ന്യൂസ് ഡെസ്ക്, മലയാളം യുകെ
A1 മോട്ടോർ വേയിൽ ഇതുവരെ ദർശിക്കാത്ത വാഹനാപകടത്തിനാണ് ബ്രിട്ടൻ സാക്ഷ്യം വഹിച്ചത്. 5 വാഹനങ്ങൾ കൂട്ടിയിടിച്ച് മോട്ടർവേയുടെ ഒരു ഭാഗത്തെ ഗതാഗതം പൂർണ്ണമായും നിലച്ചു. ഏറ്റവും പ്രധാനപ്പെട്ട കാര്യം കൂട്ടിയിടിയിൽ ഉൾപ്പെട്ട 5 വാഹനങ്ങളിൽ 4 കാറുകളും പോലീസ് വാഹനങ്ങൾ ആയിരുന്നു എന്നതാണ്.
ന്യൂകാസിലിൽ ജംഗ്ഷൻ 75 ന് സമീപം പുലർച്ചെ 2.30 ന് തൊട്ടുമുമ്പ് ആണ് അപകടം നടന്നത് . സംഭവ സ്ഥലത്തു നിന്നുള്ള ചിത്രങ്ങളിൽ തകർന്ന് തരിപ്പണമായ പോലീസ് വാഹനങ്ങൾ കാണാം. സംഭവത്തെ കുറിച്ച് പോലീസ് കാര്യമായ അന്വേഷണം നടത്തി വരുകയാണ്. ഇത്രയും പോലീസ് വാഹനങ്ങൾ ഒരേസമയം ഒരു അപകടത്തിൽ ഉൾപ്പെടാനുള്ള കാരണത്തെ കുറിച്ചുള്ള കൂടുതൽ വിവരങ്ങൾ ഉടനെ പുറത്തുവരുമെന്നാണ് കരുതുന്നത്. സംഭവത്തെ തുടർന്ന് ഇതുവഴി യാത്ര ചെയ്യാൻ ഇരുന്നവരോട് ബദൽ യാത്രാ മാർഗങ്ങൾ ആരായാൻ പോലീസ് അഭ്യർത്ഥിച്ചിട്ടുണ്ട്.
Leave a Reply