ഹിന്ദു ഐക്യവേദി സംസ്ഥാന പ്രസിഡന്റ് കെപി ശശികല പമ്പയില്‍ നിന്ന് സന്നിധാനത്തേക്ക് തിരിച്ചു. ആറുമണിക്കൂറിനുള്ളില്‍ ശശികലയോട് തിരിച്ചിറങ്ങണമെന്നും പോലീസ് ആവശ്യപ്പെട്ടു. നാമജപ പ്രതിഷേധം പാടില്ലെന്നും ശശികലയോട് പോലീസ് നിര്‍ദേശിച്ചു. കൊച്ചു മക്കള്‍ക്ക് ചോറു കൊടുക്കുന്നതിനാണ് സന്നിധാനത്തേക്ക് പുറപ്പെട്ടത്. ശശികലയുടെ കൈയ്യില്‍ കൊച്ചുകുട്ടിയുമുണ്ട്. ഹിന്ദു ഐക്യവേദി പ്രസിഡന്റ് എന്ന നിലയിലല്ല കൊച്ചുമക്കളുടെ അച്ചമ്മ എന്ന നിലയിലാണ് സന്നിധാനത്തേക്ക് പോകുന്നതെന്ന് ശശികല പറഞ്ഞു.ഇതിനിടെ ബസ് തടഞ്ഞ് നിര്‍ത്തി എസ്പി യതീശ് ചന്ദ്രയുടെ നേതൃത്വത്തിലുള്ള പോലീസ് സന്നിധാനത്ത് തങ്ങാനാവില്ലെന്ന് ശശികലയെ അറിയിച്ചു. അക്കാര്യം ഇപ്പോള്‍ പറയാനാകില്ലെന്നും അപ്പോള്‍ തീരുമാനിക്കുമെന്നും ശശികല മറുപടി നല്‍കി.
കെപി ശശികലയെ നിലയ്ക്കലില്‍ ബസില്‍ വച്ച് പോലീസിന്റെ നിര്‍ദ്ദേശങ്ങള്‍ എസ്പി യതീഷ് ചന്ദ്ര ശശികലയെ ധരിപ്പിച്ചു. നിര്‍ദ്ദേശങ്ങള്‍ അംഗീകരിച്ചെന്ന ഉറപ്പിലാണ് ശശികലയ്ക്ക് പോകാന്‍ അനുമതി നല്‍കിയതെന്ന് യതീഷ് ചന്ദ്ര പിന്നീട് മാധ്യമങ്ങളോട് പറഞ്ഞു. അതേസമയം, കേന്ദ്രമന്ത്രി അല്‍ഫോണ്‍സ് കണ്ണന്താനവും ശബരിമലയിലേക്ക് തിരിച്ചു. നിരോധനാജ്ഞയുടെ സാഹചര്യം ശബരിമലയിലില്ലെന്നും കണ്ണന്താനം പറയുന്നു. ശബരിമലയെ സര്‍ക്കാര്‍ യുദ്ധഭൂമിയാക്കിയെന്നും കണ്ണന്താനം പറഞ്ഞു.
Leave a Reply