മൈക്ക വാല്‍സാളിന്‍റെ ക്രിസ്തുമസ് ന്യൂ ഇയര്‍ ആഘോഷം നാളെ, സിനിമാ നടന്‍ ശങ്കര്‍ മുഖ്യാതിഥി

മൈക്ക വാല്‍സാളിന്‍റെ ക്രിസ്തുമസ് ന്യൂ ഇയര്‍ ആഘോഷം നാളെ, സിനിമാ നടന്‍ ശങ്കര്‍ മുഖ്യാതിഥി
January 01 12:54 2016 Print This Article

സ്വന്തം ലേഖകന്‍
വാല്‍സാല്‍: യുകെയിലെ മികച്ച അസോസിയേഷനായി പേരെടുത്ത് കഴിഞ്ഞ മൈക്ക (മിഡ് ലാന്‍ഡ്സ് കേരള കള്‍ച്ചറല്‍ അസോസിയേഷന്‍) വാല്‍സാളിന്‍റെ ആഭിമുഖ്യത്തില്‍ നാളെ ക്രിസ്തുമസ് ന്യൂ ഇയര്‍ ആഘോഷങ്ങള്‍ നടക്കും. പെല്‍സാല്‍ ഹാളില്‍ വച്ച് നാളെ വൈകുന്നേരം 05.30ന് ആരംഭിക്കുന്ന ആഘോഷങ്ങള്‍ രാത്രി 11.00 മണി വരെ നീണ്ടു നില്‍ക്കും. മുന്‍കാല മലയാള സിനിമകളിലെ നായകന്‍ ആയിരുന്ന പ്രശസ്ത സിനിമാതാരം ശങ്കര്‍ ആഘോഷ പരിപാടികളില്‍ മുഖ്യാതിഥി ആയിരിക്കും.

2017ല്‍ സേവന പാതയില്‍ പതിനഞ്ച് വര്‍ഷം പൂര്‍ത്തിയാക്കുന്ന മൈക്ക ഒരു വര്‍ഷം നീണ്ടു നില്‍ക്കുന്ന ആഘോഷ പരിപാടികള്‍ ആണ് പ്ലാന്‍ ചെയ്യുന്നത്. 2016 ല്‍ തുടങ്ങി ഒരു വര്‍ഷം നീളുന്ന ആഘോഷങ്ങളുടെ ഔപചാരികമായ ഉദ്ഘാടനവും നാളെ നടക്കും. മൈക്കയുടെ വളര്‍ച്ചയ്ക്ക് മികച്ച സംഭാവനകള്‍ നല്‍കിയ എല്ലാ മുന്‍പ്രസിഡണ്ടുമാരെയും നാളെ നടക്കുന്ന ചടങ്ങില്‍ സിനിമാതാരം ശങ്കറിന്‍റെ സാന്നിദ്ധ്യത്തില്‍ ആദരിക്കുന്നതായിരിക്കും.

sankar

അതിമനോഹരങ്ങളായ കലാവിരുന്നുകളും, ഒപ്പം വിഭവ സമൃദ്ധമായ ക്രിസ്തുമസ് ഡിന്നറും ആയിരിക്കും നാളത്തെ ചടങ്ങുകളിലെ മറ്റൊരു പ്രധാന ആകര്‍ഷണം. എല്ലാ മലയാളി സഹോദരങ്ങളെയും നാളത്തെ പ്രോഗ്രാമില്‍ സംബന്ധിക്കാനും ആഘോഷങ്ങളില്‍ പങ്കാളികലാകാനും സ്നേഹപൂര്‍വ്വം ക്ഷണിക്കുന്നതായി സംഘാടകര്‍ അറിയിച്ചു.

മൈക്കയുടെ ഭാരവാഹികളായ ജോണ്‍ മുളയാങ്കല്‍ (പ്രസിഡണ്ട്), ടിന്റസ് ദാസ്‌ (സെക്രട്ടറി), തോമസ്‌ ജോസഫ് (ട്രഷറര്‍), സുജ ചാക്കോ (വൈസ് പ്രസിഡണ്ട്), സിജി സന്തോഷ്‌ (ജോയിന്‍റ് സെക്രട്ടറി), കമ്മറ്റി മെംബേര്‍സ് ആയ റോയ് ജോസഫ്, റെജി ചെറിയാന്‍, സുനിത നായര്‍, നോബി ബിനു, ജോര്‍ജ്ജ് മാത്യു, റൂബി ചെമ്പാലയില്‍, ബൈജു തോമസ്‌ തുടങ്ങിയവര്‍ പരിപാടികള്‍ക്ക് നേതൃത്വം നല്‍കും.

  Categories:


വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

Comments
view more articles

Related Articles