കൊറോണ കാലത്ത് വൈവിധ്യമാർന്ന പരിപാടികളുമായി ഗ്രേറ്റ് ബ്രിട്ടൺ സീറോ മലബാർ സഭ. കുട്ടികളെ ഓൺലൈൻ ബൈബിൾ ക്വിസിൽ പങ്കെടുക്കാൻ ക്ഷണിച്ച് മാർ ജോസഫ് സ്രാമ്പിക്കൽ.

കൊറോണ കാലത്ത് വൈവിധ്യമാർന്ന പരിപാടികളുമായി ഗ്രേറ്റ് ബ്രിട്ടൺ സീറോ മലബാർ സഭ. കുട്ടികളെ ഓൺലൈൻ ബൈബിൾ ക്വിസിൽ പങ്കെടുക്കാൻ ക്ഷണിച്ച് മാർ ജോസഫ് സ്രാമ്പിക്കൽ.
May 31 08:42 2020 Print This Article

ജോജി തോമസ്

കോവിഡ് 19 ലോകമെങ്ങുമുള്ള ജനങ്ങളുടെ ജീവിതചര്യയിൽ വരുത്തിയ മാറ്റങ്ങൾ ചെറുതല്ല. കോടിക്കണക്കിന് വരുന്ന വിശ്വാസികളുടെ വിശ്വാസ പരിപാലനത്തിന്റെ ഭാഗമായുള്ള പല ആചാരങ്ങളിലും തടസ്സങ്ങൾ സൃഷ്ടിക്കാൻ കൊറോണ കാലത്തിനായി. എന്നാൽ ആധുനിക സാങ്കേതികവിദ്യയുടെ സഹായത്തോടെ എങ്ങനെ ഇതിനെ മറികടക്കാമെന്നതിനും, വിശ്വാസികളുടെ അനുദിന ആത്മീയ ജീവിതത്തിലേയ്ക്ക് കടന്നു വരാൻ സാധിക്കുമെന്നതിന്റെയും ഉത്തമ ഉദാഹരണമാണ് സീറോ മലബാർ സഭ ഗ്രേറ്റ് ബ്രിട്ടൺ രൂപതയുടെ പല ഇടപെടലുകളും. മലയാളത്തിലും, ഇംഗ്ലീഷിലുമുള്ള തിരുക്കർമ്മങ്ങൾ, പ്രാർത്ഥനാ പരിപാടികൾ, ധ്യാനങ്ങൾ എന്നിവയിലൂടെ സഭാംഗങ്ങളുടെ വിശ്വാസ ജീവിതത്തിൽ ആവശ്യമായ പിന്തുണ നൽകാനുള്ള പ്രയത്നത്തിലാണ് ബ്രിട്ടനിലെ സീറോ മലബാർ സഭ. ഓൺലൈനിലൂടെയുള്ള പ്രസ്തുത പരിപാടികളിലെല്ലാം ആയിരക്കണക്കിന് വിശ്വാസികളാണ് സജീവമായി പങ്കെടുക്കുന്നത്. കുട്ടികൾക്കായി ജൂൺ മാസത്തിൽ സംഘടിപ്പിക്കുന്ന ഓൺലൈൻ ബൈബിൾ ക്വിസ്സാണ് ഇതിൽ ഏറ്റവും പുതുമയാർന്നത്. നൂറുകണക്കിന് കുട്ടികളാണ് ബൈബിൾ ക്വിസ്സിൽ പങ്കെടുക്കാൻ താല്പര്യം കാണിച്ച് രജിസ്റ്റർ ചെയ്തിരിക്കുന്നത്. കുട്ടികളെ ബൈബിൾ ക്വിസ്സിൽ പങ്കെടുക്കാൻ ക്ഷണിച്ചുകൊണ്ട് ഗ്രേറ്റ് ബ്രിട്ടൻ രൂപതാധ്യക്ഷൻ മാർ ജോസഫ് സ്രാമ്പിക്കലിന്റെ സന്ദേശവും, വീഡിയോയും ഇതിനോടകം എല്ലാ ഇടവകകളിലും, മിഷനിലും എത്തുകയും ചെയ്തിരുന്നു. ഇനിയും നിരവധി കുട്ടികളും മാതാപിതാക്കളും താൽപര്യവുമായി എത്തുമെന്ന പ്രതീക്ഷയിലാണ് സംഘാടകർ.

  Categories:


വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

Comments
view more articles

Related Articles