ഫാ. ബിജു കുന്നയ്ക്കാട്ട് പി. ര്‍. ഓ.

മാഞ്ചസ്റ്റര്‍: ആത്മാഭിഷേകത്തിന്റെ അഗ്‌നിയില്‍ വിശ്വാസികള്‍ക്ക് പുത്തന്‍ പന്തക്കുസ്ത അനുഭവം സമ്മാനിച്ച മാഞ്ചസ്റ്റര്‍ അഭിഷേകാഗ്‌നി ഏകദിന കണ്‍വെന്‍ഷന്‍ ഭക്തിസാന്ദ്രമായി. ഗ്രേറ്റ് ബ്രിട്ടണ്‍ സീറോ മലബാര്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കലും വിശ്രുത വചന പ്രഘോഷകന്‍ റെവ. ഫാ. സേവ്യര്‍ ഖാന്‍ വട്ടായിലും നേതൃത്വം നല്‍കിയ കണ്‍വെന്‍ഷനില്‍ ആയിരങ്ങള്‍ പങ്കുചേര്‍ന്നു. രൂപത വികാരി ജനറാള്‍ വെരി. റവ. ഫാ. സജിമോന്‍ മലയില്‍ പുത്തന്‍പുരയിലിന്റെയും കണ്‍വെന്‍ഷന്‍ കമ്മറ്റിയുടെയും സംഘടകമികവില്‍ വിപുലമായ ഒരുക്കങ്ങളാണ് നടത്തിയിരുന്നത്. മാഞ്ചസ്റ്റര്‍ റീജിയണിലെ എല്ലാ വി. കുര്‍ബാന കേന്ദ്രങ്ങളില്‍ നിന്നും ബസുകളിലും സ്വകാര്യ വാഹനങ്ങളിലുമായി ബഹു. വൈദികരും നിരവധി വിശ്വാസികളും അഭിഷേകാഗ്‌നിയില്‍ പങ്കെടുക്കാന്‍ എത്തിയിരുന്നു.

പാപത്തില്‍ മരിക്കാതിരിക്കാന്‍ നമുക്ക് ഈശോയില്‍ ആഴമായ വിശ്വാസമുണ്ടായിരിക്കണമെന്നു ദിവ്യബലിയര്‍പ്പിച്ചു വചന സന്ദേശം നല്‍കിയ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ പറഞ്ഞു. ആയിരിക്കുന്നവന്‍ ഞാന്‍ ആണന്നു ഈശോ പറഞ്ഞതിനെ എല്ലാവരും വിശ്വസിക്കുന്നതാണ് നിത്യജീവന്റെ അടിസ്ഥാനമെന്നും അദ്ദേഹം പറഞ്ഞു. സഭയുടെ ശരീരത്തില്‍ എന്ത് മുറിവുകള്‍ ഉണ്ടെങ്കിലും പരിശുദ്ധാത്മാവ് സഭയെ വിട്ടു പോകില്ലന്നു വചന സന്ദേശം നല്‍കിയ റവ. ഫാ. സേവ്യര്‍ ഖാന്‍ വട്ടായില്‍ പറഞ്ഞു. ആരോഗ്യമുള്ള ശരീരത്തില്‍ ചിലപ്പോള്‍ മുറിവുകളും ഉണ്ടാവാം; അതുണക്കാന്‍ പരിശുദ്ധാത്മാവിനു കഴിയും. യേശു ചിന്തിയ രക്തമാണ് സഭയുടെ അടിത്തറ; അത് ഇളക്കാന്‍ ആര്‍ക്കുമാവില്ലന്നും അദ്ദേഹം പറഞ്ഞു.

പാക്കിസ്ഥാനില്‍ നിന്ന് എത്തിയ മിഷനറി വൈദികന്‍ റവ. ഫാ. റയാന്‍, തങ്ങള്‍ നേരിടുന്ന വിശ്വാസ സഹനങ്ങളെക്കുറിച്ചു പങ്കുവച്ചു. ഏറെ കഷ്ടപ്പാടുകള്‍ സഹിച്ചാണ് വിശ്വാസം കാത്തു സൂക്ഷിക്കുന്നതെന്നും പാക്കിസ്ഥാനില്‍ നടക്കുന്ന സെഹിയോന്‍ ശുശ്രുഷകള്‍ പ്രതീക്ഷ നല്‍കുന്നതാണെന്നും അദ്ദേഹം പറഞ്ഞു. ഉച്ച കഴിഞ്ഞു റവ. ഫാ. സോജി ഓലിക്കല്‍ വചന ശുശ്രുഷ നയിച്ചു. കുട്ടികള്‍ക്കായി നടന്ന പ്രത്യേക ശുശ്രുഷയില്‍ സെക്രട്ടറി റവ. ഫാ. ഫാന്‌സുവ പത്തില്‍ ഇംഗ്ലീഷ് ഭാഷയില്‍ സീറോ മലബാര്‍ വി. കുര്‍ബാന അര്‍പ്പിച്ചു. മാഞ്ചസ്റ്റര്‍ റീജിയണിലെ പത്തിലധികം വൈദികരും ആദ്യന്തം ശുശ്രുഷകളില്‍ സഹകാര്‍മികരായി.

അഭിഷേകാഗ്‌നി കണ്‍വെന്‍ഷന്റെ അവസാന ദിനം ഇന്ന് ലണ്ടണില്‍ നടക്കും. റവ. ഫാ. ജോസ് അന്തയാംകുളത്തിന്റെയും കമ്മറ്റി അംഗങ്ങളുടെയും നേതൃത്വത്തില്‍ ഒരുക്കങ്ങള്‍ പൂര്‍ത്തിയായി. മാര്‍ ജോസഫ് സ്രാമ്പിക്കല്‍, ഫാ. സേവ്യര്‍ ഖാന്‍ വട്ടായില്‍, വികാരി ജനറാള്‍ ഫാ. തോമസ് പറയടിയില്‍, ഫാ. സോജി ഓലിക്കല്‍ തുടങ്ങിയവര്‍ തിരുക്കര്‍മ്മങ്ങള്‍ക്ക് നേതൃത്വം നല്‍കും. സമയം രാവിലെ ഒന്‍പതു മുതല്‍ വൈകിട്ട് അഞ്ചു വരെ. കുട്ടികള്‍ക്ക് പ്രത്യേക ശുശ്രുഷകള്‍ ഉണ്ടായിരിക്കും. അഭിഷേകാഗ്‌നിയില്‍ പുത്തന്‍ പന്തക്കുസ്ത അനുഭവം സ്വന്തമാക്കാന്‍ ഏവരെയും ഏറെ സ്‌നേഹത്തോടെ ക്ഷണിക്കുന്നു.

Venue:
Harrow Leisure centre,
Christ Church avenue,
Harrow, HA3 5BD.

ഫാ. ബിജു കുന്നയ്ക്കാട്ട് പി. ആര്‍. ഓ

മാഞ്ചസ്റ്റര്‍: ഗ്രേറ്റ് ബ്രിട്ടണ്‍ സീറോ മലബാര്‍ രൂപതയുടെ ആത്മീയ നേതൃത്വത്തില്‍ നടന്നു വരുന്ന ‘അഭിഷേകാഗ്‌നി ഏകദിന കണ്‍വെന്‍ഷന്റെ ഏഴാം ദിനം ഇന്ന് മാഞ്ചസ്റ്റര്‍ റീജിയനില്‍ (Venue: BEC Arena, Longbridge Road, Trafford Park, Manchester, M17 1SN) നടക്കും. രാവിലെ ഒന്‍പതു മുതല്‍ വൈകിട്ട് അഞ്ചു വരെയാണ് കണ്‍വെന്‍ഷന്‍ സമയം. വികാരി ജനറാള്‍ റെവ. ഫാ. സജിമോന്‍ മലയില്‍പുത്തന്‍പുരയില്‍, ജനറല്‍ കണ്‍വീനര്‍ സാജു വര്ഗീസ്, കണ്‍വീനര്‍മാരായ ഡീക്കന്‍ അനില്‍ ലൂക്കോസ്, ബിജു ആന്റണി, ജോസ് ആന്റണി, ദീപു ജോര്‍ജ്, ജെയ്‌സണ്‍ മേച്ചേരി തുടങ്ങിയവരുടെ നേതൃത്വത്തില്‍ ഒരുക്കങ്ങള്‍ പൂര്‍ത്തിയായി.

കുട്ടികള്‍ക്കായി പ്രത്യേക ശുശ്രൂഷകള്‍ ഒരുക്കിയിട്ടുണ്ട്. കുട്ടികള്‍ ഉച്ചഭക്ഷണം (packed lunch)കൊണ്ടുവരേണ്ടതാണ്. കണ്‍വെന്‍ഷന്‍ ഹാളിനോട് ചേര്‍ന്ന് വാഹന പാര്‍ക്കിങ് സൗകര്യം ഉണ്ടായിരിക്കുന്നതാണ്. ഹാളില്‍ ഒരുക്കുന്ന ഫുഡ് സ്റ്റാളില്‍ നിന്നും മിതമായ നിരക്കില്‍ ഭക്ഷണം ലഭിക്കുന്നതായിരിക്കും. കുമ്പസാരത്തിനും കൗണ്‍സിലിംഗിനും സൗകര്യമുണ്ടായിരിക്കുന്നതാണ്.

അഭിഷേകാഗ്‌നി ഏകദിന കണ്‍വെന്‍ഷന്റെ എട്ടാമത്തെയും അവസാനത്തെയും ദിനം ലണ്ടന്‍ റീജിയനില്‍ ഞായറാഴ്ച രാവിലെ ഒന്‍പതു മുതല്‍ വൈകിട്ട് അഞ്ചു വരെ നടക്കും. Harrow Leisure Centre, Christ Church Avenue, Harrow HA3 5BD – യില്‍ വച്ച് നടക്കുന്ന ശുശ്രുഷകള്‍ക്കു ഒരുക്കങ്ങള്‍ പൂര്‍ത്തിയായതായി കോ-ഓര്‍ഡിനേറ്റര്‍ റെവ. ഫാ. ജോസ് അന്തിയാംകുളം, കണ്‍വീനര്‍മാരായ ഷാജി, തോമസ്, ജോമോന്‍ എന്നിവര്‍ അറിയിച്ചു. കുട്ടികള്‍ക്കായി പ്രത്യേക വിഭാഗം ഉണ്ടായിരിക്കും.

രണ്ടു ദിവസങ്ങളിലും ഗ്രേറ്റ് ബ്രിട്ടണ്‍ സീറോ മലബാര്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍, അട്ടപ്പാടി സെഹിയോന്‍ മിനിസ്ട്രിസ് ഡയറക്ടര്‍ റെവ. ഫാ. സേവ്യര്‍ ഖാന്‍ വട്ടായില്‍, രൂപത ന്യൂ ഇവാഞ്ചലൈസേഷന്‍ ഡയറക്ടര്‍ റെവ. ഫാ. സോജി ഓലിക്കല്‍, മറ്റു ടീമംഗങ്ങള്‍ തുടങ്ങിയവര്‍ നേതൃത്വം നല്‍കും. മാര്‍ ജോസഫ് സ്രാമ്പിക്കല്‍ വി. ബലിയര്‍പ്പിച്ച വചനസന്ദേശം നല്‍കും. മുന്‍വര്‍ഷത്തേതുപോലെ ധാരാളം വിശ്വാസികള്‍ ഈ വര്‍ഷവും അഭിഷേകാഗ്‌നി കണ്‍വെന്‍ഷനില്‍ പങ്കെടുക്കാന്‍ എത്തുന്നുണ്ട്. എല്ലാവരെയും ഈ അനുഗ്രഹ ദിവസങ്ങളിലേക്ക് യേശുനാമത്തില്‍ പ്രാര്‍ത്ഥനാപൂര്‍വ്വം ക്ഷണിക്കുന്നു.

അപ്പച്ചന്‍ കണ്ണഞ്ചിറ

ലണ്ടന്‍: ഗ്രേറ്റ് ബ്രിട്ടണ്‍ സീറോ മലബാര്‍ രൂപതയുടെ നേതൃത്വത്തില്‍ എട്ടു റീജിയണുകളിലായി മാര്‍ ജോസഫ് സ്രാമ്പിക്കല്‍ പിതാവും, സേവ്യര്‍ഖാന്‍ വട്ടായില്‍ അച്ചനും സോജി അച്ചനും സംയുക്തമായി നയിക്കുന്ന അഭിഷേകാഗ്‌നി കണ്‍വെന്‍ഷന്‍ നാളെ ലണ്ടനില്‍ സമാപിക്കും. നവംബര്‍ നാലിന് ഞായറാഴ്ച ലണ്ടനിലെ ഹാരോ ലെഷര്‍ സെന്ററില്‍ അഭിഷേകാഗ്‌നി കണ്‍വെന്‍ഷനുകളുടെ സമാപന ശുശ്രൂഷ നടത്തപ്പെടുമ്പോള്‍ വെസ്റ്റ്മിന്‍സ്റ്റര്‍, ബ്രെന്‍ഡ്വുഡ്, സൗത്താര്‍ക്ക് ചാപ്ലൈന്‍സികളുടെ പരിധിയിലും മറ്റുമായിട്ടുള്ള എല്ലാ കുര്‍ബ്ബാന കേന്ദ്രങ്ങളില്‍ നിന്നും എത്തുന്ന ആയിരങ്ങളോടൊപ്പം മറ്റു റീജിയണല്‍ കണ്‍വെന്‍ഷനുകളില്‍ പങ്കു ചേരുവാന്‍ വിവിധ കാരണങ്ങളാല്‍ സാധിക്കാതെ
പോയവര്‍ക്കും ഇത് അവസാന അവസരമാവും പ്രദാനം ചെയ്യുക.

മാര്‍ സ്രാമ്പിക്കലിന്റെ മുഖ്യ കാര്‍മ്മികത്വത്തില്‍ അര്‍പ്പിക്കുന്ന ആഘോഷമായ സമൂഹ വിശുദ്ധ ബലിയില്‍ നിരവധി വൈദികരുടെ സഹകാര്‍മ്മികത്വവും, മികവുറ്റ ഗാന ശുശ്രുഷകര്‍ സ്വര്‍ഗ്ഗീയാനന്ദം വിതറുന്ന ഗാന ശുശ്രുഷയും ഉള്‍ക്കൊള്ളുന്ന ഏറ്റവും അനുഗ്രഹ ദായകമായ ഞായറാഴ്ച കുര്‍ബ്ബാന കൂടുവാനുള്ള സുവര്‍ണ്ണാവസരം ആവും ഹാരോയില്‍ ലഭിക്കുക.

പ്രായാടിസ്ഥാനത്തില്‍ രണ്ടു വിഭാഗങ്ങളായി തിരിച്ചുകൊണ്ടു കുട്ടികള്‍ക്കായുള്ള പ്രത്യേക ശുശ്രുഷകള്‍ സെഹിയോന്‍ യു കെ യുടെ ഡയറക്ടര്‍ സോജി അച്ചന്റെ നേതൃത്വത്തില്‍ നടത്തപ്പെടുന്നതാണ്. രക്ഷകര്‍ത്താക്കള്‍ കുട്ടികളെ അവര്‍ക്കായി ഒരുക്കിയിരിക്കുന്ന ശുശ്രുഷാ വേദിയിലേക്ക് പാക്ക് ലഞ്ചുമായി എത്തിക്കുകയും സമാപനത്തില്‍ കൂട്ടുകയും ചെയ്യേണ്ടതാണ്.

രാവിലെ 9:00 നു ജപമാല സമര്‍പ്പണത്തോടെ ആരംഭിക്കുന്ന കണ്‍വെന്‍ഷന്‍ ശുശ്രുഷകള്‍ വൈകുന്നേരം 5:00 മണിക്ക് സമാപിക്കും. തിരുവചന ശുശ്രുഷ പൂര്‍ണ്ണമായി അനുഭവം ആകുവാന്‍ വിപുലമായ സജ്ജീകരണങ്ങളോടുകൂടിയ വിസ്തൃതമായ ഹാളില്‍ തത്സമയ സംപ്രേഷണം ബിഗ് സ്‌ക്രീനില്‍ പ്രദര്‍ശിപ്പിക്കുന്നതുമാണ്.

ലണ്ടനിലെ അഭിഷേകാഗ്‌നി കണ്‍വെന്‍ഷന്‍ ഉപവാസ ശുശ്രുഷയായി നടത്തപ്പെടുന്നതിനാല്‍ ഭക്ഷണം ആവശ്യം ഉള്ളവര്‍ തങ്ങളുടെ കൈവശം പാക് ലഞ്ച് കരുതേണ്ടതാണ്.

കണ്‍വെന്‍ഷന്‍ സെന്ററിലേക്ക് വാഹനങ്ങളില്‍എത്തുന്നവര്‍ ഹാരോ ലെഷര്‍ സെന്റര്‍ പാര്‍ക്കിങിലോ, സമീപത്തുള്ള കൗണ്‍സില്‍ കാര്‍ പാര്‍ക്കിലോ വ്യവസ്ഥകള്‍ പാലിച്ചു പാര്‍ക്ക് ചെയ്യാവുന്നതാണ്.

ബസ്സുകളില്‍ വരുന്നവര്‍ക്ക് ഒ9, ഒ10 ബസ്സുകള്‍ പിടിച്ചാല്‍ ലെഷര്‍ സെന്ററിന്റെ മുന്നില്‍ വന്നിറങ്ങാവുന്നതാണ്. പബ്ലിക് ട്രാന്‍സ്‌പോര്‍ട്ടുപയോഗിച്ച് ഹാരോയില്‍ വന്നിറങ്ങുന്നവര്‍ അറ്റാച്ഡ് റൂട്ട് മാപ് ഉപയോഗിക്കുവാന്‍ താല്പര്യപ്പെടുന്നു.

തിരുവചനത്തിലായിരിക്കുവാനും, ഈശ്വര സാന്നിദ്ധ്യം അനുഭവിക്കുവാനും പരിശുദ്ധാല്മാവ് സമ്മാനമായി നല്‍കുന്ന ഈ നല്ല അവസരം പ്രയോജനപ്പെടുത്തുവാനും, വരദാനങ്ങളും, അത്ഭുത രോഗ ശാന്തികളും കരസ്തമാക്കുവാനും പ്രയോജനകരമായ ബൈബിള്‍ കണ്‍വെന്‍ഷനിലേക്കു ഏവരെയും സസ്‌നേഹം സ്വാഗതം ചെയ്യുന്നതായി മോണ്‍സിഞ്ഞോര്‍ ഫാ.തോമസ് പാറയടിയില്‍, കണ്‍വീനര്‍ ഫാ.ജോസ് അന്ത്യാംകുളം, ചാപ്ലൈന്മാരായ ഫാ.സെബാസ്റ്റ്യന്‍ ചാമക്കാല, ഫാ ഹാന്‍സ് പുതിയകുളങ്ങര എന്നിവര്‍ അറിയിച്ചു.

കൂടുതല്‍ വിവരങ്ങള്‍ക്ക്:

ഷാജി വാട്ഫോര്‍ഡ് : 07737702264;
തോമസ് ആന്റണി: 07903867625
ജോമോന്‍ ഹെയര്‍ഫീല്‍ഡ്:07804691069

Harrow Leisure Centre, Christchurch Avenue,
Harrow, HA3 5BD

അപ്പച്ചന്‍ കണ്ണഞ്ചിറ

മാഞ്ചസ്റ്ററില്‍ നടക്കുന്ന അഭിഷേകാഗ്‌നി കണ്‍വെന്‍ഷനു വേണ്ടി വിപുലമായ ആത്മീയ ഒരുക്കങ്ങളാണ് നടന്നു വരുന്നത്. ഈ കണ്‍വെന്‍ഷനു വേണ്ടി നിരവധി സ്ഥലങ്ങളില്‍ പ്രത്യേക മദ്ധ്യസ്ഥ പ്രാര്‍ത്ഥനകള്‍ നടന്നു വരുന്നു. ലോകത്തിന്റെ നാനാഭാഗങ്ങളില്‍ നടന്നുവരുന്ന അഭിഷേകാഗ്‌നി കണ്‍വെന്‍ഷനിലൂടെ ധാരാളം അത്ഭുതങ്ങളും, അടയാളങ്ങളും, രോഗശാന്തികളുമാണ് അനുദിനം സംഭവിച്ചുകൊണ്ടിരിക്കുന്നത്. മാഞ്ചെസ്റ്ററില്‍ നടക്കുന്ന അഭിഷേകാഗ്‌നി കണ്‍വെന്‍ഷനിലേക്കു ഗ്രേറ്റ് ബ്രിട്ടണ്‍ രൂപത എല്ലാവരെയും യേശു നാമത്തില്‍ ക്ഷണിക്കുന്നു.

മാഞ്ചെസ്റ്റര്‍ അഭിഷേകാഗ്‌നി കണ്‍വെന്‍ഷന്‍ 2018: അറിഞ്ഞിരിക്കേണ്ട കാര്യങ്ങള്‍

1. നവംബര്‍ 3 ശനിയാഴ്ച്ച രാവിലെ 9 മണി മുതല്‍ വൈകുന്നേരം 5 മണി വരെയായിരിക്കും ശുശ്രൂഷകള്‍ നടക്കുക.

2. കുട്ടികള്‍ക്കും മുതിര്‍ന്നവര്‍ക്കും പ്രത്യേകം ശുശ്രൂഷകള്‍ നടത്തപ്പെടും.

3. കുട്ടികള്‍ക്കുള്ള ശുശ്രൂഷയില്‍ പങ്കെടുക്കുന്നവര്‍ അവരുടെ ഉച്ചഭക്ഷണം (Packed Lunch) കരുതിയിരിക്കണം.

4. കുട്ടികള്‍ക്കും മുതിര്‍ന്നവര്‍ക്കുമുള്ള കണ്‍വെന്‍ഷന്‍ ഹാളിന്റെ അഡ്രസ്: BEC Arena, Longbridge Road, Trafford Park, Manchester, M17 1SN.

5. കണ്‍വെന്‍ഷന്‍ ഹാളിനോട് ചേര്‍ന്ന് പാര്‍ക്കിംഗ് സൗകര്യം ലഭ്യമായിരിക്കും.

6. കണ്‍വെന്‍ഷന്‍ ദിവസം BEC Arena ക്രമീകരിക്കുന്ന Food Stall-ല്‍ നിന്നും മിതമായ നിരക്കില്‍ ഭക്ഷണം ലഭ്യമായിരിക്കും.

7. കണ്‍വെന്‍ഷനോട് അനുബന്ധിച്ചു വിശുദ്ധ കുര്‍ബ്ബാനയും, കുമ്പസ്സാരത്തിനും കൗണ്‍സിലിംഗിനുമുള്ള സൗകര്യവും ഉണ്ടായിരിക്കും.

മാഞ്ചസ്റ്റര്‍: ഗ്രേറ്റ് ബ്രിട്ടണ്‍ രൂപത മാഞ്ചസ്റ്റര്‍ റീജിയണ്‍ ബൈബിള്‍ കണ്‍വെന്‍ഷനായുള്ള ഒരുക്കങ്ങള്‍ പൂര്‍ത്തിയായി. ലോക സുവിശേഷവത്ക്കരണം മലയാളികളിലൂടെ എന്ന അലിഖിത വചനത്തെ അന്വര്‍ത്ഥമാക്കിക്കൊണ്ട് സീറോ മലബാര്‍ സഭയ്ക്ക് പ്രത്യേക ദൈവിക പദ്ധതിയുടെ ഭാഗമായി ഗ്രേറ്റ് ബ്രിട്ടണില്‍ സ്ഥാപിതമായ രൂപതയുടെ രണ്ടാമത് ബൈബിള്‍ കണ്‍വെന്‍ഷനായി മാഞ്ചസ്റ്ററില്‍ വന്‍ ഒരുക്കങ്ങളാണ് നടക്കുന്നത്. ലോക പ്രശസ്ത വചന പ്രഘോഷകനും സെഹിയോന്‍ മിനിസ്ട്രീസ് സ്ഥാപകനും അഭിഷേകാഗ്‌നി മിനിസ്ട്രീസ് ഡയറക്ടറുമായ റവ. ഫാ. സേവ്യര്‍ ഖാന്‍ വട്ടായില്‍ നയിക്കുന്ന കണ്‍വെന്‍ഷന്‍ നാളെ നടക്കും. ബിഷപ്പ് മാര്‍. ജോസഫ് സ്രാമ്പിക്കല്‍ കണ്‍വെന്‍ഷന്‍ ഉദ്ഘാടനം ചെയ്ത് തിരുക്കര്‍മ്മങ്ങള്‍ക്ക് നേതൃത്വം നല്‍കും.

രൂപത വികാരി ജനറാള്‍ റവ.ഫാ.സജി മലയില്‍പുത്തന്‍പുരയുടെ നേതൃത്വത്തില്‍ വിവിധ മാസ് സെന്ററുകളില്‍ നിന്നും തെരഞ്ഞെടുക്കപ്പെട്ടവരുള്‍പ്പെടുന്ന വിപുലമായ സംഘാടകസമിതി ചാപ്ലയിന്‍മാരായ ഫാ.ജോസ് അഞ്ചാനി, ഫാ. മാത്യു മുളയോലില്‍ ഫാ. ബിജു കുന്നക്കാട്ട്, ഡീക്കന്‍ അനില്‍ ലൂക്കോസ് എന്നിവര്‍ക്കൊപ്പം വിപുലമായ ഒരുക്കങ്ങളാണ് നടത്തിവരുന്നത്.
വിവിധ മാസ് സെന്ററുകള്‍ കേന്ദ്രീകരിച്ച് പ്രത്യേക കുരിശിന്റെ വഴി, ജപമാല, ദിവ്യകാരുണ്യ ആരാധനകള്‍ എന്നിവ നടന്നുവരുന്നു. കണ്‍വെന്‍ഷന്റെ ആത്മീയ വിജയത്തിനായുള്ള പ്രത്യേക പ്രാര്‍ത്ഥന ഓരോ കുടുംബങ്ങളിലും നടക്കുന്നു.

സഭ യേശുവാണെന്ന് ഉറക്കെ പ്രഖ്യാപിച്ചുകൊണ്ട് ലോകത്തിന്റെ നാനാഭാഗങ്ങളില്‍ നടന്നുവരുന്ന അഭിഷേകാഗ്‌നി കണ്‍വെന്‍ഷനിലൂടെ ധാരാളം അത്ഭുതങ്ങളും, അടയാളങ്ങളും, രോഗശാന്തികളുമാണ് അനുദിനം സംഭവിച്ചുകൊണ്ടിരിക്കുന്നത്. നാളെ നവംബര്‍ 3ന് ശനിയാഴ്ച രാവിലെ 9 മുതല്‍ വൈകുന്നേരം 5 വരെയായിരിക്കും ശുശ്രൂഷകള്‍ നടത്തപ്പെടുക. അന്നേ ദിവസം സ്‌കൂള്‍ അവധി ദിനമായതിനാല്‍ മുതിര്‍ന്നവര്‍ക്കും കുട്ടികള്‍ക്കും ഒന്നുപോലെ കണ്‍വെന്‍ഷനില്‍ പങ്കെടുത്ത് ദൈവത്തിന്റെ അനുഗ്രഹം സ്വീകരിക്കുവാന്‍ സാധിക്കും.

ഫാ. സേവ്യര്‍ഖാന്‍ വട്ടായില്‍ നേതൃത്വം നല്‍കുന്ന അഭിഷേകാഗ്‌നി കണ്‍വെന്‍ഷന്‍ നടക്കുന്ന സ്ഥലങ്ങളിലേക്കെല്ലാം നാനാജാതി മതത്തില്‍പ്പെട്ട പതിനായിരങ്ങളാണ് ഒഴുകിയെത്തുന്നത്. ഇപ്രകാരം ജനസമൂഹം ഒന്നായി ദൈവത്തെ ആരാധിക്കുകയും ദിവ്യബലി അര്‍പ്പിക്കുകയും ചെയ്യുന്നതിനാല്‍ വലിയ അത്ഭുതങ്ങളും രോഗശാന്തികളും ഓരോ കണ്‍വെന്‍ഷനിലും സംഭവിക്കുന്നു.
നവംബര്‍ 3 ന്റെ കണ്‍വെന്‍ഷനിലേക്ക്ഫാ. മലയില്‍ പുത്തന്‍പുരയുടെ നേതൃത്വത്തിലുള്ള റീജിയണല്‍ സംഘാടകസമിതി മുഴുവനാളുകളെയും യേശുനാമത്തില്‍ വീണ്ടും ക്ഷണിക്കുന്നു.

കണ്‍വെന്‍ഷന്‍ സെന്ററിന്റെ വിലാസം;

BEC ARENA
LONG BRIDGE ROAD
TRAFFORD PARK
MANCHESTER
M17 1SN.

കൂടുതല്‍ വിവരങ്ങള്‍ക്ക്

സാജു വര്‍ഗീസ് (ജനറല്‍ കണ്‍വീനര്‍ ): 07809 827074.

ലണ്ടന്‍: ഗ്രേറ്റ് ബ്രിട്ടന്‍ രൂപതയുടെ ആദരണീയനായ അധ്യക്ഷന്‍ മാര്‍ ജോസഫ് സ്രാമ്പിക്കല്‍ പിതാവ് തന്റെ ദൈവീക കര്‍മ്മ പാതയിലെ ദൗത്യമായി ഏറ്റെടുത്തിട്ടുള്ള ‘അജപാലനത്തോടൊപ്പം സുവിശേഷവല്‍ക്കരണം’ എന്ന ദൈവീക പദ്ധതിയുടെ രണ്ടാം ഘട്ട രൂപതാ അഭിഷേകാഗ്‌നി കണ്‍വെന്‍ഷന്‍ ലണ്ടന്‍ കണ്‍വെന്‍ഷനോടെ ഞായറാഴ്ച സമാപിക്കും.

പരിശുദ്ധാത്മ ശുശ്രുഷകളിലെ കാലഘട്ടത്തിലെ ശക്തനായ ധ്യാന ഗുരുവും, തിരുവചനങ്ങളെ അനുഗ്രഹവും, രോഗ ശാന്തിയും അഭിഷേകവുമായി ധ്യാന വേദികളിലേക്ക് ദൈവീക ശക്തിധാരയായി പകരുവാന്‍ കഴിയുന്ന ശുശ്രുഷകനുമായ സേവ്യര്‍ഖാന്‍ വട്ടായില്‍ അച്ചന്‍ ആണ് ലണ്ടന്‍ റീജണല്‍ ബൈബിള്‍ കണ്‍വെന്‍ഷന്‍ നയിക്കുന്നത്.

കുട്ടികള്‍ക്കായുള്ള ആത്മീയ ശുശ്രുഷ സെഹിയോന്‍ യു.കെയുടെ ഡയറക്ടറും പ്രമുഖ ധ്യാന ഗുരുവുമായ ഫാ. സോജി ഓലിക്കലും ടീമും ആണ് നയിക്കുക. രണ്ടു ഗ്രൂപ്പുകളായി അഞ്ചു മുതല്‍ പന്ത്രണ്ടു വയസ്സുവരെയുള്ള കുട്ടികള്‍ക്കായാണ് ശുശ്രുഷകള്‍ ക്രമീകരിക്കുന്നത്. കുമ്പസാരത്തിനും, കൗണ്‍സിലിംഗിനും സൗകര്യം ഉണ്ടായിരിക്കും.

ഹാരോ ലെഷര്‍ സെന്ററില്‍ വെച്ച് നവംബര്‍ 4 ഞായറാഴ്ച രാവിലെ ഒമ്പതു മണിക്ക് ജപമാല സമര്‍പ്പണത്തോടെ ആരംഭിക്കുന്ന അഭിഷേകാഗ്‌നി കണ്‍വെന്‍ഷന്‍ വൈകുന്നേരം അഞ്ചു മണിയോടെ സമാപിക്കും. വെസ്റ്റ്മിന്‍സ്റ്റര്‍, ബ്രെന്റ് വുഡ്, സൗത്താര്‍ക്ക് എന്നീ ചാപ്ലൈന്‍സികളുടെ പരിധിയിലുള്ള സീറോ മലബാര്‍ കുര്‍ബ്ബാന കേന്ദ്രങ്ങളിലെ മുഴുവന്‍ അംഗങ്ങളും, ഇതര റീജണല്‍ കണ്‍വെന്‍ഷനുകളില്‍ പങ്കുചേരുവാന്‍ സാധിക്കാതെ പോയ വിശ്വാസികളും അടക്കം അയ്യായിരത്തില്‍പരം ആളുകള്‍ ഈ ലണ്ടന്‍ തിരുവചന ശുശ്രുഷയില്‍ പങ്കു ചേരും.

നിരവധിയായ പരിശുദ്ധാത്മ കൃപകളും, അനുഗ്രഹങ്ങളും ആവോളം വര്‍ഷിക്കപ്പെടുവാന്‍ അതിശക്തമായ ശുശ്രുഷകള്‍ക്കും, ദൈവീക സാന്നിദ്ധ്യം അനുഭവമാകുന്നതിനും ആയി റീജണിലെ എല്ലാ കുടുംബങ്ങളിലും, പാരീഷുകളിലും, പ്രാര്‍ത്ഥാനാ ഗ്രൂപ്പുകളിലുമായി മാധ്യസ്ഥ പ്രാര്‍ത്ഥനകളും, ജപമാലകളും, ഉപവാസങ്ങളുമായി സഭാ മക്കള്‍ പ്രാര്‍ത്ഥനാ യജ്ഞത്തിലാണ്.

ബസ്സുകളില്‍ വരുന്നവര്‍ക്ക് ഒ9, ഒ10 ബസ്സുകള്‍ പിടിച്ചാല്‍ ലെഷര്‍ സെന്ററിന്റെ മുന്നില്‍ വന്നിറങ്ങാവുന്നതാണ്. ട്രെയിന്‍ മാര്‍ഗ്ഗം ഹാരോയിലോ വീല്‍സ്റ്റോണ്‍ സ്റ്റേഷനുകളിലോ വന്നിറങ്ങുന്നവര്‍ ഇതോടൊപ്പം കൊടുത്തിരിക്കുന്ന റൂട്ട് മാപ്പ് പാലിക്കണമെന്നും അഭ്യര്‍ത്ഥിക്കുന്നു. ട്രെയിന്‍ ഗതാഗതം മുന്‍ക്കൂട്ടിത്തന്നെ  ഉറപ്പിക്കേണ്ടതാണ്.

വാഹനങ്ങള്‍ പാര്‍ക്ക് ചെയ്യുവാന്‍ ലെഷര്‍ സെന്ററിലും, സമീപത്തുമായി പേ പാര്‍ക്കിങ് സൗകര്യങ്ങളാണുള്ളത്. ഉപവാസ ശുശ്രുഷയായി ക്രമീകരിച്ചിരിക്കുന്നതിനാല്‍ ആവശ്യം ഉള്ളവര്‍ ഭക്ഷണം കയ്യില്‍ കരുത്തേണ്ടതാണ്.

പരിശുദ്ധാത്മ കൃപാശക്തിയും അനുഗ്രഹങ്ങളും പ്രാപിക്കുവാനായി നടക്കുന്ന ലണ്ടന്‍ കണ്‍വെന്‍ഷനിലേക്കു ഏവരെയും സ്‌നേഹപൂര്‍വ്വം സ്വാഗതം ചെയ്യുന്നതായി വികാരി ജനറാള്‍ ഫാ.തോമസ് പാറയടി, കണ്‍വീനര്‍ ഫാ.ജോസ് അന്ത്യാംകുളം, ഫാ.സെബാസ്റ്റിയന്‍ ചാമക്കാലായില്‍, കണ്‍വീനര്‍ ഫാ.ജോസ് അന്ത്യാംകുളം, ഫാ.ഹാന്‍സ് പുതിയകുളങ്ങര എന്നിവരും, കണ്‍വെന്‍ഷന്‍ സംഘാടക സമിതിയും അറിയിച്ചു.

കൂടുതല്‍ വിവരങ്ങള്‍ക്ക്.

ഷാജി വാട്ഫോര്‍ഡ്: 07737702264;
തോമസ് ആന്റണി: 07903867625
ജോമോന്‍ ഹെയര്‍ഫീല്‍ഡ്: 07804691069

Harrow Leisure Centre, Christchurch Avenue,
Harrow, HA3 5BD

കവെൻട്രി: കരിപ്പായയില്‍ മുട്ടുകുത്തി കൊന്തചെല്ലാത്ത കത്തോലിക്ക കുടുംബങ്ങള്‍ ഇന്നും അപൂര്‍വമായിരിക്കും കേരളത്തിൽ… പ്രത്യേകിച്ച് പ്രവാസജീവിതത്തിൽ. ടി.വി., മൊബൈല്‍, ഇന്റര്‍നെറ്റ്, കമ്പ്യൂട്ടര്‍ തുടങ്ങിയ സംവിധാനങ്ങളൊന്നും ഇല്ലാതിരുന്ന കാലത്ത് ഭക്തിയും അതിനോടു ചേര്‍ന്ന ചടങ്ങുകളും തന്നെയായിരുന്നു വിനോദ ഉപാധിയും ആശയ വിനിമയവേദിയും. വിടുകളിലെ കൊന്ത എത്തിക്കല്‍ അപ്രകാരം ഒരു കൂടിച്ചേരല്‍ കൂടിയായിരുന്നു. കാര്‍ഷിക സംസ്‌കാരത്തില്‍ ജീവിച്ച നാം സന്ധ്യയായാല്‍ വീടുകളില്‍ എത്തിച്ചേരുക സ്വാഭാവികമായിരുന്നു. കുടുംബാംഗങ്ങൾ എല്ലാവരും കൂടിയിരുന്ന് ചൊല്ലിയിരുന്ന പ്രാർത്ഥന.

വളര്‍ച്ചയെത്തിയ രണ്ടു മനുഷ്യരില്‍ നിന്നാണ് (ആദവും ഹവ്വയും) പഴയ ലോകം, പഴയ നിയമം ഉണ്ടായതെങ്കില്‍ ഒരു അമ്മയും കുഞ്ഞും കൂടിയാണ് പുതിയ ലോകത്തെ, പുതിയ നിയമത്തെ നിര്‍മ്മിച്ചത്. പുതിയ നിയമം പണിയപ്പെട്ടത് അമ്മയും കുഞ്ഞും തമ്മിലുള്ള സ്‌നേഹവാത്സല്യ ബന്ധത്തിലാണ്. പൊക്കിള്‍കൊടി ബന്ധത്തിലാണ്. ഒന്നിന്റെ തുടര്‍ച്ചയാണ് മറ്റൊന്ന് എന്ന യാഥാര്‍ത്ഥ്യമാണത്. കൊന്ത ഒരു പൊക്കിള്‍ക്കൊടിയാണ്. മനുഷ്യനെയും ദൈവത്തെയും ബന്ധിപ്പിച്ചു നിര്‍ത്തുന്ന ജൈവഘടകം. അതുകൊണ്ടാണ് അത് കയ്യിലെടുക്കുന്നവരൊക്കെ തങ്ങള്‍ ഒറ്റക്കല്ല; അമ്മയോടൊപ്പമാണ്, ദൈവത്തോടൊപ്പമാണ് എന്ന് ധൈര്യപ്പെടുന്നത്. വെറും ഒരു അനുഷ്ഠാനം പോലെ കൊന്ത ഉരുവിടുമ്പോള്‍ പോലും ആ ലുത്തിനിയ നമ്മെ മറ്റൊരാളാക്കി മാറ്റുന്നുണ്ട്. ധൈര്യപ്പെടുത്തുന്നുണ്ട്. ലോകത്തിലെ ഏറ്റവും മനോഹരമായ കവിതയാണ് മറിയത്തെക്കുറിച്ചുള്ള ലുത്തിനിയ എന്ന് തിരിച്ചറിയുക.

നാടും വീടും വിട്ട് പ്രവാസിയാകുമ്പോൾ പലതും അന്യമാകുക സർവ്വസാധാരണമാണ്. എന്നാൽ എന്റെ കുട്ടികൾ എല്ലാവരും വിശ്വാസമുള്ളവരായിരിക്കണം എന്ന ഒരു തീരുമാനത്തിലാണ് നമ്മൾ പ്രവാസികൾ. എല്ലാ തിരക്കുകൾക്കിടയിലും യൂണിറ്റ് തലത്തിൽ പ്രാർത്ഥനകൾ സംഘടിപ്പിക്കുന്നതിൽ നാം സമയം കണ്ടെത്തുന്നു. കാരണം ഇന്നേക്കല്ല മറിച്ചു നാളേക്കുള്ള നമ്മുടെ കുട്ടികളെ കുറിച്ചുള്ള കരുതൽ ആണ് ഈ പ്രാർത്ഥനകൾ.  ആ കരുതൽ ആണ് ഈ വർഷത്തെ ഒക്റ്റോബർ കൊന്തമാസാചരണത്തോടെപ്പം ഹാല്ലോവീനെ ഹേളീവിനാക്കി സെന്റ് അൽഫോൻസാ യൂണിറ്റ് അംഗങ്ങളും കുട്ടികളും ചേർന്ന് ഒരു ആഘോഷമാക്കി യുണിറ്റ് പ്രസിഡന്റ് ശ്രീ സാജു പള്ളിപ്പാടന്റെ ഭവനത്തിൽ വച്ച് ആഘോഷിച്ചത്.

കുട്ടികൾ എല്ലാവരും വെള്ള ഉടുപ്പ് ധരിച്ചും ചിലർ മാലാഖാമാരായും, മറ്റുചിലർ മാതാവായും, ഔസേപ്പിതാവായും വേഷം ധരിച്ചാണ് ഹോളിവീൻ ആഘോഷത്തിനെത്തിയത്. മാസാവസാന കൊന്തക്ക് ശേഷം കുട്ടികൾക്ക് ഹാലോവിന്റെ ചരിത്രത്തെകുറിച്ചും ഹാലോവീൻ ഹോളീവിനാക്കി മാറ്റി  ആഘോഷിക്കേണ്ടതിന്റെ ആവശ്യകതയേയും കുറിച്ച് സെന്റ് അൽഫോൻസാ യുണിറ്റിന്റെ മുൻ പ്രസിഡന്റ് ശ്രീ ഷിൻസൺ മാത്യു കുട്ടികൾക്ക് ക്ളാസ്സ് എടുത്തു.

ആഘോഷങ്ങൾക്ക് ശേഷം എല്ലാവരും സ്നേഹവിരുന്നിൽ പങ്കെടുക്കുകയും മധുരം പങ്ക് വച്ചും  ആണ് പിരിഞ്ഞത്.

സണ്ണി ജോസഫ് രാഗമാലിക

യു.കെയിലെ ക്‌നാനയ സമുദായം ഏറെക്കാലമായി ആഗ്രഹിച്ചിരുന്നതും ഈ വര്‍ഷം അധികാരത്തിലേറിയ സെന്‍ട്രല്‍ കമ്മറ്റിയുടെ വ്യാപിത ലക്ഷ്യങ്ങളിലൊന്നുമായി ക്‌നാനയ സമുദായ ചരിത്ര പഠനത്തിന് പ്രാരംഭം കുറിച്ചു. നവംബര്‍ 3-ാം തിയതി വൈകുന്നേരം മൂന്ന് മണിക്കായിരിക്കും യു.കെ.കെ.സി.എ പ്രസിഡന്റ് ശ്രീ. തോമസ് ജോസഫ് തിരിതിളിച്ച് ഉദാഘാടനം നിര്‍വ്വഹിക്കുന്നത്. തദവസരത്തില്‍ ബര്‍മിംഗ്ഹാം ക്‌നാനായ മിഷനിലേക്ക് പുതുതായി വന്ന റവ. ഫാ. ഷന്‍ജു കൊച്ചു പറമ്പില്‍ അനുഗ്രഹ പ്രഭാഷണം നടത്തും. യു.കെയിലുടനീളമുള്ള യു.കെ.കെ.സി.എയുടെ യൂണിറ്റുകളില്‍ നിന്നും സന്നദ്ധരായി മുന്നോട്ടുവന്നിട്ടുള്ള 20 ഓളം പാഠ്യ, പാഠ്യേതര വിഷയങ്ങളില്‍ പ്രാവീണ്യം നേടിയിട്ടുള്ളവര്‍ക്ക് സമഗ്രമായ ഒരു പരിശീലനം തദസവരത്തില്‍ നടത്തപ്പെടുന്നതായിരിക്കും.

കോട്ടയം അതിരൂപതയുടെ ആധികാരിക ഗ്രന്ഥങ്ങളുടെ അടിസ്ഥാനത്തിലായിരിക്കും ഈ ഡിജിറ്റല്‍ എജ്യുക്കേഷണല്‍ പ്രോഗ്രാമിന് രൂപം കൊടുക്കുക. ‘Each them Young’ എന്ന രീതിയില്‍ വരും തലമുറയ്ക്ക് ക്‌നാനായ ചരിത്രം പകര്‍ന്നു നല്‍കുകയ വഴി അവരെ സഭയോടും സമുദായത്തോടും ചേര്‍ത്തു നിര്‍ത്തുന്നതിനാണ് ഈ പ്രോഗ്രാം വഴി ലക്ഷ്യവെക്കുന്നത്. ഈ വര്‍ഷത്തെ ആദ്യ നാഷണല്‍ കൗണ്‍സിലിന്റെ തീരുമാനപ്രകാരം ശ്രീ. ജിമ്മി ചെറിയാനും ശ്രീ. ബോബന്‍ ഇലവുങ്കലുമായിരിക്കും ഇതിന്റെ കോഡിനേഷന്‍ നിര്‍വ്വഹിക്കുക. സെന്‍ട്രല്‍ കമ്മറ്റിയില്‍ നിന്നും ജോയിന്റ് സെക്രട്ടറി ശ്രീ. സണ്ണി ജോസഫിന്റെ നേതൃത്വത്തിലായിരിക്കും ഇതിന്റെ പ്രവര്‍ത്തനം ഏകോപിപ്പിക്കുന്നത്. ഇതോടെ ഈ ടീം എല്ലാ യൂണിറ്റുകളിലും മുന്‍ഗണനാക്രമത്തില്‍ ക്ലാസുകളെടുക്കാന്‍ സുസജ്ജമായി മാറും.

ഫാ. ബിജു കുന്നയ്ക്കാട്ട്

സ്‌കന്ദോര്‍പ്പ്: ഞായറാഴ്ച നടന്ന മാഞ്ചസ്റ്റര്‍ റീജിയണ്‍ ബൈബിള്‍ കലോത്സവത്തോടുകൂടി, ഗ്രേറ്റ് ബ്രിട്ടണ്‍ സീറോ മലബാര്‍ രൂപതയുടെ രണ്ടാം ബൈബിള്‍ കലോത്സവത്തിന്റെ പ്രാഥമിക ഘട്ടം പൂര്‍ത്തിയായി. രൂപതയുടെ എട്ടു റീജിയനുകളിലെ മത്സരവിജയികള്‍ നവംബര്‍ പത്തിന് ബ്രിസ്റ്റോളില്‍ നടക്കുന്ന രൂപതാ തല മത്സരങ്ങളില്‍ മാറ്റുരക്കും. കഴിഞ്ഞ വര്‍ഷത്തേക്കാള്‍ കൂടുതല്‍ പങ്കാളിത്തവും മത്സരമികവും കൊണ്ട് ഈ വര്‍ഷത്തെ മത്സരങ്ങള്‍ ശ്രദ്ധിക്കപ്പെട്ടു. രൂപത തല മത്സരങ്ങളില്‍ വിജയികളാകുന്നവര്‍ക്കു രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ സമ്മാനങ്ങള്‍ വിതരണം ചെയ്യും.

റീജിയണല്‍ തല മത്സരങ്ങളില്‍, ഒടുവില്‍ നടന്ന മാഞ്ചസ്റ്റര്‍ റീജിയന്‍ കലോത്സവം വര്‍ണാഭമായി. റീജിയണിലെ മിക്ക വി. കുര്‍ബാന കേന്ദ്രങ്ങളില്‍ നിന്നും നിരവധി മത്സരാര്‍ത്ഥികള്‍ പങ്കെടുത്തു. രാവിലെ നടന്ന വി. കുര്‍ബാനക്കും ബൈബിള്‍ പ്രതിഷ്ഠയ്ക്കും റവ. ഫാ. ജോസ് അഞ്ചാനിക്കല്‍ കാര്‍മ്മികത്വം വഹിച്ചു. പ്രഗത്ഭരായ വിധികര്‍ത്താക്കള്‍ മത്സരങ്ങളുടെ മൂല്യനിര്‍ണയം നടത്തി. സമയബന്ധിതമായി നീങ്ങിയ മത്സരങ്ങളും അനുബന്ധ ചടങ്ങുകളും വൈകിട്ട് എട്ടു മണിയോടുകൂടി സമാപിച്ചു. കലാമൂല്യമുള്ള അവതരണങ്ങളിലൂടെ മത്സരാര്‍ത്ഥികള്‍ ആസ്വാദക ശ്രദ്ധ പിടിച്ചു പറ്റി. റവ. ഫാ. ആന്റണി ചുണ്ടെലിക്കാട്ട്, റവ.ഫാ. ജോസ് അഞ്ചാനിക്കല്‍, റവ. ഫാ. ബിജു കുന്നയ്ക്കാട്ട് എന്നിവര്‍ സമ്മാനങ്ങള്‍ വിതരണം ചെയ്തു.

തുടര്‍ച്ചയായ രണ്ടാം വര്‍ഷവും മത്സരത്തിന് ആതിഥ്യമരുളിയ സ്‌കന്ദോര്‍പ്പ് വിശ്വാസസമൂഹം, സംഘാടക മികവിന്റെ പേരില്‍ മുക്തകണ്ഠ പ്രശംസ പിടിച്ചു പറ്റി. ഡയറക്ടര്‍ ഫാ. ബിജു കുന്നയ്ക്കാട്ട്, കണ്‍വീനര്‍ ജിമ്മിച്ചന്‍ ജോര്‍ജ്, ജോ. കണ്‍വീനര്‍ ഡൊമിനിക് സെബാസ്റ്റ്യന്‍, വിവിധ സ്റ്റേജുകളില്‍ ഉത്തരവാദിത്വം വഹിച്ച വിവിധ കമ്മറ്റികള്‍, യൂത്ത് മെംബേര്‍സ്, വളണ്ടിയേഴ്സ് എന്നിവരുടെ നേതൃത്വത്തില്‍ മികച്ച രീതിയില്‍, പരാതികള്‍ക്ക് ഇടനല്‍കാത്ത വിധത്തില്‍ മത്സരങ്ങള്‍ക്കായുള്ള വേദി ക്രമീകരിച്ചു. ആറു വേദികളിലായി നടന്ന മത്സരങ്ങളില്‍ ആശയക്കുഴപ്പമുണ്ടാകാത്ത രീതിയില്‍ തുടര്‍ച്ചയായി മത്സരങ്ങള്‍ പുരോഗമിച്ചു. രാവിലെ മുതല്‍ ഭക്ഷണത്തിനും ലഭിക്കുന്നതിനും സൗകര്യമുണ്ടായിരുന്നു. ഓരോ മണിക്കൂറിലും മത്സരഫലങ്ങള്‍ ഓണ്‍ലൈന്‍ അപ്ഡേഷന്‍ വഴി ലഭ്യമായിരുന്നു. മത്സരത്തില്‍ പങ്കെടുക്കാനെത്തിയ എല്ലാവരും സ്‌കന്ദോര്‍പ്പിന്റെ സംഘാടക മികവിനെ പ്രശംസിച്ചാണ് മടങ്ങിയത്.

റീജിയണല്‍ തല മത്സരങ്ങളില്‍, വ്യക്തിഗത ഇനങ്ങളില്‍ ഒന്നും രണ്ടും മൂന്നും സ്ഥാനങ്ങള്‍ നേടി വിജയികളായവര്‍ക്കും ഗ്രൂപ്പ് ഇനങ്ങളില്‍ ഒന്നാം സ്ഥാനം നേടിയവര്‍ക്കുമാണ് ബ്രിസ്റ്റോളില്‍ നടക്കുന്ന രൂപതാതല മത്സരങ്ങളില്‍ പങ്കെടുക്കാന്‍ അര്‍ഹതയുള്ളത്. കപ്പിള്‍സ് ബൈബിള്‍ ക്വിസ് വ്യക്തിഗത ഇനമായി പരിഗണിക്കുന്നതിനാല്‍ ഒന്നും രണ്ടും മൂന്നും സ്ഥാനങ്ങള്‍ നേടിയവര്‍ക്കും രൂപതാതല മത്സരങ്ങളില്‍ പങ്കെടുക്കാവുന്നതാണ്. ഷോര്‍ട് ഫിലിം മത്സരങ്ങള്‍ക്കുള്ള എന്‍ട്രി സമര്‍പ്പിക്കേണ്ട അവസാന തിയതി ഇന്നാണ്. രൂപതാതല മത്സരങ്ങള്‍ നടക്കുന്ന സ്ഥലത്തിന്റെ വിലാസം: Greenway Centre, Southmead, Bristol, BS10 5PY. എല്ലാ മത്സരാര്‍ഥികള്‍ക്കും പ്രാര്‍ത്ഥനാപൂര്‍വ്വം വിജയാശംസകള്‍.

സീറോ മലബാര്‍ സഭ ഗ്രേറ്റ് ബ്രിട്ടന്‍ രൂപത ഒരുക്കുന്ന രണ്ടാമത് അഭിഷേകാഗ്‌നി ബൈബിള്‍ കണ്‍വെന്‍ഷന്റെ സമാപനം ലണ്ടന്‍ റീജിയണിലാണ് നടക്കുന്നത്. വിശ്വപ്രശസ്ത തിരുവചന പ്രഘോഷകനും സെഹിയോന്‍ മിനിസ്ട്രീസിന്റെ ഡയക്ടറുമായ റവ. ഫാ. സേവ്യര്‍ ഖാന്‍ വട്ടായില്‍ നേതൃത്വം നല്‍കുന്ന അഭിഷേകാഗ്‌നി കണ്‍വന്‍ഷന്‍ യു.കെയില്‍ ആത്മീയ അഭിഷേകത്തിന്റെ ദിനങ്ങള്‍ പ്രദാനം ചെയ്യുന്നു.

ലണ്ടന്‍ റീജിയണിലെ സമാപന കണ്‍വെന്‍ഷന്‍ ഒരു വലിയ ആത്മീയ അഭിഷേകമായി മാറുന്നതിനായി ലണ്ടന്‍ റീജിയണിലെ വിവിധ മാസ്സ്‌ല സെന്ററുകളില്‍ പ്രത്യേക പ്രാര്‍ത്ഥനകളും ശുശ്രൂകളും വരും ദിനങ്ങളില്‍ നടക്കുന്നതാണ്.

30ന് ചൊവ്വാഴ്ച-ഹോണ്‍ ചര്‍ച്ചണ്‍
നവംബര്‍ 1 വ്യാഴം-സൗത്തെന്റ് ഓണ്‍ സീ
നവംബര്‍ 2 വെള്ളി- ഈസ്റ്റ്ഹാം
വെള്ളിയാഴ്ച വൈകുന്നേരം 7 മുതല്‍ 10.00 pm വരെ വല്‍ത്താം സ്റ്റോയില്‍ വിശുദ്ധ കുര്‍ബ്ബാന, ജപമാല, പരിശുദ്ധ പരമ ദിവ്യകാരുണ്യ ആരാധന.

ലണ്ടനിലെ ഹാരോ ലിഷര്‍ സെന്ററില്‍ വെച്ച് നവംബര്‍ 4ന് രാവിലെ 9.00 മുതല്‍ വൈകുന്നേരം 5 മണി വരെ നടക്കുന്ന രണ്ടാം അഭിഷേകാഗ്‌നി കണ്‍വന്‍ഷനില്‍ എല്ലാവരും പങ്കെടുക്കുന്നതിനും ആത്മീയമായി ഒരുങ്ങുന്നതിനുമുളള പ്രാര്‍ത്ഥനാ ദിനങ്ങെളാണ് ഈ ആഴ്ചയില്‍ ക്രമീകരിച്ചിരിക്കുന്നതെന്ന് കണ്‍വെന്‍ഷന്‍ കോഓര്‍ഡിനേറ്റര്‍ ഫാ. ജോസ് അന്ത്യാംകുളം MCBS അറിയിച്ചു.