റാംസ്ഗേറ്റ് ഡിവൈന്‍ ധ്യാനകേന്ദ്രത്തില്‍ ബഹു. ജോര്‍ജ് പനയ്ക്കലച്ചനും, ജോസഫ് ഏടാട്ട് അച്ചനും നയിക്കുന്ന (താമസിച്ചുള്ള) ആന്തരിക സൗഖ്യധ്യാനം മലയാളത്തിലുള്ള ധ്യാനം ജൂണ്‍ 16ന് രാവിലെ 8.30ന് തുടങ്ങി ഞായര്‍ വൈകുന്നേരം 4.30ന് സമാപിക്കുന്നു. താമസ സൗകര്യങ്ങളും ഭക്ഷണ ക്രമീകരണങ്ങളും പാര്‍ക്കിംങ്ങ് സൗകര്യവും ധ്യാനകേന്ദ്രത്തില്‍ നിന്നും ചെയ്യുന്നതാണ്. ധ്യാനാവസരത്തില്‍ കുമ്പസാരത്തിനും കൗണ്‍സിലിംഗിനും സൗകര്യം ഉണ്ടായിരിക്കുന്നതാണ്. ദൈവവചനത്താലും വിശുദ്ധ കൂദാശകളാലും സ്തുതി ആരാധനയാലും കഴുകപ്പെട്ട് ദൈവസ്നേഹത്താല്‍ നിറഞ്ഞ് കുടുംബമായി അഭിഷേകം പ്രാപിക്കാന്‍ നിങ്ങളേവരെയും ക്ഷണിക്കുന്നു.
ധ്യാനം നടക്കുന്ന ഡിവൈന്‍ ധ്യാനകേന്ദ്രത്തിന്റെ വിലാസം:
Divine Retreat Centre, St. Augustines Abbey, St. Augustines Road, Ramsgate, Kent – CT 11 9 PA
കൂടുതല്‍ വിവരങ്ങള്‍ക്കും അന്വേഷണങ്ങള്‍ക്കും ബുക്കിംഗിനും ബന്ധപ്പെടുക.
Fr. Joseph Edattu VC, Phone : 07548303824, 01843586904, 0786047817
E mail : [email protected]
ലണ്ടന്‍: സീറോ മലങ്കര കത്തോലിക്കാ സഭ യുകെ റീജിയണല്‍ കണ്വെന്ഷന് 2017 ജൂണ്‍ 17, 18 (ശനി, ഞായര്‍) തീയതികളില്‍ ലിവര്‍പൂളില്‍. രണ്ട് ദിവസങ്ങളിലായി ക്രമീകരിച്ചിരിക്കുന്ന കണ്‍വെന്‍ഷനില്‍ സീറോ മലങ്കര സഭയുടെ തലവനും പിതാവുമായ മേജര്‍ ആര്‍ച്ച് ബിഷപ്പ് കര്‍ദ്ദിനാള്‍ ക്ലീമിസ് കാതോലിക്കാ ബാവ മുഖ്യാതിഥിയായിരിക്കും. കര്‍ദ്ദിനാളിനൊപ്പം ലിവര്‍പൂള്‍ ആര്‍ച്ച് ബിഷപ്പ് മാല്‍ക്കം മക്മഹന്‍, സീറോ മലബാര്‍ ഗ്രേറ്റ് ബ്രിട്ടന്‍ രൂപതാ മെത്രാന്‍ മാര്‍ ജോസഫ് സ്രാമ്പിക്കല്‍ എന്നിവരും സംബന്ധിക്കും. യു.കെയിലുള്ള സീറോ മലങ്കര സഭയുടെ പതിനാല് മിഷനുകളിലെ എല്ലാ കുടുംബങ്ങളെയും പങ്കെടുപ്പിച്ചുകൊണ്ട് ക്രമീകരിച്ചിരിക്കുന്ന കണ്വെന്ഷന് കുടുംബം സഭയിലും സമൂഹത്തിലും എന്ന വിഷയം പഠന വിധേയമാക്കും.
ആദ്യദിനത്തില്‍ കാത്തോലിക്കാ പതാക ഉയര്‍ത്തലോടെ പരിപാടിക്ക് ആരംഭം കുറിക്കും. വിശുദ്ധ കുര്‍ബാനയ്ക്ക് ശേഷം നടക്കുന്ന മാതാപിതാക്കള്‍ക്കായുള്ള സെമിനാറിന് കര്‍ദ്ദിനാള്‍ ക്ലീമിസ് കാതോലിക്കാ ബാവ നേതൃത്വം നല്‍കും. യുവജനങ്ങള്‍ക്കും കുട്ടികള്‍ക്കുമായുള്ള സെമിനാറിന് സെഹിയോന്‍ മിനിസ്ട്രി ടീം നേതൃത്വം നല്‍കും. നാഷണല്‍ ബൈബിള്‍ ക്വിസ്, പാനല്‍ ചര്‍ച്ച ദിവ്യകാരുണ്യ ആരാധന എന്നിവയും തുടര്‍ന്ന് നടക്കും. മ്യൂസിക്കല്‍ വര്‍ഷിപ്പിന് കെയ്റോസ് മിനിസ്ട്രി ടീം അംഗങ്ങളായി ബ്ര. റെജി കൊട്ടാരവും പീറ്റര്‍ ചേരാനെല്ലൂരും നേതൃത്വം നല്‍കും. വിവിധ മിഷന്‍ സെന്ററുകളിലെ കുടുംബാംഗങ്ങള്‍ അവതരിപ്പിക്കുന്ന കലാപരിപാടികളോടെ ആദ്യ ദിനത്തെ പരിപാടികള്‍ പൂര്‍ണ്ണമാകും.
പതിനെട്ടിന് രാവിലെ ഒന്‍പത് മണിക്ക് പ്രേഷിതറാലിയോടെ പരിപാടികള്‍ക്ക് തുടക്കം കുറിക്കും. തുടര്‍ന്ന് കര്‍ദ്ദിനാളിനും പിതാക്കന്‍മാര്‍ക്കും സ്വീകരണം. തുടര്‍ന്ന് നടക്കുന്ന പൊന്തിഫിക്കല്‍ വിശുദ്ധ കുര്‍ബാനയ്ക്ക് കര്‍ദ്ദിനാള്‍ ക്ലീമീസ് കാതോലിക്കാ ബാവ മുഖ്യകാര്‍മ്മികത്വം വഹിക്കും. ആര്‍ച്ച് ബിഷപ്പ് മാല്‍ക്കം, ബിഷപ്പ് മാര്‍ ജോസഫ് സ്രാമ്പിക്കല്‍, വിവിധ വൈദികര്‍ എന്നിവര്‍ സഹകാര്‍മ്മികരാവും. സമാപന സമ്മേളനത്തോടെ നാഷണല്‍ കണ്വെന്ഷന് സമാപനം കുറിക്കും.
ലിവര്‍പൂളിലെ ബ്രോഡ്ഗ്രീന്‍ ഇന്റര്‍നാഷണല്‍ സ്‌കൂളില്‍ പ്രത്യേകം തയ്യാറാക്കിയ വേദിയിലാണ് രണ്ട് ദിവസത്തെ പരിപാടികള്‍ ക്രമീകരിക്കപ്പെടുക. മലങ്കര കാത്തോലിക്കാ സഭയുടെ നാഷണല്‍ കോര്‍ഡിനേറ്റര്‍ ഫാ. തോമസ് മടുക്കമൂട്ടിലിന്റെയും, ചാപ്ലൈന്‍ ഫാ. രഞ്ജിത്ത് മഠത്തിപറമ്പിലിന്റെയും നാഷണല്‍ കൗണ്‍സിലിന്റെയും നേതൃത്വത്തില്‍ കണ്‍വെന്‍ഷനുള്ള ഒരുക്കങ്ങള്‍ പൂര്‍ത്തിയായതായി ഭാരവാഹിത്വം അറിയിച്ചു.
കണ്‍വന്‍ഷന്‍ വേദിയുടെ വിലാസം: മാര്‍ തെയോഫീലോസ് നഗര്‍, BROAD GREEN INTERNATIONAL SCHOOL, HELIERS ROAD, LIVERPOOL, L13 4 DH.
ലിവര്‍പൂളിലെ സെന്റ് ബേസില്‍ മലങ്കര കാത്തലിക് മിഷനാണ്. ഇത്തവണത്തെ നാഷണല്‍ കണ്വെന്ഷന് ആതിഥേയത്വം വഹിക്കുന്നത്.
കൂടുതല്‍ വിവരങ്ങള്‍ക്ക് : 0745992969 വിനോദ് മലയില്‍
07846115431 സുനില്‍ ഫിലിപ്പ്
ഫാ. ബിജു കുന്നയ്ക്കാട്ട് പി.ആര്‍.ഒ
ഗ്ലാസ്ഗോ: പന്തക്കുസ്താദിവസം പരിശുദ്ധാത്മാവിനെ സ്വീകരിച്ച് സുവിശേഷ പ്രഘോഷണത്തിനിറങ്ങിയ ശ്ലീഹന്മാരുടെ അതേ ഉത്തരവാദിത്തം തന്നെയാണ് എല്ലാ ക്രൈസ്തവര്‍ക്കുമുള്ളതെന്ന് ഗ്രേറ്റ് ബ്രിട്ടണ്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍. ഗ്ലാസ്ഗോയിലെ ഹാമില്‍ട്ടണ്‍ സെന്റ് കുത്ത്ബെര്‍ട്ട് ദേവാലയത്തില്‍ നടന്ന അഞ്ചാം ഏകദിന ഒരുക്ക ധ്യാനത്തില്‍ ദിവ്യബലി മധ്യേ വചനസന്ദേശം നല്‍കുകയായിരുന്നു അദ്ദേഹം. ഈ ലോകത്തില്‍ സ്വര്‍ഗ്ഗഭാഗ്യം നേടാനാകുമെന്നും അവസാന വിധിയെക്കുറിച്ച് അവര്‍ക്ക് പേടിക്കേണ്ടതില്ലെന്നും പിതാവ് സന്ദേശത്തില്‍ ഓര്‍മ്മിപ്പിച്ചു.
തിങ്കളാഴ്ച ലോംഗ്സൈറ്റ് സെന്റ് ജോസഫ്സ് ദേവാലയത്തില്‍ വച്ചുനടന്ന മാഞ്ചസ്റ്റര്‍ റീജിയണിന്റെ ഒരുക്ക ധ്യാനത്തിലും നിരവധിയാളുകള്‍ പങ്കെടുത്തു. റവ. ഫാ. സജിമോന്‍ മലയില്‍ പുത്തന്‍പുരയിലിന്റെ നേതൃത്വത്തില്‍ ആതിഥ്യമരുളിയ കണ്‍വെന്‍ഷനില്‍ റവ. ഫാ. സോജി ഓലിക്കല്‍, ബ്രദര്‍ റെജി കൊട്ടാരം എന്നിവര്‍ വചനശുശ്രൂഷ നയിച്ചപ്പോള്‍ പീറ്റര്‍ ചേരാനെല്ലൂരിന്റെ നേതൃത്വത്തിലുള്ള സംഗീത ശുശ്രൂഷയും ദൈവചിന്തകളുണര്‍ത്തി.
ഏകദിന കണ്‍വെന്‍ഷന്റെ ആറാം ദിവസത്തെ ശുശ്രൂഷകള്‍ ഇന്ന് പ്രസ്റ്റണ്‍ റീജിയണില്‍ നടക്കും. പ്രസ്റ്റണ്‍ സെന്റ് അല്‍ഫോന്‍സാ കത്തീഡ്രലില്‍ രാവിലെ 9 മുതല്‍ വൈകിട്ട് 5 വരെയാണ് തിരുക്കര്‍മ്മങ്ങള്‍. പ്രസ്റ്റണ്‍ റീജിയണിനു കീഴിലുള്ള വി. കുര്‍ബാന കേന്ദ്രങ്ങളില്‍ നിന്നു വരുന്ന വിശ്വാസികളെയും വൈദികരെയും സ്വീകരിക്കാന്‍ ഒരുക്കങ്ങളെല്ലാം പൂര്‍ത്തിയായതായി റീജിയണ്‍ പ്രവര്‍ത്തനങ്ങള്‍ക്കു നേതൃത്വം വഹിക്കുന്ന ഗ്രേറ്റ് ബ്രിട്ടണ്‍ രൂപതാ ചാന്‍സലര്‍ റവ. ഡോ. മാത്യൂ പിണക്കാട്ട് അറിയിച്ചു.
മാര്‍ ജോസഫ് സ്രാമ്പിക്കല്‍, റവ. ഫാ. സോജി ഓലിക്കല്‍, റവ. ഫാ. ഫാന്‍സ്വാ പത്തില്‍, ബ്രദര്‍ റെജി കൊട്ടാരം, പീറ്റര്‍ ചേരാനെല്ലൂര്‍ തുടങ്ങിയവര്‍ ശുശ്രൂഷകള്‍ക്കു നേതൃത്വം നല്‍കും. ഗ്ലാസ്ഗോയില്‍ ഇന്നലെ നടന്ന ഏകദിന കണ്വെന്ഷന് വിജയമാക്കാന്‍ സഹായിച്ച എല്ലാവര്‍ക്കും നന്ദി രേഖപ്പെടുത്തുന്നതായി റീജിയണ്‍ ഇന്‍ – ചാര്‍ജ്ജ് റവ. ഫാ. ജോസഫ് വെമ്പാടുന്തറ അറിയിച്ചു.
ഇന്ന് ധ്യാനം നടക്കുന്ന പ്രസ്റ്റണ്‍ കത്തീഡ്രലിന്റെ അഡ്രസ്സ്: St. Alphonsa of Immaculate Conception Cathedral, St. Ignatious Square, Preston PRI ITT.
ബാബു ജോസഫ്
ഷെഫീല്‍ഡ്: യുകെയിലെ മലയാളി തിരുനാള്‍ ആഘോഷങ്ങളില്‍ പ്രസിദ്ധമായ ഷെഫീല്‍ഡിലെ, വി തോമ്മാശ്ലീഹായുടെയും വി. അല്‍ഫോന്‍സാമ്മയുടെയും സംയുക്ത തിരുനാള്‍, ഭക്തി നിര്‍ഭരമായ തിരുക്കര്‍മങ്ങളോടെ ഇത്തവണ പത്തു ദിവസം ആഘോഷിക്കുന്നു. 2017 ജൂണ്‍ 16 വെള്ളിയാഴ്ച്ച ഷെഫീല്‍ഡ് സെന്റ് പാട്രിക് പള്ളിയില്‍ വി. അല്‍ഫോന്‍സാമ്മയുടെ നൊവേനയോടും ആഘോഷമായ തിരുനാള്‍ കുര്‍ബാനയോടും കൂടി പത്തു ദിവസത്തെ ഭക്തിനിര്‍ഭരമായ തിരുനാള്‍ ആഘോഷങ്ങള്‍ക്ക് തുടക്കമാകും. പ്രധാന തിരുനാള്‍ 25ന് നടക്കും.
തിരുനാളിനോടനുബന്ധിച്ച് ജൂണ്‍ 16 മുതല്‍ 25 വരെ എല്ലാ ദിവസവും വി. കുര്‍ബാനയും നൊവേനയും തുടര്‍ന്ന് സ്നേഹവിരുന്നും സെന്റ് പാട്രിക് പള്ളിയില്‍ നടക്കും. ഷെഫീല്‍ഡില്‍ സീറോ മലബാര്‍ മലയാളം വി. കുര്‍ബാനയും കുട്ടികള്‍ക്ക് വേദപാഠവും ആരംഭിച്ചിട്ട് 2017 ല്‍ പത്തുവര്‍ഷം പൂര്‍ത്തിയാകും. വിവിധ വൈദികര്‍ തിരുനാള്‍ ദിവസങ്ങളില്‍ വിശുദ്ധ കുര്‍ബാനയിലും നൊവേനയിലും കാര്‍മ്മികരാകും. 24ന് വൈകിട്ട് തിരുനാള്‍ കുര്‍ബാനയും നൊവേന സമാപനവും പച്ചോര്‍ നേര്‍ച്ചയും നടക്കും.
25ന് വൈകിട്ട് ആഘോഷമായ തിരുനാള്‍ കുര്‍ബാനയ്ക്കു റവ. ഫാ. ജിന്‍സണ്‍ മുട്ടത്തുകുന്നേല്‍ മുഖ്യ കാര്‍മ്മികത്വം വഹിക്കും. ഫാ. സന്തോഷ് വാഴപ്പള്ളി തിരുനാള്‍ സന്ദേശം നല്‍കും. ഭക്തി നിര്‍ഭരമായ തിരുനാള്‍ പ്രദക്ഷിണം, ബാന്റുമേളം, കരിമരുന്ന്, മാജിക് ഷോ, ഗാനമേള എന്നിവയുണ്ടായിരിക്കും. തുടര്‍ന്ന് സ്‌നേഹവിരുന്നോടുകൂടി രാത്രി 8.30ന് പത്തു ദിവസത്തെ ആഘോഷ പരിപാടികള്‍ സമാപിക്കും.
തിരുനാളിനോടനുബന്ധിച്ചു കുമ്പസരിക്കുന്നതിനും കഴുന്ന് എടുക്കുന്നതിനും അടിമവയ്ക്കുന്നതിനും സൗകര്യമുണ്ടായിരിക്കും. തിരുനാള്‍ തിരുക്കര്‍മ്മങ്ങളില്‍ പങ്കെടുത്ത് വിശുദ്ധരുടെ മാധ്യസ്ഥം തേടി പ്രാര്‍ത്ഥിക്കുവാന്‍ ചാപ്ലയിന്‍ റവ.ഫാ. മാത്യു മുളയോലിലും ഇടവകാ സമൂഹവും എല്ലാവരെയും സ്‌നേഹപൂര്‍വം ക്ഷണിക്കുന്നു…
കൂടുതല്‍ വിവരങ്ങള്‍ക്ക്
ബിജു മാത്യു 07828 283353.
ദേവാലയത്തിന്റെ അഡ്രസ്സ്
ST.PATRICK CATHOLIC CHURCH
851 BARNSLEY ROAD
SHEFFIELD
S5 0QF
സാബു ചുണ്ടക്കാട്ടില്‍
മാഞ്ചസ്റ്റര്‍: യുകെയുടെ മലയാറ്റൂര്‍ എന്ന് പ്രസിദ്ധമായ മാഞ്ചസ്റ്ററില്‍ ഭാരത അപ്പസ്തോലന്‍ മാര്‍ തോമാശ്ളീഹായുടെ ദുക്റാന തിരുന്നാളിന് കൊടിയേറാന്‍ ഇനി രണ്ടാഴ്ച മാത്രം അവശേഷിക്കെ തിരുന്നാള്‍ വിജയത്തിനായുള്ള ഒരുക്കങ്ങള്‍ അവസാന ഘട്ടത്തിലേക്ക് കടന്നതായി വികാരി.റെവ.ഡോ.ലോനപ്പന്‍ അരങ്ങാശേരി അറിയിച്ചു. 25-ാം തിയതി ഞാറാഴ്ചയാണ് ഒരാഴ്ചക്കാലം നീണ്ടുനിക്കുന്ന തിരുന്നാള്‍ ആഘോഷങ്ങള്‍ക്ക് തുടക്കം കുറിക്കുക. തുടര്‍ന്ന് ദിവസവും വൈകുന്നേരം 5 ന് ദിവ്യബലി, മധ്യസ്ഥ പ്രാര്‍ത്ഥന, ലദീഞ്ഞ് എന്നിവ നടക്കും. ജൂലൈ മാസം ഒന്നാം തിയതി ശനിയാഴ്ചയാണ് പ്രധാന തിരുന്നാള്‍.
ഗ്രേറ്റ് ബ്രിട്ടണ്‍ രൂപതാ ബിഷപ്പ് മാര്‍. ജോസഫ് സ്രാമ്പിക്കല്‍ തിരുന്നാള്‍ കുര്‍ബാനയില്‍ മുഖ്യ കാര്‍മ്മികത്വം വഹിക്കും. തുടര്‍ന്ന് തിരുന്നാള്‍ പ്രദക്ഷിണവും, ലദീഞ്ഞും, നേര്‍ച്ച വിതരണവും, സ്നേഹവിരുന്നും നടക്കും.
ഇതേതുടര്‍ന്ന് വിഥിന്‍ഷോ ഫോറം സെന്ററില്‍ മലയാളത്തിന്റെ പ്രശസ്ത പിന്നണി ഗായകന്‍ ജി.വേണുഗോപാല്‍ നയിക്കുന്ന ഗാനമേളക്ക് തുടക്കമാകും. ഐഡിയ സ്റ്റാര്‍സിംഗര്‍ ഡോ.വാണി ഉള്‍പ്പെടെ ഒട്ടേറെ ഗായകര്‍ ശ്രുതിശുദ്ധ സംഗീതവുമായി ഒപ്പം ചേരുമ്പോള്‍ യുകെയിലെ പ്രമുഖ മ്യൂസിക് ബാന്‍ഡായ റെയിന്‍ബോ രാഗാസ് ആണ് ലൈവ് ഓര്‍ക്കസ്ട്ര ഒരുക്കുന്നത്. പത്തിലേറെ സംഗീത ഉപകരണങ്ങളുമായി റെയിന്‍ബോ രാഗാസ് വിസ്മയ വിരുന്നൊരുക്കുമ്പോള്‍ ഫോറം സെന്ററില്‍ തടിച്ചുകൂടുന്ന കാണികള്‍ക്ക് മികച്ച വിരുന്നാകും എന്നതില്‍ സംശയം ഇല്ല.
ഫോറം സെന്ററിലെ സീറ്റുകള്‍ പരിമിതമായതിനാലും ഒപ്പം സുരക്ഷയെയും മുന്‍നിര്‍ത്തി ഗാനമേളക്കുള്ള പ്രവേശനം പാസുകള്‍ മൂലം നിയന്ത്രിക്കുമെന്ന് സംഘാടകര്‍ അറിയിച്ചു. പാസുകള്‍ ആവശ്യമുള്ളവര്‍ ചുവടെ കൊടുത്തിരിക്കുന്ന നമ്പറുകളില്‍ ബന്ധപ്പെടണം. 07877100344,07830524904, 07414842481,07988428996,07809295451.
2015ല്‍ കെജി മാര്‍ക്കോസും 2016 ല്‍ ബിജു നാരായണനും മാഞ്ചസ്റ്റര്‍ തിരുനാളില്‍ സംഗീത വിരുന്നൊരുക്കിയപ്പോള്‍ ഇക്കുറി മലയാളത്തിന്റെ പ്രശസ്ത പിന്നണി ഗായകന്‍ ജി.വേണുഗോപാലിന്റെ മാസ്മരിക വിരുന്നിനായി യുകെ മലയാളികള്‍ കാത്തിരിക്കുകയാണ്.
ജൂണ്‍ മാസം 25-ാം തിയതി ഞാറാഴ്ചയാണ് ഒരാഴ്ചക്കാലം നീണ്ടുനില്‍ക്കുന്ന പ്രസിദ്ധമായ മാഞ്ചസ്റ്റര്‍ ദുക്റാന തിരുന്നാളിന് കൊടിയേറുക. പിന്നീട് ഒരാഴ്ചക്കാലം മാഞ്ചസ്റ്റര്‍ തിരുന്നാള്‍ ലഹരിയില്‍ ആണ്. നാടിന്റഎ നാനാഭാഗങ്ങളില്‍ നിന്നായി ആയിരങ്ങള്‍ ഒത്തുചേരുന്ന യുകെ മലയാളികളുടെ ആത്മീയ ഉത്സവമാണ് മാഞ്ചസ്റ്റര്‍ തിരുന്നാള്‍. ജൂണ്‍ മാസം 25ന് വൈകേന്നേരം 5ന് ഇടവക വികാരി റെവ.ഡോ.ലോനപ്പന്‍ അരങ്ങാശേരിയാണ് തിരുന്നാള്‍ ആഘോഷങ്ങള്‍ക്ക് തുടക്കം കുറിച്ചുള്ള കൊടിയേറ്റ് നടത്തുക. തുടര്‍ന്ന് പ്രസുദേന്തി വാഴ്ചയും, മധ്യസ്ഥ പ്രാര്‍ത്ഥനയും, വിശുദ്ധ കുര്‍ബാനയും നടക്കും. ഇതേത്തുടര്‍ന്ന് ഉത്പന്ന ലേലവും ഉണ്ടായിരിക്കും.
26 തീയതിയിലെ തിരുക്കര്‍മങ്ങളില്‍ ഫാ.തോമസ് തൈക്കൂട്ടത്തിലും, 27 ന് ഫാ.നിക്കോളാസ് കേണ്‍, 28 ന് ഫാ. സജി മലയില്‍പുത്തന്‍പുര, 29 ന് ഫാ.ജിനോ അരീക്കാട്ട്, 30 ന് റെവ.ഡോ തോമസ് പാറയടിയില്‍ എന്നിവരും കാര്‍മ്മികരാകും.
പ്രധാന തിരുന്നാള്‍ ദിനമായ ജൂലൈ ഒന്നാംതീയതി രാവിലെ 10 ന് തിരുന്നാള്‍ തിരുക്കര്‍മ്മങ്ങള്‍ക്ക് തുടക്കമാകും. തിരുന്നാളില്‍ മുഖ്യ കാര്‍മ്മികനാകുവാന്‍ എത്തിച്ചേരുന്ന ഗ്രേറ്റ് ബ്രിട്ടന്‍ രൂപതയുടെ ബിഷപ്പ് മാര്‍.ജോസഫ് സ്രാമ്പിക്കല്‍ പിതാവിനെയും, വൈദിക ശ്രേഷ്ഠരെയും മുത്തുക്കുടകളുടെയും വാദ്യ മേളങ്ങളുടെയും അകമ്പടിയോടെ സെന്റ് ആന്റണീസ് ദേവാലയത്തിലേക്ക് സ്വീകരിച്ചാനയിക്കുന്നതോടെ അത്യാഘോഷപൂര്‍വ്വമായ പൊന്തിഫിക്കല്‍ കുര്‍ബാനക്ക് തുടക്കമാകും. യുകെയുടെ നാനാ ഭാഗങ്ങളില്‍ നിന്നായി ഒട്ടേറെ വൈദികര്‍ ദിവ്യബലിയില്‍ സഹകാര്‍മ്മികരാകും.
ദിവ്യബലിയെ തുടര്‍ന്ന് ഭക്തി നിര്‍ഭരമായ തിരുന്നാള്‍ പ്രദക്ഷിണം നടക്കും. പൊന്‍ -വെള്ളി കുരിശുകളുടെയും, മുത്തുക്കുടകളുടെയും, വാദ്യമേളങ്ങളുടെയും അകമ്പടിയോടെ വിശുദ്ധ തോമാശ്ലീഹായുടെയും വിശുദ്ധ അല്‍ഫോന്‍സയുടെയും തിരുസ്വരൂപങ്ങളും വഹിച്ചുകൊണ്ട് മാഞ്ചസ്റ്ററിന്റെ വീഥികളെ ഭക്തി സാന്ദ്രമാക്കി നടക്കുന്ന തിരുന്നാള്‍ പ്രദക്ഷിണം വിശ്വാസ സമൂഹത്തിനു ആത്മ നിര്‍വൃതിയാണ്. പ്രദക്ഷിണം തിരികെ പള്ളിയില്‍ പ്രവേശിച്ച ശേഷം സമാപന ആശീര്‍വാദവും, പാച്ചോര്‍ നേര്‍ച്ച വിതരണവും, സ്നേഹവിരുന്നും ഉണ്ടായിരിക്കും.
ഇതേ തുടര്‍ന്ന് ഫോറം സെന്ററില്‍ മലയാളത്തിന്റെ പ്രശസ്ത പിന്നണി ഗായകന്‍ ജി.വേണുഗോപാലും ഐഡിയ സ്റ്റാര്‍ സിങ്ങര്‍ ഡോ.വാണിജയറാമും ചേര്‍ന്ന് നയിക്കുന്ന ഗാനമേളക്ക് തുടക്കമാകും. എല്ലാ വര്‍ഷവും ജൂലൈ മാസത്തിലെ ആദ്യ ശനിയാഴ്ചകളിലാണ് മാഞ്ചസ്റ്റര്‍ തിരുന്നാള്‍ നടക്കുന്നത്. യുകെയില്‍ ആദ്യമായി തിരുന്നാള്‍ ആഘോഷങ്ങള്‍ക്ക് തുടക്കം കുറിച്ചതും മാഞ്ചസ്റ്ററില്‍ ആയിരുന്നു. അന്ന് മുതല്‍ രാജ്യത്തിന്റെ പല ഭാഗങ്ങളില്‍ നിന്നായി നാനാ ജാതി മതസ്ഥരായ ആയിരങ്ങള്‍ ഒത്തുചേരുന്ന യുകെമലയാളികളുടെ ആത്മീയ ഉത്സവമായി മാഞ്ചസ്റ്റര്‍ തിരുന്നാള്‍ മാറുകയായിരുന്നു.
ഇടവ വികാരി റെവ.ഡോ.ലോനപ്പന്‍ അരങ്ങാശേരിയുടെ നേതൃത്വത്തില്‍ പ്രവര്‍ത്തിക്കുന്ന വിവിധ കമ്മറ്റികള്‍ തിരുന്നാള്‍ ആഘോഷങ്ങള്‍ക്ക് നേതൃത്വം നല്‍കും. തിരുന്നാള്‍ തിരുക്കര്‍മ്മങ്ങളില്‍ പങ്കെടുത്തു വിശുദ്ധരുടെ അനുഗ്രഹങ്ങള്‍ പ്രാപിക്കുവാന്‍ ഏവരെയും ഇടവക വികാരി റെവ.ഡോ.ലോനപ്പന്‍ അരങ്ങാശേരി സ്വാഗതം ചെയ്യുന്നു.
പള്ളിയുടെ വിലാസം
St Anthony’s Church,
Dunkery Road,
Woodhouse Park,
Manchester.
M22 0WR
പ്രസ്റ്റണ്‍: ഗ്രേറ്റ് ബ്രിട്ടണ്‍ സീറോ മലബാര്‍ രൂപതയുടെ കമ്മീഷന്‍ ഫോര്‍ യൂത്ത് അപ്പസ്തോലേറ്റിന്റെ ചെയര്‍മാനായി ഫാ. സിറിള്‍ എടമന എസ്. ഡി. ബി. യെയും കമ്മീഷന്‍ ഫോര്‍ ഇന്റര്‍നെറ്റ് ഇവാഞ്ചലൈസേഷന്റെ ചെയര്‍മാനായി ഫാ. സാജു ജോണ്‍ മുല്ലശ്ശേരി എസ്. ഡി. ബിയെയും രൂപതാദ്ധ്യക്ഷന്‍ മാര്‍ ജോസഫ് സ്രാമ്പിക്കല്‍ നിയമിച്ചു. കണ്ണൂര്‍ ജില്ലയിലുള്ള തിരൂര്‍ സെന്റ് ഫ്രാന്‍സിസ് ഇടവകയില്‍ 1976 മെയ് 18ന് ജനിച്ച ഫാ. സിറിള്‍ മ്രദാസ് യൂണിവേഴ്സിറ്റിയില്‍ നിന്ന് എംഎസ്ഡബ്യുവും നാഗ്പൂര്‍ യൂണിവേഴ്സിറ്റിയില്‍ നിന്ന് സോഷ്യല്‍ വര്‍ക്കില്‍ എം.ഫില്ലും കരസ്ഥമാക്കിയിട്ടുണ്ട്.
കണ്ണൂര്‍ ജില്ലയിലുള്ള അങ്ങാടിക്കടവ് ഡോണ്‍ ബോസ്‌കോ കോളേജിലെ സോഷ്യല്‍ വര്‍ക്ക് ഡിപ്പാര്‍ട്ട്മെന്റിന്റെ തലവനായി ശുശ്രൂഷ ചെയ്തിട്ടുള്ള അദ്ദേഹം 2009 മുതല്‍ ഗ്രേറ്റ് ബ്രിട്ടണ്‍ സലേഷ്യന്‍ പ്രോവിന്‍സില്‍ വിവിധ സ്‌കൂളുകളില്‍ അധ്യാപകനായും ചാപ്ലെയിനായും ശുശ്രൂഷ ചെയ്തിട്ടുണ്ട്. ഇപ്പോള്‍ മാഞ്ചസ്റ്റര്‍ അടുത്ത് ബോള്ളിംടണിലുള്ള യൂത്ത് ആനിമേഷന്‍ സെന്ററായ സാവിയോ ഹൗസില്‍ ശുശ്രൂഷ ചെയ്യുന്നു.
1974 മാര്‍ച്ച് 20 ാം തീയതി വാഴക്കുളം സെന്റ് ജോര്‍ജ്ജ് ഫോറോനയില്‍ ജനിച്ച ഫാ. സാജു, ഓസ്മാനിയാ യൂണിവേഴ്സിറ്റിയില്‍ നിന്ന് ഇംഗ്ലീഷ് ലിറ്ററേച്ചറില്‍ എംഎയും പോണ്ടിച്ചേരി യൂണിവേഴ്സിറ്റിയില്‍ നിന്ന് ഹ്യൂമന്‍ റിസോഴ്സ് മാനേജ്മെന്റില്‍ എംഎ യും യൂണിവേഴ്സിറ്റി കോളേജ് ഓഫ് ലണ്ടനില്‍ നിന്ന് ഡിജിറ്റല്‍ മീഡിയ മാനേജ്മെന്റില്‍ എംഎയും കരസ്ഥമാക്കിയിട്ടുണ്‍്. റോമിലെ സലേഷ്യന്‍ ജനറലേറ്റില്‍ 2006 മുതല്‍ 2010 വരെ കമ്പ്യൂട്ടര്‍ നെറ്റ്വര്‍ക്കിങ്ങിന്റെ ചുമതല വഹിച്ചിരുന്നു. 2012 മുതല്‍ ലണ്ടനിലെ സെന്റ് ജോണ്‍ ബോസ്‌കോ കോളേജില്‍ അധ്യാപകനായും ചാപ്ലെയിനായും ശുശ്രൂഷ ചെയ്യുന്നു.
ഫാ. ബിജു കുന്നയ്ക്കാട്ട് പി ആര്‍ ഒ
മാഞ്ചസ്റ്റര്‍: ഒക്ടോബറില്‍ നടക്കാനിരിക്കുന്ന ‘ഗ്രേറ്റ് ബ്രിട്ടണ്‍ അഭിഷേകാഗ്നി’ കണ്വെന്ഷന് ഒരുക്കമായി നടന്നുവരുന്ന ‘ഏകദിന ഒരുക്ക ധ്യാനം’ മാഞ്ചസ്റ്റര്‍ റീജിയണില്‍ ഇന്നു നടക്കും. വൈകിട്ട് 5.30 മുതല്‍ 9.30 വരെ നടക്കുന്ന ശുശ്രൂഷകളില്‍ വി. കുര്‍ബാന, വചന പ്രഘോഷണം, ദിവ്യകാരുണ്യ ആരാധന എന്നിവ ഉണ്ടായിരിക്കും. ഗ്രേറ്റ് ബ്രിട്ടണ്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍, റവ. ഫാ. സോജി ഓലിക്കല്‍, ബ്രദര്‍ റെജി കൊട്ടാരം, പീറ്റര്‍ ചേരാനെല്ലൂര്‍ തുടങ്ങിയവര്‍ ശുശ്രൂഷകള്‍ക്ക് നേതൃത്വം നല്‍കും.
പ്രവൃത്തി ദിവസമായതിനാല്‍ കൂടുതല്‍ ആളുകളുടെ സൗകര്യത്തിനായി വൈകുന്നേരത്തേയ്ക്ക് ഒരുക്കിയിരിക്കുന്ന ഈ ഏകദിന കണ്‍വെന്‍ഷനില്‍ മാഞ്ചസ്റ്റര്‍ റീജിയണിനു കീഴില്‍ വരുന്ന വി. കുര്‍ബാന കേന്ദ്രങ്ങളില്‍ നിന്ന് സാധിക്കുന്നവരെയെല്ലാം സംബന്ധിക്കണമെന്ന് മുഖ്യ സംഘാടകനും ഗ്രേറ്റ് ബ്രിട്ടണ്‍ രൂപതാ വികാരി ജനറലുമായ വെരി. റവ. ഫാ. സജിമോന്‍ മലയില്‍ പുത്തന്‍പുരയില്‍ അറിയിച്ചു.
ഫാ. ബിജു കുന്നയ്ക്കാട്ട് പി.ആര്‍.ഒ
ഭൗതിക ജീവിതത്തിലെ തിരക്കുകളും ഉത്തരവാദിത്വങ്ങളും വര്‍ധിക്കുമ്പോഴും ആത്മീയ ജീവിതത്തെ ലാഘവത്തോടെ കാണരുതെന്നും ദൈവിക ഉത്തരവാദിത്വങ്ങള്‍ മറക്കരുതെന്നും ഗ്രേറ്റ് ബ്രിട്ടണ്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ ഓര്‍മ്മിപ്പിച്ചു. ഒക്ടോബറില്‍ നടക്കാനിരിക്കുന്ന ‘ഗ്രേറ്റ് ബ്രിട്ടണ്‍ അഭിഷേകാഗ്നി’ ധ്യാനത്തിന് വിശ്വാസികളെ സജ്ജമാക്കുന്ന ഏകദിന ഒരുക്ക ധ്യാനത്തിന്റെ മൂന്നാം ദിവസം കേംബ്രിഡ്ജ് സെന്റ് ബാപ്റ്റിസ്റ്റ് കത്തീഡ്രല്‍ ദേവാലയത്തില്‍ ദിവ്യബലിയര്‍പ്പിച്ചു വചന സന്ദേശം നല്‍കുകയായിരുന്നു അദ്ദേഹം. സഭയില്‍ പരിശുദ്ധാത്മാവിന്റെ പ്രവര്‍ത്തനങ്ങള്‍ പ്രത്യേകമായി അനുസ്മരിക്കുന്ന ഈ ശ്ലീഹാകാലത്തില്‍ അപ്പസ്‌തോലന്മാരെപ്പോലെ സാക്ഷ്യം വഹിക്കാനും ദൗത്യം നിര്‍വ്വഹിക്കാനും എല്ലാവര്‍ക്കും കടമയുണ്ടെന്നും അദ്ദേഹം പറഞ്ഞു.
ഒരുക്ക ധ്യാനത്തില്‍ വചന പ്രഘോഷണം നടത്തിയ രൂപതാ ന്യൂ ഇവാഞ്ചലൈസേഷന്‍ ഡയറക്ടര്‍ റവ. ഫാ. സോജി ഓലിക്കലും പ്രശസ്ത അല്‍മായ വചന പ്രഘോഷകന്‍ ബ്രദര്‍ റെജി കൊട്ടാരവും ആത്മീയ ജീവിതത്തില്‍ മധ്യസ്ഥ പ്രാര്‍ത്ഥനയുടെ പ്രാധാന്യവും ഫലദായകത്വവും വിശ്വാസികളെ ഓര്‍മ്മിപ്പിച്ചു. അനുഗ്രഹീത ക്രിസ്തീയ ഭക്തിഗാന സംഗീത സംവിധായകന്‍ പീറ്റര്‍ ചേരാനല്ലൂര്‍ നേതൃത്വം നല്‍കിയ സംഗീത ശുശ്രൂഷയും ആത്മീയ ഉണര്‍വേകി. ധ്യാനത്തിന്റെ തുടക്കത്തില്‍ കേംബ്രിഡ്ജ് റീജിയണിന്റെ കോര്‍ഡിനേറ്റര്‍ റവ. ഫാ. ടെറിന്‍ മുല്ലക്കര എല്ലാവര്‍ക്കും സ്വാഗതാമശംസിച്ചു.
നാലാം ഏകദിന ഒരുക്കധ്യാനം തിങ്കളാഴ്ച മാഞ്ചസ്റ്റര്‍ റീജിയണില്‍ നടക്കും. ലോംഗ്സൈറ്റ് സെന്റ് ജോസഫ്സ് ദേവാലയത്തില്‍ നടക്കുന്ന ഏകദിന ധ്യാനം വൈകിട്ട് 5.30 മുതല്‍ 9.30 വരെയായിരിക്കുമെന്ന് മാഞ്ചസ്റ്റര്‍ റീജിയണല്‍ കോര്‍ഡിനേറ്ററും രൂപതാ വികാരി ജനറലുമായ വെരി. റവ. ഫാ. സജിമോന്‍ മലയില്‍ പുത്തന്‍പുരയില്‍ അറിയിച്ചു. (ധ്യാനം നടക്കുന്ന ദേവാലയത്തിന്റെ അഡ്രസ്സ് : St. Joseph Church, Longsight, Manchester, M13 OBU). ദൈവാനുഗ്രഹ സമൃദ്ധി നേടാന്‍ എല്ലാവരെയും യേശുനാമത്തില്‍ സ്‌നേഹപൂര്‍വ്വം സ്വാഗതം ചെയ്യുന്നു.
ബര്‍മിങ്ഹാം:പന്തക്കുസ്താ വാരത്തിലെ രണ്ടാംശനിയാഴ്ച്ച കണ്‍വെന്‍ഷനില്‍ വീണ്ടുമൊരു പന്തക്കുസ്താനുഭവത്തിനായി ബഥേല്‍ ഒരുങ്ങി. ആയിരങ്ങളുടെ പ്രാര്‍ത്ഥനയാല്‍ നയിക്കപ്പെടുന്ന കണ്വെന്ഷന് നാളെ രാവിലെ 8ന് ആരംഭിക്കുമ്പോള്‍, റവ.ഫാ. സോജി ഓലിക്കലിനൊപ്പം ഇത്തവണ അഭിഷേക ശുശ്രൂഷയുമായി വീണ്ടും ഗ്രേറ്റ് ബ്രിട്ടണ്‍ സീറോ മലബാര്‍ രൂപത ബിഷപ്പ് മാര്‍.ജോസഫ് സ്രാമ്പിക്കല്‍, പ്രശസ്ത വചനപ്രഘോഷകനും കാലഘട്ടത്തിന്റെ ദൈവികോപകരണമായിക്കൊണ്ട് അടയാളങ്ങളും അത്ഭുതങ്ങളും സാധ്യമാക്കുവാന്‍ ദൈവം തെരഞ്ഞെടുത്തുപയോഗിച്ചുകൊണ്ടിരിക്കുന്ന വിടുതല്‍ ശുശ്രൂഷകനുമായ ബ്രദര്‍ റെജി കൊട്ടാരം എന്നിവരും വചനവേദിയിലെത്തും.
കണ്‍വെന്‍ഷനെപ്പറ്റിയുള്ള വീഡിയോ കാണാം
അത്ഭുതങ്ങളും അടയാളങ്ങളും ശക്തമായ വിടുതലും രോഗശാന്തിയും മനഃപരിവര്‍ത്തനവുമായി ഈ ദൈവിക ശുശ്രൂഷയില്‍ സംഭവിക്കുമ്പോള്‍, അനേകം വ്യക്തികള്‍ക്കും കുടുംബങ്ങള്‍ക്കും അവ ആശ്വാസമാകുമ്പോള്‍, അത് യൂറോപ്യന്‍ നവസുവിശേഷവത്ക്കരണപാതയില്‍ മുന്നോട്ടുള്ള ചുവടുവയ്പ്പിന് സഹായകമായിത്തീരുന്നു.
അഞ്ചുവയസുമുതല്‍ വിവിധ പ്രായക്കാരായ കുട്ടികള്‍ക്ക് പ്രത്യേക ക്ലാസ്സുകളും അനുബന്ധ ശുശ്രൂഷകളും നടക്കുമ്പോള്‍ യഥാര്‍ത്ഥ ദൈവികസ്വാതന്ത്ര്യം പ്രതിപാദിക്കുന്ന പ്രത്യേക ‘ടീന്‍ റിവൈവല്‍ കണ്വെന്ഷന്’ ഇത്തവണ ടീനേജുകാര്‍ക്കായി നടക്കുന്നു. കുട്ടികള്‍ക്കായി കിങ്ഡം റെവലേറ്റര്‍ മാഗസിന്‍ സൗജന്യമായി കണ്‍വെന്‍ഷനില്‍ വിതരണം ചെയ്യുന്നു.
രാവിലെ മരിയന്‍ റാലിയോടെ തുടങ്ങുന്ന കണ്വെന്ഷന് വൈകിട്ട് 4നു ദിവ്യകാരുണ്യ പ്രദക്ഷിണത്തോടെ സമാപിക്കും. ഏതൊരാള്‍ക്കും മലയാളത്തിലോ ഇംഗ്ലീഷിലോ കുമ്പസാരിക്കുവാനും സ്പിരിച്വല്‍ ഷെയറിങ്ങിനും സൗകര്യമുണ്ടായിരിക്കും. ഇംഗ്ലീഷിലും മലയാളത്തിലുമുള്ള ബൈബിള്‍ മറ്റ് പ്രാര്‍ത്ഥന പുസ്തകങ്ങള്‍, ബുക്കുകള്‍, പ്രാര്‍ത്ഥനാ ഉപകരണങ്ങള്‍ എന്നിവയടങ്ങിയ ‘എല്‍ഷദായ് ‘ സെന്റര്‍ കണ്‍വെന്‍ഷനില്‍ പ്രവര്‍ത്തിക്കുന്നതാണ്. അഭിഷേക നിറവിനാല്‍ വരദാനഫലങ്ങള്‍ വര്‍ഷിക്കപ്പെടുന്ന ഈ അനുഗ്രഹീത ശുശ്രൂഷയിലേക്കു ഫാ. സോജി ഓലിക്കലും സെഹിയോന്‍ കുടുംബവും ഏവരെയും ഒരിക്കല്‍ കൂടി ക്ഷണിക്കുകയും പ്രത്യേക പ്രാര്‍ത്ഥനാസഹായം അപേക്ഷിക്കുകയും ചെയ്യുന്നു.
സ്ഥലം:
ബഥേല്‍ കണ്വെന്ഷന് സെന്റര്‍
കെല്‍വിന്‍ വേ
വെസ്റ്റ് ബ്രോംവിച്ച്
ബര്‍മ്മിംഗ്ഹാം
ആ70 7ഖണ
കൂടുതല്‍ വിവരങ്ങള്‍ക്ക്:
ഷാജി: 07878149670
അനീഷ്: 07760254700
കണ്വെന്ഷന് സെന്ററിലേക്ക് യുകെ യുടെ വിവിധ പ്രദേശങ്ങളില്‍നിന്നും ഏര്‍പ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയുംപറ്റിയുള്ള പൊതുവിവരങ്ങള്‍ക്ക്:
ടോമി ചെമ്പോട്ടിക്കല്‍: 07737935424.
പരിശുദ്ധ അമ്മയോട് ചേര്‍ന്ന് ലോകം മുഴുവന്‍ യേശു ക്രിസ്തുവിന്റെ സുവിശേഷം എത്തിക്കുക എന്ന ലക്ഷ്യത്തോടെ ക്വീന്‍ മേരി മിനിസ്ട്രിയുടെ നേതൃത്വത്തില്‍ അമേരിക്കയില്‍ ആരംഭിച്ച മാധ്യമസംരഭങ്ങളാണ് മരിയന്‍ ടിവിയും മരിയന്‍ ടൈംസ്, മരിയന്‍ വോയ്‌സ്, മരിയന്‍ ഫോക്കസ് എന്നീ പ്രസിദ്ധീകരണങ്ങളും. 2016 ഡിസംബറില്‍ സീറോ മലബാര്‍ ഗ്രേറ്റ് ബ്രിട്ടന്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ രക്ഷാധികാരിയായി മരിയന്‍ ടിവിയും മരിയന്‍ പ്രസിദ്ധീകരണങ്ങളും യുകെയില്‍ ആരംഭം കുറിച്ചു. ദൈവാനുഗ്രഹത്താല്‍ അമേരിക്കയിലെ പോലെ യുകെയിലെ വിശ്വാസികളും ഈ മാധ്യമ സംരംഭങ്ങളെ ഇരു കൈകളും നീട്ടി സ്വീകരിച്ചു. ഇപ്പോള്‍ മരിയന്‍ മാധ്യമങ്ങള്‍ പുതിയ രാജ്യങ്ങളിലേക്ക് വ്യാപിക്കുന്നതിന്റെ സന്തോഷം പ്രിയപ്പെട്ട വായനക്കാരെയും സ്‌നേഹിതരെയും അറിയിക്കുന്നു.
അനുഗ്രഹീതരായ വചനപ്രഘോഷകരുടെ പ്രഭാഷണങ്ങള്‍ മുഴുവന്‍ സമയവും സംപ്രേക്ഷണം ചെയ്യുന്ന 24/7 കത്തോലിക്കാ ചാനലാണ് മരിയന്‍ ടിവി. ആഗോള കത്തോലിക്കാ വാര്‍ത്തകളും ആത്മനിറവേകുന്ന ലേഖനങ്ങളും ഫീച്ചറുകളും ഉള്‍ക്കൊള്ളിച്ച് മാസം തോറും പ്രസിദ്ധീകരിക്കുന്ന സമ്പൂര്‍ണ കത്തോലിക്കാ മലയാളം വാര്‍ത്താപത്രമാണ് മരിയന്‍ ടൈംസ്. ദൈവമാതാവിനെ കുറിച്ചുള്ള ലേഖനങ്ങളും ഫീച്ചറുകളും അനുഭവങ്ങളും ഉള്‍ച്ചേര്‍ത്ത് മാതൃഭക്തി പ്രചരിപ്പിക്കുക എന്ന ലക്ഷ്യത്തോടെ പ്രസിദ്ധീകരിക്കുന്ന മലയാളം മാസികയാണ് മരിയന്‍ വോയ്‌സ്
ജീവിതത്തിന് പ്രകാശം പകരുന്ന ലേഖനങ്ങളും പ്രശസ്തരുടെ വിശ്വാസാനുഭവങ്ങളും മികച്ച ചിന്തകളും ഫീച്ചറുകളുമായെത്തുന്ന സമ്പൂര്‍ണ ഇംഗ്ലീഷ് മാസികയാണ് മരിയന്‍ ഫോക്കസ്. അമേരിക്ക, യൂറോപ്പ്, ആസ്‌ട്രേലിയ എന്നീ ഭൂഖണ്ഡങ്ങളില്‍ മരിയന്‍ പ്രസിദ്ധീകരണങ്ങള്‍ ലഭ്യമാണ്. റോക്കു ഡിവൈസ് വഴി മരിയന്‍ ടിവി ലോകത്തിന്റെ വിവധ ഭാഗങ്ങളില്‍ ഇരുന്ന് കാണാവുന്നതാണ്.
ഐഫോണിലും ഐപാഡിലും ആന്‍ഡ്രോയിഡ് ഫോണിലും മരിയന്‍ ടിവിയുടെ ആപ്ലിക്കേഷന്‍ ഡൗണ്‍ലോഡ് ചെയ്ത് ഉപയോഗിക്കാം. Marian TV World Television എന്ന പേരില്‍ 24/7 ഇംഗ്ലീഷ് ചാനല്‍ ആഗോളപ്രേക്ഷകര്‍ക്കായി ഉടന്‍ പ്രവര്‍ത്തനം ആരംഭിക്കും.
ലോക സുവിശേഷ വല്‍ക്കരണത്തില്‍ പങ്കുചേരാന്‍ മരിയന്‍ ടിവിയെ അനുഗ്രഹിക്കുന്നതിന് ദൈവത്തിന് നന്ദി. ലോകത്തില്‍ എവിടെയും ഇരുന്ന് മരിയന്‍ മിനിസ്ട്രിയോട് ചേര്‍ന്ന് പ്രവര്‍ത്തിക്കാന്‍ താല്പര്യമുള്ളവര്‍ ബന്ധപ്പെടുക.
Marian Ministry, 506 Parlin Street, Philadelphia, PA – 19116 USA, 4 Magnolia Avenue, Exeter, EX2 6 DJ – UK
001 215 971 3319, 0044 789 950 2804
[email protected] , [email protected], www.mariantvworld.org, www.mariantveurope.org
ദിവസവും ആത്മീയാഭിഷേകം ലഭിക്കുന്ന വചനങ്ങളും പ്രാര്‍ത്ഥനകളും ലഭിക്കുവാനും മറ്റുള്ളവരിലേക്ക് പകരുവാനും Share ചെയ്യുവാനും ഞങ്ങളുടെ ഫേസ്ബുക്ക് പേജ് www.facebook.com/marianprayer ലൈക്ക് ചെയ്യുക.
