കാരൂർ സോമൻ
എ​ത്ര ക​ണ്ടാ​ലും ക​ണ്ടാ​ലും മ​തി വ​രി​ല്ല ബക്കിംഗ്ഹാം കൊ​ട്ടാ​രം. രാ​വി​ലെ ത​ന്നെ സെ​ക്യൂ​രി​റ്റി ചെ​ക്കി​ങ് ക​ഴിഞ്ഞ് അ​ക​ത്തേ​ക്കു ക​ട​ന്നു. ഇ​തി​ന​പ്പു​റം ഒ​രു കൊ​ട്ടാ​ര​കാ​ഴ്ച​യി​ല്ല എ​ന്ന് മ​ന​സ്സി​ലാ​ക്കി ത​ന്നെ​യാ​ണ് ആ​ദ്യം ഈ ​കൊ​ട്ടാ​രം കാ​ണാ​ൻ തീ​രു​മാ​നി​ച്ച​ത്. സാ​ധാ​ര​ണ സ​ഞ്ചാ​രി​ക​ളി​ൽ പ​ല​രും ആ​ദ്യം മ​റ്റ് കൊ​ട്ടാ​ര​ങ്ങ​ളും ഒ​ടു​വി​ൽ ബക്കിംഗ്ഹാം കൊ​ട്ടാ​ര​വും കാ​ണു​ന്ന പ​തി​വു​ണ്ട്. ഇ​തു​മാ​ത്രം ക​ണ്ട് മ​ട​ങ്ങു​ന്ന​വ​രു​മു​ണ്ട്. ഭൂ​ത​കാ​ല​ത്തി​ന്‍റെ സ്പ​ന്ദ​ന​ങ്ങ​ൾ, ഹൃ​ദ​യ​ത്തു​ടി​പ്പു​ക​ൾ… അ​ജ്ഞാ​ത​മാ​യ ഒ​രു ലോ​ക​ത്തേ​ക്കാ​ണ് ഇ​വി​ട​ത്തെ കാ​ഴ്ച​ക​ൾ ന​മ്മെ ന​യി​ക്കു​ന്ന​ത്. ആ ​കാ​ഴ്ച​ക​ൾ ഒ​രു ദേ​ശ​ത്തി​ന്‍റെ ദേ​ശീ​യ പൈ​തൃ​ക​വും സ​ന്പ​ത്തു​മാ​ണ്. ഈ ​ന​ക്ഷ​ത്ര​കൊ​ട്ടാ​ര​ങ്ങ​ളി​ലെ ഓ​രോ തൂ​ണി​ലും മ​ര​ത​കക്കല്ലു​ക​ളി​ലും സ്വ​ർ​ണ്ണ​ച്ചാ​മ​ര​ങ്ങ​ളി​ലും എ​ണ്ണു​വാ​നാ​കാ​ത്ത​വി​ധം ക​ണ്ണു​നീ​ർ​മു​ത്തു​ക​ളോ അ​തോ മ​ന്ദ​ഹാ​സ​മോ ഒ​ളി​ഞ്ഞി​രി​ക്കു​ന്നു​ണ്ടാ​വും. ക​ണ്‍​തു​റ​ന്ന് നോ​ക്കു​ന്പോ​ൾ ഇ​തി​നു​ള്ളി​ലെ ദി​വ്യ​സൗ​ന്ദ​ര്യം ആ​ദ​ര​വോ​ടെ കാ​ണു​ന്നു.

ഇ​ൻ​ഡ്യ​യി​ലെ മൈ​സൂ​രി​ലും രാ​ജ​സ്ഥാ​നി​ലും മ​റ്റ് പ​ല പ്ര​ദേ​ശ​ങ്ങ​ളി​ലും ചെ​റു​തും വ​ലു​തു​മാ​യ ധാ​രാ​ളം രാ​ജ​കൊ​ട്ടാ​ര​ങ്ങ​ളു​ണ്ട്. സ്പെ​യി​ൻ മാ​ഡ്രി​ഡി​ലെ റോ​യ​ൽ കൊ​ട്ടാ​രം, ഫ്രാ​ൻ​സി​ലെ ലോ​വ​റി, വെ​ർ​സാ​ലി​സ്, റോ​മി​ലെ ക്വ​യി​റ​ന​ൽ, വി​യ​ന്ന​യി​ലെ ഹോ​ഫ്ബ​ർ​ഗ്, ജ​പ്പാ​ൻ ടോ​ക്കി​യോ​വി​ലെ ഇം​പീ​രി​യ​ൽ , ആം​സ്റ്റ​ർ​ഡാ​മി​ലെ റോ​യ​ൽ കൊ​ട്ടാ​രം തു​ട​ങ്ങി​യ​വ​യൊ​ക്കെ വ്യ​ത്യ​സ്തമാ​യ അ​നു​ഭ​വ​മാ​ണ്. പ​ക്ഷേ, ബ​ക്കിം​ഗ്ഹാം അ​തി​ന്‍റെ ​ത​ന​താ​യ കാ​ഴ്ച​ക​ളാ​ൽ വ്യ​ത്യ​സ്തങ്ങളായി നി​ല്ക്കു​ന്നു.

ലോ​ക​ത്തെ സ​ർ​വ​ദ്വീ​പു​ക​ളും കീ​ഴ​ട​ക്കി​യ ബ്രി​ട്ട​നി​ലെ സ്വ​ർ​ണ്ണ​ദ്വീ​പി​നെ​പ്പോ​ലെ തി​ള​ങ്ങു​ന്ന ബക്കിംഗ്ഹാം കൊ​ട്ടാ​ര​ത്തി​നു മു​ന്നി​ലാ​ണ് ഞാ​ൻ നി​ല്ക്കു​ന്ന​ത്. എ​ണ്ണ​മ​റ്റ കു​തി​ര​പ്പട​യോ​ട്ട​ങ്ങ​ൾ ന​യി​ച്ച രാ​ജ്ഞീ രാ​ജാ​ക്കന്മാ​രു​ടെ പ​ട​ച്ച​ട്ട​ക​ളും അ​ന്ന​ത്തെ യു​ദ്ധ​സാ​മ​ഗ്രി​ക​ളു​മ​ട​ക്ക​മു​ള്ള​വ ഇ​തി​നു​ള്ളി​ൽ തി​ള​ങ്ങി നി​ൽ​ക്കു​ന്നു. ഇ​ത് എ​ല്ലാ കൊ​ട്ടാ​ര​ങ്ങ​ളി​ലും കാ​ണാം. റോ​മ​ൻ സാ​മ്രാ​ജ്യ​ത്തി​ന്‍റെ സു​വ​ർ​ണ്ണ​കാ​ലം പോ​ലെ​യാ​ണ് ബ്രി​ട്ടീ​ഷ് സാ​മ്രാ​ജ്യ​ത്തി​ന്‍റെ സു​വ​ർ​ണ്ണ​കാ​ലം. ബി.​സി​യി​ൽ റോ​മ​ൻ ച​ക്ര​വ​ർ​ത്തി​യാ​യി​രു​ന്ന അ​ല​ക്സാ​ണ്ട​ർ പ​ഞ്ചാ​ബി​ലെ പോ​റ​സ് രാ​ജാ​വി​നെ കീ​ഴ്പെടു​ത്തി​യി​ട്ട് മ​ഗ​ധ രാ​ജ്യം കീ​ഴ​ട​ക്കാ​ൻ ജൈ​ത്ര​യാ​ത്ര ന​ട​ത്തു​ന്പോ​ഴാ​ണ് അ​ദ്ദേ​ഹം രോ​ഗ​ബാ​ധി​ത​നാ​യി ഗ്രീ​സി​ലേ​ക്ക് മ​ട​ങ്ങി​യ​ത്. ബ്രി​ട്ടീ​ഷ് സാ​മ്രാ​ജ്യം ഇന്ത്യയെ കീ​ഴ​ട​ക്കി നൂ​റ്റാ​ണ്ടു​ക​ളാ​യി ഭ​രി​ച്ചു.
ബ്രി​ട്ട​ൻ ഒ​രു ദ്വീ​പാ​ണെ​ന്ന് പ​ല​ർ​ക്കു​മ​റി​യി​ല്ല. ലോ​ക​ത്തെ ഏ​റ്റ​വും ജ​ന​വാ​സ​മു​ള്ള മൂ​ന്നാ​മ​ത്തെ ദ്വീ​പാ​ണി​ത്. ശി​ലാ​യു​ഗം മു​ത​ൽ ഇ​വി​ടെ മ​നു​ഷ്യ​വാ​സം ഉ​ണ്ടാ​യി​രു​ന്നു. എ.​ഡി. അ​ഞ്ചാം നൂ​റ്റാ​ണ്ടി​ൽ ഈ ​പ്ര​ദേ​ശ​ങ്ങ​ളി​ൽ കു​ടി​യേ​റി​പ്പാ​ർ​ത്ത​വ​രാ​ണ് ജ​ർ​മ​നി​യി​ൽ നി​ന്നു​ള്ള അ​ങ് ലെ​സ എ​ന്ന ഗോ​ത്ര​വ​ർ​ഗം. ഇ​വ​രി​ൽ​നി​ന്നാ​ണ് ഇം​ഗ്ല​ണ്ട് എ​ന്ന പേ​രു​ണ്ടാ​യ​ത്. ഇം​ഗ്ല​ണ്ടി​ന്‍റെ ത​ല​സ്ഥാ​ന​മാ​യ വെ​സ്റ്റ് മി​ൻസ്റ്റർആബിയിലാ​ണ് ഈ ​ലോ​ക പ്ര​ശ​സ്ത കൊ​ട്ടാ​രം സ്ഥി​തി ചെ​യ്യു​ന്ന​ത്. നി​ലാ​വ് പ​ര​ന്നൊ​ഴു​കു​ന്ന ആ​കാ​ശ​ത്തി​ന് കീ​ഴി​ൽ ഇ​തൊ​രു കൊ​ച്ചു കൊ​ട്ടാ​ര​മാ​യി തോ​ന്നു​മെ​ങ്കി​ലും ഇ​തി​നു​ള്ളി​ലെ കാ​ഴ്ച​ക​ൾ ന​ക്ഷ​ത്ര​മാ​ല​ക​ളാ​ൽ വ​ർണോ​ജ്വ​ല​മാ​ണ്. രാ​ജ്യ​ത്തി​ന്‍റെ സ​ന്പ​ൽ​സ​മൃ​ദ്ധി​പോ​ലെ അ​തി​നു​ള്ളി​ലെ ധ​ന​വും ഐ​ശ്വ​ര്യ​വും അ​വി​ടെ​യെ​ല്ലാം ശോ​ഭ​പ​ര​ത്തു​ന്നു. വെ​ടി​യു​ണ്ട​ക​ൾ തു​ള​ച്ചു​ക​യ​റി​യ ഓ​രോ രാ​ജ്യ​ത്തി​ന്‍റെ മു​ദ്ര​ണ​ങ്ങ​ളും ഇ​വി​ടെ സം​ര​ക്ഷ​ിക്കപ്പെ​ടു​ന്നു​ണ്ട്.

പേരിന്‍റെ വരവ്

എ.​ഡി.1703ൽ ​പണിതീ​ർ​ത്ത ബക്കിംഗ്ഹാം ഭ​വ​ന​ത്തി​ന് 1837ൽ ​വി​ക്ടോ​റി​യ രാ​ജ്ഞി​യാ​ണ് ബക്കിംഗ്ഹാം കൊ​ട്ടാ​രം എ​ന്ന് പേ​രി​ട്ട​ത്. മാ​ഡ്രി​ഡി​ലെ റോ​യ​ൽ കൊ​ട്ടാ​ര​വും ക​ണ്ണി​ന് കു​ളി​ർ​മ ന​ൽ​കു​ന്ന കാ​ഴ്ച​ക​ളാ​ണ് ന​ൽ​കു​ന്ന​ത്. ഈ ​കൊ​ട്ടാ​ര​മു​റി​ക​ളെ​ക്കാ​ൾ കു​റ​ച്ചു​കൂ​ടി വി​സ്തീ​ർ​ണ്ണ​മു​ള്ള​താ​ണ് അ​വി​ടത്തെ മു​റി​ക​ൾ. എ​ല്ലാ​യി​ട​ത്തും ഇം​ഗ്ലീ​ഷ​ട​ക്കം പ​ല ഭാ​ഷ​ക​ളി​ൽ ഓ​രോ​ന്നി​നെ​പ്പ​റ്റിയും ച​രി​ത്രം എ​ഴു​തി​വ​ച്ചി​ട്ടു​ണ്ട്. ഓ​രോ മു​റി​ ക​യ​റി​യി​റ​ങ്ങു​ന്പോ​ഴും ഹെ​ഡ്ഫോ​ണി​ലൂ​ടെ ഓ​രോ കാ​ഴ്ച​ക​ളെ​പ്പ​റ്റി വി​വ​ര​മു​ണ്ട്. ഓ​രോ സ​ന്ദ​ർ​ശ​ക​നും സെ​ക്യൂ​രി​റ്റി​യു​ടെ പൂ​ർ​ണ​വ​ല​യ​ത്തി​ലാ​ണ് ന​ട​ക്കു​ന്ന​ത്.

അ​തി​മ​നോ​ഹ​ര​ങ്ങ​ളാ​യ പൂ​ക്ക​ളാ​ൽ അ​ലം​കൃ​ത​മാ​യ കൊ​ട്ടാ​ര​ത്തി​ന് മു​ന്നി​ൽ 1911ൽ ​തീ​ർ​ത്ത വി​ക്ടോ​റി​യ രാ​ജ്ഞി​യു​ടെ സു​വ​ർ​ണ്ണ സ്തൂ​പം സ്വ​ർ​ണ​നി​റ​ത്തി​ൽ ത​ല​യു​യ​ർ​ത്തി നി​ൽ​ക്കു​ന്നു. കൊ​ട്ടാ​ര​ത്തി​ന് കാ​വ​ൽ​നി​ൽ​ക്കു​ന്ന പാ​റാ​വു​കാ​രു​ടെ ക​റു​ത്ത മൂടി​യു​ള്ള തൊ​പ്പി​യും ചു​വ​ന്ന കു​പ്പാ​യ​വും ചേഞ്ച് ഓ​ഫ് ഗാ​ർ​ഡ് കാ​ണാ​ൻ നൂ​റു ക​ണ​ക്കി​ന് സ​ന്ദ​ർ​ശ​ക​രാ​ണ് രാ​വി​ലെ വ​രു​ന്ന​ത്. ബാ​ൻ​ഡ്മേ​ള​വും ഒ​രു നാ​ട​ൻ​പെ​ണ്ണി​നെ​പ്പോ​ലെ നാ​ണി​ച്ചു നോ​ക്കു​ന്ന കു​തി​ര​ക​ളും കൊ​ട്ടാ​ര​ത്തി​ന്‍റെ സൗ​ന്ദ​ര്യം വ​ർ​ധി​പ്പി​ക്കു​ന്നു.

അദ്ഭുതങ്ങൾ നിറഞ്ഞ പാലസ്

കൊ​ട്ടാ​ര​ത്തി​ന​ക​ത്തു​ള്ള വി​ശാ​ല​മാ​യ ഉ​ദ്യാ​ന​ങ്ങ​ൾ, ജ​ലാ​ശ​യ​ങ്ങ​ൾ, അ​ര​യ​ന്ന​ങ്ങ​ൾ, മ​ര​ങ്ങ​ൾ എ​ല്ലാം കൗ​തു​ക കാ​ഴ്ച​യാ​ണ്. എ​ല്ലാ​വ​ർ​ഷ​വും 50000ത്തി​ല​ധി​കം സ​ന്ദ​ർ​ശ​ക​രാ​ണ് ഇ​വി​ടേ​ക്കു വ​രു​ന്ന​ത്. ഇ​ത് പ​ഴ​യ ക​ണ​ക്കാ​ണ്. ലോ​ക​ത്തി​ലെ വി​ശി​ഷ്ട അ​തി​ഥി​ക​ളെ സ്വീ​ക​രി​ക്കു​ന്ന​തും ഈ ​കൊ​ട്ടാ​ര​ത്തി​ലാ​ണ്. ചെ​റു​തും വ​ലു​തു​മാ​യ 848 മു​റി​ക​ളാ​ണു​ള്ള​ത്.

78 ബാ​ത്ത് മു​റി​ക​ൾ, 92 ഓ​ഫീ​സു​ക​ൾ, സ്വി​മ്മിം​ഗ്പൂ​ൾ, ഡോ​ക്ടേ​ഴ്സ് ക്ലി​നിക്കു​ക​ൾ, വ​ലി​യ സ്വീ​ക​ര​ണ ഹാ​ളു​ക​ൾ, പോ​സ്റ്റ് ഓ​ഫീ​സ് അ​ങ്ങ​നെ ഒ​രു ഭ​ര​ണ​ച​ക്ര​ത്തി​ന്‍റെ എ​ല്ലാം ഇ​വി​ടെ കാ​ണാം. അ​വി​ശ്വ​സ​നീ​യ​മാ​യ വ​ലി​പ്പ​മാ​ണ് ഇ​തി​നു​ള്ള​ത്. എ​ന്തി​നാ​ണ് ഇ​ങ്ങ​നെ​യൊ​രു കൊ​ട്ടാ​രം എ​ന്നു​പോ​ലും സ​ന്ദ​ർ​ശ​ക​ർ ചി​ന്തി​ച്ചു​പോ​കും. പ​ക്ഷേ, ലോ​ക​മെ​ങ്ങും കോ​ള​നി​ക​ൾ സ്ഥാ​പി​ച്ച സൂ​ര്യ​ന​സ്ത​മി​ക്കാ​ത്ത സാ​മ്രാ​ജ്യത്തി​ന്‍റെ ഉ​ട​മ​ക​ൾ​ക്ക് അ​വ​രു​ടെ പ്ര​താ​പ​ത്തി​ന്‍റെ അ​ട​യാ​ളം​കൂ​ടി​യാ​യി​രു​ന്നി​രി​ക്കാം ഈ ​മ​ഹാ​സൗ​ധം.

എ​ലി​സ​ബ​ത്ത് രാ​ജ്ഞി ഈ ​കൊ​ട്ടാ​ര​ത്തി​ൽ​നി​ന്ന് ഇ​റ​ങ്ങ​ണ​മെ​ന്ന് പ​റ​ഞ്ഞ് കെ​നിം​ഗ്സ്റ്റ​ൺ എം​പി എ​മ്മ ഡെ​ന്‍റ് വി​വാ​ദ​മു​ണ്ടാ​ക്കി​യ​ത് 2018 ജൂ​ണി​ലാ​യി​രു​ന്നു. ഇ​ത്ര​യും വ​ലി​യ​തും ന​ട​ത്തി​പ്പി​നു വ​ൻ​തു​ക ചെ​ല​വി​ടു​ന്ന​തു​മാ​യ കൊ​ട്ടാ​ര​ത്തി​ൽ രാ​ജകു​ടും​ബം താ​മസി​ക്കു​ന്ന​ത് അ​നാ​വ​ശ്യ​മാ​ണെ​ന്നാ​യി​രു​ന്നു അ​വ​രു​ടെ വാ​ദം. ഏ​റെ ച​ർ​ച്ച ചെ​യ്യ​പ്പെ​ട്ടെ​ങ്കി​ലും മാ​റ്റ​മൊ​ന്നും ഉ​ണ്ടാ​യി​ല്ല.

സന്ദർശകർക്ക് സ്വാഗതം

പു​റ​ത്ത് നി​ന്നു​ള്ള​വ​ർ​ക്ക് ഇ​തി​നു​ള്ളി​ലേ​ക്ക് പ്ര​വേ​ശ​നം ല​ഭി​ച്ച​ത് 1993ലാ​ണ്. ഏ​പ്രി​ൽ – സെ​പ്റ്റം​ബ​ർ മാ​സ​ങ്ങ​ളി​ലാ​ണ് കൊ​ട്ടാ​രം സ​ന്ദ​ർ​ശ​ക​ർ​ക്കാ​യി തു​റ​ന്നു കൊ​ടു​ത്ത​ത്. കൊ​ട്ടാ​ര​ത്തി​ന് പു​റ​ത്തു​ള്ള ഹൈ​ഡ് പാ​ർ​ക്കി​ലും കൊ​ട്ടാ​ര​ത്തി​നു​ള്ളി​ലെ പാ​ർ​ക്കി​ലും ധാ​രാ​ളം അ​ണ്ണാ​ൻ​മാ​രു​ണ്ട്. അ​വ​രു​ടെ ഓ​ട്ട​വും ചാ​ട്ട​വും കു​സൃ​തി​യു​മൊ​ക്കെ കു​ട്ടി​ക​ൾ​ക്ക് ഏ​റെ കൗ​തു​ക​മു​ണ​ർ​ത്തു​ന്നു. ന​മ്മു​ടെ അ​ണ്ണാ​ൻ​മാ​രെ​ക്കാ​ൾ നാ​ലി​ര​ട്ടി വ​ലി​പ്പം ഇ​വ​ർ​ക്കു​ണ്ട്. ഇ​വി​ടത്തെ പ്രാ​വു​ക​ളെ​പ്പോ​ലെ അ​ണ്ണാ​ൻ​മാ​രും മ​നു​ഷ്യ​രു​മാ​യി ന​ല്ല ഐ​ക്യ​ത്തി​ലാ​ണ്. അ​ഗാ​ധ​മാ​യ സ്നേ​ഹ​മാ​ണ് മി​ണ്ടാ​പ്രാ​ണി​ക​ളോ​ട് ഇ​വ​ർ കാ​ട്ടു​ന്ന​ത്.

ബ്രി​ട്ട​നി​ൽ ചെ​റു​തും വ​ല​തു​മാ​യ ധാ​രാ​ളം ച​രി​ത്ര​ങ്ങ​ളു​റ​ങ്ങു​ന്ന കൊ​ട്ടാ​ര​ങ്ങ​ളു​ണ്ട്. അ​തൊ​ന്നും ഇ​ടി​ച്ചു​പൊ​ളി​ച്ചു​ക​ള​യാ​തെ അ​തൊ​ക്കെ ദേ​ശീ​യ പൈ​തൃ​ക​മാ​യി സം​ര​ക്ഷി​ക്കു​ന്ന​വ​രാ​ണ് പാ​ശ്ചാ​ത്യ​രാ​ജ്യ​ങ്ങ​ളി​ലു​ള്ള​വ​ർ. അ​ത​വ​രു​ടെ സം​സ്കൃ​തി​യു​ടെ ഹൃ​ദ​യ​വി​ശാ​ല​ത​യാ​ണ്. കൊ​ട്ടാ​ര​ത്തി​ന്‍റ ഓ​രോ മു​റി​ക​ളി​ലും കാ​ഴ്ച​ക്കാ​രാ​യി ധ​രാ​ളം പേ​ർ വ​ന്നു​കൊ​ണ്ടി​രുന്നു. ബ്രി​ട്ടീ​ഷ് സാ​മ്രാ​ജ്യ​ത്തി​ന്‍റ ഒ​രു സു​വ​ർ​ണ്ണ കാ​ലം ഇ​തി​നു​ള്ളി​ൽ കാ​ണാം. ഹൃദ​യ​ത്തെ തൊ​ട്ടു​ണ​ർ​ത്തു​ന്ന കാ​ഴ്ച​ക​ൾ. സ​ന്തോ​ഷ​ത്തോ​ടെ ഞാ​നും പു​റ​ത്തേ​ക്ക് ന​ട​ന്നു.

ര​ഹ​സ്യ​ങ്ങ​ൾ ഒ​ളി​ഞ്ഞി​രി​ക്കു​ന്ന കൊ​ട്ടാ​രം

നി​ര​വ​ധി ര​ഹ​സ്യ​ങ്ങ​ൾ ഒ​ളി​ഞ്ഞി​രി​ക്കു​ന്ന കൊ​ട്ട​രാ​ണ് ബക്കിംഗ്ഹാം പാ​ല​സ്. ബ​ക്കിം​ങ്ഹാം പാ​ല​സി​ലെ രാ​ജ്ഞി​യു​ടെ ബെ​ഡ്റൂം ഇ​ന്നും മ​റ്റാ​രും ക​ണ്ടി​ട്ടി​ല്ലെ​ന്നാ​ണ് പ​റ​യ​പ്പെ​ടു​ന്ന​ത്. 1982ൽ ​കൊ​ട്ടാ​ര​ത്തി​ലേ​ക്ക് പ്ര​വേ​ശി​ച്ച മൈ​ക്കി​ൾ ഫാ​ഗ​ൻ എ​ന്ന​യാ​ൾ റൂം ​ത​ക​ർ​ത്ത് എ​ലി​സ​ബ​ത്ത് രാ​ജ്ഞി​യു​ടെ മു​റി​ക്കു​ള്ളി​ൽ പ്ര​വേ​ശി​ച്ചി​രു​ന്നു. ആ ​പ്ര​ശ്ന​ത്തി​നു​ശേ​ഷം അ​തീ​വ സു​ര​ക്ഷ​യാ​ണ് ഈ ​മു​റി​ക്ക് ന​ൽ​കു​ന്ന​ത്. കൊ​ട്ട​ര​ത്തി​ന്‍റെ അ​ടി​യി​ൽ​ക്കൂ​ടി തു​ര​ങ്ക​മു​ണ്ടെ​ന്നാ​ണ് ചി​ല റി​പ്പോ​ട്ടു​ക​ൾ.

ഇ​തി​ന്‍റെ വാ​തി​ലു​ക​ൾ തു​റ​ക്കു​ന്ന​ത് ല​ണ്ട​നി​ലെ പ​ല​സ്ഥ​ല​ങ്ങ​ളി​ലേ​ക്കു​മാ​ണ്. കൊ​ട്ടാ​ര​ത്തി​ൽ നി​ന്ന് ഈ ​തു​ര​ങ്ക​ത്തി​ലേ​ക്കു​ള്ള വ​ഴി​യും അ​തീ​വ ര​ഹ​സ്യ​മാ​ണ്. കൊ​ട്ടാ​ര​ത്തി​ലെ ഡ്രോ​യിം​ഗ് മു​റി​യി​ലാ​ണ് രാ​ജ്ഞി അ​തി​ഥി​ക​ളെ സ്വീ​ക​രി​ക്കു​ന്ന​ത്. ഈ ​മു​റി​യി​ൽ ഒ​രു വ​ലി​യ മു​ഖ​ക്കണ്ണാ​ടി​യു​ണ്ട്. ഇ​തൊ​രു ര​ഹ​സ്യ​വാ​തി​ലാ​ണെ​ന്നാ​ണ് റി​പ്പോ​ർ​ട്ട്. ഈ ​വാ​തി​ലി​ലൂ​ടെ ക​ട​ന്നാ​ൽ രാ​ജ്ഞി​യു​ടെ സ്വ​കാ​ര്യ മു​റി​യി​ലെ​ത്താ​നാ​കും. കൊ​ട്ടാ​ര​ത്തി​ലെ പു​ന്തോ​ട്ടം 40 ഏ​ക്ക​റാ​ണ്.

1953ൽ ​ഇ​വി​ടെ ഹെ​ലി​കോ​പ്റ്റ​ർ ഇ​റ​ക്കി​യി​ട്ടു​ണ്ട്. ല​ണ്ട​നി​ലെ ഏ​റ്റ​വും പ​ഴ​യ ഹെ​ലി​പാ​ഡാ​യി​ട്ടാ​ണ് ഇ​ത് അ​റി​യ​പ്പെ​ടു​ന്ന​ത്. പൂ​ന്തോ​ട്ട​ത്തി​ൽ വ്യ​ത്യ​സ്ത​ങ്ങ​ളാ​യ 25ൽ​പ​രം റോ​സാ​ച്ചെ​ടി​ക​ളു​ണ്ട്. 750 ജ​നാ​ല​ക​ളും 40,000 ബ​ൾ​ബു​ക​ളും കൊ​ട്ട​ര​ത്തി​ലു​ണ്ട്. 350 ക്ലോ​ക്കു​ക​ളും വാ​ച്ചു​ക​ളും കൊ​ട്ട​ര​ത്തി​ലു​ണ്ട്. രാ​ജ്ഞി കൊ​ട്ട​ര​ത്തി​ലു​ണ്ടെ​ങ്കി​ൽ റോ​യ​ൽ സ്റ്റാ​ൻ​ഡേ​ർ​ഡ് പ​താ​ക​യും ഇ​ല്ലെ​ങ്കി​ൽ യൂ​ണി​യ​ൻ പ​താ​ക​യും കൊ​ട്ട​ര​ത്തി​ന്‍റെ മു​ക​ളി​ൽ കാ​ണാം. എ​ല്ലാ വ​ർ​ഷ​വും വേ​ന​ൽ​ക്കാ​ല​ത്ത് രാ​ജ്ഞി സ്കോ​ട്ട്‌ലൻ​ഡി​ലെ വ​സ​തി​യി​ലേ​ക്ക് മാ​റും. അ​പ്പോ​ൾ കൊ​ട്ടാ​ര​ത്തി​ൽ നി​യ​ന്ത്ര​ണ​ങ്ങ​ളോ​ടെ പൊ​തു​ജ​ന​ത്തി​ന് പ്ര​വേ​ശ​നം അ​നു​വ​ദി​ക്കും. 25 പൗണ്ട് (ഏ​ക​ദേ​ശം 2200 രൂ​പ)​യാ​ണ് പ്ര​വേ​ശ​ന ഫീ​സ്.

ലേഖകൻ ബ​ക്കിം​ഗ് ഹാം ​കൊ​ട്ടാ​രത്തിന് മുൻപിൽ

സ്റ്റോക്ക് ഓൺ ട്രെൻഡ്: ഇന്ന് വെളിപ്പിന് സ്റ്റോക്ക് ഓൺ ട്രെന്റിൽ ഉണ്ടായ കാർ അപകടത്തിൽ കാർ കത്തിയെരിഞ്ഞു. ഇന്ന് പുലർച്ചയോടെ 3:40 ന് ആണ് സംഭവം റിപ്പോർട്ട് ചെയ്‌തിരിക്കുന്നത്‌.  A500 നോർത്തിൽ ആണ് അപകടം ഉണ്ടായിരിക്കുന്നത്. ഉടനടി എമർജൻസി വിഭാഗം സ്ഥലത്തെത്തി ഇലട്രിക്കൽ പോസ്റ്റിലിടിച്ചു തീ പിടിച്ച കാർ നിയന്ത്രണവിധേയമാക്കി.

അപകടത്തെത്തുടർന്ന് സെൻട്രൽ റിസർവേഷൻ കാരൃർ തകരുകയും ഇലക്ട്രിക് പോസ്റ്റിന് കേടുപാടുകൾ സംഭവിക്കുകയും ചെയ്‌തിട്ടുള്ളതായി സ്റ്റാഫ്‌ഫോർഡ്ഷയർ പോലീസ് അറിയിച്ചു. എമർജൻസി റിപ്പയർ നടക്കുന്നതിനാൽ റോഡ് അടച്ചിരിക്കുകയാണ്. ടോക്ക് എക്സിറ്റിന് അടുത്താണ് അപകടം സംഭവിച്ചിരിക്കുന്നത്.

എന്നാൽ ഇത്രയും വലിയ അപകടവും അതേത്തുടർന്ന് കാർ  തീയിൽ അമരുകയും ചെയ്‌തെങ്കിലും എമർജൻസി സെർവീസിന്‌ ഡ്രൈവർ ഉൾപ്പെടെ ആരെയും സംഭവസ്ഥലത്ത് കണ്ടെത്താനായില്ല എന്ന് പോലീസ് അറിയിച്ചിട്ടുണ്ട്. ഡ്രൈവറെക്കുറിച്ചു ഇതുവരെ ഒരു വിവരവും പുറത്തു വന്നിട്ടില്ല.

ഫ്രാങ്ക്ഫർട്ട്: പഠനത്തിനായി പോകുന്ന ഇന്ത്യൻ വിദ്യാർത്ഥികളുടെ എണ്ണം ദിനം പ്രതി കൂടുന്ന വാർത്തകൾ കേൾക്കുമ്പോൾ തന്നെ അപകട മരണങ്ങളുടെ വാർത്തകളും വർദ്ധിക്കുന്നത് സങ്കടകരമായ ഒരു കാര്യമാണ്. പലപ്പോഴും വിനോദയാത്രകൾക്ക് പോകുമ്പോൾ എടുക്കേണ്ട മുൻകരുതലുകളും അപകട മുന്നറിയിപ്പുകളും പലരും മറന്നുപോകുന്നു എന്നത് ഇത്തരത്തിലുള്ള അപകടങ്ങൾക്ക് കാരണമാകുന്നു. ജർമ്മനിയിലെ ഹാംബുര്‍ഗിനടുത്തുള്ള ടാറ്റന്‍ബര്‍ഗ് തടാകത്തില്‍ കോളേജിലെ സുഹൃത്തുക്കള്‍ക്കൊപ്പം കുളിക്കാനിറങ്ങിയ തൊടുപുഴ സ്വദേശി എബിന്‍ ജോ എബ്രഹാം ആണ് മരിച്ചത്. 26 വയസ് മാത്രമായിരുന്നു പ്രായം.

ഇക്കഴിഞ്ഞ ഞായറാഴ്ചയാണ് മരണത്തിന് ആസ്പദമായ അപകടം സംഭവിച്ചത്. മ്യൂണിക്കില്‍ മാസ്റ്റര്‍ ബിരുദ വിദ്യാര്‍ഥിയായിരുന്ന എബിന്‍ കോളജില്‍ നിന്നും സുഹൃത്തുക്കള്‍ക്കൊപ്പമാണ് വിനോദ സഞ്ചാരത്തിനു പോയത്. തടാകത്തില്‍ കുളിക്കുന്നതിനിടെ മുങ്ങിപ്പോവുകയായിരുന്നു.

വാഴക്കുളം വിശ്വജ്യോതി കോളേജില്‍ നിന്നും ബിടെക് പഠനത്തിനു ശേഷം രണ്ടര വര്‍ഷം മുന്‍പാണ് എബിന്‍ ജര്‍മനിയില്‍ എത്തിയത്. തൊടുപുഴ മാര്‍ക്കറ്റ് റോഡ് വൈക്കം ബ്രദേഴ്‌സ് ഉടമ മുതലക്കോടം കുന്നം തട്ടയില്‍ ടി.ജെ. ഏബ്രഹാമിന്റെ മകനാണ്. സംസ്‌കാരം തൊടുപുഴയിലാണ് നടക്കുക. മൃതദേഹം നാട്ടിലെത്തിക്കുവാനുള്ള നടപടി ക്രമങ്ങള്‍ നടന്നു വരികയാണ്.

വള്ളാപ്പാട്ടില്‍ കുടുംബാംഗം ബീനയാണ് മാതാവ്.

സഹോദരന്‍: അലക്‌സ് ജോ എബ്രഹാം (ഇന്‍ഫോ പാര്‍ക്ക്, ചെന്നൈ).

ന്യൂഡൽഹി: ഡിസ്കവറി ചാനലിലെ പ്രശസ്ത പരിസ്ഥിതി ഷോയിൽ മുഖ്യാതിഥിയായി പ്രധാനമന്ത്രി നരേന്ദ്ര മോദി. ബ്രിട്ടീഷ് അവതാരകനായ ബിയർ ഗ്രിൽസിന്റെ Man vs Wild എന്ന ഷോയിലാണ് മോദി എത്തുന്നത്. ഓഗസ്റ്റ് 12 ന് രാത്രി 9 മണിക്ക് ഡിസ്കവറി ചാനൽ ഇന്ത്യയിലാണ് പരിപാടി പ്രക്ഷേപണം ചെയ്യുക. മോദി പങ്കെടുക്കുന്ന എപ്പിസോഡിന്റ ചെറിയൊരു ഭാഗം അടങ്ങിയ വീഡിയോ ഗ്രിൽസ് ട്വീറ്റ് ചെയ്തിട്ടുണ്ട്.

ഉത്തരാഖണ്ഡിലെ ജിം കോർബെറ്റ് കടുവ സങ്കേതത്തിലെ ദികലയിൽ ബെയർ ഗ്രിൽസും നരേന്ദ്ര മോദിയും നടത്തിയ യാത്രയാണ് എപ്പിസോഡിലുളളതെന്നാണ് വിവരം. ഈ വർഷം ഫെബ്രുവരി 14 ന് പുൽവാമ ഭീകരാക്രമണമുണ്ടായ തീയതിയോട് അടുപ്പിച്ച് ഗ്രിൽസ് ധികലയിൽ എത്തിയിരുന്നതായി മാർച്ച് 10 ന് ദി ഇന്ത്യൻ എക്സ്പ്രസ് റിപ്പോർട്ട് ചെയ്തിരുന്നു. ഗ്രിൽസ് എത്തിയ ദിവസം പ്രധാനമന്ത്രി നരേന്ദ്ര മോദിയുടെ സംസ്ഥാന സന്ദർശനം കണക്കിലെടുത്ത് ഇവിടേക്കുളള എല്ലാ ടൂറിസ്റ്റ് ബുക്കിങ്ങുകളും ഉത്തരാഖണ്ഡ് ഫോറസ്റ്റ് ഡിപ്പാർട്മെന്റ് റദ്ദാക്കിയിരുന്നു. എന്നാൽ പുൽവാമ ഭീകരാക്രമണം ദിവസം മോദി ധികലയിൽ ഉണ്ടായിരുന്നെന്നും ഡിസ്കവറി ചാനലിന്റെ ഷൂട്ടിൽ പങ്കെടുത്തുവെന്നുമുളള വാർത്തകളെ ബിജെപി തളളിയിരുന്നു.

ഇന്ത്യയിലേക്ക് വരുന്നതിനു മുൻപ് ഗ്രിൽസ് തന്റെ ട്വിറ്റർ പേജിൽ ഒരു ട്വീറ്റ് ചെയ്യുകയും പിന്നീട് ഇത് പിൻവലിക്കുകയും ചെയ്തു. “ഇന്ത്യയിൽ ഇന്ന് മഹത്തായ ദിനമാണ്. വളരെ സ്പെഷ്യല്‍ ആയ ഒരു ചിത്രീകരണത്തിനായി ഞാൻ അവിടെ താമസിക്കാതെ എത്തുന്നുണ്ട്.” ഇതായിരുന്നു ട്വീറ്റ്. ഫെബ്രുവരി 12 ന് ഇന്ത്യയിലേക്കുളള വിമാനത്തിൽനിന്നൊരു സെൽഫിയും അദ്ദേഹം പോസ്റ്റ് ചെയ്തു. “ഞാൻ ഇഷ്ടപ്പെടുന്ന രാജ്യത്തിലേക്ക് ഒരു സാഹസിക യാത്രയ്ക്ക് പോകുന്നു” എന്ന് കുറിച്ച പോസ്റ്റും പിന്നീട് ഡിലീറ്റ് ചെയ്തു.

ഗ്രിൽസ് എത്തിയ ദിവസം പ്രധാനമന്ത്രി നരേന്ദ്ര മോദിയുടെ സംസ്ഥാന സന്ദർശനം കണക്കിലെടുത്ത് ഇവിടേക്കുളള എല്ലാ ടൂറിസ്റ്റ് ബുക്കിങ്ങുകളും ഉത്തരാഖണ്ഡ് ഫോറസ്റ്റ് ഡിപ്പാർട്മെന്റ് റദ്ദാക്കിയിരുന്നു. എന്നാൽ പുൽവാമ ഭീകരാക്രമണം ദിവസം മോദി ധികലയിൽ ഉണ്ടായിരുന്നെന്നും ഡിസ്കവറി ചാനലിന്റെ ഷൂട്ടിൽ പങ്കെടുത്തുവെന്നുമുളള വാർത്തകളെ ബിജെപി തളളിയിരുന്നു.

ഫെബ്രുവരി 16 ന് നരേന്ദ്രമോദി ഫെബ്രുവരി 15 ന് പുൽവാമയിൽ കൊല്ലപ്പെട്ട ജവാന്മാർക്ക് ആദരം അർപ്പിച്ച് ചെയ്ത ട്വീറ്റിന് ഗ്രിൽസ് മറുപടിയും നൽകി. ”തികച്ചും ദാരുണമായ ഒരു ദിവസം – എന്റെ ഹൃദയം ഇന്ത്യയിലെ ജനങ്ങളുടെ കൂടെയാണ്” എന്നായിരുന്നു ട്വീറ്റ്. എന്നാൽ ഫെബ്രുവരി 14 ന് കോർബറ്റ് കടുവ സംരക്ഷണ കേന്ദ്രത്തിനുള്ളിൽ ഷൂട്ടിങ് സംഘത്തെ അനുവദിച്ചതായി ഗ്രിൽസോ ഡിസ്കവറി ചാനലോ അല്ലെങ്കിൽ ഉത്തരാഖണ്ഡ് ഫോറസ്റ്റ് ഡിപ്പാർട്ട്‌മെന്റ് ഇതുവരെ സ്ഥിരീകരിച്ചിട്ടില്ല.

ലോകത്തിലെ ഏറ്റവും ജനപ്രീയ ഷോയാണ് Man vs Wild. പരിസ്ഥിതി സംരക്ഷണം മുഖ്യ തീം ആക്കിയുള്ളതാണ് പരിപാടി. 2015 ൽ യുഎസ് മുൻ പ്രസിഡന്റ് ഡോണൾഡ് ട്രംപിനെ പങ്കെടുപ്പിച്ചുളള പരിപാടി ഗ്രെയിൽസ് അവതരിപ്പിച്ചിരുന്നു. അലാസ്കയിലേക്ക് ഇരുവരും ട്രെക്കിങ്ങിന് പോകുന്നതായിരുന്നു എപ്പിസോഡിൽ ഉണ്ടായിരുന്നത്.

People across 180 countries will get to see the unknown side of PM @narendramodi as he ventures into Indian wilderness to create awareness about animal conservation & environmental change. Catch Man Vs Wild with PM Modi @DiscoveryIN on August 12 @ 9 pm. #PMModionDiscovery pic.twitter.com/MW2E6aMleE

— Bear Grylls (@BearGrylls) July 29, 2019

ഉപയോഗിച്ച പ്ലാസ്റ്റിക് കുപ്പികൾ റീസൈക്കിൾ ചെയ്താൽ ഉപഭോക്താക്കൾക്ക്, പണം ലഭിക്കുന്ന സ്കീം ആണ് നടപ്പാക്കാൻ പദ്ധതിയിടുന്നത് .

സി പി ആർ ഇ, ക്യാമ്പയിൻ ടു പ്രൊട്ടക്ട് റൂറൽ ഇംഗ്ലണ്ട് നടത്തിയ അന്വേഷണത്തിലാണ് പ്ലാസ്റ്റിക്, ഗ്ലാസ് കുപ്പികൾ, അലൂമിനിയം ക്യാൻ തുടങ്ങിയവ റീസൈക്ലിങിനായി നൽകുമ്പോൾ നിശ്ചിത തുക ഡെപ്പോസിറ്റായി ലഭിക്കും. സർവേയിൽ പങ്കെടുത്ത 3389 വ്യക്തികളുടെയും അഭിപ്രായം ഇതുതന്നെയായിരുന്നു. പദ്ധതി സ്കോട്ട്‌ലൻഡിൽ നിലവിൽ വന്നു കഴിഞ്ഞു. യുകെയിലെ മറ്റിടങ്ങളിൽ ജനങ്ങളുടെ അഭിപ്രായം കൂടി കണക്കിലെടുത്ത ശേഷമാകും നിലവിൽ വരിക.

ജർമനി, ന്യൂസിലാൻഡ് ,ഡെൻമാർക്ക് തുടങ്ങിയ രാജ്യങ്ങളിൽ നേരത്തെ തന്നെ ഈ സിസ്റ്റം നിലവിലുണ്ടായിരുന്നു . ടെട്ര പാക് കാർട്ടൻ പോലെയുള്ള മാലിന്യങ്ങളും ഈ നടപടി തന്നെയാകും സ്വീകരിക്കുക. എൻവിയോൺമെന്റ് സെക്രട്ടറി ആയിരുന്ന മൈക്കിൾ ഗോവ അദ്ദേഹത്തിന്റെ ഒടുവിലത്തെ പ്രസംഗത്തിൽ പദ്ധതിയെ അനുകൂലിച്ചിരുന്നു. ഇപ്പോഴത്തെ സെക്രട്ടറി ആയ തെരേസ വില്ലേഴ്‌സ് ഇത് ഉടൻ നടപ്പാക്കും എന്നാണ് പ്രതീക്ഷ.

തെരേസ പറയുന്നു “ഇത്രയധികം ജനപിന്തുണയും പങ്കാളിത്തമുള്ള ഒരു പദ്ധതി എന്തായാലും മുന്നോട്ടുതന്നെ പോകും. അവതരിപ്പിക്കും മുൻപ് തന്നെ വൻ ജനശ്രദ്ധയാണ് പദ്ധതി നേടിയിരിക്കുന്നത്. പരിസ്ഥിതി നേരിടുന്ന വെല്ലുവിളികൾ കുറയ്ക്കാനും, ജനപങ്കാളിത്തത്തോടെയുള്ള ശുചീകരണ പ്രവർത്തനങ്ങൾക്കും പദ്ധതി സഹായിക്കും.”

യു കെ മലയാളികളുടെ സാംസ്ക്കാരിക ചേതനയുടെ സർഗ്ഗാവിഷ്‌ക്കാരം എന്ന് വിശേഷിപ്പിക്കാവുന്ന യുക്മ സാംസ്ക്കാരികവേദിയുടെ അടുത്ത രണ്ട് വർഷത്തേക്കുള്ള നേതൃത്വത്തെ പ്രഖ്യാപിച്ചു. യുക്മയുടെ കലാ- സാംസ്ക്കാരിക പ്രവർത്തനങ്ങൾക്ക് നേതൃത്വം വഹിക്കുന്ന പോഷക സംഘടനാ വിഭാഗമാണ് യുക്മ സാംസ്ക്കാരികവേദി. യു കെ മലയാളികൾക്കിടയിൽ കലാരംഗത്തും സാംസ്ക്കാരിക രംഗത്തും നേതൃരംഗത്തും പ്രതിഭ തെളിയിച്ച വ്യക്തികളെ ഉൾപ്പെടുത്തിയാണ് പുതിയ പ്രവർത്തക സമിതി രൂപീകരിച്ചിരിക്കുന്നതെന്ന് അംഗങ്ങളുടെ പേരുകൾ പ്രഖ്യാപിച്ചുകൊണ്ട് യുക്മ ദേശീയ നിർവാഹക സമിതി അറിയിച്ചു.

ദേശീയ പ്രസിഡന്റ് മനോജ്‌കുമാർ പിള്ള ചെയർമാൻ ആയുള്ള യുക്മ സാംസ്ക്കാരികവേദിയുടെ വൈസ് ചെയർമാൻ ജോയി ആഗസ്തിയാണ്. ലിവർപൂൾ നിവാസിയായ ജോയി 2015-2017 വർഷങ്ങളിൽ യുക്മ സാംസ്ക്കാരിക സമിതി അംഗമായി പ്രവർത്തിച്ചിരുന്നു. യുക്മ സ്റ്റാർസിംഗർ സീസൺ 2 ന്റെ പ്രധാന സംഘാടകരിൽ ഒരാളായിരുന്നു ജോയി.

മുൻവർഷങ്ങളിൽ സാംസ്ക്കാരികവേദിയുടെ ജനറൽ കൺവീനർ, വൈസ് ചെയർമാൻ എന്നീ നിലകളിൽ പ്രവർത്തിച്ചിട്ടുള്ള സി എ ജോസഫ് ആണ് രക്ഷാധികാരി. യുക്മ നോർത്ത് വെസ്റ്റ് റീജിയന്റെ നിലവിലുള്ള നാഷണൽ കമ്മറ്റി അംഗം കുര്യൻ ജോർജ്ജ് ദേശീയ കോർഡിനേറ്ററിന്റെ ചുമതല നിർവഹിക്കും. തോമസ് മാറാട്ടുകളം, ജെയ്‌സൺ ജോർജ്ജ് എന്നിവർ ആണ് സാംസ്ക്കാരികവേദി ജനറൽ കൺവീനർമാർ. യുക്മ ദേശീയ കമ്മറ്റി അംഗമായും ഈസ്റ്റ് ആംഗ്ലിയ റീജിയണൽ സെക്രട്ടറിയായും മികവുതെളിയിച്ചിട്ടുള്ള വ്യക്തിയാണ് കോൾചെസ്റ്ററിൽനിന്നുള്ള തോമസ് മാറാട്ടുകളം. ജ്വാല ഇ-മാഗസിൻ എഡിറ്റോറിയൽ ബോർഡ് അംഗമായും യുക്മ സാംസ്ക്കാരികവേദി അംഗമായും പ്രവർത്തിച്ചിട്ടുണ്ട്, യു കെ യിലെ അറിയപ്പെടുന്ന ഒരു നാടകനടൻ കൂടിയായ ജെയ്‌സൺ ജോർജ്ജ്.

കൂടുതൽ വ്യക്തതയോടും ദിശാബോധത്തോടും കൂടെ പ്രവർത്തനങ്ങളെ ഏകോപിപ്പിക്കുന്നതിനായി അഞ്ച് വിഭാഗങ്ങളായി തിരിച്ചാണ് യുക്മ സാംസ്ക്കാരികവേദിയുടെ വിവിധ ഉപസമിതികൾ രൂപീകരിച്ചിരിക്കുന്നത്. ലോക പ്രവാസി മലയാളികൾക്കിടയിൽ ഏറെ ശ്രദ്ധേയമായ ജ്വാല ഇ-മാഗസിൻ യുക്മ സാംസ്ക്കാരികവേദിയുടെ തിലകക്കുറിയാണ്. ഈ ഭരണ സമിതിയുടെ തുടക്കത്തിൽത്തന്നെ “ജ്വാല” ഉപസമിതി പ്രഖ്യാപിച്ചിരുന്നു. പ്രസിദ്ധീകരണത്തിന്റെ അൻപതാം ലക്കം പിന്നിട്ട “ജ്വാല”യുടെ അമരത്തു ഇത്തവണയും ചീഫ് എഡിറ്ററായി റജി നന്തികാട്ട് പ്രവർത്തിക്കും. മാനേജിങ് എഡിറ്ററായി യുക്മ നാഷണൽ ജനറൽ സെക്രട്ടറി അലക്സ് വർഗീസും, എഡിറ്റോറിയൽ ബോർഡ് അംഗങ്ങളായി ജോർജ്ജ് അറങ്ങാശ്ശേരി, മോനി ഷീജോ, റോയ് സി ജെ, നിമിഷ ബേസിൽ എന്നിവരും “ജ്വാല”ക്ക് ശോഭയേകും.

ജേക്കബ് കോയിപ്പള്ളി, ജയപ്രകാശ് പണിക്കർ, ജോയ്പ്പാൻ, ടോം ജോസ് തടിയമ്പാട്, മീരാ കമല എന്നിവർ സാഹിത്യ വിഭാഗം പ്രവർത്തനങ്ങളെ ഏകോപിപ്പിക്കും. യുക്മയുടെ സാഹിത്യമത്സരങ്ങൾ കൃത്യതയോടെ സംഘടിപ്പിച്ചുകൊണ്ടിരിക്കുന്ന സാഹിത്യ വിഭാഗത്തിന്റെ നേതൃത്വത്തിൽ കവിതാ ശാഖയെ ജനകീയമാക്കുവാനുള്ള പ്രവർത്തനങ്ങളും സജീവമായ പരിഗണനയിൽ ഉണ്ട്.

ജിജി വിക്റ്റർ, ടോമി തോമസ്, തോമസ് പോൾ, സെബാസ്റ്റ്യൻ മുത്തുപാറകുന്നേൽ, ഹരീഷ് പാലാ, സാൻ ജോർജ്ജ് തോമസ് എന്നിവരായിരിക്കും യുക്മ സാംസ്ക്കാരികവേദിയുടെ കലാവിഭാഗം സാരഥികൾ. യുക്മയുടെ ഏറ്റവും ജനകീയ പ്രോഗ്രാമായ സ്റ്റാർസിംഗർ പരിപാടിയുടെ ചുമതല സെബാസ്റ്റ്യൻ മുത്തുപാറകുന്നേൽ നിർവഹിക്കും. സ്റ്റാർസിംഗറിന്റെ ആദ്യ രണ്ടു സീസണുകളുടെയും മുഖ്യ സംഘാടകനായിരുന്ന ഹരീഷ് പാലാ, സീസൺ 3 വിജയി സാൻ ജോർജ്ജ് തോമസ് തുടങ്ങിയവരുടെ സഹകരണത്തോടെ ആയിരിക്കും യുക്മ സ്റ്റാർസിംഗർ സീസൺ-4 രൂപകൽപ്പന ചെയ്യപ്പെടുക.

ഡോ. സിബി വേകത്താനം, ബേയ്ബി കുര്യൻ, ജോബി അയത്തിൽ, റോബി മേക്കര, ജിജോമോൻ ജോർജ്ജ്, ബിജു പി മാണി എന്നിവർ നാടകക്കളരിക്ക് നേതൃത്വം നൽകും. തനത് നാടക ശിൽപ്പശാലകളും, നാടക മത്സരങ്ങളും നാടകക്കളരിയുടെ മുൻഗണനകളാണ്.

ബിനോ അഗസ്റ്റിൻ, ബിജു അഗസ്റ്റിൻ, സാം ജോൺ, സാബു മാടശ്ശേരി, ജോസഫ് മാത്യു, ജെയ്‌സൺ ലോറൻസ്, റോനു സക്കറിയ, ചിന്തു ജോണി എന്നിവർ അംഗങ്ങളായുള്ള ഫിലിം ക്ലബ് ആണ് യുക്മ സാംസ്ക്കാരികവേദിയുടെ മറ്റൊരു ഉപസമിതി.

യു കെ മലയാളി സമൂഹത്തിന്റെ കല- സാംസ്ക്കാരിക രംഗത്തു ശ്രദ്ധേയമായ പ്രവർത്തനങ്ങൾ നടത്തിക്കൊണ്ടിരിക്കുന്ന കൂടുതൽ വ്യക്തികളെ ഉൾപ്പെടുത്തിക്കൊണ്ട് യുക്മ സാംസ്ക്കാരിക വേദി പ്രവർത്തനങ്ങൾ യു കെ മലയാളി പൊതുസമൂഹത്തിന്റെ എല്ലാ തലങ്ങളിലേക്കും എത്തിക്കുവാൻ യുക്മ പ്രതിജ്ഞാബദ്ധമാണെന്ന് പുതുതായി തെരഞ്ഞെടുക്കപ്പെട്ട സാംസ്ക്കാരികവേദി നേതൃനിരക്ക് ആശംസകൾ അർപ്പിച്ചുകൊണ്ട് യുക്മ ദേശീയ നിർവാഹക സമിതി അറിയിച്ചു.

ഏറെ ദുരൂഹത പരത്തുന്ന മാറ്റങ്ങളുടെ സൂചനകളാണ് അയര്‍ലൻഡിൽ നിന്നും പുറത്തുവരുന്നത്. അയര്‍ലൻഡിന്‍റെ ഔദ്യോഗിക ഗവേഷക കപ്പലുകളിലൊന്നാണ് വടക്കന്‍ സമുദ്രമേഖലയില്‍ നടത്തിയ പര്യവേഷണത്തിനിടെയാണ് ചുറ്റികത്തലയന്‍ സ്രാവിനെ കണ്ടെത്തിയത്. ഇതിൽ ദുരൂഹത പരത്തുന്നത്. സാധാരണ ഗതിയില്‍ ഉഷ്ണമേഖലാ പ്രദേശത്തു കാണപ്പെടുന്ന ഈ ഇനം സ്രാവുകളെ ആദ്യമായിട്ടാണ് അയര്‍ലൻഡിൽ നിന്നും കണ്ടെത്തുന്നത്. ആഗോളതാപനത്തിന്റെ ദുരന്ത സൂചകളായിട്ടാണ് ഗവേഷകർ ഇൗ കണ്ടെത്തലിനെ വിലയിരുത്തുന്നത്.

ഇതുവരെ ചുറ്റികത്തലയന്‍ സ്രാവുകളെ പരമാവധി ബ്രിട്ടന്‍റെ തീരത്തു വരയാണ് വടക്കന്‍ മേഖലയില്‍ കണ്ടെത്തിയിട്ടുള്ളത്. ബ്രിട്ടനിലെ കോണ്‍വാളില്‍ 2004 ല്‍ കണ്ടെത്തിയ ചുറ്റികത്തലയന്‍ സ്രാവായിരുന്നു ഇതുവരെ ഏറ്റവും വടക്കോട്ട് എത്തിയ ഈ ഇനത്തിലെ ജീവി. എന്നാല്‍ അയര്‍ലന്‍ഡ് തീരത്ത് ഇപ്പോള്‍ ഒരു കൂട്ടം ചുറ്റികത്തലയന്‍ സ്രാവുകളെയാണ് കണ്ടെത്തിയിരിക്കുന്നത്. തീര്‍ച്ചയായും കാലാവസ്ഥാ വ്യതിയാനത്തിന് ഇതില്‍ നിര്‍ണായക പങ്കുണ്ടെന്ന് ഗവേഷകര്‍ ഉറപ്പിച്ചു പറയുന്നു.

സീറോ മലബാർ സഭയുടെ ലീഡ്‌സ് മിഷൻ ഡയറക്ടർ ഫാ . മാത്യു മുളയോലിയുടെ അമ്പതാം ജന്മദിനം ലീഡ്‌സുകാർ സ്‌നേഹവിരുന്നോടെ ആഘോഷമാക്കി . കഴിഞ്ഞ മൂന്നു വർഷങ്ങളായി ഫാ . മാത്യു മുളയോലി ലീഡ്‌സിലെ സീറോ മലബാർ വിശ്വാസികളുടെ ഇടയിൽ സേവനം അനുഷ്ഠിച്ചു വരികയാണ് .

ഫാ .മാത്യു മുളയോലിയുടെ ജന്മദിനം ജൂൺ 23 ആയിരുന്നെങ്കിലും , വിശ്വാസികളുടെ സൗകര്യാർത്ഥം , തങ്ങളുടെ പ്രിയപ്പെട്ട മുളയോലി അച്ചൻ അമ്പത്തിന്റെ നിറവിലെത്തുന്നതിനോടനുബന്ധിച്ചുള്ള ആഘോഷം ഞായറാഴ്ച കുർബാനയ്ക്ക് ശേഷമാക്കുകയായിരുന്നു . തലശ്ശേരി രൂപതാഗമായ ഫാ . മാത്യു മുളയോലി കേരളത്തിൽ വിവിധ മേഘലകളിൽ സഭയ്‌ക്കുവേണ്ടി മികച്ച രീതിയിൽ പ്രവർത്തിച്ചതിന്റെ പരിചയവുമായാണ് ഇംഗ്ലണ്ടിലേ ലീഡ്‌സിൽ എത്തിയത് . കേരളത്തിൽ മിഷൻലീഗിന്റെ ഡയറക്ടർ ആയിരുന്ന സമയത്ത് സംസ്ഥാനം മുഴുവൻ സഞ്ചരിച്ച് സഭാപ്രവർത്തനം നടത്തിയ ഫാ . മാത്യു മുളയോലിയുടെ അനുഭവപരിചയം ബ്രിട്ടനിലെ സീറോ മലബാർ സഭയ്ക്ക് ഒരു മുതൽക്കൂട്ടാണ് . മുളയോലി അച്ചന്റെ 50ാം ജന്മദിനത്തോടനുബന്ധിച്ച് കേയ്ക്കു മുറിച്ച് മധുരം പങ്കിട്ട വിശ്വാസികൾ ലളിതമായ സ്‌നേഹവിരുന്നിനു ശേഷമാണ് പിരിഞ്ഞത്.

എൻ എച്ച് എസിൽ നിന്ന് സിക്ക് പേ വാങ്ങി അവധിയിൽ പ്രവേശിച്ച നേഴ്സ് സ്വന്തമായി ബ്യൂട്ടി കോസ്മെറ്റിക് ക്ലിനിക് നടത്തുന്നു എന്നാണ് പരാതി. ഒരു ഡസനിലധികം രോഗികളെ അവർ ചികിത്സിച്ചിട്ടുണ്ട്. നഴ്സിംഗ് മിഡ്‌വൈഫറി കൗൺസിൽ ഹിയറിംഗ്ൽ അമാൻഡക്ക് എതിരെ ഉയർന്നിരിക്കുന്ന പരാതി സ്കിൻ ക്ലിനിക്കിൽ ചികിത്സ നടത്തി ലാഭം നേടുന്നു എന്നാണ്. ബോട്ട്ബോക്സിന് 210 പൗണ്ടും ജോ ഫില്ലറുകൾക് 250 പൗണ്ടും ആണ് സാധാരണ വാങ്ങാറുള്ളത്. എൻ എച് എസ് അധികൃതർക്ക് ഇതിനെപ്പറ്റി 3 അജ്ഞാത സന്ദേശങ്ങളാണ് പരാതികളായി ലഭിച്ചിട്ടുള്ളത്.

അവധിയിൽ പ്രവേശിക്കുമ്പോൾ എത്ര നാളത്തേക്ക് എന്ന് അവർ കൃത്യമായി പറഞ്ഞിരുന്നില്ല എന്ന് എൻഎംസി കൗൺസിൽ ചെയർമാൻ ആയ ഡബി ഹിൽ പറയുന്നു . രോഗത്തിന് ചികിത്സ എത്ര നാൾ വരെ നീളാം എന്ന് തനിക്ക് അറിയില്ല എന്നായിരുന്നു കാരണമായി അന്ന് അവർ പറഞ്ഞത്. ചികിത്സയ്ക്കായി എത്തുന്ന വരെ രോഗികൾ എന്നോ ക്ലയന്റ്സ് എന്നോ അവർ വിശേഷിപ്പിക്കാറില്ല കാരണം കൂടുതലും സുഹൃത്തുക്കളും ബന്ധുക്കളും ആണ് അവിടെ എത്താറുള്ളത്. ഹോസ്പിറ്റലിലെ 12 മണിക്കൂർ നീളുന്ന ഷിഫ്റ്റുകളിൽ തനിക്ക് ജോലി സമയം  വളരെ ദീർഘമുള്ളതാണെന്നും കൂടുതൽ ഡിമാൻഡിങ് ആണെന്നുമുള്ള അമാൻഡയുടെ വാദം എൻ എം സി ഹിയറിങ് പാനൽ അംഗീകരിച്ചില്ല.  കൂട്ടുകാർക്കും ബന്ധുക്കൾക്കും മാത്രമാണ് ചികിത്സ നടത്തിയതെന്നും അവർ നൽകിയ ഡെപ്പോസിറ് മണി മാത്രമേ സ്വീകരിച്ചിട്ടുള്ളൂ എന്നും വാദിച്ച അമാൻഡ ക്ലിനിക്കിൽ നിന്നും ലാഭം ഒന്നും ഉണ്ടാക്കിയില്ല എന്നും പാനലിന് മുൻപാകെ വെളിപ്പെടുത്തി.

അമാന്ഡയുടെ വെബ്സൈറ്റിൽ അവർ ഇങ്ങനെ കുറിക്കുന്നു” ഒരു ക്ലിനിക്കിന് ആവശ്യമായ സ്ഥലവും സൗകര്യങ്ങളും എന്റെ വീട്ടിൽ ഉണ്ട് എന്നതിൽ ഞാൻ ഭാഗ്യവതിയാണ്, വൈകുന്നേരങ്ങളിലും ഒഴിവുദിനങ്ങളിലും ആണ് ഞാനിത് ഉപയോഗപ്പെടുത്താറുള്ളത്.

രണ്ട് ദിവസം നീണ്ട ഹിയറിങ് അവസാനിച്ചപ്പോൾ ആഗസ്റ്റിൽ നടക്കുന്ന അവസാന ഹിയറിങ്ങിൽ എൻ എം സി അവരുടെ തീരുമാനം എടുക്കും എന്നാണ് യുകെയിലെ മുൻ നിര മാധ്യമങ്ങൾ റിപ്പോർട്ട് ചെയ്യുന്നത്. എൻ എം സി രെജിസ്റ്ററിൽ നിന്നും നീക്കം ചെയ്യപ്പെടാതിരിക്കാൻ അമാൻഡ നന്നായി കഷ്ടപ്പെടേണ്ടിവരും എന്ന കാര്യം വ്യക്തമാണ്.

ബ്രിട്ടനിൽ ആഭ്യന്തരമന്ത്രിയാകുന്ന ആദ്യ ഇന്ത്യൻ വംശജയാണ് പ്രീതി പട്ടേൽ. ബ്രിട്ടനിലാണ് പ്രീതിയുടെ ജനനമെങ്കിലും ഗുജറാത്തിൽനിന്നും കുടിയേറിയവരാണ് മാതാപിതാക്കൾ. ഗുജറാത്തിലെ ആനന്ദ് ജില്ലയിലെ താരാപൂരിലാണ് പ്രീതിയുടെ അച്ഛൻ സുശീൽ പട്ടേലിന്റെ കുടുംബമുളളത്.

കുടിയേറ്റം, ക്രൈം ആൻഡ് പൊലീസിങ്, മയക്കുമരുന്ന് നയം എന്നിവയുടെ ചുമതല ബ്രിട്ടന്റെ പുതിയ ആഭ്യന്തര മന്ത്രിയായ പ്രീതി പട്ടേലിനാണ്. ബ്രെക്സിറ്റിനെ അനുകൂലിക്കുന്ന, കൺസർവേറ്റീവ് പാർട്ടിയിൽ പ്രധാനമന്ത്രി ബോറിസ് ജോൺസണിന്റെ പ്രധാന പിന്തുണക്കാരിൽ ഒരാളുമാണ് പ്രീതി പട്ടേൽ.

1972 മാർച്ചിൽ ലണ്ടനിലാണ് പ്രീതിയുടെ ജനനം. സുശീലും അഞ്ജന പട്ടേലുമാണ് മാതാപിതാക്കൾ. വാട്ഫോർഡിലായിരുന്നു സ്കൂൾ പഠനം. കീലി യൂണിവേഴ്സിറ്റിയിൽനിന്നും എക്കണോമിക്സിൽ ബിരുദവും യൂണിവേഴ്സിറ്റി ഓഫ് എസക്സിൽനിന്നും ബിരുദാനന്തര ബിരുദവും നേടി.

1970 കളിൽ ഉഗാണ്ട മുൻ പ്രസിഡന്റ് ഇദി ആമിന്റെ ഉത്തരവ് പ്രകാരം ഉഗാണ്ടൻ ഏഷ്യൻ ന്യൂനപക്ഷങ്ങളെ പുറത്താക്കിയതിന്റെ ഇരകളാണ് പ്രീതിയുടെ കുടുംബമെന്ന് ബന്ധുക്കൾ പറഞ്ഞു. ”1950 കളിലാണ് എന്റെ അച്ഛനും പ്രീതിയുടെ മുത്തച്ഛനും ഉഗാണ്ടയിലേക്ക് കുടിയേറുന്നത്. ഞങ്ങളെല്ലാം കംപാലയിലാണ് (ഉഗാണ്ടയുടെ തലസ്ഥാനം) ജനിച്ചത്. ആമിൻ സർക്കാർ ഞങ്ങളെ പുറത്താക്കുന്നതുവരെ അവിടെയാണ് വളർന്നത്,” പ്രീതിയുടെ അച്ഛന്റെ സഹോദരനായ കിരൺ പട്ടേൽ പറഞ്ഞു.

”ഉഗാണ്ടയിൽനിന്നും പുറത്താക്കപ്പെട്ടപ്പോൾ പ്രീതിയുടെ മുത്തച്ഛൻ കാന്തിഭായ് യുകെയിലേക്ക് പോകാൻ തീരുമാനിച്ചു. എന്റെ അച്ഛൻ ഇന്ത്യയിലേക്ക് മങ്ങി പോകാൻ തീരുമാനിച്ചു. പ്രീതി ബ്രിട്ടനിലാണ് ജനിച്ചത്,” അദ്ദേഹം പറഞ്ഞു.

ഉഗാണ്ടയിലേക്ക് പോകുന്നതുവരെ കർഷകരായിരുന്നു ഞങ്ങളുടെ കുടുംബമെന്ന് കിരൺ പറഞ്ഞു. ”സുശീലിന്റെ കുടുംബം താരാപൂരിലെ കർഷകരാണ്. ഉഗാണ്ടയിൽ ഒരു കട നടത്തി വരികയായിരുന്നു. യുകെയിലേക്ക് കുടിയേറിയശേഷം അവിടുത്തെ ജോലികൾ ചെയ്തു തുടങ്ങി. കുടിയേറ്റക്കാരെ ഒരുപാട് സഹായിക്കുന്നവരാണ് ബ്രിട്ടീഷ് സർക്കാർ,” അദ്ദേഹം പറഞ്ഞു.

ഗുജറാത്തിലെ വീട്ടിൽ സുശീലും ഇളയ സഹോദരനായ ക്രിതും സ്ഥിരമായി സന്ദർശിക്കാറുണ്ടായിരുന്നുവെന്നും പക്ഷേ പ്രീതി താരാപൂരിൽ വന്നിട്ടില്ലെന്നും കിരൺ പറഞ്ഞു. വൈബ്രന്റ് ഗുജറാത്ത് സമ്മേളനത്തിൽ യുകെയുടെ പ്രതിനിധിയായി അവൾ ഗുജറാത്തിൽ എത്തിയിരുന്നുവെന്നും അദ്ദേഹം പറഞ്ഞു.

അവളുമായോ അവളുടെ കുടുംബവുമായോ ഞങ്ങൾ നേരിട്ട് ബന്ധപ്പെടാറില്ല. പക്ഷേ അവളുടെ അങ്കിൾ ക്രിതുമായി നിരന്തരം ബന്ധപ്പെടാറുണ്ട്. ഓരോ വർഷവും അവളുടെ മാതാപിതാക്കൾ ഇന്ത്യയിൽ വരാറുണ്ട്. ബ്രിട്ടനിൽ ഇത്ര വലിയൊരു പദവിയിൽ ഞങ്ങളുടെ കുടുംബത്തിലെ ഒരാൾ എത്തിയതിൽ തങ്ങൾ അഭിമാനിക്കുന്നതായി കിരൺ പറഞ്ഞു.