അമേരിക്ക : ക്രിപ്റ്റോ വോട്ട് തിരിച്ചുപിടിക്കാൻ ഡെമോക്രാറ്റുകൾക്ക് ‘വലിയ അവസരമുണ്ട്, പുതിയ ഡെമോക്രാറ്റിക് പാർട്ടി പ്രസിഡൻ്റ് സ്ഥാനാർത്ഥി ക്രിപ്‌റ്റോയ്ക്ക് മുൻഗണന നൽകണമെന്ന് ക്രിപ്റ്റോ അഭിഭാഷകൻ ജേക്ക് ചെർവിൻസ്‌കി എക്‌സിലെ ഒരു പോസ്റ്റിൽ പറയുന്നു.
പ്രസിഡൻ്റ് ജോ ബൈഡൻ മത്സരത്തിൽ നിന്ന് പിന്മാറിയ സാഹചര്യത്തിൽ ക്രിപ്റ്റോ വോട്ടർമാരെ തിരികെ ആകർഷിക്കാൻ കഴിഞ്ഞാൽ യുണൈറ്റഡ് സ്റ്റേറ്റ്സ് ഡെമോക്രാറ്റിക് പാർട്ടിക്ക് വിജയ സാധ്യത ഉണ്ടെന്ന് യു എസിലെ വ്യവസായ വിദഗ്ധർ അഭിപ്രായപ്പെടുന്നു.
ബൈഡൻ സ്വീകരിച്ച ക്രിപ്റ്റോ വിരുദ്ധ നിലപാടുകൾ മാറ്റിയാൽ ക്രിപ്റ്റോയെ അനുകൂലിക്കുന്നവരുടെ വലിയൊരു പങ്ക് വോട്ടും തിരികെ നേടാനുള്ള നല്ല അവസരമാണ് ബൈഡന്റെ പിന്മാറ്റത്തിലൂടെ ഉണ്ടായിരിക്കുന്നതെന്ന് വേരിയൻ്റ് ഫണ്ട് ചീഫ് ലീഗൽ ഓഫീസറും, മുൻ ബ്ലോക്ക്‌ചെയിൻ അസോസിയേഷൻ അഭിഭാഷകനുമായ ജേക്ക് ചെർവിൻസ്‌കി ജൂലൈ 22 ലെ എക്‌സിലെ പോസ്റ്റിൽ പറഞ്ഞു.
വളരെ ചെറിയ വോട്ടുകളുടെ വ്യത്യാസത്തിൽ വിജയിക്കുന്ന ഈ തിരഞ്ഞെടുപ്പിൽ പുതിയ സ്ഥാനാർത്ഥി ക്രിപ്‌റ്റോയ്ക്ക് മുൻഗണനയും പ്രധാന്യവും നൽകണമെന്നും അദ്ദേഹം ആവശ്യപ്പെടുന്നു. മിഷിഗൺ, പെൻസിൽവാനിയ തുടങ്ങിയ സംസ്ഥാനങ്ങളിൽ ഈ തെരഞ്ഞെടുപ്പിനെ സ്വാധീനിക്കാൻ കഴിയുന്ന ക്രിപ്റ്റോയെ പിന്തുണക്കുന്ന ആയിരക്കണക്കിന് വോട്ടർമാർ ഉണ്ടെന്നും അദ്ദേഹം കൂട്ടിച്ചേർത്തു.
എതിർ സ്ഥാനാർത്ഥിയായ ഡൊണാൾഡ് ട്രംപ് ക്രിപ്റ്റോ അനുകൂല നിലപാട് സ്വീകരിച്ചതോട് കൂടി ക്രിപ്റ്റോ കറൻസികൾ ഇത്തവണത്തെ യു എസ് തെരഞ്ഞെടുപ്പിന്റെ ജയപരാജയത്തെ നിർണ്ണയിക്കും എന്ന് ഉറപ്പായികഴിഞ്ഞു
Leave a Reply