ന്യൂസ് ഡെസ്ക് മലയാളം യുകെ ന്യൂസ്

സെപ്റ്റംബർ 5-ാം തീയതി യുകെയിൽ നിര്യാതയായ ബെസ്സി ഷാജി( 51 ) യ്ക്ക് നാട്ടിൽ അന്ത്യവിശ്രമം. മാതൃ ഇടവകയായ ചേര്‍പ്പുങ്കല്‍ സെന്റ് പീറ്റര്‍ & പോള്‍ ക്‌നാനായ കത്തോലിക്ക  പള്ളിയിലാണ് മൃതസംസ്കാര ശുശ്രൂഷകൾ നടന്നത്. ബെസ്സി ഷാജിയുടെ ഭർത്താവ് ഷാജി എബ്രഹാം തോട്ടുപുറത്തിന്റെ ഭവനത്തിൽ നടന്ന പൊതു ദർശനത്തിലും തുടർന്നു നടന്ന മൃതസംസ്കാര ശുശ്രൂഷകളിലും വൻ ജനാവലിയുടെ സാന്നിധ്യമുണ്ടായിരുന്നു.

ചേർപ്പുങ്കൽ തോട്ടുപുറത്ത് ബെസ്സി ഷാജി (51) സെപ്റ്റംബർ 5-ാം തീയതി യുകെയിൽ വെച്ചാണ് നിര്യാതയായത്. പരേത മറ്റക്കര ഒഴുങ്ങാലിൽ കുടുംബാംഗമാണ്. മകന്‍: പരേതനായ ആല്‍ബെട്ട്. സഹോദരങ്ങള്‍: ബാബു (UK), ഫാ. ബേബി ഒഴുങ്ങാലില്‍ (ഒറിസ), ബീന (പുന്നത്തുറ), ബെറ്റി (ഇറ്റലി), ഫാ. ബ്രസ്സന്‍ ഒഴുങ്ങാലില്‍ (ചൈതന്യ, കോട്ടയം അതിരൂപത), ബ്രയന്‍ (കാനഡ).