സിനിമലോകത്ത് ഗോസിപ്പുകള്‍ക്ക് പഞ്ഞമില്ല. സോഷ്യല്‍ മീഡിയയുടെ ഉപയോഗം സജീവമായതോടെ ഗോസിപ്പുകള്‍ക്കും സിനിമലോകത്ത് ഗോസിപ്പുകള്‍ക്ക് പഞ്ഞമില്ല. സോഷ്യല്‍ മീഡിയയുടെ ഉപയോഗം സജീവമായതോടെ ഗോസിപ്പുകള്‍ക്കും ആക്കംകൂടിയെന്ന് സമ്മതിക്കാതെ വയ്യ. പ്രണവ് മോഹന്‍ലാലും കല്യാണി പ്രിയദര്‍ശനും വിവാഹം കഴിക്കാന്‍ പോകുന്നുവെന്നതായിരുന്നു അവസാനത്തേത്. പ്രണവിനോടൊപ്പമുള്ള ചിത്രം സോഷ്യല്‍ മീഡിയയില്‍ ഹിറ്റായതിനെക്കുറിച്ച് കല്യാണി പ്രിയദര്‍ശന്‍ പറയുന്നു.
പ്രണവിന്റെ സഹോദരി വിസ്മയ ആണ് ചിത്രം കണ്ടിട്ട് അയച്ചു തരുന്നത്. ഞാന്‍ ഉടന്‍ അത് അച്ഛനും അമ്മയ്ക്കും കാണിച്ചു കൊടുത്തു. അമ്മയാണ് സുചിത്രയാന്റിയ്ക്കു അയച്ചു കൊടുക്കുന്നത്. ‘കണ്ടോ, നമ്മുടെ മക്കള്‍ കല്യാണം കഴിക്കാന്‍ പോകുന്നു’ എന്നുപറഞ്ഞ് അവര്‍ പൊട്ടിച്ചിരിക്കുകയായിരുന്നു. അപ്പു ആര്‍ക്കും പിടികൊടുക്കില്ല. അവന്റേതു മാത്രമായ ലോകത്താണ് എപ്പോഴും. ഇത്ര വലിയ സെലിബ്രിറ്റിയുടെ മകനാണ് എന്ന ചിന്തയേയില്ല. ചെരിപ്പിടാന്‍ പോലും പലപ്പോഴും മറക്കും. ‘ആദി’ കണ്ടപ്പോള്‍ എനിക്കു തോന്നിയത് അവനു വേണ്ടി ദൈവം തീരുമാനിച്ച സിനിമയാണ് അതെന്നാണ്.
മരങ്ങളിലും മലകളിലുമൊക്ക വലിഞ്ഞു കയറാന്‍ പ്രണവിനെക്കഴിഞ്ഞേ ആളുള്ളൂ. ‘ആദി’ കഴിഞ്ഞു ഹിമാലയത്തില്‍ പോയത് എന്തിനാണെന്നോ? അഭിനയിക്കാന്‍ വേണ്ടി മാറി നിന്നപ്പോള്‍ കൈകള്‍ സോഫ്റ്റായി പോയെന്ന്. മൗണ്ടന്‍ ക്ലൈംബിങ്ങിലൂടെ കൈകള്‍ വീണ്ടും ഹാര്‍ഡാക്കാനാണ് യാത്ര. അഞ്ഞൂറു രൂപയേ കൈയില്‍ കാണൂ. ലോറിയിലും മറ്റും ലിഫ്റ്റ് ചോദിച്ചാണ് പോകുക. കൈയില്‍ പൈസ ഇല്ലാതെ വരുമ്പോള്‍ അനിയെ വിളിക്കും, അക്കൗണ്ടിലേക്ക് നൂറു രൂപ ഇട്ടുകൊടുക്കാമോ എന്നാകും ചോദ്യം. സിനിമയൊന്നുമല്ല, ഒരു ഫാം ആണ് അവന്റെ സ്വപ്നം. നിറയെ മരങ്ങളും പക്ഷികളും പശുക്കളുമെല്ലാം നിറഞ്ഞ പച്ചപിടിച്ച ഒരു മിനി കാട്.
ജീവിതത്തിലെ ആദ്യ പ്രണയത്തെക്കുറിച്ച് ചോദിച്ചാല്‍ സിനിമയെന്ന പതിവ് മറുപടിയാണ് കല്യാണിക്ക് പറയാനുള്ളത്. തമാശയ്ക്ക് പറയാറുണ്ട്, കെട്ടുന്നയാളുടെ കഷ്ടകാലമാണെന്ന്. ഭര്‍ത്താവിനേക്കാള്‍ ഞാന്‍ പ്രണയിക്കുന്നത് ചിലപ്പോള്‍ സിനിമയെ ആകും. കല്യാണി പറഞ്ഞു.
ഹലോയെന്ന തെലുങ്ക് ചിത്രത്തിലൂടെയായിരുന്നു കല്യാണിയുടെ നായികയായി അരങ്ങേറിയത്. നാഗാര്‍ജുനയുടെ മകന്‍ അഖില്‍ അകിനേനിയാണ് നായക കഥാപാത്രത്തെ അവതരിപ്പിച്ചത്. ശര്‍വാനന്ദിനൊപ്പം തെലുങ്ക് ചിത്രമാണ് അടുത്ത പ്രോജക്ട്.
Leave a Reply