ന്യൂസ് ഡെസ്ക് മലയാളം യുകെ ന്യൂസ്

സണ്ടർലാൻഡിൽ താമസിക്കുന്ന മോനിപ്പള്ളി നിവാസിയായ ജെയിംസ് ജോസഫ് നാട്ടിൽ വച്ച് നിര്യാതനായി . ജെയിംസ് ജോസഫ് ( 58 ) -ന്റെ മരണം മഞ്ഞപ്പിത്തം മൂലമാണെന്നാണ് അറിയാൻ സാധിച്ചത്, വെറും മൂന്നുമാസം മുമ്പാണ് ജെയിംസിന്റെ മകളുടെ വിവാഹം നാട്ടിൽ വച്ച് നടന്നത്. വിവാഹ ശേഷം ജെയിംസ് ഒഴികെയുള്ള കുടുംബാംഗങ്ങൾ യുകെയിൽ തിരിച്ചെത്തിയപ്പോഴാണ് മരണം കടന്നുവന്നത്. യുകെയിലെത്തിയ കുടുംബാംഗങ്ങൾ നാട്ടിലേയ്ക്ക് തിരിച്ചതായാണ് അറിയാൻ സാധിച്ചത്.

ജെയിംസ് ജോസഫിന്റെ സംസ്കാരം സംബന്ധിച്ച് കൂടുതൽ വിവരങ്ങൾ പിന്നീട് അറിയിക്കുന്നതായിരിക്കും.

ജെയിംസ് ജോസഫിൻെറ നിര്യാണത്തിൽ മലയാളം യുകെ ന്യൂസിന്റെ അനുശോചനം ബന്ധുക്കളെയും സുഹൃത്തുക്കളെയും അറിയിക്കുന്നു.