ന്യൂസ് ഡെസ്ക്, മലയാളം യുകെ

ഭാര്യ അവധിക്ക് പോയ സമയത്ത് മലയാളി യുവാവിനെ യുകെയിൽ മരിച്ച നിലയിൽ കണ്ടെത്തി. സൗത്ത് യോർക്ക് ഷെയറിന് സമീപമുള്ള റോഥർ ദാമിലാണ് തിരുവനന്തപുരം ചിറയിൻകീഴ് സ്വദേശിയായ വൈഷ്ണവ് വേണുഗോപാലിനെ (26) തൂങ്ങിമരിച്ച നിലയിൽ കണ്ടെത്തിയത്. കെയർ ഹോമിൽ ഹെൽത്ത് അസിസ്റ്റൻറ് ആയി ജോലി ചെയ്തു വരുകയായിരുന്നു.

WhatsApp Image 2024-12-09 at 10.15.48 PM
Migration 2
AHPRA Registration
STEP into AHPRA NCNZ

വൈഷ്ണവ് ജോലിക്ക് എത്താതിരുന്നതിനെ തുടർന്ന് കെയർ ഹോം ജീവനക്കാർ അന്വേഷിച്ചെത്തിയപ്പോൾ ആണ് വിവരം പുറത്തറിഞ്ഞത്. 2021- ൽ ഭാര്യ അഷ്ടമി സതീഷ് വിദ്യാർത്ഥി വിസയിൽ എത്തിയതിനെ തുടർന്നാണ് വൈഷ്ണവ് യുകെയിൽ എത്തിയത്. രണ്ടുവർഷം മുൻപാണ് വൈഷ്ണവ് കെയർ ഹോമിൽ ജോലിക്ക് പോയി തുടങ്ങിയത്. ചിറയിൻകീഴ് ഞാറയിൽകോണം കുടവൂർ വടക്കേവീട്ടിൽ വേണുഗോപാൽ, ബേബി ദമ്പതികളുടെ മകനാണ്. വിഷ്ണുവാണ് ഏക സഹോദരൻ .