ന്യൂസ് ഡെസ്ക് മലയാളം യുകെ
ഇസ്രയേൽ – പാലസ്തീൻ സംഘർഷത്തിന്റെ പേരിൽ ലേബർ പാർട്ടിക്കുള്ളിൽ പ്രശ്നങ്ങൾ കൂടുതൽ രൂക്ഷമായിക്കൊണ്ടിരിക്കുകയാണ്. അടുത്ത പൊതു തിരഞ്ഞെടുപ്പിനു വേണ്ടി പാർട്ടി സജ്ജമായി കൊണ്ടിരിക്കുന്ന സാഹചര്യത്തിലുള്ള സംഭവവികാസങ്ങൾ വൻ പ്രതിസന്ധിയിലേയ്ക്കാണ് ലേബർ പാർട്ടിയെ തള്ളി വിട്ടിരിക്കുന്നത്. പാലസ്തീൻ അനുകൂല റാലിയിൽ നടത്തിയ പ്രസംഗത്തിന്റെ പേരിൽ ആന്റി മക് ഡൊണാൾഡിനെ പാർട്ടിയിൽ നിന്ന് സസ്പെൻഡ് ചെയ്തതാണ് ഏറ്റവും പുതിയ സംഭവ വികാസം. മിഡിൽസ് റോയിലെ എംപിയാണ് ആൻറി മക് ഡൊണാൾഡ്.
പാലസ്തീൻ അനുകൂല പ്രതിഷേധ റാലിയിൽ എംപി നടത്തിയ പ്രസംഗത്തിലെ ചില പരാമർശങ്ങൾ പ്രകോപനപരമാണതാണ് വിമർശകർ ഉന്നയിക്കുന്ന ആക്ഷേപം. എന്നാൽ തന്റെ വാക്കുകൾ ഈ മേഖലയിലെ കൊലപാതകങ്ങൾ അവസാനിപ്പിക്കുന്നതിനുള്ള ആത്മാർത്ഥമായ അഭ്യർത്ഥന മാത്രമായിരുന്നു എന്ന് ഡൊണാൾഡ് പറഞ്ഞു. അന്വേഷണ വിധേയമായി സസ്പെൻഡ് ചെയ്തതുകൊണ്ട് നിലവിൽ അദ്ദേഹം സ്വതന്ത്ര എംപിയായി ഇരിക്കേണ്ടി വരും. ജെറമി കോർബ് പ്രതിപക്ഷ നേതാവായിരുന്നപ്പോൾ ഷാഡോ മിനിസ്റ്റർ ആയിരുന്ന എംപിയാണ് മക് ഡൊണാൾഡ്. ഞങ്ങൾക്ക് നീതി ലഭിക്കുന്നത് വരെ ഞങ്ങൾ വിശ്രമിക്കില്ലെന്ന് പ്രസംഗത്തിൽ പറഞ്ഞ അദ്ദേഹം പാലസ്തീൻ അനുകൂല പ്രകടനത്തിൽ സ്ഥിരമായി കേൾക്കുന്ന ഒരു ഗാനത്തിന്റെ വരികൾ ഉദ്ധരിക്കുകയും ചെയ്തു. നദിയിൽ നിന്ന് കടലിലേയ്ക്ക് എന്ന ഗാനത്തിലെ വാചകം ഇസ്രയേൽ വിരുദ്ധർ സ്ഥിരമായി ഉപയോഗിക്കുന്നതാണ്.
പാലസ്തീൻ അനുകൂല പ്രകടനത്തിൽ ശക്തമായ സാഹചര്യത്തിൽ വിവാദമായ ഗാനം കടുത്ത പ്രകോപനപരമായതായി കാണണമെന്ന് ആഭ്യന്തര സെക്രട്ടറി സുല്ല ബ്രാവർമാൻ പോലീസ് മേധാവികളോട് ആവശ്യപ്പെട്ടിരുന്നു. ഇസ്രയേലിലെ മിക്ക ജൂത ഗ്രൂപ്പുകളും തങ്ങളെ ഈ ലോകത്തിൽ നിന്ന് തുടച്ചുനീക്കാനുള്ള ആഹ്വാനമായാണ് പ്രസ്തുത ഗാനത്തെ കാണുന്നത്. എന്നാൽ ഇസ്രയേലിന്റെ നാശത്തെയല്ല ഉദ്ദേശിക്കുന്നതെന്നും അവരുടെ വെസ്റ്റ് ബാങ്കിലെയും ഗാസയിലെയും ഉപരോധവും അധിനിവേശവും അവസാനിപ്പിക്കുന്നതിനെയാണ് ഈ ഗാനം അർത്ഥമാക്കുന്നത് എന്നാണ് പാലസ്തീൻ അനുകൂലികൾ വാദിക്കുന്നത്.
Leave a Reply