എറണാകുളം: വോക്കിങ് കാരുണ്യയുടെ എഴുപത്തിമൂന്നാമതു സഹായമായ അൻപതിനായിരം രൂപ സഹോദരിമാരായ അന്നക്കുട്ടിക്കും ഏലികുട്ടിക്കും സാമൂഹിക പ്രവർത്തകനായ ജോസഫ് മുട്ടപ്പള്ളി കൈമാറി. തദവസരത്തിൽ മുത്തോലപുരം സഹകരണ ബാങ്ക് പ്രസിഡന്റ് എം പി ജോസഫ്, വോക്കിങ് കാരുണ്യയുടെ ട്രഷറർ സജു ജോസഫ്, ഷൈൻ ജോസഫ് എന്നിവർ സന്നിഹിതരായിരുന്നു. ഇലഞ്ഞി പഞ്ചായത്തിൽ കുന്നുംപുറത്തു വർക്കിയുടെ മക്കൾ അന്നക്കുട്ടിയും ഏലിക്കുട്ടിയും ഇന്ന് ജീവിതം വഴിമുട്ടിയ അവസ്‌ഥയിലാണ്‌. ജീവിത സായ്ഹ്നത്തിൽ കൈത്താങ്ങാകുമെന്നു കരുതിയ സഹോദരൻ വിടപറഞ്ഞിട്ട് രണ്ടു വര്ഷം തികയുന്നു. അന്നക്കുട്ടിയും ഏലിക്കുട്ടിയും സഹോദരൻ അപ്പച്ചനും കൂലിപ്പണിചെയ്തായിരുന്നു കൊച്ചുകുടിലിൽ കഴിഞ്ഞിരുന്നത്. വിധിയുടെ ക്രുരതയെന്നോണം വയറുവേദനയെത്തുടർന്നു അഡ്മിറ്റുചെയ്ത അപ്പച്ചന് കിഡ്‌നി രോഗമാണെന്ന് അറിഞ്ഞ കുടുംബം എന്തുചെയ്യണമെന്നറിയാതെ തകർന്നുപോയി. ഡോക്ടർ മാരുടെ നിർദ്ദേശപ്രകാരം കിഡ്നിമാറ്റിവയ്ക്കുക എന്നുള്ളത് മാത്രമായിരുന്നു പരിഹാരം. ഏലിക്കുട്ടി കിഡ്‌നി പകുത്തു നൽകാൻ തയ്യാറായിരുന്നെങ്കിലും ചിലവുകൾ ഇ കുടുംബത്തിന് താങ്ങാവുന്നതിലുമധികമായിരുന്നു. നാട്ടുകാരുടെയും മറ്റുള്ളവരുടെയും സഹായത്തോടെയും കടം വാങ്ങിയും ഏലിക്കുട്ടിയുടെ കിഡ്‌നി അപ്പച്ചന് മാറ്റിവച്ചു.

വിധിയുടെ വിളയാട്ടമെന്നോണം സഹോദരിമാർക്ക് കൈത്താങ്ങാകേണ്ട സഹോദരൻ അപ്പച്ചൻ അകാലത്തിൽ ജീവിതത്തോട് വിട പറഞ്ഞു. സഹോദരൻറെ വിയോഗത്തിൽ മനം നൊന്തു കഴിഞ്ഞിരുന്ന ഏലിക്കുട്ടിക്ക് സ്വാശകോശ സംബന്റ്‌ദ്ധമായ അസുഖം പിടിപെട്ടു. കൂട്ടത്തിൽ പ്രമേഘവും രക്ത സമ്മർദ്ദവും ഏലിക്കുട്ടിയെ തളർത്തിക്കളഞ്ഞു. നിത്യവൃത്തിക്ക് മാർഗമില്ലാതെ കഴടപ്പെടുന്ന സഹോദരിമാർ എങ്ങനെ ജീവിക്കും എന്നറിയാതെ സഹോദരൻ പണിതീർക്കാതെ പോയ ഒറ്റമുറിവീട്ടിൽ ജീവിതം തള്ളിനീക്കുകയാണ്.

ഈ സഹോദരിമാരെ അകമൊഴിഞ്ഞു സഹായിച്ച എല്ലാ നല്ലവരായ സുഹൃത്തുകൾക്കും വോക്കിങ് കാരുണ്യയുടെ നന്ദി.

Registered Charity Number 1176202
https://www.facebook.com/…/Woking-Karunya-Charitable…/posts/
Charitties Bank Account Details
Bank Name: H.S.B.C.
Account Name: Woking Karunya Charitable Society.
Sort Code:404708
Account Number: 52287447

കുടുതല്‍വിവരങ്ങള്‍ക്ക്
Jain Joseph:07809702654
Boban Sebastian:07846165720
Saju joseph 07507361048

ജൂൺ 8 ന് ബോൺമൗത്തിൽ വച്ച് നടക്കുന്ന സംഗീത സുദിനത്തിലേക്കു എല്ലാവര്ക്കും സുസ്വാഗതം.
ബ്രിസ്റ്റോൾ മേയർ മിസ്റ്റർ ടോം ആദിത്യ ഉൽഘാടനം നടത്തുന്ന മഴവിൽ സംഗീതത്തിന് ഇക്കുറി മുഖ്യ അതിഥികളുടെ ഒരു നിര തന്നെയുണ്ട് ഐഡിയ സ്റ്റാർ സിങ്ങർ താരങ്ങളായെത്തി മലയാള പിന്നണി ഗായികയായി തിളങ്ങുന്ന വാണി ജയറാമും, ജിൻസ് ഗോപിനാഥും , അമൃതാ ടീവി റിയാലിറ്റി ഷോ യിലൂടെ നമുക്ക് സുപരിചിതനായ സ്വന്തം ദീപക് യതീന്ദ്രദാസ് കൂടാതെ യുകെയിലെ പ്രസക്ത ഹിന്ദി മറാഠി ഗായിക ശ്രീമതി ഗിരിജ ധബകേ ഇവർക്കൊപ്പം മഴവിൽ ഗായകരായ അനീഷ് ജോർജ് , റ്റെസ് മോൾ ജോർജ് ,പിന്നെ പതിവുതെറ്റിക്കാതെ യുകെ യിലെ ഏറ്റവും നല്ല ഗായകരുമായി സപ്ത സ്വരങ്ങളുടെ രാഗ സന്ധ്യക്ക് അരങ്ങൊരുങ്ങുകയായി.. . ഇവരെ കൂടാതെ ശ്രി Danto മേച്ചേരിൽ , കെ സ് ജോൺസൻ , സുനിൽ രവീന്ദ്രൻ , രാജു ചാണ്ടി , ഷിനു സിറിയക് ,ജോസ് ആന്റോ , കോശിയാ ജോസ് , വിൻസ് ആന്റണി, ജിജി ജോൺസൻ , സൗമ്യ ഉല്ലാസ് …എന്നീ കമ്മറ്റി അംഗങ്ങൾ ഈ സംഗീത സായാഹ്നത്തിന്റെ വിജയത്തിനായി പ്രവർത്തിക്കുന്നു.

സംഗീതാസ്വാദകരെ ഒരിക്കലും നിരാശപെടുത്തിയിട്ടില്ലാത്ത ഈ സംഗീത വിരുന്ന് ഇതവണയും പതിൻമടങ്ങു മറ്റോടുകൂടിയാണ് ഒരുക്കിയിരിക്കുന്നത്‌.
നമ്മുടെ രാജ്യത്തിന്റെ കാവൽ ഭടന്മാർക്കായി TRIBUTE TO INDIAN SOLDIERS എന്ന ഒരു സംഗീത സ്മരണാഞ്ജലിയും അണിയറയിൽ ഒരുങ്ങികൊണ്ടിരിക്കുന്നു കൂടാതെ മലയാളത്തിന്റെ നടന വിസ്മയം ശ്രീ മോഹൻലാൽ ഹിറ്റ്‌സ് , ഇളയ ദളപതി ശ്രീ വിജയ് ഹിറ്റ്‌സും പ്രത്യേകം ഉൾപ്പെടുത്തിയിരിക്കുന്നു .
ഹിന്ദി മെലഡി ഗാനങ്ങൾ കോർത്തിണക്കിയ” ശ്യാമ് ഈ സംഗീത് ” കൂടി ഉള്പെടുത്തിയതോടെ മഴവില്ലിന്റെ തലം, ഭാഷയുടെ അതിർവരമ്പുകൾ ഭേദിച്ഛ് ഒരു പടി കൂടി മുന്നേറുകയാണ്.

അത്യാധുനിക ടെക്നൊളജി ഉപയോഗിച്ച് ദൃശ്യവിരുന്നൊരുക്കി പ്രശസ്തരായ ’കളർ മീഡിയ’ യുടെ LED സ്‌ക്രീനും, നോർത്താംപ്ടനിൽ നിന്നുള്ള ബിനുവിന്റെ ലൈറ്റും സൗണ്ടും, ശ്രി വിനോദ് നവധാര നേതൃത്വം നൽകുന്ന ലണ്ടനിലെ നിസരി ഓർക്കസ്ട്രയുടെ സാന്നിധ്യവും നിങ്ങള്ക്ക് ഒരു സംഗീത ദൃശ്യ മാസ്മരികത സമ്മാനിക്കും എന്ന് ഉറപ്പുതരുകയാണ് ഇതിന്റെ അണിയറ പ്രവർത്തകർ.
കൂടാതെ ബോളിവുഡ് നൃത്തങ്ങൾ , ഫുഡ് ഹാംപ്ഷെയർ ഒരുക്കുന്ന രുചികരമായ വിഭവങ്ങൾ, പിന്നെ എല്ലാ ഭാവങ്ങളും ഒപ്പിയെടുക്കാൻ, AR ഫോട്ടോഗ്രാഫി, ബോബി ജോർജ് ടൈം ലൈൻ ഫോട്ടോ ഗ്രാഫി , SAN ഫോട്ടോഗ്രാഫി , ബി റ്റി എം ഫോട്ടോഗ്രാഫി എന്നിവരുടെ സാന്നിധ്യവും ഈ സംഗീത വിരുന്നിനു കൂടുതൽ മികവേകും . ശ്രി ജിസ്മോൻ പോളിന്റെ റോസ് ഡിജിറ്റൽ ആണ് എല്ലാ വര്ഷത്തെപോലെ വീഡിയോ വിഭാഗം കൈകാര്യം ചെയ്യുന്നത് . ഈ വർഷത്തെ നയനമനോഹരങ്ങളായ പോസ്റ്ററുകൾ ഒരുക്കിയിരിക്കുന്നത് ചിത്രകാരൻ കൂടിയായ ജെയിൻ ജോസഫ് ആണ്. “എന്നാ പിന്നെ വരുകയല്ലേ???”
ജൂൺ 8 ന് നമുക്ക് ബോൺമൗത്തിൽ വച്ച് കാണാം.
More Details : ANEESH GEORGE 07915061105
VENUE : KINSON COMMUNITY CENTERE , MILHAMS ROAD,PHELHAMSPARK, BOURNEMOUTH, BH11 9BS

നാഷണൽ കൗൺസിൽ ഓഫ് കേരളാ ഹിന്ദു ഹെറിറ്റേജിന്റെ ആഭിമുഖ്യത്തിൽ ‘ സംസ്‌കൃതി 2019’ ദേശീയ കലാ മേളയ്ക്കുള്ള ഒരുക്കങ്ങൾ പൂർത്തിയായി.

ഈ വരുന്ന ജുലൈ 6നു രാവിലെ 09 .00 മുതൽ ബർമ്മിങ്ഹാം ക്ഷേത്ര സമുച്ചയത്തിലുള്ള സാംസ്കാരിക വേദികളിൽ വച്ച് നടത്തപെടുന്ന കലാ മത്സരങ്ങളിൽ സബ് ജൂനിയർ ,ജൂനിയർ ,സീനിയർ എന്നീ തലങ്ങളിലായി നൃത്തം ,സംഗീതം ,ചിത്ര രചന ,സാഹിത്യം , പ്രസംഗം , തിരുവാതിര ,ഭജന ,ലഘു നാടകം,ചലച്ചിത്രം എന്നിങ്ങനെ വിവിധ മേഖലകളിലുള്ള മത്സരയിനങ്ങളിൽ യുകെയുടെ വിവിധ ഭാഗങ്ങളിൽ നിന്നുമുള്ള ഹൈന്ദവ സംഘടനാ അംഗങ്ങളും ,പ്രതിഭകളും മാറ്റുരയ്‌ക്കുന്നു .

ജൂലൈ 6നു രാവിലെ 8 നും 9 നും ഇടയിലായി മത്സരാർത്ഥികൾ രജിസ്‌ട്രേഷൻ നടപടികൾ പൂർത്തിയാക്കി ചെസ്ററ് നമ്പറുകൾ കൈപ്പറ്റേണ്ടതാണ് . ഭാരതീയ ഹൈന്ദവ ദർശനങ്ങളെ അടിസ്ഥാനമാക്കി ഒരുക്കുന്ന ഈ കലാ മാമാങ്കത്തിൽ പങ്കെടുക്കുവാൻ യുകെയിലെ ഹൈന്ദവ സമാജങ്ങളിലെ അംഗങ്ങൾ ഓരോരുത്തരെയും സ്വാഗതം ചെയ്തുകൊള്ളുന്നു . പ്രവാസ ലോകത്തു വിവിധ മേഖലകളിൽ കഴിവ് തെളിയിച്ച ഓരോരുത്തരുടെയും ഉള്ളിലെ കലാപരമായ അംശങ്ങളെ മുഖ്യ ധാരയിലേക്ക് കൊണ്ട് വരികയും ആദരിക്കുകയും ചെയ്യുക എന്നുള്ളതാണ് സംസ്‌കൃതി 2019 ന്റെ മുഖ്യ ലക്ഷ്യങ്ങളിൽ ഒന്ന് എന്ന് സംഘാടകർ വ്യക്തമാക്കി .

ജുലൈ 6നു വൈകുന്നേരം നടക്കുന്ന സാംസ്കാരിക സമ്മേളനത്തിൽ വച്ച് മുഖ്യാതിഥികൾ ആയ ശ്രീ രാജമാണിക്യം IAS, ശ്രീമതി നിശാന്തിനി IPS എന്നിവർ – വിജയികൾ ,കലാ പ്രതിഭ ,കലാ തിലകം എന്നിവരെ പ്രശസ്തിപത്രം ,ഫലകം എന്നിവ നൽകി ആദരിക്കുകയും അനുമോദിക്കുകയും ചെയ്യുന്നതായിരിക്കും .

സംസ്‌കൃതി 2019 ദേശീയ കലാമേളയിൽ പങ്കെടുക്കുവാൻ ആഗ്രഹിക്കുന്ന മത്സരാർത്ഥികൾ രജിസ്‌ട്രേഷൻ , പരിപാടികൾക്കുള്ള മ്യൂസിക് ട്രാക്കുകൾ എന്നിവ ജൂൺ 20നു മുൻപായി സമർപ്പിക്കേണ്ടതും നടപടികൾ പൂർത്തിയാക്കേണ്ടതുമാണ് . രജിസ്‌ട്രേഷൻ നടപടികൾക്കായി താഴെ കൊടുത്തിരിക്കുന്നഫോൺനമ്പറുകളിൽ ബന്ധപ്പെടുവാൻ അഭ്യർത്ഥിക്കുന്നു .

കൂടുതല്‍ വിവരങ്ങള്‍ക്കും ഓണ്‍ലൈന്‍ രേജിസ്ട്രഷനും നാഷണല്‍ കൌണ്‍സില്‍ വെബ്‌ സൈറ്റ് സന്ദര്‍ശിക്കുക www.hinduheritageuk.org.  If you wish to register through our website, for those who wish participate on competition please use the orange window or click on (https://www.eventbrite.co.uk/e/sanskriti-2019-national-kalamela-for-contestants-tickets-62908419777?ref=ecount) and for those who wish attend as audience please use the green window  (https://www.eventbrite.co.uk/e/sanskriti-2019-national-kalamela-general-tickets-60523189489?ref=ecount).

കൂടുതല്‍ വിവരങ്ങള്‍ക്കും ഓണ്‍ലൈന്‍ രേജിസ്ട്രഷനും നാഷണല്‍ കൌണ്‍സില്‍ വെബ്‌ സൈറ്റ് സന്ദര്‍ശിക്കുക www.hinduheritageuk.org.  If you wish to register through our website, for those who wish participate on competition please use the orange window or click on (https://www.eventbrite.co.uk/e/sanskriti-2019-national-kalamela-for-contestants-tickets-62908419777?ref=ecount) and for those who wish attend as audience please use the green window  (https://www.eventbrite.co.uk/e/sanskriti-2019-national-kalamela-general-tickets-60523189489?ref=ecount).

For more information and help please contact :

Contacts for details :

Harish Pala : 07578148446

Prashant Ravi : 07863978338

Pramod Pillai : 07540941596

email : [email protected]

www.hinduheritageuk.org

Please register before 20th June 2019

ഇനി അടുത്തത് ഓണാഘോഷങ്ങളുടെ കാത്തിരിപ്പാണ് .
ഒരു ജനതയുടെയും സംസ്കാരത്തിന്റെയും തനിമയാർന്ന മധുരിക്കുന്ന ഒരടയാളപ്പെടുത്തലായ ഓണത്തിനുവേണ്ടിയുള്ള കാത്തിരിപ്പ്. അന്നും ഇന്നും എന്നും ഒരുപോലെ അതിനുള്ള പണിപ്പുരയിലാണ് ലിംകയും.

കുടുംബ ബന്ധങ്ങളും മൂല്യങ്ങളും വിളക്കിച്ചേർത്ത ഒരു പ്രവർത്തന ശൈലി മുഖമുദ്രയാക്കിയിട്ടുള്ള ലിംക ഇപ്രാവശ്യവും ഊന്നൽ നൽകുന്നത് ഒരു കുടുംബാധിഷ്ഠിത ഓണാഘോഷതിനാണ്. സെപ്റ്റംബർ 28, ശനിയാഴ്ച്ച ബ്രോഡ്ഗ്രീൻ ഇന്റർനാഷണൽ സ്‌കൂളിന്റെ വിശാലമായ സ്‌കൂൾ അങ്കണവും അതിലും വിസ്‌തൃതമായ പരിസരങ്ങളും ഓണ വേദിക്കായി തയ്യാറെടുത്തു വരുന്നു.

പ്രഭാതം മുതൽ പ്രദോഷം വരെ നീളുന്ന ഓണാഘോഷങ്ങൾ കലാകായിക സാംസ്‌കാരിക പരിപാടികളാൽ സമ്പുഷ്ടമായിരിക്കും. നൈസർഗ്ഗിക സിദ്ധികളാൽ അതിസമ്പുഷ്ടമായ ലിവർപൂൾ മലയാളികൾ ഒരുക്കുന്ന കലാപരിപാടികൾ, ദേശീയ നിലവാരത്തിനപ്പുറം കിടപിടിക്കുന്ന വ്യത്യസ്‌ത പ്രോഗ്രാമുകൾ തനിമയുടെ തനിയാവർത്തനം അന്വർത്ഥമാക്കുന്ന കായിക മൽസരങ്ങൾ, നർമ്മത്തിൽ ചാലിച്ച ജീവിതത്തിൻറെ നഗ്‌നയാഥാർത്ഥ്യങ്ങൾ ചിത്രീകരിക്കുന്ന കലാവിഷ്‌കാരങ്ങൾ, കൂടാതെ അതിവിശിഷ്ടാഥിതികളുടെ സാന്നിദ്ധ്യം, അങ്ങനെ പലതും. . . . ലിംക ഓണം 2019 നിങ്ങളെ നിരാശപ്പെടുത്തുകയില്ല.

ഒരു മേശയ്ക്കു ചുറ്റും ഇരുന്ന് കുടുംബാംഗങ്ങൾക്കൊപ്പം സുഷിപ്തവും വിഭവ സമ്പുഷ്ടവുമായ ലിംക ഒരുക്കുന്ന ഓണസദ്യ, അതൊരു വേറിട്ട അനുഭവം തന്നെയായിരിക്കും.

ലിംക പ്രസിഡന്റ് ശ്രീ തമ്പി ജോസ്, സെക്രട്ടറി ശ്രീ രാജി മാത്യു, ട്രഷറാർ ശ്രീ നോബിൾ ജോസ് എന്നിവർ സംയുക്‌തമായി എല്ലാവരേയും ഓണാഘോഷങ്ങളിലേക്ക് സ്വാഗതം ചെയ്യുന്നു.

സ്വാഗതം ലിംക 2019 ഓണാഘോഷങ്ങളിലേക്ക്.

കൂടുതൽ വിശദാംശങ്ങൾക്കു ബിനു മൈലപ്ര – 07889134397, ബിജു പീറ്റർ – 07970944925

ഇടുക്കി ചാരിറ്റി ഗ്രൂപ്പ്‌ യു കെ നടത്തുന്ന ചാരിറ്റിക്ക് ഇതുവരെ വളരെ വലിയ ജനപിന്തുണയാണ് ലഭിച്ചുകൊണ്ടിരിക്കുന്നത് നിങ്ങളുടെ ഒരുനേരത്തെ ഭക്ഷണത്തിൻെറ പണം ഞങ്ങള്‍ക്കു നല്‍കുക അത് ഒരു ജീവിതം കരുപ്പിടിപ്പിക്കാന്‍ ചിലപ്പോള്‍ ഉതകും.

ഇടിഞ്ഞുവീഴറായി നില്‍ക്കുന്ന വീട്ടില്‍ താമസിക്കുന്ന വിധവയും രോഗികളായ മൂന്നുമക്കളുടെ അമ്മയുമായ ഇടുക്കി മണിയറന്‍കുടി സ്വദേശി ചിറക്കല്‍ താഴത്ത് നബിസക്കും വീട് നിര്‍മ്മിക്കതിനും,
മുന്നാറിലെ ഒറ്റമുറി ഷെഡില്‍ വാതിൽ ഇല്ലാതെ, ടോയിലറ്റ് ഇല്ലാതെ ജീവിക്കുന്ന യുവതിയായ അമ്മയ്ക്കും 13 വയസുകാരി മകൾക്കും വീടു പണിയുന്നതിനും കുട്ടിക്ക് പഠന സഹായം നല്‍കുന്നതിനു വേണ്ടിയും തലചായ്ക്കാന്‍ ഒരു കൂരയില്ലാതെ വിഷമിക്കുന്ന പലക്കാട്ടെ ഒറ്റപ്പാലം താലുക്കില്‍ കരിമ്പുഴ പഞ്ചായത്തില്‍ താമസിക്കുന്ന മണികണ്ഠനു അന്തിയുറങ്ങാന്‍ ഒരു വീടുപണിതു നല്‍കുന്നതിനു വേണ്ടിയും ഇടുക്കി ചാരിറ്റി ഗ്രൂപ്പ്‌ യു കെ നടത്തുന്ന ,.ചാരിറ്റിക്ക് ഇതുവരെ 1256 പൗണ്ട് ലഭിച്ചു, കളക്ഷന്‍ തുടരുന്നു . ബാങ്കിന്‍റെ സമ്മറി സ്റ്റേറ്റ്മെന്റ് ഇതോടൊപ്പം പ്രസിധികരിക്കുന്നു .

മൂന്നാറിലെ സ്ത്രിയുടെ വേദനകള്‍ പറയുന്ന മുന്നാര്‍ സബ് കളക്ടർ ഡോക്ടർ രേണു രാജിന്‍റെ വീഡിയോ ഞങ്ങള്‍ കഴിഞ്ഞ ദിവസം പ്രസിദ്ധീകരിച്ചിരുന്നു .ഇടുക്കി ചാരിറ്റി ഗ്രൂപ്പ്‌ കണ്‍വീനര്‍ സാബു ഫിലിപ്പ് കളക്ടറുമായി സംസാരിക്കുകയും സഹായം അറിയിക്കുകയും ചെയ്തിരുന്നു.ഞങ്ങൾ പിരിക്കുന്ന പണം സബ് കളക്ടർ ഡോക്ടർ രേണുക രാജിനെ ഏല്‍പ്പിക്കുമെന്ന് അറിയിക്കുന്നു .

മണികണ്ഠനു വേണ്ടി യു കെ യിലെ നോര്‍ത്ത് അലെര്‍ട്ടനില്‍ താമസിക്കുന്ന സുനില്‍ മാത്യു (ഫോണ്‍ നമ്പര്‍ 07798722899 ), , നബിസക്കു വേണ്ടി ഇടുക്കിയിലെ സാമൂഹിക പ്രവര്‍ത്തകനായ വിജയന്‍ കൂറ്റാംതടത്തിലുമാണ് (ഫോണ്‍ നമ്പര്‍ 0091,9847494526 )ഇടുക്കി ചാരിറ്റി ഗ്രൂപ്പിനെ സമീപിച്ചത് ..ലഭിക്കുന്ന പണം ഇവര്‍ക്ക് മുന്നുപേർക്കുമായി വീതിച്ചു നല്‍ക്കും എന്നറിയിക്കുന്നു.

കഴിഞ്ഞ പ്രളയത്തില്‍ ഞങ്ങളുടെ ശ്രമഫലമായി 7 ലക്ഷത്തോളം രൂപ പല സംഘടനകളില്‍ നിന്നും ശേഖരിച്ചു നാട്ടിലെ ആളുകള്‍ക്ക് വിതരണം ചെയ്യാന്‍ കഴിഞ്ഞിരുന്നു.
ഞങ്ങൾ ഇതു വരെ 70 ലക്ഷം രൂപ നാട്ടിലെ ആളുകള്‍ക്ക് നല്‍കി സഹായിച്ചിട്ടുണ്ട് ,ഇടുക്കി ചാരിറ്റി ഗ്രൂപ്പ്‌ യു കെ യ്ക്ക് നേതൃത്വംകൊടുക്കുന്നത് സാബു ഫിലിപ്പ് ,ടോം ജോസ് തടിയംപാട് , സജി തോമസ്‌ എന്നിവരാണ്‌.

നിങ്ങള്‍ ദയവായി ഞങ്ങളുടെ ഈ അപേക്ഷ കൈവിടരുത് നിങ്ങളുടെ സഹായങ്ങള്‍ താഴെ കാണുന്ന അക്കൗണ്ടില്‍ നല്‍കുക .

ACCOUNT NAME , IDUKKI GROUP
ACCOUNT NO 50869805
SORT CODE 20-50.-82
BANK BARCLAYS.

”
ദാരിദ്രൃം എന്തെന്നറിഞ്ഞവര്‍ക്കെ പാരില്‍ പരക്ലേശവിവേകമുള്ളു.””,

ഇടുക്കി ചാരിറ്റി വേണ്ടി സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ്‌ 07803276626..
ടോം ജോസ് തടിയംപാട്

ഷാജു കടമറ്റം.

പത്താം വർഷികം ആഘോഷിക്കുന്ന ഇപ് സ്വിച് മലയാളി അസോസിയേഷന്റെ പൊതുസമ്മേളനവും, ആനുവൽ ജനറൽ ബോഡി യോഗവും ഇപ് സ്വിച്ചിലെ ലെ സ്കൗട്ട് ഹാളിൽ ജൂൺ 2ന് ഞായറാഴ്ച വൈകുന്നേരം ചേരുകയുണ്ടായി. അസോസിയേഷൻ പ്രസിഡൻറ് ജോ ജോ തോമസിന്റെ അദ്ധ്യക്ഷതയിൽ കൂടിയ യോഗത്തിൽ സെക്രട്ടറി ജെയിൻ കുര്യാക്കോസ് വിശദമായ പ്രവർത്തന റിപ്പോർട്ട് അവതരിപ്പിച്ചു.

പ്രളയ ദുരിതാശ്വാസവുമായി ബന്ധപ്പെട്ട് ഐ എം എ നടത്തിയിട്ടുള്ള സേവനങ്ങളും ഭവന നിർമ്മാണ പദ്ധതിയും കരഘോഷത്തോടെയാണ് സദസ്സ് ഏറ്റുവാങ്ങിയത്. വൈസ് പ്രസിഡന്റ് സെബാസ്റ്റ്യൻ ഭരണികുളങ്ങര സദസ്സിനെ അഭിസംബോദ ന ചെയ്ത് സംസാരിച്ചു. അതിനു ശേഷം ട്രെഷറർ ബാബു റ്റി.സി അവതരിപ്പിച്ച വിശദമായ വരവ് ചില വ് കണക്കുകൾ യോഗം പാസാക്കി. ചുരുങ്ങിയ കാലയളവിൽ ഒട്ടേറെ ജനോപകാരപ്രദമായ കാര്യങ്ങൾ നടപ്പിലാക്കുവാൻ സഹകരിച്ച ഏവരോടും പ്രസിഡന്റ് ജോ ജോ തോമസ് നന്ദി രേഖപ്പെടുത്തുന്നതോടൊപ്പം സദസ്സിന്റെ അനുമതിയോടെ കമ്മിറ്റി പിരിച്ചു വിട്ടതായി പ്രഖ്യാപിച്ചു. അതിനു ശേഷം നടന്ന പൊതുയോഗം ഐക്യകണ്ഠേനെയാണ് അടുത്ത രണ്ടു വർഷത്തേയ്ക്കുള്ള ഭരണ സാരഥികളെ തെരഞ്ഞെടുത്തത്.

മോഹൻദാസ് കുന്നൻചേരി

ഓസ്‌ഫോർഡ് : തൃശ്ശൂർ ജില്ല സൗഹൃദവേദിയുടെ ആഭിമുഖ്യത്തിൽ ജൂലായ് 6 ശനിയാഴ്ച രാവിലെ 10 മണിമുതൽ വൈകിട്ട് 5 മണിവരെ ഓക്സ്ഫോർഡിലെ ഇവാഞ്ചലിക്കൽ ചർച്ച് ഹാളിൽ നടത്തുന്ന ജില്ലാ കുടുംബ സംഗമത്തിന്റെ രജിസ്ട്രേഷൻ തുടങ്ങിക്കഴിഞ്ഞു. ഇനിയും രജിസ്റ്റർ ചെയ്യാത്ത ജില്ല നിവാസികൾ ഉടനെ തന്നെ സംഘാടകരുടെ പക്കൽ പേരുകൾ നൽകണമെന്ന് അഭ്യർത്ഥിക്കുന്നു.

ഹാളിന്റെ വിലാസം : Northway Evangelical Church
Sutton Road
Oxford
OX3 9 RB
കൂടുതൽ വിവരങ്ങൾക്ക് : 07825597760, 07727253424

UKMA Yorkshire & HumberU Region-ന്റെ 2019-ലെ Sports Meet ജൂൺ 1 (ശനിയാഴ്ച) Leeds-ലെ East Keswick Cricket ground-ൽ വെച്ച് നടന്നു. യുക്മ ദേശീയ പ്രതിനിധി ശ്രീ. സാജൻ സത്യൻ Sports Meet ഉദ്ഘാടനം ചെയ്ത് എല്ലാ മത്സരാര്ഥികള്ക്കും വിജയാശംസകൾ നേർന്നു കൊണ്ട് സംസാരിച്ചു. മത്സരാത്ഥികൾക്കുള്ള രെജിസ്ട്രേഷൻ Online വഴി 3 ആഴ്ച മുൻപ് തന്നെ തുടങ്ങിയിരുന്നു. രാവിലെ 9:30am മുതൽ വേദിയിൽ വെച്ചും ബാക്കി രജിസ്ട്രേഷനുകൾ പൂർത്തീകരിച്ചപ്പോൾ, ആകെ 107 പേരാണ് മത്സരങ്ങളിൽ പങ്കെടുക്കുന്നതിന് വ്യക്തമായി.

അപ്രതീക്ഷിതമായി എത്തിയ ചാറ്റൽ മഴ കുറച്ചു സമയം പരിപാടിയെ തടസ്സപ്പെടുത്തിയെങ്കിലും പിന്നീട് അങ്ങോട്ടുള്ള നല്ല കാലാവസ്ഥ മത്സരാർത്ഥികൾക്ക് ഉണർവ്വേകി. ആദ്യം ട്രാക്ക് ഇനങ്ങളും പിന്നീട് ഇനങ്ങളും നടത്തപ്പെട്ടു. ആദ്യമായി നടത്തിയ മത്സരത്തിൽ ഒട്ടേറെ പേർ പങ്കാളികളായി. കമ്മറ്റിക്കാർ വിതരണം ചെയ്ത ഉച്ചഭക്ഷണവും snacks- ഉം മൃദുപാനീയങ്ങളും എല്ലാവരും ആസ്വദിച്ചു.

Sports meet- നോട് അനുബന്ധിച്ച് നടത്തിയ 6-a-side Football ചാമ്പ്യൻഷിപ്പിൽ 7 ടീമുകൾ മാറ്റുരച്ചു. Group stage, Semi final, Final എന്നീ ഘട്ടങ്ങളിലൂടെ കടന്നു ഫൈനലിൽ ഷെഫീൽഡ് ബ്ളാസ്റ്റേഴ്സ് ലീഡ്‌സിലെ ചുണക്കുട്ടികളുമായി മാറ്റുരച്ചു. ഫൈനലിൽ 2-1 എന്ന സ്‌കോറിൽ ക്യാപ്റ്റൻ ജെസ്വിൻ റ്റോമി നയിച്ച ലീഡ്സ് ടീം ജേതാക്കളായി.

വടംവലി മത്സരത്തിൽ ഘട്ടങ്ങൾ കടന്നു ഫൈനലിൽ എത്തിയ ടീമുകളിൽ, കരുത്തരായ ബ്രാഡ്ഫോഡ് ടീമിനെ തറപറ്റിച്ച് ജസ്റ്റിൻ അബ്രഹാമിന്റെ നേതൃത്വത്തിലുള്ള ‘Back Benchers’ ടീം വിജയികളായി.

വൈകിട്ട് 7:00 മണിയോടുകൂടി സമ്മാന ദാനം നടന്നു. ആകെ 123 പോയിന്റ് നേടി സ്കന്തോർപ് മലയാളി അസോസിയേഷൻ (SMA) Overall Champion ആയി. റീജിയൻ പ്രസിഡന്റ് അശ്വിൻ മാണിയിൽ നിന്നും SMA-ക്ക് വേണ്ടി ശ്രീമതി അമ്പിളി മാത്യൂസും സംഘവും Over all trophy സ്വീകരിച്ചു. 109 പോയിന്റോടെ Runner up-നുള്ള ട്രോഫി Sheffield Kerala Cultural Association-നു വേണ്ടി വർഗീസ് ഡാനിയേൽ ഏറ്റുവാങ്ങി.

വ്യക്തിഗത മികവിനുള്ള അവാർഡുകൾ കീത് ലി മലയാളി അസോസിയേഷന്റെ ജിയോ അഗസ്റ്റിനും സ്കന്തോർപ്പ് മലയാളി അസോസിയേഷന്റെ അമ്പിളി മാത്യൂസും കരസ്ഥമാക്കി.

റീജിയന്റെ വിവിധ പരിപാടികളുടെ നടത്തിപ്പിനായുള്ള ധനശേഖരണത്തിനായി Raffle ടിക്കറ്റുകൾ വിതരണം ചെയ്തു. എല്ലാ അംഗ അസ്സോസിയേഷനുകളും ഈ മത്സരങ്ങളിൽ പങ്കെടുത്തു എന്നതാണ് ഈ കായികമേളയുടെ വിജയം എന്നും അതോടൊപ്പം ഇതിന്റെ ഭാഗഭാക്കായ എല്ലാവർക്കും റീജിയൻ പ്രസിഡണ്ട് അശ്വിൻ അഭിനന്ദനങ്ങളും നന്ദിയും അറിയിക്കുകയും ചെയ്തു

ബിബിൻ എബ്രഹാം

സൗത്താംപ്ടൺ: യുക്മ സൗത്ത് ഈസ്റ്റ് റീജിയണിന്റെ ആഭിമുഖ്യത്തിൽ ജൂൺ 9 ഞായറാഴ്ച രാവിലെ 11 മണിമുതൽ സൗത്താംപടൺ അതലറ്റിക്ക് ക്ലബിൽ വച്ച് റീജണൽ കായികമേളയും,റീജിയണിലെ അസോസിയേഷനുകൾക്കായി ഒന്നാം സമ്മാനം 401 പൗണ്ടും,രണ്ടാം സമ്മാനം 201 പൗണ്ടുമായി വടംവലി മത്സരവും നടത്തുവാൻ 2-6-19ൽ സൗത്താംപടണിൽ കൂടിയ റീജിയണൽകമ്മറ്റി തീരുമാനിച്ചു.കായികതാരങ്ങളെ പ്രോത്സാഹിപ്പിക്കുന്നതിന്റെ ഭാഗമായി മത്സരാർത്ഥികളിൽ നിന്ന് രജിസ്ട്രേഷൻ ഫീസ് പൂർണമായും ഒഴിവാക്കികൊണ്ടും,പ്രവേശനം പൂർണമായും സൗജന്യമാക്കുവാനും റീജിയണൽ ഭാരവാഹികളുടെ സംയുക്ത യോഗം തീരുമാനം എടുത്തു.

ഏറ്റവും കൂടുതൽ പോയിന്റുമായി ചാമ്പ്യൻ പട്ടം കരസ്ഥമാക്കുന്ന അസോസിയേഷന് എവറോളിംഗ് ട്രോഫിക്ക് പുറമേ ക്യാഷ് അവാർഡും ഉണ്ടായിരിക്കുന്നതാണ്. പോയിന്റ് നിലയിൽ രണ്ടും മൂന്നും സ്ഥാനങ്ങളിൽ എത്തുന്ന അസോസിയേഷനുകൾക്കും എവറോളിംഗ് ട്രോഫിയും സമ്മാനമായി ലഭിക്കുന്നതാണ്. ഓരോ വിഭാഗത്തിലും വ്യക്തിഗത ചാമ്പ്യനാകുന്ന സ്ത്രീക്കും,പുരുഷനും ട്രോഫിയും സർട്ടിഫിക്കേറ്റും സമ്മാനമായി നൽകി റീജിയൺ ആദരിക്കുന്നതാണ്.കൂടാതെ എല്ലാ മത്സര ഇനങ്ങളിലും, ഗ്രൂപ്പ് മത്സരങ്ങളിലും ഒന്നും,രണ്ടും,മൂന്നും സ്ഥാനം ലഭിക്കുന്നവർക്ക് മെഡലും സർട്ടിഫിക്കേറ്റും സമ്മാനമായി ലഭിക്കുന്നതാണ്.

മത്സരങ്ങൾക്ക് മുന്നോടിയായി അസോസിയേഷനുകളുടെ മാർച്ച് പാസ്റ്റ് ഉണ്ടായിരിക്കും. വടംവലിയിൽ ഒരു അസോസിയേഷനിൽ നിന്ന് 7 പേരടങ്ങുന്ന ടീമിന് പങ്കെടുക്കാവുന്നതാണ്.ടീമിന്റെ ആകെ തൂക്കം
590kg ആയിരിക്കും. വടംവലിക്ക് മാത്രം ടീമൊന്നിന് 50 പൗണ്ട് രജിസ്ട്രേഷൻ ഫീസ് ഉണ്ടായിരിക്കുന്നതാണ്.
റീജണൽ കമ്മറ്റി സംഘടിപ്പിച്ച ഓൾ യു കെ 20-20. ക്രിക്കറ്റിന്റെ വൻ വിജയത്തെ തുടർന്ന് സൗത്ത് ഈസ്റ്റ് റീജണൽകമ്മറ്റി വലിയ ആവേശ തിമർപ്പിൽ ആണ്.യു.കെ പ്രവാസി മലയാളി കായിക ചരിത്രത്തിൽ വീണ്ടും ഒരു വിജയഗാഥ രചിയ്ക്കുവാനുള്ള വേദിയാക്കി മാറുകയാണ് സ്പോർട്സ് മീറ്റും വടംവലി മത്സരവും.
സൗത്താംപടനിൽ റീജിയണൽ പ്രസിഡന്റ് ശ്രീ ജോമോൻ ചെറിയാന്റെ അദ്ധ്യക്ഷതയിൽ ചേർന്ന ഭാരവാഹികളുടെ ഔദ്യോഗിക യോഗത്തിൽ വച്ച് റീജണൽ കായികമേളയുടെ സുഗമമായ നടത്തിപ്പിനായി വിപുലമായ സംഘാടക കമ്മറ്റിയെയും തിരഞ്ഞെടുത്തു.

രക്ഷാധികാരി : മാത്യു ഡൊമനിക് ( ASM Slough)
ചെയർമാൻ : ബിനു ജോസ് ( FMA Hampshire)
വൈസ് ചെയർമാൻ : മാത്യു വുഗീസ്(Southumpton )
ജനറൽ കൺവീനർ : ജോമോൻ ചെറിയാൻ ( റീജണൽ പ്രസിഡന്റ്)
പ്രോഗ്രാം കോർഡിനേറ്റർ : ജിജോ അരയത്ത് ( റീജണൽ സെക്രട്ടറി)
ഫിനാൻസ് & രജിസ്ട്രേഷൻ : ജോഷി ആനിതോട്ടത്തിൽ(റീജണൽ ട്രഷറർ), വരുൺ ജോൺ( ജോയിന്റ് ട്രഷറർ)
ഓഫീസ് നിർവഹണം : ലിറ്റോ കോരുത്ത് ( റീജണൽ ജോയിന്റ് സെക്രട്ടറി )
ട്രാക്ക് &ഫീൽസ് ഇൻചാർജ് : ലാലു ആന്റണി ( നാഷണൽ എകസിക്യൂട്ടിവ്), അനിൽ വറുഗീസ്
വടംവലി കോ-ഓർഡിനേറ്റേഴസ്: ജോഷി സിറിയക്ക്,ആൽബർട്ട് ജോർജ്.
അപ്പിൽ കമ്മറ്റി: റോജിമോൻ വറുഗീസ്, അജിത്ത് വെൺമണി, ജോമോൻ കുന്നേൽ, മംഗളൻ വിദ്യാസാഗരൻ
പി ആർ ഒ: ബിബിൻ ഏബ്രഹാം
ജനറൽ കൺവീനേഴസ് : ജൂബി സൈജു (WMCA WOKING), എഡ്വവിൻ ജോസ് (SEEMA Eastbourn), അരുൺ മാത്യു(MISMA Burgess Hill), ടിനോ സെബാസ്റ്റ്യൻ (HUMCA Heywardsheath), ജോസഫ് വറുഗീസ്( RHYTHM Horsham), എബി ഏബ്രഹാം(MMA Maidstone), സോജൻ ജോസഫ്( Friends Ashford ), വിവേക് ഉണ്ണിത്താൻ (SANGEETHA UK), അനൂപ് കെ ജോസ് (Canterbury ), ബിജു ചെറിയാൻ (Sahrudhaya Kent ), സജി ലോഹിതദാസ് (KCWA CROYDON ), ഡോൺ കൊച്ചുകാട്ടിൽ ( FRIENDS Hampshire ), രാജു കുര്യൻ (MAP Portsmouth ), റെജീഷ് കുര്യൻ (FRIENDS Hampshire), മാർട്ടിൻ ( ASM Slough)
First Aid Incharge: Dr.അജയ് മേനോൻ, പൊന്നില ഷാലു, ടെസി ദീപു, കീർത്തി ആരോമൽ, നിത്യ രാജ്
ഫോട്ടോഗ്രാഫി : ഫോട്ടോജീൻസ് / ജിനു c വർഗീസ്

Address: Southampton Sports Centre
Thornhill Road
Southampton
SO16 7AY

ജോജി തോമസ്

ഇന്ത്യൻ പൊതു തിരഞ്ഞെടുപ്പിൽ തീവ്ര വലതുപക്ഷപാർട്ടിയായ ബിജെപി മതാധിഷ്ടിതവും ദേശീയതയിൽ മാത്രം ഊന്നിയ പ്രചാരണ രീതികളിലൂടെ വീണ്ടും തേരോട്ടം നടത്തിയപ്പോൾ ഇന്ത്യൻ ജനാധിപത്യം അടുത്ത അഞ്ചു വർഷങ്ങൾ കൂടി കാവി രാഷ്ട്രീയത്തിൻറെ നിഴലിൽ ആയിരിക്കുമെന്ന  സൂചനകളാണ് പുറത്തു വരുന്നത്. കാർഷിക രംഗത്ത് തകർച്ച, അഴിമതി, ചെറുകിട വ്യാപാരരംഗത്തിന്റെ കിതപ്പുകൾ അതിലൂടെ ഉണ്ടായ അതി ഭീമമായ തൊഴിൽ നഷ്ടം, കഴിഞ്ഞ അഞ്ചു വർഷങ്ങളായി   ഫാസിസ്റ്റ്     മുഖമുള്ള ഭരണകക്ഷിയുടെ തണലിൽ സവർണ ലോബി  നടത്തിയ ദളിത് പീഡനം, പശു രാഷ്ട്രീയത്തിന്റെ പേരിൽ നടന്ന ആൾകൂട്ട വിചാരണങ്ങളും കൊലപാതകങ്ങളും തുടങ്ങിയവ ഒരു പരിധിവരെ ആസൂത്രിതമായി ഉയർത്തിക്കൊണ്ടുവന്ന ദേശിയ സുരക്ഷയെ  കുറിച്ചുള്ള ആശങ്കകളും മതാധിഷ്ഠിത രാഷ്ട്രീയത്തിന്റെ കപടതകളും  കൊണ്ട് മറക്കാനായപ്പോൾ ബിജെപി നേതൃത്വം തന്നെ പ്രതീക്ഷിക്കാത്ത ഒരു വിജയമാണ് അവർക്ക് ലഭിച്ചത്. പ്രധാന പ്രതിപക്ഷ കക്ഷിയായ കോൺഗ്രസ് പ്രധാന പ്രചാരണ വിഷയമായി ഉയർത്തിക്കൊണ്ടുവന്ന റാഫേൽ ഇടപാടിനെ കുറിച്ചുള്ള വിമർശനങ്ങളും ആരോപണങ്ങളും വേശ്യയുടെ ചാരിത്ര്യ പ്രസംഗം പോലേയേ പൊതുജനത്തിന് അനുഭവപെടാറുള്ളൂ.  ഇതിനു പ്രധാന കാരണം രണ്ടാം യുപിഎ ഗവണ്മെന്റ്റിന്റെ ഭരണകാലത്തു നടന്ന അഴിമതിയുടെ കഥകൾ ഇപ്പോഴും പൊതു ജനത്തിന്റെ മനസ്സിൽ നിറം മാറാതെയിരിക്കുന്നതുകൊണ്ടാണ് .

മൂന്നാം ലോക രാജ്യങ്ങളിൽ തങ്ങളുടെ താത്പര്യം സംരക്ഷിക്കുന്നതിനായി ലോകത്തെ പ്രമുഖ സാമ്പത്തിക ശക്തികളായ രാഷ്ട്രങ്ങൾ തെരഞ്ഞെടുപ്പ് പ്രക്രിയയിൽ ഇടപെടലുകൾ നടത്തുന്നത് സർവ്വസാധാരണമെങ്കിലും ഇന്ത്യൻ ജനാധിപത്യ പ്രക്രിയയിൽ വിദേശ ഇടപെടൽ ആദ്യമാണ്. കഴിഞ്ഞ അമേരിക്കൻ തെരഞ്ഞെടുപ്പിലെ റഷ്യൻ ഇടപെടലും, ശ്രീലങ്കൻ തെരഞ്ഞെടുപ്പിലെ ഇന്ത്യ നടത്തിയ നീക്കങ്ങളും ഇത്തരത്തിലുള്ള വൈദേശിക കൈകടത്തലുകൾക്ക് ഉദാഹരണമാണ്. അഗസ്റ്റിയ വെസ്റ്റ് ലാൻഡ് ഹെലികോപ്റ്റർ ഇടപാടിലെ പ്രതിയായ ക്രിസ്റ്റിൻ മിഷലിനെ  അമേരിക്കൻ സമ്മർദ്ദത്തെ തുടർന്ന് യുഎഇ ഇലക്ഷന് തൊട്ടുമുൻപ് ഇന്ത്യക്കു കൈമാറിയത് ഇലക്ഷൻ പ്രചാരണത്തിന് നരേന്ദ്ര മോദിക്ക് ആനുകൂല്യം ലഭിക്കുമെന്ന് ഉറപ്പു വരുത്തി. പ്രചാരണത്തിൻെറ മൂർദ്ധന്യത്തിൽ ജയ്‌ഷ മുഹമ്മദ് തലവൻ മസൂദ് അസ്ഹറിനെ ഐക്യരാഷ്ട്രസഭ ആഗോള ഭീകരനായി പ്രഖ്യാപിച്ചതുമെല്ലാം അമേരിക്ക ഉൾപ്പെടെ ഉള്ള പാശ്ചാത്യ ശക്തികളുടെ ഇന്ത്യൻ തെരഞ്ഞെടുപ്പിലെ ഇടപെടലിനു ഉദാഹരണമാണ്. മസൂദ് അസ്ഹറിനെ ആഗോള ഭീകരനായി പ്രഖ്യാപ്പിക്കാൻ ഇന്ത്യ വർഷങ്ങളായി ശ്രമിക്കുന്നതായിരുന്നു. ഇന്ത്യയുടെ ചിരകാല സുഹൃത്തും, രാജ്യത്തിൻെറ ഇന്ധനാവശ്യത്തിനു പ്രധാനമായി ആശ്രയിക്കുന്ന ഇറാനെതിരെ അമേരിക്ക നടത്താൻ ഉദ്ദേശിക്കുന്ന നീക്കങ്ങൾക്കു മോദിയുടെ പിന്തുണയാണ് ഇതിലൂടെ പാശ്ചാത്യ ശക്തികൾ ലക്ഷ്യമിടുന്നത്. പശ്ചിമേഷ്യയിൽ തങ്ങളുടെ സാമ്പത്തിക താത്പര്യങ്ങൾക്കു ഏറ്റവും അനുയോജ്യനായ വ്യക്തിയായാണ് പാശ്ചാത്യ ശക്തികൾ നരേന്ദ്ര മോദിയെ കണക്കാക്കുന്നത്.

ലോക സാമ്പത്തിക ശക്തികളുടെയും, കോർപറേറ്റുകളുടെയും മാനസപുത്രനായ നരേന്ദ്ര മോദിയെ സംബന്ധിച്ചിടത്തോളം രാജ്യതാത്പര്യങ്ങൾക്ക് പലപ്പോഴും രണ്ടാം സ്ഥാനമേ ഉള്ളൂ. കോർപറേറ്റുകളുടെ സമ്മർദ്ദത്തിന് വഴങ്ങി ഇന്ത്യൻ സമ്പദ്‌വ്യവസ്ഥയെ തകർക്കുന്ന കഴിഞ്ഞ കാല ഭരണ പരിഷ്‌കാരങ്ങൾ  ഇതിന് തെളിവാണ്. കോർപറേറ്റുകളുടെ താത്പര്യാർത്ഥം ചെറുകിട വ്യാപാരമേഖല തകർന്നതാണ്‌  ഇന്ത്യയിലെ തൊഴിലില്ലായ്മ കുതിച്ചുയരാൻ കാരണമായത്. നോട്ട് നിരോധനത്തിൻെറ പ്രധാന ഗുണഭോക്താക്കൾ കോർപ്പറേറ്റ് മേഖലയായിരുന്നു. ബാങ്കുകളിൽ പണം കുന്നുകൂടിയപ്പോൾ വായ്പകളിലൂടെ കുറഞ്ഞ പലിശക്ക് വൻ വ്യവസായ ഗ്രൂപ്കൾക്കു പണം ലഭ്യമായി.രാജ്യത്തു കർഷക ആത്മഹത്യകൾ പെരുകുമ്പോൾ കോർപ്പറേറ്റ് വായ്പയിലെ നല്ലൊരു ശതമാനം കിട്ടാകടമായി അവശേഷിക്കുകയാണ്.

എന്തായാലും അടുത്ത അഞ്ചു വർഷം കൂടി നരേന്ദ്ര മോദിയെ ചുറ്റിപ്പറ്റിയുള്ള കാവി രാഷ്ട്രീയം തന്നെയാണ് ഇന്ത്യൻ രാഷ്ട്രീയത്തെ നയിക്കുന്നത്. ദുർബലമായ പ്രതിപക്ഷം ഐക്യമില്ലായ്മയിലും ആശയദാരിദ്രത്തിലും ഇരുട്ടിൽ തപ്പുകയാണ്. പ്രതിപക്ഷത്തെ പ്രധാന ശബ്ദമായ രാഹുൽ ഗാന്ധിക്ക് അമേഠിയിലെ ആഘാതത്തിൽനിന്ന് മോചിതനാവാൻ സമയമെടുക്കും.  അതുകൊണ്ടുതന്നെ നരേന്ദ്ര മോദിയുടെ കണ്ണുകെട്ടി കളി ഇന്ത്യൻ രാഷ്ട്രീയത്തിൽ കുറേ കാലം കൂടി തുടരാനാണ് സാധ്യത.

ജോജി തോമസ് മലയാളം യുകെ ന്യൂസ് ടീം മെമ്പറും ആനുകാലിക സംഭവങ്ങള്‍ സൂക്ഷ്മമായി വിലയിരുത്തുന്ന സാമൂഹിക നിരീക്ഷകനുമാണ്. മാസാന്ത്യാവലോകനം എന്ന ഈ പംക്തി കൈകാര്യം ചെയ്യുന്നത് ജോജി തോമസാണ്.