വാല്ത്സിങ്ങാം: സീറോ മലബാർ സഭയുടെ നേതൃത്വത്തിൽ നടത്തിപ്പോരുന്ന യു കെ യിലെ ഏറ്റവും വലിയ മരിയൻ ആഘോഷമായ വാല്ത്സിങ്ങാം തീര്ത്ഥാടനത്തിൽ യു കെ യിലെ എല്ലാ മാതൃ ഭക്തരുടെയും ആവേശപൂർവ്വമായ കാത്തിരിപ്പിന് ഇനി ഇരുപതു ദിനം മാത്രം. തീർത്ഥാടനത്തിനു ആത്മീയ ശോഭ പകരുവാനും, തിരുക്കർമ്മങ്ങൾക്ക് മുഖ്യകാർമ്മികനുമായി ഗ്രെയ്റ്റ് ബ്രിട്ടൻ സീറോ മലബാർ രൂപതയുടെ അഭിവന്ദ്യ അദ്ധ്യക്ഷൻ മാർ സ്രാമ്പിക്കൽ നേതൃത്വം വഹിക്കും.
മൂന്നാമത് സീറോ മലബാർ തീർത്ഥാടനം ഈവർഷം ഏറ്റെടുത്ത് നടത്തുന്നത് ഈസ്റ്റ് ആംഗ്ലിയായിലെ പ്രമുഖ വിശ്വാസി കൂട്ടായ്മ്മയായ കോൾചെസ്റ്റർ സീറോ മലബാർ കമ്മ്യുണിറ്റിയാണ്. തീർത്ഥാടകരായി വന്നെത്തുന്ന ആയിരക്കണക്കിന് മരിയ ഭക്തർക്ക് വേണ്ട എല്ലാ ക്രമീകരണങ്ങളും പൂർത്തിയാക്കിയതായി ഫാ.തോമസ് പാറക്കണ്ടത്തിൽ, ഫാ.ജോസ് അന്ത്യാംകുളം, ട്രസ്റ്റിമാരായ ടോമി പാറക്കൽ, നിതാ ഷാജി എന്നിവർ തീർത്ഥാടന കമ്മിറ്റിക്കുവേണ്ടി അറിയിച്ചു.
പരിശുദ്ധ അമ്മ മംഗള വാർത്ത ശ്രവിച്ച നസ്രത്തിലെ ദേവാലയം സ്വന്തം അഭിലാഷ പ്രകാരം യു കെ യിലേക്ക് പകർത്തി സൃഷ്ടിക്കപ്പെട്ടു എന്ന് വിശ്വസിക്കുന്ന പ്രമുഖ മരിയൻ പുണ്യ കേന്ദ്രമായ വാല്ത്സിങ്ങാമിലേക്കുള്ള മൂന്നാമത് സീറോ മലബാർ തീർത്ഥാടനം അനുഗ്രഹ പെരുമഴക്ക് വേദിയാവുമ്പോൾ അതിൽ ഭാഗഭാക്കാകുവാൻ യു കെ യിലെ മുഴുവൻ മാതൃ ഭക്തരെയും ഹൃദയപൂർവ്വം സ്വാഗതം ചെയ്യുന്നതായി സംഘാടക സമിതി അറിയിച്ചു.
ജൂലൈ 20 നു ശനിയാഴ്ച രാവിലെ ഒമ്പതു മണിക്ക് ദിവ്യകാരുണ്യ ആരാധനയോടെ സമാരംഭിക്കുന്ന തീർത്ഥാടന ശുശ്രുഷകളിൽ തുടർന്ന് പ്രശസ്ത ധ്യാന ഗുരുവും, ഡിവൈൻ ധ്യാനകേന്ദ്രത്തിന്റെ ഡയറക്ടറുമായ ജോർജ് പനക്കൽ അച്ചൻ മാതൃ ഭക്തി പ്രഘോഷണം നടത്തും. പ്രഘോഷണത്തിനു ശേഷമുള്ള സമയം കുട്ടികളെ അടിമവെക്കുന്നതിനും, ഭക്ഷണത്തിനുമായിട്ടാണ് ക്രമീകരിച്ചിരിക്കുന്നത്.
12:45 നു ആരംഭിക്കുന്ന മരിയ ഭക്തി ഗീതങ്ങളാല് മുഖരിതമായ അന്തരീക്ഷത്തില് പരിശുദ്ധ ജപമാലയും സമർപ്പിച്ചുകൊണ്ട്, വര്ണ്ണാഭമായ മുത്തുക്കുടകളുടെയും, വാദ്യ മേളങ്ങളുടെയും അകമ്പടിയോടെ തങ്ങളുടെ മാതൃ ഭക്തി വിളിച്ചോതുന്ന മരിയൻ തീര്ത്ഥാടനം ഭക്തിസാന്ദ്രമാവും. തീർത്ഥാടനത്തിനേറ്റവും പിന്നിലായി വാൽസിങ്ങാം മാതാവിന്റെ രൂപവുമേന്തി പ്രസുദേന്തി സമൂഹവും, മുഖ്യ കാർമ്മികൻ മാർ സ്രാമ്പിക്കലും, വൈദികരും അണിചേരും.
തീര്ത്ഥാടനം സ്ലിപ്പര് ചാപ്പലില് എത്തിച്ചേര്ന്ന ശേഷം 2:45 നു ആഘോഷമായ തീര്ത്ഥാടന തിരുന്നാള് സമൂഹ ബലിയില് മാർ ജോസഫ് പിതാവ് മുഖ്യ കാര്മ്മികത്വം വഹിക്കും. സീറോ മലബാർ വികാരിജനറാൾമാരും, വൈദികരും സഹ കാർമ്മികരായി പങ്കു ചേരും.
പരിശുദ്ധ മാതാവിന്റെ മദ്ധ്യസ്ഥതയിൽ അനുഗ്രഹങ്ങളും, ഉദ്ദിഷ്ട കാര്യ സാധ്യതയും നേടുവാൻ മലയാളികൾക്കായി കിട്ടിയരിക്കുന്ന അനുഗ്രഹ ധന്യ വേദിയിലേക്ക് കോൾചെസ്റ്റർ കമ്മ്യുനിട്ടിഏവരെയും സസ്നേഹം ക്ഷണിച്ചു കൊള്ളുന്നു.
മുതിർന്നവർക്കും കുട്ടികൾക്കും അവരുടെ അഭീഷ്ഠ പ്രകാരം ഉള്ള സ്വാദിഷ്ടമായ വിവിധ കേരള നാടൻ ഭക്ഷണങ്ങൾ ചൂടോടെ മിതമായ നിരക്കിൽ ലഭ്യമാക്കുന്നതിന് പ്രമുഖ കേറ്ററിംഗ് കമ്പനിയെ ഔദ്യോഗികമായി നിയോഗിച്ചതായി കമ്മിറ്റി അറിയിച്ചു.
തീര്ത്ഥാടനവുമായി ബന്ധപ്പെട്ട കൂടുതല് വിവരങ്ങള്ക്ക് ട്രസ്റ്റിമാരായ ടോമി പാറക്കല് 07883010329, നിതാ ഷാജി 07443042946 എന്നിവരുമായി ബന്ധപ്പെടുവാന് താല്പര്യപ്പെടുന്നു.
THE BASILICA OF OUR LADY OF WALSINGHAM, HOUGHTON ST.GILES
NORFOLK, LITTLE WALSINGHAM, NR22 6AL
മാഞ്ചസ്റ്റർ:- യുകെയിലെ ഏറ്റവും പ്രശസ്തമായ മാഞ്ചസ്റ്റർ തിരുനാളിന് ഭക്തി നിർഭരമായ അന്തരീക്ഷത്തിൽ ഷ്രൂസ്ബറി രൂപതാ വികാരി ജനറാൾ റവ.ഫാ.മൈക്കൾ ഗാനൻ നൂറ് കണക്കിന് വിശ്വാസികളെ സാക്ഷിയാക്കി കൊടിയേറ്റി. ഇന്നലെ വൈകുന്നേരം മൂന്നിന് വിഥിൻഷോ സെന്റ്.ആൻറണീസ് ദേവാലയത്തിൽ വൈദികരെയും പ്രസുദേന്തിമാരെയും സ്വീകരിച്ചാനയിച്ചതോടെ തിരുക്കർമ്മങ്ങൾക്ക് തുടക്കമായി. തുടർന്ന് ഇടവക വികാരി റവ.ഫാ. ജോസ് അഞ്ചാനിക്കൽ കൊടിയേറ്റത്തിനോടനുബന്ധിച്ചുള്ള പ്രാർത്ഥനാ ശുശ്രൂഷകളെ തുടർന്നാണ് കെടിയേറ്റം നടന്നത്. കെടിയേറ്റത്തിന് ശേഷം റവ. ഫാ. മൈക്കൾ ഗാനൻ ലത്തീൻ റീത്തിൽ ദിവ്യബലി അർപ്പിച്ചു. റവ.ഫാ.ജോസ് അഞ്ചാനിക്കൽ വി.അൽഫോൻസാമ്മ യുടെ നൊവേന അർപ്പിച്ചു. പ്രസുദേന്തി വാഴ്ചയും ഉണ്ടായിരുന്നു. പൗരോഹൃത്തിന്റെ നാല്പത് വർഷം പിന്നിടുന്ന ഫാ.മൈക്കൾ ഗാനന് സീറോ മലബാർ കമ്യൂണിറ്റിയുടെ ഉപഹാരം വികാരി ഫാ.ജോസ് അഞ്ചാനിക്കൽ കൈമാറി.
ഇന്ന് വൈകുന്നേരം നാലിന് ഗ്രേറ്റ് ബ്രിട്ടൻ
രൂപതാ ചാൻസലർ റവ.ഫാ മാത്യു പിണക്കാട്ട് ദിവ്യബലി അർപ്പിച്ച് നൊവേനയ്ക്ക് നേതൃത്വം കൊടുക്കും. ജൂലൈ 6 വരെ എല്ലാ ദിവസവും വൈകുന്നേരം ദിവ്യബലിയും നൊവേനയും ഉണ്ടായിരിക്കും.
പ്രധാന തിരുന്നാൾ ദിനമായ ജൂലൈ ആറിന് രൂപതാദ്ധ്യക്ഷൻ മാർ ജോസഫ് സ്രാസിക്കൽ മുഖ്യ കാർമികനായി തിരുന്നാളാഘോഷങ്ങൾ നടക്കും.
ശനിയാഴ്ച വൈകുന്നേരം തിരുന്നാളിനോടനുബന്ധിച്ചുള്ള സ്റ്റേജ് ഷോ വിഥിൻഷോ ഫോറം സെൻറിൽ അരങ്ങേറി. വിഥിൻഷോ ഫോറം സെൻററിലെ കാണികളെ ഇളക്കിമറിച്ച് അത്യുഗ്രൻ പെർഫോർമൻസുമായി താരങ്ങൾ വേദിയും മനസ്സും കീഴടക്കി. അറാഫത്ത് കടവിൽ നേതൃത്വം കൊടുത്ത കൊച്ചിൻ ഗോൾഡൻ ഹിറ്റ്സ് ടീമിൽ പ്രശസ്ത പിന്നണി ഗായകരായ സാം ശിവ, സുമി അരവിന്ദ് എന്നിവർ മലയാളം തമിഴ് ഗാനങ്ങളാലപിച്ച് കാണികളുടെ മനം കവർന്നപ്പോൾ സ്വിസ്വർലാൻഡിൽ നിന്നുമുള്ള അനുഗ്രഹീത ഗായകൻ ബെന്നി മുക്കാടൻ മലയാളഗാനങ്ങളാലപിച്ച് വേദി കീഴടക്കി. കോമഡിയും വൺ മാൻ ഷോയുമായി ടി വി താരങ്ങളായ റെജി രാമപുരം, ഷിനോ പോൾ എന്നിവരും അണിചേർന്നപ്പോൾ മാഞ്ചസ്റ്റർ അടുത്ത് കണ്ട ഏറ്റവും
മനോഹരമായതും, മാഞ്ചസ്റ്റർ തിരുന്നാളിൽ ഇതുവരെ നടത്തിയതിൽ ഏറ്റവും മികച്ചതും കാണികളെ ആവേശത്തിന്റെ കൊടുമുടിയിൽ എത്തിച്ചതുമായ സ്റ്റേജ് ഷോ ആയി ഇന്നലെ നടന്ന പ്രോഗ്രാം.
ഇടവക വികാരിയും മാഞ്ചസ്റ്റർ റീജിയൻ കോർഡിനേറ്ററും അനുഗ്രഹീത ഗായകനുമായ റവ.ഫാ.ജോസ് അഞ്ചാനിക്കൽ ആലപിച്ച സത്യനായകാ…. എന്ന പ്രസിദ്ധമായ ഭക്തിഗാനത്തോടെയാണ് ഗാനമേളക്ക് തുടക്കം കുറിച്ചത്. തുടർന്ന് മെലഡി യിൽ തുടങ്ങി അടിപൊളി ഗാനങ്ങളിലേക്ക് കത്തിക്കയറിയതോടെ കാണികളൊന്നാകെ ഇളകി മറിഞ്ഞു. ഇടവേള ഒന്നുമില്ലാതെ നാല് മണിക്കൂർ ലൈവ് ഓർക്കസ്ട്രയുടെ അകമ്പടിയോടെ അവതരിപ്പിച്ച മെഗാ സ്റ്റേജ് ഷോയിൽ ഇടവകയിലെ കുട്ടികൾ കൂടി ചേർന്നപ്പോൾ പൊടി പൂരമായി മാറി പരിപാടികൾ. ഗായകരെ ആവേശത്തിലാക്കി കാണികളൊന്നാകെ ഇളകി മറിഞ്ഞപ്പോൾ, ആസ്വാദകരെ നിറഞ്ഞാടാൻ ഗായകരും പരമാവധി പരിശ്രമിച്ചു. ഓർക്കസ്ട്ര ടീമിൽ മനോജ് ശിവ, സാബു ജോസ്, ബേബി കുര്യൻ, രാജേഷ് തുടങ്ങിയവരാണ് ഉണ്ടായിരുന്നത്.
ഫോറം സെന്ററിൽ ട്രസ്റ്റി ബിജോയ് കലാകാരൻമാരെയും കാണികളെയും സ്വാഗതം ചെയ്തതോടെയാണ് പരിപാടികൾ ആരംഭിച്ചത്. തുടർന്ന് റവ.ഫാ. മൈക്കൾ ഗാനൻ, ഇടവക വികാരി റവ.ഫാ ജോസ് അഞ്ചാനിക്കൽ, ട്രസ്റ്റിമാരായ സിബി ജെയിംസ്, ജോബി തോമസ്, ബിജോയ് മാത്യു, കലാകാരൻമാർ എന്നിവർ ചേർന്ന് നിലവിളക്ക് കൊളുത്തി ആഘോഷത്തിന് തുടക്കം കുറിച്ചു. റാഫിൾ ടിക്കറ്റ് നറുക്കെടുപ്പിൽ യഥാക്രമം സിമി, ബിജു ആന്റണി, സേവ്യർ തോമസ് ഒന്ന് മുതൽ മൂന്ന് വരെ സമ്മാനങ്ങൾ നേടി. പരിപാടിക്കൊടുവിൽ സിബി ജെയിംസ് ഏവർക്കും നന്ദി രേഖപ്പെടുത്തി.
ഇന്ന്
ജൂലൈ ഒന്ന് തിങ്കളാഴ്ച ഗ്രേറ്റ് ബ്രിട്ടൻ രൂപതാ ചാൻസലർ റവ.ഫാ. മാത്യു പിണക്കാട്ട് ദിവ്യബലിയിൽ മുഖ്യകാർമികനാകും. നാളെ
ജൂലൈ രണ്ടിന് റവ.ഫാ. നിക്കോളാസ് കേൻ ലത്തീൻ റീത്തിൽ ഇംഗ്ലീഷ് കുർബാന അർപ്പിക്കും.
ജൂലൈ മൂന്നിന് ഗ്രേറ്റ് ബ്രിട്ടൻ രൂപതാ വികാരി ജനറാൾ റവ.ഫാ. സജി മലയിൽ പുത്തൻ പുരയിൽ ദിവ്യബലിക്ക് മുഖ്യകാർമികനാകും.
ജൂലൈ നാലിന് സീറോ മലങ്കര റീത്തിൽ റവ.ഫാ രഞ്ജിത്ത് മടത്തിറമ്പിൽ ദിവ്യബലി അർപ്പിക്കും.
ജൂലൈ 5 ന് ഗ്രേറ്റ് ബ്രിട്ടൻ രൂപതാ വികാരി ജനറാൾ റവ. ഫാ.ആൻറണി ചൂണ്ടെലിക്കാട്ട് ദിവ്യബലി അർപ്പിക്കും.
എല്ലാ ദിവസവും നൊവേനയും പ്രത്യേക മധ്യസ്ഥ പ്രാർത്ഥനയും ഉണ്ടായിരിക്കും.
പ്രധാന തിരുന്നാൾ ദിനമായ ജൂലൈ 6 ശനിയാഴ്ച രാവിലെ 10ന് ഭക്തിനിർഭരമായ അന്തരീക്ഷത്തിൽ മുഖ്യ കാർമ്മികനായി എത്തിച്ചേരുന്ന ഗ്രേറ്റ് ബ്രിട്ടൻ രൂപതയുടെ അദ്ധ്യക്ഷൻ മാർ.ജോസഫ് ഡ്രാമ്പിക്കൽ പിതാവിനെയും മറ്റ് വൈദികരെയും ദേവാലയത്തിലേക്ക് സ്വീകരിച്ചാനയിക്കുന്നതാടെ
അത്യാഘോഷപൂർവ്വമായ തിരുനാൾ ദിവ്യബലിക്ക് തുടക്കമാകും. മാഞ്ചസ്റ്ററിലെ ഗായക സംഘം റെക്സ് ജോസ് മിന്റോ ആന്റണി എന്നിവരുടെ നേതൃത്വത്തിൽ ദിവ്യബലി ഭക്തി സാന്ദ്രമാക്കും. ദിവ്യബലിക്ക് ശേഷം മാഞ്ചസ്റ്ററിലെ സ്വദേശിയരും മറ്റ് മതസ്ഥരുമെല്ലാം ആകാംക്ഷയോടെ കാത്തിരിക്കുന്ന ഭക്തി നിർഭരമായ തിരുനാൾ പ്രദക്ഷിണം മാഞ്ചസ്റ്ററിന്റെ തെരുവീഥികളിൽ നടക്കും. പ്രദക്ഷിണത്തിൽ മാർ.തോമാശ്ലീഹായുടെയും, വി.അൽഫോൻസയുടെയും തിരുസ്വരൂപങ്ങളും വഹിച്ചുകൊണ്ട്, പൊൻ വെള്ളി കുരിശുകളുടെയും മുത്തുക്കുടകളുടെയും വാദ്യമേളങ്ങളുടെയും അകമ്പടിയോടെ നടക്കുന്ന പ്രദക്ഷിണം നാട്ടിലെ തിരുനാളാഘോഷങ്ങളെ അനുസ്മരിപ്പിക്കും. പ്രദക്ഷിണത്തിന് റിഥം ഓഫ് വാറിംഗ്ടൺ ടീമിന്റെ ചെണ്ടമേളം, ഐറിഷ് ബാന്റ് എന്നിവ അകമ്പടിയേകും. പ്രദക്ഷിണം തിരികെ ദേവാലയത്തിൽ പ്രവേശിച്ച ശേഷം സമാപന ആശീർവാദവും ഉണ്ടായിരിക്കും. തുടർന്ന് സ്നേഹ വിരുന്നോടെയാണ് ഒരാഴ്ച നീണ്ടു നിന്ന തിരുന്നാളാഘോഷങ്ങൾ സമാപിക്കുന്നത്.
യുകെയിൽ ആദ്യമായി തിരുനാൾ ആഘോഷങ്ങൾക്ക് തുടക്കം കുറിച്ചതു മുതൽ ഓരോ വർഷം ചെല്ലുംതോറും കൂടുതൽ പ്രശസ്തിതിയിലേക്ക് ഉയരുകയാണ് മാഞ്ചസ്റ്റർ തിരുനാൾ.
വികാരി റവ. ഫാ.ജോസ് അഞ്ചാനിക്കലിന്റെ നേതൃത്വത്തിൽ ട്രസ്റ്റിമാരും പാരീഷ് കമ്മിറ്റിയംഗങ്ങളും ചേർന്ന 101 അംഗ കമ്മിറ്റിയാണ് തിരുനാളിന്റെ ഒരുക്കങ്ങൾ നടത്തിക്കൊണ്ടിരിക്കുന്നത്.
മാഞ്ചസ്റ്റർ തിരുന്നാളിൽ സംബന്ധിച്ച് വിശുദ്ധരുടെ അനുഗ്രഹങ്ങൾ പ്രാപിക്കുവാൻ മാഞ്ചസ്റ്റർ മിഷൻ കോർഡിനേറ്ററും ഇടവക വികാരിയുമായ ഫാ.ജോസ് അഞ്ചാനിക്കൽ ഏവരേയും സ്വാഗതം ചെയ്തു കൊള്ളുന്നു.
കൂടുതൽ വിവരങ്ങൾക്ക് ട്രസ്റ്റിമാരുമായി ബന്ധപ്പെടുക:-
സിബി ജെയിംസ് – 07886670128
ജോബി തോമസ് – 07985234361
ബിജോയി മാത്യു – 07710675575
ദേവാലയത്തിന്റെ വിലാസം –
ST .ANTONY’S CHURCH,
DUNKERY ROAD,
PORTWAY,
M22 0WR
ലണ്ടൻ:- വെസ്റ്റ് ലണ്ടൻ സീറോ മലങ്കര കാത്തലിക് മിഷന്റെ സ്വർഗ്ഗീയ മദ്ധ്യസ്ഥനായ വി.അന്തോണീസിന്റെ തിരുനാളും അപ്പസ്തോലിക് വിസിറ്റേറ്റർ മാർ തിയഡോഷ്യസ് മെത്രാപ്പോലീത്തയ്ക്ക് സ്വീകരണ സ്വീകരണവും ജൂൺ 28 ന് ഞായറാഴ്ച ഉച്ചകഴിഞ്ഞ് രണ്ട് മണിക്ക് ക്രമീകരിച്ചിരിക്കുന്നു.
ഐസൻവർത്തിലെ ഔർ ലേഡി ഓഫ് സോറോസ് & സെന്റ്.ബ്രിഡ്ജറ്റ്സ് ദേവാലയത്തിലായിരിക്കും പ്രത്യേക തിരുക്കർമ്മങ്ങൾ നടക്കുന്നത്.
ഞാറാഴ്ച രണ്ടു മണിക്ക് അഭിവന്ദ്യ പിതാവിന് ഒദ്യോഗിക സ്വീകരണം നൽകും. തുടർന്ന് തിരുന്നാൾ വി.കുർബാന, നൊവേന, പ്രദക്ഷിണം എന്നിവ നടക്കും. വി.കുർബാനയ്ക്ക് ഫാ.തോമസ്
മടുക്കംമൂട്ടിൽ, ഫാ.സെബാസ്റ്റ്യൻ ചാമക്കാല തുടങ്ങിയവർ സഹകാർമ്മികത്വം വഹിക്കും. തിരുന്നാളിൽ സംബന്ധിച്ച് അനുഗ്രഹം പ്രാപിക്കുവാൻ എല്ലാവരേയും ക്ഷണിച്ചു കൊള്ളുന്നു.
കൂടുതൽ വിവരങ്ങൾക്ക് :-
എബ്രഹാം പ്ലാമൂട്ടിൽ – 07889451062
ഷാജി കൂത്തനേത്ത്:-
07792030263.
ദേവാലയത്തിന്റെ വിലാസം:-
Our Lady of Sorrows & Saint Bridget Curch,
112 Twickenham Road,
Isleworth,
TW7 6DL.
മാഞ്ചസ്റ്റർ: – രൊഴ്ചക്കാലം ഭക്തിസാന്ദ്രമായി ആഘോഷിക്കുന്ന ഭാരത സഭയുടെ വിശ്വാസത്തിന്റെ പിതാവായ മാർ.തോമാ ശ്ലീഹായുടെയും, ഭാരത സഭയിലെ പ്രഥമ വിശുദ്ധയും
സഹനപുത്രിയുമായ വി. അൽഫാസാമ്മയുടെയും സംയുക്ത തിരുനാളും യു കെയിലെ ഏറ്റവും പ്രസിദ്ധവുമായ മാഞ്ചസ്റ്റർ തിരുനാളിന് നാളെ ഉച്ചകഴിഞ്ഞ് 3 മണിക്ക് കൊടിയേറും. മാഞ്ചസ്റ്റർ വിഥിൻഷോയിലെ സെന്റ്.ആന്റണീസ് ദേവാലയത്തിൽ നടക്കുന്ന കൊടിയേറ്റത്തിന് ഷ്രൂസ്ബറി രൂപതാ വികാരി ജനറാൾ റവ.ഫാ.മൈക്കൾ ഗാനൻ മുഖ്യകാർമികനാകും. ഇടവക വികാരി റവ. ഫാ.ജോസ് അഞ്ചാനിക്കൽ സഹകാർമികനായിരിക്കും.
തുടർന്ന് വൈകിട്ട് 5.30ന് വിഥിൻഷോ ഫോറം സെന്ററിൽ പാട്ടും, നൃത്തവും, കോമഡിയുമായി ഒരു അവിസ്മരണീയ രാവിന് അരങ്ങൊരുങ്ങും. ലൈവ് മെഗാസ്റ്റേജ് ഷോയിൽ പങ്കെടുക്കുന്ന സിനിമാ ടിവി താരങ്ങൾ ഉൾപ്പെട്ട താരനിര ഇന്നലെ എത്തിച്ചർന്നു. മാഞ്ചസ്റ്ററിൽ വന്നിറങ്ങിയ താരങ്ങളെ ഇടവക വികാരി റവ.ഫാ.ജോസ് അഞ്ചാനിക്കലിന്റെയും ട്രസ്റ്റി സിബി ജെയിംസിന്റെയും നേതൃത്വത്തിൽ സ്വീകരിച്ചു. ഇന്ന് ടീമംഗങ്ങൾ ഒന്ന് ചേർന്ന് പരിശീലനം നടത്തും.
യുകെയുടെ വിവിധ ഭാഗങ്ങളിൽ നിന്നും ആയിരക്കണക്കിന് ഭക്തജനങ്ങൾ സംബന്ധിക്കുന്ന പ്രഥാന തിരുനാൾ ജൂലൈ 6ന് ശനിയാഴ്ചയായിരിക്കും നടക്കുന്നത്. യുകെയുടെ മലയാറ്റൂരായ മാഞ്ചസ്റ്ററിൽ ഭാരത അപ്പസ്തോലൻ മാർ തോമാശ്ലീഹായുടെയും ഭാരതത്തിന്റെ പ്രഥമ വിശുദ്ധ അൽഫോൻസയുടെയും ഒരാഴ്ചക്കാലം നീളുന്ന സംയുക്ത തിരുന്നാളാഘോഷങ്ങൾ മാഞ്ചസ്റ്ററിനെ ഭക്തി സാന്ദ്രമാക്കും. പ്രധാന തിരുനാൾ ദിവസമായ ജൂലൈ ആറിന് രാവിലെ 10ന് ആരംഭിക്കുന്ന അത്യാഘോഷപൂർവ്വമായ തിരുന്നാൾ ദിവ്യബലിക്ക് ഗ്രേറ്റ് ബ്രിട്ടൻ രൂപതയുടെ അഭിവന്ദ്യ അദ്ധ്യക്ഷൻ മാർ ജോസഫ് മുഖ്യകാർമികനാകും. നിരവധി വൈദികർ സഹകാർമികരാകും. ഭക്തി സാന്ദ്രമായ അന്തരീക്ഷത്തിൽ വിഥിൻഷോ സെന്റ്. ആന്റണീസ് ദേവാലത്തിലാണ് തിരുനാൾ ആഘോഷങ്ങൾ നടക്കുന്നത്. ഗ്രേറ്റ് ബ്രിട്ടൻ രൂപതയുടെ ഭാഗമായി മാഞ്ചസ്റ്റർ മിഷൻ നിലവിൽ വന്നതിന് ശേഷം നടക്കുന്ന ആദ്യ തിരുനാൾ എന്ന പ്രത്യേകതയും ഇത്തവണത്തെ തിരുനാളിന് സ്വന്തമാകും.
ഒരാഴ്ച നീണ്ടു നിൽക്കുന്ന തിരുനാളാഘോഷങ്ങൾ നാളെ ജൂൺ 29 ശനിയാഴ്ച കൊടിയേറ്റത്തോടെ ആരംഭിക്കും. ഉച്ചകഴിഞ്ഞ് 3ന് വിഥിൻഷോ സെന്റ്.ആൻറണീസ് ദേവാലയത്തിൽ ഷ്രൂസ്ബറി രൂപതാ വികാരി ജനറാൾ റവ.ഫാ.മൈക്കൾ ഗാനൻ മുഖ്യകാർമികനായി ദിവ്യബലിയും നൊവേനയും തുടർന്ന് തിരുനാളിന്റെ കൊടിയേറ്റവും നടക്കും. കൊടിയേറ്റത്തിന് ശേഷം വൈകുന്നേരം 5.30ന് വിഥിൻഷോ ഫോറം സെന്ററിൽ സംഗീതവും കോമഡിയും ഉൾക്കൊള്ളുന്ന മെഗാഷോ അരങ്ങേറും. ഒരു കുടുംബത്തിന് 25 പൗണ്ടാണ് ടിക്കറ്റ് നിരക്ക്. 10 പൗണ്ട് നിരക്കിൽ സിംഗിൾ ടിക്കറ്റും ലഭ്യമാണ്. ടിക്കറ്റ് വില്പന പൂർത്തിയാകാറായെന്നും ഇനിയും ടിക്കറ്റുകൾ ആവശ്യമുള്ളവർ ഭാരവാഹികളെ ബന്ധപ്പെട്ട് ടിക്കറ്റുകൾ ഉറപ്പ് വരുത്തണമെന്നും ഭാരവാഹികൾ അറിയിച്ചു. മലയാളത്തിന്റെ പുതിയ നിരയിലെ ചലച്ചിത്ര പിന്നണി ഗായകരായ നാം ശിവ, സുമി അരവിന്ദ്, ബെന്നി മുക്കാടൻ, സിനിമാ ടിവി താരങ്ങളായ ഷിനോ പോൾ, അരാഫത്ത് കടവിൽ, കോമഡി ഉത്സവം ഫെയിം നിസ്സാം കാലിക്കട്ട് തുടങ്ങി ഒട്ടേറെ സിനിമാ ടി വി താരങ്ങളും ചലച്ചിത്ര പിന്നണി ഗായകരും ലൈവ് ഓർക്കസ്ട്രയുമായി പ്രസ്തുത ഷോയിൽ അണിനിരക്കും.
നാളെ തിരുനാൾ കൊടിയേറിയതിന് ശേഷം പ്രധാന തിരുനാളാഘോഷിക്കുന്ന ജൂലൈ 6 വരെയുള്ള എല്ലാ ദിവസവും വൈകുന്നേരങ്ങളിൽ ദിവ്യബലിയും നൊവെനയും ഉണ്ടായിരിക്കുന്നതാണ്. ജൂൺ 30 ഞായറാഴ്ച ഗ്രേറ്റ് ബ്രിട്ടൻ രൂപതാ സീറോ മലബാർ വികാരി ജനറാൾ റവ.ഫാ.ജിനോ അരീക്കാട്ട് ദിവ്യബലി അർപ്പിക്കും. ദിവ്യബലിക്ക് ശേഷം പുത്തരി പെരുന്നാൾ (ഉല്പന്ന ലേലം) ഉണ്ടായിരിക്കുന്നതാണ്. ജൂലൈ ഒന്നിന് ഗ്രേറ്റ് ബ്രിട്ടൻ രൂപതാ ചാൻസലർ റവ.ഫാ. മാത്യു പിണക്കാട്ട് ദിവ്യബലിക്ക് മുഖ്യകാർമികനാകും. ജൂലൈ രണ്ടിന് റവ.ഫാ. നിക്കോളാസ് കേൻ ലത്തീൻ റീത്തിൽ ഇംഗ്ലീഷ് കുർബാന അർപ്പിക്കും.
ജൂലൈ മൂന്നിന് ഗ്രേറ്റ് ബ്രിട്ടൻ രൂപതാ വികാരി ജനറാൾ റവ.ഫാ. സജി മലയിൽ പുത്തൻ പുരയിൽ ദിവ്യബലിക്ക് മുഖ്യകാർമികനാകും. ജൂലൈ നാലിന് സീറോ മലങ്കര റീത്തിൽ റവ.ഫാ രഞ്ജിത്ത്
മടത്തിറമ്പിൽ ദിവ്യബലി അർപ്പിക്കും. ജൂലൈ 5 ന് ഗ്രേറ്റ് ബ്രിട്ടൻ രൂപതാ വികാരി ജനറാൾ റവ. ഫാ.ആൻറണി ചൂണ്ടെലിക്കാട്ട് ദിവ്യബലി അർപ്പിക്കും. എല്ലാ ദിവസവും നൊവേനയും പ്രത്യേക മധ്യസ്ഥ പ്രാർത്ഥനയും ഉണ്ടായിരിക്കും.
പ്രധാന തിരുന്നാൾ ദിനമായ ജൂലൈ 6 ശനിയാഴ്ച രാവിലെ 10ന് ഭക്തിനിർഭരമായ അന്തരീക്ഷത്തിൽ മുഖ്യ കാർമ്മികനായി എത്തിച്ചേരുന്ന ഗ്രേറ്റ് ബ്രിട്ടൻ രൂപതയുടെ അദ്ധ്യക്ഷൻ മാർ.ജോസഫ് ഡ്രാമ്പിക്കൽ പിതാവിനെയും മറ്റ് വൈദികരെയും ദേവാലയത്തിലേക്ക് സ്വീകരിച്ചാനയിക്കുന്നതാടെ അത്യാഘോഷപൂർവ്വമായ തിരുനാൾ ദിവ്യബലിക്ക് തുടക്കമാകും. മാഞ്ചസ്റ്ററിലെ ഗായക സംഘം റെക്സ് ജോസ്, മിന്റോ ആന്റണി എന്നിവരുടെ നേതൃത്വത്തിൽ ദിവ്യബലിയെ ഭക്തി സാന്ദ്രമാക്കും. ദിവ്യബലിക്ക് ശേഷം മാഞ്ചസ്റ്ററിലെ ഇംഗ്ലീഷ് കമ്യൂണിറ്റിയും മറ്റ് മതസ്ഥരുമെല്ലാം ആകാംക്ഷയോടെ കാത്തിരിക്കുന്ന ഭക്തി നിർഭരമായ തിരുനാൾ പ്രദക്ഷിണം മാഞ്ചസ്റ്ററിന്റെ തെരുവീഥികളിൽ നടക്കും. മാർ.തോമാശ്ലീഹായുടെയും, വി.അൽഫോൻസയുടെയും തിരുസ്വരൂപങ്ങളും വഹിച്ചുകൊണ്ട്, പൊൻ വെള്ളി കുരിശുകളുടെയും മുത്തുക്കുടകളുടെയും വാദ്യമേളങ്ങളുടെയും അകമ്പടിയോടെ നടക്കുന്ന പ്രദക്ഷിണം നാട്ടിലെ തിരുനാളാഘോഷങ്ങളെ അനുസ്മരിപ്പിക്കും. യുകെയിൽ ആദ്യമായി തിരുനാൾ ആഘോഷങ്ങൾക്ക് തുടക്കം കുറിച്ചതു മുതൽ ഓരോ വർഷം ചെല്ലുംതോറും കൂടുതൽ പ്രശസ്തിതിയിലേക്ക് ഉയരുകയാണ് മാഞ്ചസ്റ്റർ തിരുനാൾ.
ഇടവക വികാരി റവ. ഫാ.ജോസ് അഞ്ചാനിക്കലിന്റെ നേതൃത്വത്തിൽ 101 അംഗങ്ങളുള്ള വിവിധ കമ്മിറ്റികൾ തിരുനാളിന്റെ വിജയത്തിനായി പ്രവർത്തിച്ചു വരുന്നു. കഴിഞ്ഞ ദിവസങ്ങളിൽ ചേർന്ന വിവിധ കമ്മിറ്റികളുടെ യോഗങ്ങൾ തിരുനാളിന്റെ ഒരുക്കങ്ങൾ വിലയിരുത്തി.
മാഞ്ചസ്റ്റർ തിരുന്നാളിൽ സംബന്ധിച്ച് വിശുദ്ധരുടെ അനുഗ്രഹങ്ങൾ പ്രാപിക്കുവാൻ മാഞ്ചസ്റ്റർ മിഷൻ കോർഡിനേറ്ററും ഇടവക വികാരിയുമായ ഫാ.ജോസ് അഞ്ചാനിക്കൽ ഏവരേയും സ്വാഗതം ചെയ്തു കൊള്ളുന്നു.
കൂടുതൽ വിവരങ്ങൾക്ക് ട്രസ്റ്റിമാരുമായി ബന്ധപ്പെടുക:-
സിബി ജെയിംസ് – 07886670128
ജോബി തോമസ് – 07985234361
ബിജോയി മാത്യു – 07710675575
ദേവാലയത്തിന്റെ വിലാസം –
ST. ANTONY’S CHURCH,
DUNKERY ROAD,
PORTWAY,
M22 0WR
എറണാകുളം-അങ്കമാലി അതിരൂപത സഹായമെത്രാന്മാര്ക്ക് സസ്പെന്ഷന്. മാര്.സെബാസ്റ്റ്യന് എടയന്ത്രത്ത്, മാര്.ജോസ് പുത്തന്വീട്ടില് എന്നിവര്ക്കാണ് സസ്പെന്ഷന്. വത്തിക്കാന് ഇടപെട്ട് ഇരുവരെയും ചുമതലകളില് നിന്ന് നീക്കിയതായി കഴിഞ്ഞ ദിവസം അതിരൂപതയില് നിന്നുള്ള അറിയിപ്പുണ്ടായിരുന്നു.
ഭൂമി ഇടപാട് വിവാദത്തെ തുടര്ന്ന് എറണാകുളം-അങ്കമാലി അതിരൂപത അഡ്മിനിസ്ട്രേറ്ററായി നിയമിച്ച മാര് ജേക്കബ് മനത്തോടത്തിനെയും ചുമതലയില് നിന്ന് മാറ്റിയിട്ടുണ്ട്. മാര് ജേക്കബ് മനത്തോടത്ത് പാലക്കാട് രൂപത ബിഷപ്പായി തുടരും.
എറണാകുളം-അങ്കമാലി അതിരൂപതയുടെ പൂര്ണ ഭരണചുമതല കര്ദിനാള് മാര് ജോര്ജ് ആലഞ്ചേരിക്ക് മാത്രമായിരിക്കും എന്നും വത്തിക്കാനില് നിന്നുള്ള അറിയിപ്പില് പറയുന്നു. സഹായ മെത്രാന് സ്ഥാനത്തു നിന്ന് മാറ്റിയ മാര് സെബാസ്റ്റ്യന് എടയന്ത്രത്ത്, ജോസ് പുത്തന്വീട്ടില് എന്നിവരുടെ പുതിയ ചുമതലയെ കുറിച്ച് അടുത്ത സിനഡ് തീരുമാനിക്കും.
എറണാകുളം-അങ്കമാലി അതിരൂപതയിലെ സാമ്പത്തിക കാര്യങ്ങളുമായി ബന്ധപ്പെട്ട പ്രതിമാസ ബജറ്റും സ്ഥാവരജംഗമ വസ്തുക്കളുടെ നടത്തിപ്പ് സംബന്ധിച്ചുള്ള പ്രധാന രേഖകളും മേജര് ആര്ച്ചു ബിഷപ്പ് സീറോ മലബാര് സഭയുടെ സ്ഥിരം സിനഡിന് നല്കേണ്ടതാണെന്ന് വത്തിക്കാൻ അറിയിച്ചിട്ടുണ്ട്. അപ്പസ്തോലിക് അഡ്മിനിസ്ട്രേറ്റര് ആയിരുന്ന മാര് ജേക്കബ് മനത്തോടത്ത് സമര്പ്പിച്ച റിപ്പോര്ട്ടും നിര്ദേശങ്ങളും പഠിച്ച ശേഷമാണ് വത്തിക്കാന് ഈ തീരുമാനങ്ങളെല്ലാം എടുത്തതെന്ന് ഉത്തരവില് പറയുന്നു.
സിറോ മലബാര് സഭയുടെ അടുത്ത സിനഡ് ചേരുന്ന 2019 ഓഗസ്റ്റ് വരെ എറണാകുളം-അങ്കമാലി അതിരൂപതയുടെ ഭരണ നിര്വഹണത്തില് കര്ദിനാള് മാര് ജോർജ് ആലഞ്ചേരി സീറോ മലബാര് സഭയുടെ സ്ഥിരം സിനഡിനോടാണ് ആലോചന നടത്തേണ്ടത്. രാജ്യത്ത് നിലവിലുള്ള സിവില് നിയമങ്ങളെ മാനിച്ചുകൊണ്ട് അതിരൂപതയുടെ സാമ്പത്തിക ബാധ്യതകള് പരിഹരിക്കാനാവശ്യമായ നടപടികള് ഇക്കാലയളവില് സ്വീകരിക്കാവുന്നതാണെന്നും വത്തിക്കാൻ പറയുന്നു.
ചരിത്രത്തിലാദ്യമായി ഇംഗ്ലണ്ടിലെ ക്രൈസ്തവ സഭയ്ക്ക് കറുത്ത വർഗക്കാരിയായ ബിഷപ്പ്. ജമൈക്കൻ സ്വദേശി റവ.ഡോ റോസ് ഹഡ്സൺ വിൽകാണ് ചരിത്രം മാറ്റി എഴുതുന്നത്. ഡോവറിലെ പുതിയ ബിഷപായാണ് നിയമനം. എലിസബത്ത് രാജ്ഞിയുടെ പുരോഹിത കൂടിയായ ഹഡ്സൺ ഹാരി-മേഗൻ വിവാഹചടങ്ങിൽ പ്രാർത്ഥനകൾക്കും നേതൃത്വം നൽകിയിരുന്നു.
വിശ്വാസികളുടെ ജീവിതത്തിൽ പ്രതീക്ഷയും സ്നേഹവും നീതിബോധവും നിലനിർത്താൻ ശ്രമിക്കുമെന്ന് റോസ് ഹഡ്സൺ പറഞ്ഞു. ക്രൈസ്തവ പുരോഹിത ഗണത്തിൽ ഏഷ്യക്കാരുടെയും കറുത്ത വര്ഗക്കാരുടെയും എണ്ണം വളരെ കുറവാണ്. ഈ സാഹചര്യത്തിൽ ഹഡ്സന്റെ നിയമനം ലോകമാനം പ്രശംസിക്കപ്പെടുന്നുണ്ട്. ലോക ക്രിസ്തീയ സഭയ്ക്ക് തന്നെ മികച്ച മാതൃകയായി മാറുകയാണ് ഇംഗ്ലണ്ട് ക്രൈസ്തവ സഭയെന്നും വിലയിരുത്തപ്പെടുന്നു.
വാൽസിങ്ങാം: ഗ്രേറ്റ് ബ്രിട്ടൻ സീറോ മലബാർ രൂപതയുടെ നേതൃത്വത്തിൽ സംഘടിപ്പിക്കുന്ന മൂന്നാമത് വാൽസിങ്ങാം തീർത്ഥാടനം ജൂലൈ 20 നു ആഘോഷമായി നടത്തപ്പെടും. ശനിയാഴ്ച രാവിലെ ഒമ്പതു മണിക്ക് സ്തുതിപ്പും ആരാധനയുമായി സമാരംഭിക്കുന്ന തീർത്ഥാടനം മരിയഭക്തി സാന്ദ്രമാക്കുവാൻ പ്രശസ്ത ധ്യാന ഗുരുവും, പതിറ്റാണ്ടുകളിലായി ലോകമെമ്പാടും തിരുവചന ശുശ്രുഷകളിലൂടെ അനേകരിൽ രോഗ ശാന്തിയും, ദൈവീക സ്പർശവും അനുഭവവേദ്യമാക്കുന്ന, കാലഘട്ടത്തിന്റെ ശുശ്രുഷകനും, ഡിവൈൻ ധ്യാനകേന്ദ്രത്തിന്റെ ഡയറക്ടറുമായ ജോർജ് പനക്കൽ അച്ചൻ മാതൃ ഭക്തി പ്രഘോഷണം നടത്തും.
കുട്ടികളെ മാതൃ സന്നിധിയിൽ അടിമ വെക്കുന്നതിനുള്ള അവസരം ഒരുക്കുന്നുണ്ട്. ഉച്ച ഭക്ഷണത്തിനു ശേഷം മരിയ സ്തുതിഗീതങ്ങൾ ആലപിച്ചും, പരിശുദ്ധ ജപമാല സമർപ്പിച്ചും, ‘ആവേ മരിയാ’ സൂക്തങ്ങളാൽ മുഖരിതമായി, പരിശുദ്ധ അമ്മയുടെ സന്നിധേയത്തിൽ വാൽസിങ്ങാം മാതാവിന്റെ തിരുസ്വരൂപവും പേറി ഭക്ത്യാദരവോടെ നടത്തപ്പെടുന്ന തീർത്ഥാടനം മാതൃസ്നേഹം കവിഞ്ഞൊഴുകുന്ന ഇംഗ്ളണ്ടിലെ നസ്രത്തിൽ ആവോളം അനുഭവിക്കുവാൻ ഇടനിലമാവും.
ആയിരങ്ങൾ പങ്കു ചേരുന്ന സീറോ മലബാർ മഹാതീർത്ഥാടനം, വാൽസിങ്ങാമിലെ കത്തോലിക്കാ സഭയുടെ ആരാധനാ കേന്ദ്രമായ സ്ലിപ്പർ ചാപ്പലിൽ എത്തി സമാപിക്കും. തുടർന്ന് 2:45 ന് ഗ്രേറ്റ് ബ്രിട്ടൺ സീറോ മലബാർ രൂപതയുടെ അഭിവന്ദ്യ അദ്ധ്യക്ഷൻ മാർ ജോസഫ് സ്രാമ്പിക്കലിന്റെ മുഖ്യ കാർമ്മികത്വത്തിൽ അർപ്പിക്കുന്ന ആഘോഷ പൂർവ്വമായ തിരുന്നാൾ സമൂഹ ബലി മാതൃ സന്നിധേയത്തെത്തുന്ന തീർത്ഥാടകർക്ക് അനുഗ്രഹദായകമാവും. വികാരി ജനറാൾമാരായ മോൺ. ആൻറണി ചുണ്ടലിക്കാട്ട്, മോൺ. ജിനോ അരീക്കാട്ട്, മോൺ. ജോർജ്ജ് ചേലക്കൽ എന്നിവരോടൊപ്പം യു കെ യുടെ നാനാഭാഗത്തായി അജപാലന ശുശ്രുഷ ചെയ്യുന്ന എല്ലാ സീറോ മലബാർ വൈദികരും സഹകാർമികരായി പങ്കു ചേരും.
തീർത്ഥാടന തിരുന്നാളിന്റെ സമാപനത്തോടനുബന്ധിച്ച് പ്രസുദേന്തിമാരായ കോൾചെസ്റ്റർ കമ്മ്യുണിറ്റിക്കുവേണ്ടി പ്രത്യേക പ്രാർത്ഥനയും, കൃതജ്ഞതയും അർപ്പിച്ച ശേഷം അടുത്തവർഷത്തെ പ്രസുദേന്തിമാരെ വാഴിക്കും. വെഞ്ചിരിച്ച മെഴുതിരി പ്രസുദേന്തിത്വത്തിന്റെ മുദ്രയായി സ്രാമ്പിക്കൽ പിതാവ് അവർക്കു സമ്മാനിക്കും. തീർത്ഥാടന പതാകയും കൈമാറുന്നതോടെ തിരുക്കർമ്മങ്ങൾ സമാപിക്കും.
അനുഗ്രഹ പെരുമഴ പൊഴിയുന്ന വാൽസിങ്ങാം മാതൃ സന്നിധേയത്തിലേക്ക് എല്ലാ മാതൃ ഭക്തരെയും സസ്നേഹം സ്വാഗതം ചെയ്യുന്നുവെന്നും, തീർത്ഥാടനത്തിലും അനുബന്ധ ശുശ്രുഷകളിലും പങ്കു ചേർന്ന് പരിശുദ്ധ അമ്മയുടെ മാദ്ധ്യസ്ഥത്തിൽ ഉദ്ധിഷ്ഠ കാര്യങ്ങൾ സാധ്യമാവട്ടെയെന്നു ആശംശിക്കുകയും ചെയ്യുന്നതായി സംഘാടക സമിതിക്കു വേണ്ടി കോൾചെസ്റ്റർ സീറോ മലബാർ പ്രീസ്റ്റ് ഇൻ ചാർജ്ജ് ഫാ. തോമസ് പാറക്കണ്ടത്തിൽ, ഫാ.ജോസ് അന്ത്യാംകുളം എന്നിവർ അറിയിച്ചു.
തീര്ത്ഥാടനവുമായി ബന്ധപ്പെട്ട കൂടുതല് വിവരങ്ങള്ക്ക് ട്രസ്റ്റിമാരായ ടോമി പാറക്കല് 07883010329, നിതാ ഷാജി 07443042946 എന്നിവരുമായി ബന്ധപ്പെടുവാന് താല്പര്യപ്പെടുന്നു.
ലെസ്റ്റർ : ദൈവത്തിന്റെ പ്രതിരൂപമായി നിലനിന്നുകൊണ്ട് സഭയെ നയിക്കുവാനും വളർത്തുവാനും ദൈവത്താൽ തിരഞ്ഞെടുക്കപ്പെട്ട വൈദികരെ എല്ലാ തലത്തിലും പ്രത്യേകം സംരക്ഷിക്കുവാൻ , ഏറെ ആത്മീയ ഒരുക്കത്തോടെ അവർക്കുവേണ്ടി പ്രാർത്ഥിക്കുവാൻ , റവ.ഫാ. സേവ്യർ ഖാൻ വട്ടായിലും ഫാ .സോജി ഓലിക്കലും നേതൃത്വം നൽകുന്ന സെഹിയോൻ മിനിസ്ട്രീസ് വൈദികരുടെ മധ്യസ്ഥനായ വി .ജോൺ മരിയ വിയാനിയുടെ നാമധേയത്തിൽ രൂപംകൊടുത്ത വിയാനി മിഷൻ ടീമിന്റെ നേതൃത്വത്തിൽ ലോകമൊട്ടാകെയുള്ള വൈദികർക്കും മറ്റ് സമർപ്പിതർക്കുമായുള്ള പ്രത്യേക പ്രാർത്ഥനകളും ശുശ്രൂഷകളുമായി 29/06/19 ന് ശനിയാഴ്ച ലെസ്റ്ററിൽ പ്രത്യേക നൈറ്റ് വിജിൽ നടക്കും .
വൈകിട്ട് 6 മുതൽ രാത്രി 10 വരെയാണ് നൈറ്റ് വിജിൽ .
ആരാധന , കുരിശിൻറെ വഴി ,ജപമാല , കരുണക്കൊന്ത ..തുടങ്ങിയവ ശുശ്രൂഷകളുടെ ഭാഗമാകും .
യേശുക്രിസ്തുവിനായി ജീവാർപ്പണം ചെയ്ത വൈദികർക്കും സമർപ്പിതർക്കും വേണ്ടിയുള്ള പ്രത്യേക നൈറ്റ് വിജിൽ പ്രാർത്ഥനാ ശുശ്രൂഷയിലേക്കു സെഹിയോൻ യൂറോപ്പ് വിയാനി മിഷൻ ടീം യേശുനാമത്തിൽ ഏവരെയും ക്ഷണിക്കുന്നു .
