ന്യൂസ് ഡെസ്ക് മലയാളം യുകെ ന്യൂസ്

യുകെയിൽ കോവിഡ് കേസുകൾ വീണ്ടും വർദ്ധിക്കുന്നതിന്റെ ആശങ്കയിലാണ് ആരോഗ്യവിദഗ്ധർ . ഒമിക്രോണിന്റെ പുതിയ വകഭേദങ്ങളാണ് ഇപ്പോഴത്തെ വർദ്ധനവിന് കാരണമെന്നാണ് വിലയിരുത്തപ്പെടുന്നത്. ഔദ്യോഗിക കണക്കുകൾ പ്രകാരം കഴിഞ്ഞ ആഴ്ച മാത്രം 1.7 ദശലക്ഷം ആളുകൾക്കാണ് രോഗം ബാധിച്ചത്.

രാജ്യത്തുടനീളം കോവിഡ് ബാധിച്ച് ആശുപത്രികളിൽ പ്രവേശിപ്പിക്കപ്പെട്ടവരുടെ എണ്ണവും ക്രമാതീതമായി ഉയർന്നിട്ടുണ്ട്. ഓഫീസ് ഫോർ നാഷണൽ സ്റ്റാറ്ററ്റിക്സിന്റെ കണക്കുകൾ പ്രകാരം രോഗബാധിതരുടെ എണ്ണത്തിലുള്ള വർദ്ധനവ് ഒരാഴ്ചയ്ക്കുള്ളിൽ 23 ശതമാനമാണ്. 2021 ജനുവരിയിലെ വൈറസിന്റെ രണ്ടാം തരംഗത്തിനേക്കാൾ ഉയർന്ന നിലയിലാണ് ഇപ്പോഴത്തെ വർദ്ധനവ് എന്നാണ് കണക്കുകൾ സൂചിപ്പിക്കുന്നത്. നിലവിലെ രോഗവ്യാപനത്തിന്റെ തോത് അനുസരിച്ചാണെങ്കിൽ ഇംഗ്ലണ്ട് 40 -ൽ ഒരാൾക്ക് രോഗബാധ ഉണ്ട്.