ന്യൂസ് ഡെസ്ക് മലയാളം യുകെ ന്യൂസ്

രാജ്യം വീണ്ടും കോവിഡ് ഭീഷണിയിലാണോ? പുറത്തു വരുന്ന കണക്കുകൾ ആശങ്കാജനകമാണ്. രാജ്യമൊട്ടാകെ കോവിഡ് ബാധിച്ച് ആശുപത്രിയിൽ പ്രവേശിപ്പിക്കപ്പെടുന്നവരുടെ എണ്ണത്തിൽ വൻ വർദ്ധനവാണ് ഉണ്ടായിരിക്കുന്നത്. കോവിഡിന്റെ വ്യാപനത്തെ നിയന്ത്രിക്കുന്നതിന് പിൻവലിച്ച നിയന്ത്രണങ്ങൾ പുനസ്ഥാപിക്കേണ്ടതായി വരുമോ എന്നതിനെക്കുറിച്ചുള്ള ചർച്ചകൾ സജീവമാണ്.

രാജ്യത്തെ 20 പേരിൽ ഒരാൾക്കെങ്കിലും കോവിഡ് ബാധിച്ചിട്ടുണ്ടെന്ന കണക്കുകൾക്ക് പുറകെയാണ് രോഗം ബാധിച്ച് ആശുപത്രി പ്രവേശിപ്പിക്കപ്പെടുന്നവരുടെ എണ്ണം വർധിച്ചതായുള്ള റിപ്പോർട്ടുകളും പുറത്തുവന്നത് . രോഗ വ്യാപനത്തിന് തടയിടാൻ മാസ്ക് ധരിക്കുക സാധ്യമായ മേഖലകളിൽ വർക്ക് ഫ്രം ഹോമിലൂടെ ജോലി നിർവഹിക്കാൻ അനുവദിക്കുക തുടങ്ങിയ തീരുമാനങ്ങൾ കൈക്കൊള്ളാൻ വിദഗ്ധർ ഇതിനോടകം മന്ത്രിമാരോട് ആവശ്യപ്പെട്ട് കഴിഞ്ഞു.