ന്യൂസ് ഡെസ്ക്, മലയാളം യുകെ
വോൾവർഹാംപ്ടണിലെ ഒരു വീട്ടിലുണ്ടായ തീപിടുത്തത്തിൽ രണ്ടു പേർ മരിച്ച സംഭവത്തിൽ ഒരാൾ കൂടി അറസ്റ്റിലായി. 46 കാരനായ ഒരാളെ കൂടിയാണ് ഇപ്പോൾ അറസ്റ്റ് ചെയ്തത് . നേരത്തെ 19 ഉം 20 ഉം വയസ്സ് പ്രായമുള്ള രണ്ട് യുവാക്കളെ കൊലപാതക കുറ്റം ചുമത്തി പോലീസ് അറസ്റ്റ് ചെയ്തിരുന്നു.
തീപിടുത്തത്തിൽ നാലു പേർ ഗുരുതരാവസ്ഥയിൽ ആശുപത്രിയിലാണ്. തീപിടുത്തത്തിൽ ഗുരുതരമായ പരിക്കേറ്റ രണ്ടു സ്ത്രീകളും സംഭവ സ്ഥലത്ത് വെച്ചു തന്നെ മരിക്കുകയായിരുന്നുവെന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്. മരിച്ച രണ്ട് സ്ത്രീകളും 20 വയസിൽ താഴെ പ്രായമുള്ളവരാണ്.
അറസ്റ്റിലായവർ മരിച്ച സ്ത്രീകളുമായി പരിചയത്തിലുള്ളവരാണെന്ന് പോലീസ് അറിയിച്ചു. മൂന്ന് പുരുഷന്മാരും ഒരു സ്ത്രീയുമാണ് ആശുപത്രിയിൽ ചികിത്സയിൽ കഴിയുന്നത്. ഇവരിൽ സ്ത്രീയുടെ നില ഗുരുതരമാണ്. സംഭവത്തെ തുടർന്ന് ഫയർഫോഴ്സും പോലീസും അടിയന്തിരമായി സ്ഥലത്തെത്തി രക്ഷാപ്രവർത്തനം നടത്തിയിരുന്നു. തീപിടുത്തത്തിന്റെ കാരണങ്ങളെ കുറിച്ച് ഫയർഫോഴ്സും പോലീസും സംയുക്തമായി അന്വേഷണം നടത്തി വരുകയാണ്.
Leave a Reply