്റ് തോമസ് പള്ളിയില്‍ നടത്തപ്പെടുന്നതായിരിക്കും.
കുടുംബാംഗങ്ങള്‍:
ഭാര്യ പരേതയായ മറിയാമ്മ തോമസ് (മറ്റക്കര മ ണിയന്‍ചിറ കുടുംബാംഗം). മക്കള്‍: ത്രേസ്യാമ്മ, എലിസബത്ത്, സി. അമല (SABS) ജര്‍മ്മനി, ജോര്‍ജ് (മാഞ്ചസ്റ്റര്‍ UK), കൊച്ചുറാണി. മരുമക്കള്‍: ജയിംസ് കോട്ടായില്‍ (കുറവിലങ്ങാട്), റെജി കളപ്പുരയില്‍ (പാലക്കാട്), ഷീജ വഴുതനപ്പള്ളി (കുറപ്പന്‍ത്തറ), സിബി കിഴവഞ്ചിയില്‍ ടീച്ചര്‍ (ഈരാറ്റുപേട്ട ).
പി.ജെ. തോമസിന്റെ നിര്യാണത്തില്‍ മകന്‍ ശ്രീ ജോര്‍ജ് തോമസിന്റെ മാഞ്ചസ്റ്ററിലെ വസതിയില്‍ ഫാ. തോമസ് തൈക്കൂട്ടത്തിലിന്റെ നേതൃത്വത്തില്‍ പ്രത്യേക പ്രാര്‍ത്ഥനകള്‍ നടത്തി. പരേതന്റെ നിര്യാണത്തില്‍ ട്രാഫോര്‍ട് മലയാളി അസോസിയേഷന്‍ അനുശോചനം രേഖപ്പെടുത്തി.
നാട്ടിലെ വിലാസം:
കുട്ടന്‍ തറപ്പേല്‍,
പുന്നപാടം,
ഇളവന്‍പാടം.പി.ഓ,
പാലക്കാട്.
ഫോണ്‍: 9495912860, 9605348010.
സ്വന്തം ലേഖകന്‍
സലിസ്ബിറി : സലിസ്ബിറി മലയാളി അസ്സോസ്സിയേഷന്റെ സജീവാംഗമായ ബിജു മുന്നാനപ്പള്ളിയുടെ മാതാവിന്റെ മൂത്ത സഹോദരി സിസ്റ്റര്‍ കാര്‍മ്മല്‍ നിര്യാതയായി. ആന്ധ്രാപ്രദേശില്‍ വച്ചായിരുന്നു മരണം. 85 വയസ്സുള്ള സിസ്റ്റര്‍ കാര്‍മ്മല്‍ കഴിഞ്ഞ അറുപത് വര്‍ഷങ്ങളായി ഫ്രാന്‍സിസ്കന്‍ ക്ലാരിസ് കോണ്ഗ്രികേഷന്‍ സഭാംഗമാണ്. ആന്ധ്രാപ്രദേശിലെ എലൂറില്‍ സേവനം അനുഷ്ടിച്ചു വരികെയായിരുന്നു. കേരളത്തിന് പുറമെ, ആന്ധ്രാ, ബീഹാര്‍, കര്‍ണ്ണാടക, തുടങ്ങിയ സംസ്ഥാനങ്ങളിലും മദര്‍ സുപ്പീരിയര്‍ ആയി സിസ്റ്റര്‍ കാര്‍മ്മല്‍ സേവനം അനുഷ്ടിച്ചിട്ടുണ്ട്.
കാഞ്ഞിരപ്പള്ളി നീറുവേലില്‍ കുടുംബാംഗമാണ് സിസ്റ്റര്‍ കാര്‍മ്മല്‍. അമ്മിണി, ലൂസ്സമ്മ, അപ്പച്ചന്‍, പാപ്പച്ചന്‍, അപ്പു തുടങ്ങിയവര്‍ സഹോദരങ്ങളാണ്. ശവസംസ്കാരം വെള്ളിയാഴ്ച മൂന്ന് മണിക്ക് എലൂറിലെ ക്ലാരിസ് സ്റ്റഡി ഹൌസ്സില്‍ വച്ച് നടത്തപ്പെടുന്നതായിരിക്കും. സിസ്റ്റര്‍ കാര്‍മ്മലിന്റെ നിര്യാണത്തില്‍ ദുഃഖാര്‍ദ്ധരായ ബിജു മുന്നാനപ്പള്ളിയുടെ കുടുബാംഗങ്ങള്‍ക്ക് മലയാളം യുകെ ന്യൂസ് ടീമിന്റെ അനുശോചനം രേഖപ്പെടുത്തുന്നു.
മലപ്പുറം വെന്നിയൂർ കൊടക്കല്ല് പരേതനായ ചെമ്മല മുഹമ്മദ് ഹാജിയുടെ മകൻ മൂസ (35) റിയാദിൽ നിര്യാതനായി .ഭാര്യ : നസീമ , മാതാവ് : മമ്മാതിയ ഹജ്ജുമ്മ. മൃതദേഹം നാട്ടിലെത്തിച്ച് സംസ്കരിക്കുമെന്ന് ബന്ധുക്കൾ അറിയിച്ചു.
കൊല്ലം അഞ്ചൽ സ്വദേശി ഇബ്രാഹീംകുട്ടി ഷഹാൽ (63) ആണ് മരിച്ച മറ്റൊരു മലയാളി വാദികബീർ കേന്ദ്രമായുള്ള എഞ്ചിൻ ഒായിൽ വിപണന സ്ഥാപനത്തിലെ സെയിൽസ്മാനായി ജോലി ചെയ്തുവരുകയായിരുന്നു.
റൂട്ടിൽ പോയപ്പോൾ ഞായറാഴ്ച വൈകുന്നേരം ലിവയിൽ വെച്ചാണ് ഹൃദയാഘാതം ഉണ്ടായത്. ഇതേ തുടർന്ന് ലിവയിലെ ആശുപത്രിയിൽ പ്രവേശിപ്പിച്ചെങ്കിലും മരണപ്പെട്ടു. സൊഹാർ ആശുപത്രിയിൽ സൂക്ഷിച്ചിട്ടുള്ള മൃതദേഹം ഇന്ന് മസ്കത്തിലേക്ക് കൊണ്ടുവരും. 15 വർഷമായി ഇബ്രാഹീം കുട്ടി മസ്കത്തിലുണ്ട്. സലീനയാണ് ഭാര്യ. മൂത്ത മകൻ ഷാലിൻ മസ്കത്തിലുണ്ട്. സനീഷ് മറ്റൊരു മകനാണ്. മൃതദേഹം നാട്ടിൽ കൊണ്ടുപോകുന്നതിനുള്ള നടപടിക്രമങ്ങൾ നടന്നുവരുന്നതായി സഹപ്രവർത്തകർ അറിയിച്ചു.
ചലച്ചിത്രതാരം മുൻഷി വേണു അന്തരിച്ചു. ചാലക്കുടിയിലെ സ്വകാര്യ ആശുപത്രിയിലായിരുന്നു അന്ത്യം. വൃക്ക രോഗത്തെത്തുടർന്ന് ഏറെ നാളായി ചികിത്സയിലായിരുന്നു. രോഗം മൂര്‍ച്ഛിച്ചതിനെ തുടര്‍ന്ന് കഴിഞ്ഞ ദിവസം ചാലക്കുടിയിലെ സ്വകാര്യ ആശുപത്രിയിലേക്ക് മാറ്റിയിരുന്നു. ചോട്ടാ മുംബൈ, ഇമ്മാനുവേൽ, സോൾട്ട് ആൻഡ് പെപ്പെർ, ഡാഡികൂൾ, ഒരു മുത്തശ്ശി ഗദ എന്നീ ചിത്രങ്ങളിൽ അഭിനയിച്ചിട്ടുണ്ട്. ഹണീ ബി 2 ആണ് അവസാനമായി അഭിനയിച്ച ചിത്രം.
മുൻഷിയിലെ ‘മെമ്പറി’ലൂടെ തുടങ്ങി സിനിമ വരെ എത്തിയ കലാകാരന് ജീവിതം തന്നെ ഇരുട്ടിലായിരുന്നു. ടെലിവിഷനിലൂടെ പ്രശസ്തനായതോടെ നിരവധി സിനിമകളും വേണുവിനെ തേടിയെത്തിയിരുന്നു. ചെറുതെങ്കിലും ശ്രദ്ധേയമായ റോളുകളിലൂടെ വേണു പ്രേക്ഷകര്‍ക്ക് സുപരിചിതനാണ്. മമ്മൂട്ടി അടക്കമുള്ള സൂപ്പര്‍ താരചിത്രങ്ങളിലായിരുന്നു വേണു അഭിനയിച്ചിരുന്നതും.
അതിനിടെയാണ് വൃക്കരോഗം വില്ലനായി എത്തിയത്. ചാലക്കുടി മുരിങ്ങൂരിലുള്ള പാലിയേറ്റീവ് കെയറിലായിരുന്നു അദ്ദേഹം. കൈയില്‍ പണമില്ലാത്തതിനാല്‍ വൃക്ക മാറ്റിവയ്ക്കാനും സാധിച്ചില്ല. അങ്കമാലിയിലെ സ്കാര്യ ആശുപത്രിയിലാണ് ചികിത്സ തേടിക്കൊണ്ടിരുന്നത്.
കഴിഞ്ഞ പത്തുവര്‍ഷമായി ചാലക്കുടിയിലെ ഒരു ലോഡ്ജാണ് വേണുവിന്റെ വീട്. വാർധക്യം ബാധിച്ചെന്നു തോന്നിയപ്പോൾ സിനിമയിൽ നിന്നു സ്വയം വിരമിച്ചു. അവസരങ്ങളുമായി ആരെങ്കിലും സമീപിച്ചാലും ശാരീരികാവശതകൾ ചൂണ്ടിക്കാട്ടി പിന്മാറുകയായിരുന്നു പതിവ്. അടുത്തിടെയാണ് വൃക്കരോഗം തിരിച്ചറിയുന്നത്. ചികിത്സയ്ക്കായി കൈയിലുണ്ടായിരുന്ന തുക ചെലവഴിച്ചതോടെ ലോഡ്ജില്‍ നിന്നു പടിയിറങ്ങേണ്ടിവന്നു.
അവിവാഹിതനാണ്. രോഗം തിരിച്ചറിഞ്ഞപ്പോള്‍ മമ്മൂട്ടിയും രാജീവ് പിള്ളയും സാമ്പത്തികമായി സഹായിച്ചിരുന്നു.
തമിഴ്നാട്ടിലെ സേലത്ത് ഉണ്ടായ വാഹനാപകടത്തിൽ മൂന്ന് മലയാളികൾ ഉൾപ്പെടെ നാലുപേർ മരിച്ചു.കോട്ടയം ഏന്തയാർ സ്വദേശികളായ കൊല്ലംപറമ്പിൽ ബിനു (42) മാതാവ് വത്സമ്മ (70, സുഹൃത്ത് കൈപ്പടക്കുന്നേൽ ജോൺസൺ (21) എന്നിവരാണ് മരിച്ചത്. മരിച്ചവരിൽ ഒരാൾ തമിഴ്നാട് സ്വദേശിയാണ്. സേലം ധർമ്മപുരിയ്ക്ക് 25 കിലോമീറ്റർ അകലെയായാണ് അപകടം ഉണ്ടായത്.
ഏന്തയാർ സ്വദേശികൾ സഞ്ചരിച്ചിരുന്ന കാർ നിയന്ത്രണം വിട്ട് ഡിവൈഡറിൽ ഇടിച്ച ശേഷം മറ്റൊരു വാഹനവുമായി കൂട്ടിയിടിക്കുകയായിരുന്നു. ബിനുവാണ് വാഹനം ഓടിച്ചിരുന്നത്. ഉറങ്ങിപ്പോയതാണ് അപകട കാരണമെന്ന് കരുതുന്നു.
ബിനുവിന്റെ മാതൃസഹോദരന്റെ വീട്ടിൽപ്പോയി മടങ്ങി വരും വഴിയാണ് അപകടം. വാഹനത്തിൽ ബിനുവിന്റെ മകളടക്കം മറ്റ് രണ്ട് പേർ കൂടി ഉണ്ടായിരുന്നുവെങ്കിലും ഇവർ നിസാര പരുക്കുകളോടെ രക്ഷപ്പെട്ടു.മൃതദേഹങ്ങൾ ധർമ്മപുരി ആശുപത്രിയിൽ.
ലിവര്‍പൂളില്‍ ദീര്‍ഘകാലം നേഴ്സ് ആയി ജോലി ചെയ്തിരുന്ന ആനി തോമസ് (അനു ചേച്ചി) 74 വയസ് ലേക് ഷോര്‍ ആശുപത്രിയില്‍ നിര്യാതയായി. ലുക്കീമിയ രോഗ ബാധിതയായി ഒരു വര്‍ഷത്തോളം ചികിത്സയില്‍ ആയിരുന്നു. ലിവര്‍പൂളിലെ ബൂപ്പ നേഴ്‌സിങ് ഹോമിലാണ് ജോലിചെയ്തിരുന്നത്.
മാള താണിശ്ശേരി പൊട്ടപ്പറമ്പില്‍ തോമസ് – മറിയാമ്മ ദമ്പതികളുടെ മകളായിരുന്നു. വീട്ടിലെ മൂത്ത അംഗം എന്നനിലയില്‍ ജീവിതം കുടുംബത്തിന് സമര്‍പ്പിച്ചിരുന്നു വ്യക്തിയായിരുന്നു ആനി എന്നാണ് അറിയുന്നത്. രണ്ടായിരത്തി ആറുമുതല്‍ ആറു വര്‍ഷത്തോളം ലിവര്‍പൂളില്‍ ജോലി ചെയ്ത ശേഷം റിട്ടയര്‍ ചെയ്തു നാട്ടിലേക്ക് മടങ്ങിയിരുന്നു.
ലിവര്‍പൂള്‍ ക്രോക്സ്റ്റത്തില്‍ താമസിക്കുന്ന റോസിലി മാനുവലിന്റെ അനുജത്തിയാണ്. റോസിലിയും കുടുംബവും സംസ്‌കാരത്തില്‍ പങ്കെടുക്കാന്‍ നാളെ നാട്ടിലേക്കു പുറപ്പെടും. ലിവര്‍പൂളിലെ ആത്മീയ രംഗത്തു വളരെ സജീവമായിരുന്നു ആനിചേച്ചി. ഇടുക്കി ചാരിറ്റി ഗ്രൂപ്പിന്റെ ആദരാഞ്ജലികള്‍
.
