പാലക്കാട് നിരീക്ഷണത്തിലിരിക്കെ പ​രി​ശോ​ധ​ന ഫ​ലം വ​രും​മു​മ്പ് ക്വാ​റ​ൻ​റീ​നി​ല്‍നി​ന്ന് കടന്ന ക​ണ്ണൂ​ര്‍ സ്വ​ദേ​ശിക്ക് കോവിഡ് സ്ഥിരീകരിച്ചു. കോ​ഴി​ക്കോ​ട്-​ക​ണ്ണൂ​ര്‍ യാ​ത്ര​ക്കി​ടെ കൊ​യി​ലാ​ണ്ടി​യി​ൽ കെ.​എ​സ്.​ആ​ർ.​ടി.​സി ബ​സി​ല്‍നി​ന്ന്​ പി​ടി​കൂ​ടി. മ​ധു​ര​യി​ൽ ചെ​രി​പ്പ്​ വ്യാ​പാ​രി​യാ​ണ് ഇയാൾ. പാ​ല​ക്കാ​ട് തൃ​ത്താ​ല​യി​ൽ ക്വാ​റ​ൻ​റീ​നി​ൽ ക​ഴി​ഞ്ഞു​വ​രി​ക​യാ​യി​രു​ന്നു​ ഇയാളെന്ന്​ ഡി.​എം.​ഒ കെ.​പി. റീ​ത്ത മാധ്യമങ്ങളോട് പ്രതികരിച്ചു.

മൂ​ന്ന്​​ സു​ഹൃ​ത്തു​ക്ക​ൾ​ക്കൊ​പ്പം ജൂ​ൺ 23നാ​ണ് ഇയാൾ​ പ​ട്ടാ​മ്പി​യി​ലെ​ത്തി​യ​ത്. തുടർന്ന് തൃത്താലയിലെ സുഹൃത്തിന്റെ വീട്ടിൽ നിരീക്ഷണത്തിൽ കഴിയുകയായിരുന്നു. 30ന്​ ​സ്ര​വം പ​രി​ശോ​ധ​ന​ക്കെ​ടു​ത്തു. ഉ​​ച്ച​യോ​ടെ കോ​വി​ഡ്​ പോ​സി​റ്റി​വാ​യ ഫ​ല​മെ​ത്തി. ഇതോടെ ആരോഗ്യ പ്രവർത്തകർ ​ ഇ​യാ​ളെ ആ​ശു​പ​​ത്രി​യി​ലേ​ക്ക്​ മാ​റ്റാ​ൻ എ​ത്തി​യ​പ്പോ​ഴാ​ണ്​ മു​ങ്ങി​യ വി​വ​രം അറിയുന്നത്. ശനിയാഴ്ച തന്നെ ഇയാൾ ക്വാ​റ​ൻ​റീ​നി​ൽ ക​ഴി​ഞ്ഞ വീ​ടു​വി​ട്ടി​റ​ങ്ങിയിരുന്നു.

കോഴിക്കോട് വരെ സുഹൃത്തിനൊപ്പം ബൈക്കിലായിരുന്നു യാത്ര. ഇവിടെ നിന്നും കെഎസ്ആർടിസി ബസിൽ കണ്ണൂരേക്കും. അരോഗ്യ പ്രവർത്തകർ ബന്ധപ്പെടുമ്പോൾ ഇയാൾ കൊയിലാണ്ടിയിലെത്തിയിരുന്നു. തു​ട​ർ​ന്ന്​ പൊ​ലീ​സി​ന്​ വി​വ​രം കൈ​മാ​റുകയും സ്​​പെ​ഷ​ൽ ബ്രാ​ഞ്ച്​ ഉ​ദ്യോ​ഗ​സ്ഥ​ർ ബ​സ്​ ത​ട​ഞ്ഞ്​ ഇ​യാ​ളെ ആം​ബു​ല​ൻ​സി​ൽ ക​ണ്ണൂ​രി​​ലെ കോ​വി​ഡ്​ ചി​കി​ത്സ കേ​ന്ദ്ര​ത്തി​ലേ​ക്ക്​ മാ​റ്റുകയും ചെയ്തു.

കോവിഡ് പോസിറ്റീവ് ഫലം ലഭിച്ചിട്ടുള്ള സാഹചര്യത്തിൽ കെ.​എ​സ്.​ആ​ർ.​ടി.​സി ക​ണ്ട​ക്​​ട​റ​ട​ക്കം ബ​സി​ലു​ണ്ടാ​യി​രു​ന്ന​വ​ർ നി​രീ​ക്ഷ​ണ​ത്തി​ൽ പോ​കേ​ണ്ടി​വ​രുന്ന സാഹചര്യമാണുള്ളത്.