മനോജ് കുമാര്‍ പിള്ള
എട്ടാമത് പ്രവര്‍ത്തന വര്‍ഷത്തിലേക്കു കടക്കുന്ന യുകെയിലെ തന്നെ പ്രബല മലയാളി കൂട്ടായ്മകളിലൊന്നായ ഡോര്‍സെറ്റ് കേരള കമ്മ്യൂണിറ്റിയുടെ ഈസ്റ്റര്‍ വിഷു ആഘോഷങ്ങള്‍ ഏപ്രില്‍ പതിന്നാലു ശനിയാഴ്ച പൂളിലെSt Edwards സ്‌കൂള്‍ ഹോളില്‍ വച്ച് നടക്കും. വൈകുന്നേരം 4 മണിക്ക് ആരംഭിക്കുന്ന ആഘോഷ പരിപാടിയിലെ പൊതുസമ്മേളനത്തില്‍ യുക്മയുടെ പ്രസിഡന്റ് ശ്രീ മാമ്മന്‍ ഫിലിപ്പ് മുഖ്യാതിഥിയാവും.
വിഷുക്കണിയും വിഷുക്കൈനീട്ടവും ഒരുക്കിയും യേശുക്രിസ്തുവിന്റെ ഉത്ഥാനം വഴി പകര്‍ന്ന സന്തോഷവും സമാധാനവും എല്ലാ അംഗങ്ങളിലേക്കും എത്തിക്കാന്‍ ഉതകുന്ന സ്‌കിറ്റുകളും പരിപാടിക്ക് മറ്റു കൂട്ടുവാന്‍ ഒരുങ്ങിക്കഴിഞ്ഞു. മുതിര്‍ന്നവരും കുട്ടികളും അടക്കം ഒട്ടുമിക്ക അംഗങ്ങളും ചേര്‍ന്ന് അവതരിപ്പിക്കുന്ന കണ്ണിനും കാതിനും ഹരം പകരുന്ന വ്യത്യസ്ത കലാപരിപാടികളുമാണ് അണിയറയില്‍ സജ്ജീകരിച്ചിരിക്കുന്നത്.
അന്നേ ദിവസം തെരഞ്ഞെടുക്കപ്പെടുന്ന പുതിയ ഭാരവാഹികള്‍ക്കു സ്ഥാനങ്ങള്‍ കൈമാറി വിഭവസമൃദ്ധമായ സ്‌നേഹവിരുന്നിനും ശേഷം രാത്രി പത്തുമണിയോട് കൂടി ആഘോഷങ്ങള്‍ക്ക് തിരശീല വീഴും.
പരിപാടി നടക്കുന്ന സ്ഥലം :
St Edwards School
Dale Valley Rd,
Poole
BH15 3HY
Leave a Reply