ലിവർപൂൾ മലയാളി അസോസിയേഷൻ (ലിമ)യ്ക്ക് പുതിയ നേതൃത്വം. സെബാസ്റ്റ്യൻ ജോസഫ് നയിക്കും

ലിവർപൂൾ മലയാളി അസോസിയേഷൻ (ലിമ)യ്ക്ക് പുതിയ നേതൃത്വം. സെബാസ്റ്റ്യൻ ജോസഫ് നയിക്കും
January 21 07:16 2021 Print This Article

യു കെ യിലെ പ്രബലമായ മലയാളി സംഘടനകളിൽ ഒന്നായ ലിവർപൂൾ മലയാളി അസോസിയേഷൻ (ലിമ) യുടെ പൊതുയോഗം കഴിഞ്ഞ ഞായറഴ്ച ( ജനുവരി 17 ) വൈകുന്നേരം വെർച്ചൽ മീറ്റിങിലൂടെ നടന്നു. കഴിഞ്ഞ ഒരുവർഷകാലത്തെ പ്രവർത്തനങ്ങൾ പൊതുയോഗം വിലയിരുത്തി വരവുചെലവ് കണക്കുകൾ അംഗീകരിച്ചു. കോവിഡ് ബാധിച്ച് ആളുകൾ ബുദ്ധിമുട്ടുന്ന ഈ കാലത്തും പാടാം നമുക്ക് പാടാം എന്ന പരിപാടിയിലൂടെ ഒട്ടേറെ കലാകാരന്മാർക്ക് അവരുടെ കഴിവ് തെളിയിക്കാൻ അവസരം ഒരുക്കി നടത്തിയ സംഗീത മത്സരം എല്ലാവരുടെയും അഭിനന്ദനം ഏറ്റുവാങ്ങി , കൂടാതെ ക്രിസ്തുമസ് ഹൗസ് ഡെക്കറേഷൻ മത്സരം വിജയകരമായി നടത്താൻ കഴിഞ്ഞു. കൂടാതെ വിവിധ പരിപാടികള്‍ സംഘടിപ്പിക്കുവാനും ,ചാരിറ്റി പ്രവര്‍ത്തനങ്ങള്‍ നടത്തുവാനും ലിമയ്ക്കു കഴിഞ്ഞതില്‍ യോഗം സംതൃപ്തി രേഖപ്പെടുത്തി .തുടർന്നു അടുത്തവർഷത്തേക്കു വേണ്ടിയുള്ള പുതിയ കമ്മറ്റിയേയും തിരഞ്ഞെടുത്തു .

സെബാസ്റ്റ്യൻ ജോസഫ് പ്രസിഡന്റായും ,സോജൻ തോമസ് സെക്രട്ടറിയായും ജോസ് മാത്യു ട്രഷറായും ചുമതലയേറ്റു . കൂടാതെ ഇവരോടൊപ്പം 16 അംഗ കമ്മറ്റിയേയും യോഗം തിരഞ്ഞെടുത്തു. ഈ കോവിഡിന്റെ മഹാദുരന്തത്തിൽ സമൂഹം കഷ്ടപ്പെടുമ്പോൾ പോലും കഴിയുന്ന മുഴുവൻ സാധ്യതകളും ഉപയോഗിച്ചുകൊണ്ട് ലിവർപൂൾ മലയാളി സമൂഹത്തിനുവേണ്ടി ഒട്ടേറെ നൂതനമായ പരിപാടികൾ നടപ്പിലാക്കുമെന്ന് നന്ദി പ്രകാശിപ്പിച്ചുകൊണ്ടു പ്രസിഡന്റ് സെബാസ്റ്റ്യൻ ജോസഫ് പറഞ്ഞു . കഴിഞ്ഞ ഒരുവർഷം ലിമയെ നയിച്ച പ്രസിഡണ്ട് സാബു ജോണിന്റെ നേതൃത്വത്തിലുള്ള കമ്മറ്റിക്ക് അവർ നടത്തിയ പ്രവർത്തനത്തിന് പുതിയ പ്രസിഡന്റ് നന്ദി അറിയിച്ചു. ഞയറാഴ്ച്ച വൈകുന്നേരം 6 മണിക്ക് ആരംഭിച്ച പൊതുയോഗം 9 മണിക്കാണ്‌ അവസാനിച്ചത് .

  Categories:


വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

Comments
view more articles

Related Articles