മാഞ്ചസ്റ്റർ: ഗ്രേറ്റ് ബ്രിട്ടൻ രൂപതയുടെ സ്ഥാപനത്തിന്റെ മൂന്നാം വാർഷികത്തോടനുബന്ധിച്ച് ഒരുക്കുന്ന ബൈബിൾ കൺവെൻഷനിൽ ഇന്ന് നടക്കുന്ന മാഞ്ചസ്റ്റർ റീജണൽ കൺവെൻഷൻ,ലോങ്‌സൈറ്റിലെ സെന്റ് ജോസഫ്സ് ദേവാലയത്തിലേക്ക് മാറ്റിയതായി ഫാ.ജോസ് അഞ്ചാനിക്കൽ അറിയിച്ചു.
ആഗോള തലത്തിൽ സുവിശേഷവേല ചെയ്തുവരുന്ന വിൻസൻഷ്യൻ കോൺഗ്രിഗേഷന്റെ നേതൃത്വത്തിലാണ് ഈ വർഷത്തെ
റീജണൽ ബൈബിൾ കൺവെൻഷനുകൾ ജോസഫ് സ്രാമ്പിക്കൽ പിതാവ് ക്രമീകരിച്ചിരിക്കുന്നത്. പ്
ഗ്രെയ്റ്റ് ബ്രിട്ടൻ രൂപതയുടെ അഭിവന്ദ്യ അദ്ധ്യക്ഷൻ മാർ സ്രാമ്പിക്കൽ ആഘോഷമായ വിശുദ്ധ കുർബ്ബാനയിൽ മുഖ്യ കാർമ്മികത്വം വഹിച്ചു അനുഗ്രഹ പ്രഭാഷണം നടത്തുന്നതാണ്. മാഞ്ചസ്റ്റർ റീജണിലെ ഇതര വൈദികരും സഹകാർമ്മികരാവും.
ഇന്ന്, വെള്ളിയാഴ്ച രാവിലെ 9:00 മണിക്ക് പരിശുദ്ധ ജപമാല സമർപ്പണത്തോടെ ആരംഭിക്കുന്ന കൺവെൻഷൻ ശുശ്രുഷകൾ വൈകുന്നേരം 4:30 നോടെ സമാപിക്കും.
മാഞ്ചസ്റ്റർ റീജണിലെ എല്ലാ കുർബ്ബാന കേന്ദ്രങ്ങളിൽ നിന്നും ഏവരെയും അനുഗ്രഹദായകമായ ഈ തിരുവചന വിരുന്നിലേക്കു സസ്നേഹം സ്വാഗതം ചെയ്യുന്നതായും, വേദിയുടെ മാറ്റം ശ്രദ്ധിക്കണമെന്നും കൺവീനർ ഫാ.ജോസ് അഞ്ചാനിക്കൽ അറിയിച്ചു.
Manchester Regional Convention Venue:
St.Josephs Church, Longsight, Portland Crescent, manchester M13 0BU
Leave a Reply