ഷൈമോൻ തോട്ടുങ്കൽ

നോട്ടിംഗ്ഹാം . നോട്ടിംഗ്ഹാം സെന്റ് ജോൺ മിഷനിൽ മാർ തോമ ശ്ലീഹായുടെയും , വിശുദ്ധ അൽഫോൻസാമ്മയുടെയും , വിശുദ്ധ യോഹന്നാൻ ശ്ലീഹായുടെയും സംയുക്ത തിരുനാൾ ജൂലൈ രണ്ടാം തീയതി ഭക്ത്യാദരപൂർവ്വം ആഘോഷിക്കുന്നു .

തിരുനാളിന് ഒരുക്കമായി ഇരുപത്തി നാല് മുതൽ നൊവേന പ്രാർഥനകൾ നടന്ന് വരുന്നുണ്ടായിരുന്നു , തിരുനാളിനോടനുബന്ധിച്ചു ഒന്നാം തീയതി ശനിയാഴ്ച രാവിലെ കുട്ടികളുടെ ആഘോഷമായ ദിവ്യകാരുണ്യ സ്വീകരണം നടക്കും. ഗ്രേറ്റ് ബ്രിട്ടൻ രൂപതാധ്യക്ഷൻ മാർ ജോസഫ് സ്രാമ്പിക്കൽ പിതാവ് കാർമികത്വം വഹിക്കും . രണ്ടാം തീയതി ഞായറാഴ്ച ബുൾവെൽ ദേവാലയത്തിൽ വച്ച് നടക്കുന്ന തിരുനാൾ തിരുക്കർമ്മങ്ങൾക്ക് മിഷൻ ഡയറക്ടർ ഫാ. ജോബി ജോൺ കാർമികത്വം വഹിക്കും . ഫാ ജെയിംസ് ഇലഞ്ഞിക്കൽ വചന സന്ദേശം നൽകും .