കൊച്ചി: സാങ്കേതിക തകരാറിനെ തുടർന്ന് കൊച്ചി തീരത്ത് നങ്കൂരമിട്ട ഇറാനിയൻ കപ്പൽ ഇപ്പോഴും തീരത്തിനു സമീപം തുടരുന്നു. ഐആർഎസ് ലാവൻ എന്ന കപ്പൽ ഫെബ്രുവരി 28നാണ് കൊച്ചി തീരത്ത് എത്തി നങ്കൂരമിട്ടത്. ഇറാനിൽ യുദ്ധം ആരംഭിച്ച ദിവസമാണ് കപ്പൽ ഇന്ത്യൻ തീരത്തേക്ക് എത്താൻ സഹായം തേടിയതെന്നാണ് വിവരം.
കപ്പൽ കൊച്ചി തീരത്ത് നങ്കൂരമിട്ടതായി നാവികസേന വൃത്തങ്ങൾ വെളിപ്പെടുത്തിയത് ഇന്നലെ രാത്രിയോടെയാണ്. 183 ഇറാനിയൻ നാവികരാണ് കപ്പലിലുള്ളത്. കപ്പൽ എപ്പോൾ മടങ്ങുമെന്ന കാര്യത്തിൽ ഇതുവരെ വ്യക്തമായ തീരുമാനം ഉണ്ടായിട്ടില്ലെന്നാണ് സൂചന.
ഇതിനിടെ കപ്പലിന് ശക്തമായ സുരക്ഷയാണ് ഒരുക്കിയിരിക്കുന്നത്. ഹൈദരാബാദിൽ നടന്ന നാവികാഭ്യാസ പ്രകടനത്തിനു ശേഷം മടങ്ങിയ മറ്റൊരു ഇറാനിയൻ കപ്പലിന് നേരെ യുഎസ് ആക്രമണം നടന്ന സാഹചര്യത്തിൽ ഐആർഎസ് ലാവൻ കപ്പലിന്റെ സുരക്ഷ ഇന്ത്യൻ സേന ശക്തമാക്കിയതായും സൂചനയുണ്ട്.
Leave a Reply